ကောင်းကောင်းအိပ်ပျော်စေဖို့ သင့်အိပ်ခန်းကို ပြင်ဆင်ရမယ့် အရာ (၄) ခု

Updated 17th Sep 2018

Written by

Duwun, Shweproperty

၁ - အလင်းရောင်

အိပ်ခန်းတွင်းမှာ အလင်းရောင်ဟာ အလွန်အရေးပါပါတယ်။ မီးအလင်းရောင်သာ မကဘဲ အပြင်ဘက်အလင်းနဲ့ပါ ဟန်ချက်ညီဖို့ လိုပါတယ်။ သဘာဝ နေရောင်ဟာ အိပ်ခန်းတွင်းက ပိုးမွှားတွေကိုလည်း သတ်ပေးနိုင်ပါတယ်။ အိပ်ခန်းထဲမှာ စာကြည့်တတ်ရင် မျက်လုံးထိခိုက်ခြင်းမရှိစေဖို့ မီးအလင်းရောင်ကိုလည်း ဂရုစိုက်ရမှာ ဖြစ်ပါတယ်။

၂ - အပင်

အပင်တွေဟာ အလှအပတွက်သာမကဘဲ အိပ်ခန်းတွင်း လေသန့်ဖို့အတွက်လည်း အထောက်အပံ့ဖြစ်ပါတယ်။ အသက်ရှုပြီး ပြန်လည်ထုတ်လွှင့်လိုက်တဲ့ ကာဗွန်ဒိုင်အောက်ဆိုက်ကို အပင်တွေက အောက်ဆီဂျင်အဖြစ် ပြောင်းလဲပေးတာ ဖြစ်ပါတယ်။ အပင်ကြီးတွေက အိပ်ခန်းတွေအတွက် အဆင်မပြေတဲ့အတွက် အရွယ်အစားသေးငယ်တဲ့ အပင်လေးတွေကို ထားပေးသင့်ပါတယ်။

၃ - အသံ

အိပ်စက်မှုကို နှောင့်ယှက်မယ့် အပြင်ဘက်က အသံပေါင်းများစွာ ရှိပါတယ်။ ခွေးဟောင်သံ၊ ကားဟွန်းသံနဲ့ စတဲ့ အသံမျိုးတွေ ဖြစ်ပြီး ဒီအသံတွေကို အတတ်နိုင်ဆုံး တားဆီးထားဖို့အရေးကြီးပါတယ်။ သင့်အခန်းဟာ နံရံပါးတယ်ဆိုရင် အသံစုပ်ယူမယ့် ပစ္စည်းမျိုးတွေကို တပ်ပေးသင့်ပါတယ်။

၄ - အိပ်ရာ

အိပ်ရာအတွက် ငွေကြေးကောင်းကောင်း သုံးစွဲသင့်ပါတယ်။ ကြုံသလို အိပ်တတ်တာ ကောင်းပေမဲ့ သင့်အိပ်စက်ချိန်ဟာ သင်အနားယူတဲ့အချိန်ဖြစ်တဲ့အတွက် သင့်အိပ်ရာအတွက် ကောင်းကောင်းရင်းနှီးမြှပ်နှံသင့်ပါတယ်။

Ref & Photo Credit : Duwun

Posted By : Sint Sint (ShweProperty.com)

Recommended

Get daily fresh news delivered to your inbox

By subscibing you agree to our privacy policy