Updated 24th Aug 2016
Thutazone, Shweproperty
အဆိပ်အတောက် ဓာတုပစ္စည်းတွေနဲ့ ထိတွေ့မိတဲ့အခါ ခန္ဓာကိုယ်မှာ ဆိုးဆိုးရွားရွား နာကျင်မှုတွေ မဖြစ်စေဖို့ လိုက်နာ ဆောင်ရွက်သင့် တာတွေ ကို ဖော်ပြပေး လိုက်ပါတယ်။
မျိုချမိသည့်အခါ
- ရေဒါမှမဟုတ် နွားနို့ နည်းနည်းကို အမြန်ဆုံး သောက်လိုက်ပါ။
- နီးစပ်တဲ့ ဆေးရုံ၊ ဆေးခန်းတွေဆီ အမြန်ဆုံးသွားပြီး ကုသမှု ခံယူပါ။
မျက်လုံးထဲ ဝင်သွားသည့်အခါ
- ရေနဲ့ အမြန်ဆုံး ဆေးကြောပေးပါ။
- အချိန် စက္ကန့်ပိုင်းလေးအတွင်းမှာပဲ ဂရုမစိုက်ရင် မစိုက်သလို ဆိုးကျိုးများတာ ကြောင့် အချိန်မဆွဲပါနဲ့။ အတတ်နိုင်ဆုံး ချက်ချင်း ဆောင်ရွက်ပေးပါ။
- မျက်ကပ်မှန် ဝတ်ဆင်ထားရင် မြန် မြန်ချွတ်လိုက်ပြီး မျက်လုံးကို ရေနဲ့ မြန်မြန် ပြန်ဆေးကြောပါ။
- သာမန်အခန်း အပူချိန်မှာရှိတဲ့ ရေနဲ့သာ ဆေးပါ။ ရေနွေးနဲ့ဆေးတာ၊ ရေအေးအေးနဲ့ ဆေးတာမျိုး မပြုလုပ်သင့်ပါဘူး။
- လက်နဲ့ အရမ်းပွတ်စရာ မလိုပါဘူး။ အသာအယာ ဖွဖွပွတ်ပေးပြီး အနည်းဆုံး မိနစ် ၂၀ ခန့် အချိန်ပေးပြီး သန့်စင်ပေးပါ။
- ဆေးနေတဲ့အချိန်မှာ မျက်တောင် ခဏခဏ ခတ်ပေးပါ။
- မိနစ် ၂၀ ကျော်ရင်တော့ သက်ဆိုင်ရာ ဆေးရုံ၊ ဆေးခန်းကို သွားပြီး ကုသမှု ခံယူပါ။
- တကယ်လို့ မျက်လုံးထဲမှာ နာကျင် ပြီး နီရဲတာ၊ ရောင်ရမ်းတာဖြစ်လာရင်တော့ မျက်စိအထူးကု ဆရာဝန်တွေနဲ့ စစ်ဆေးဖို့ လိုအပ်ပါတယ်။
အရေပြားပေါ် ထိခိုက်မိသည့်အခါ
- ရေနဲ့ အမြန်ဆုံး ဆေးကြောတာက အရင်ဆုံး မဖြစ်မနေ ပြုလုပ်ရမယ့် အချက် ဖြစ်ပါတယ်။
- အဝတ်အစားကတစ်ဆင့် အရေပြားပေါ် လောင်တဲ့အခါ အဲဒီ ထိခိုက်ထားတဲ့ အဝတ်ကို အမြန်ဆုံး ဖယ်ရှားလိုက်ပါ။
- အချိန်နဲ့အမျှ အရေးကြီးတာကြောင့် ဘာဖြစ်ဖြစ် အချိန် မကြာသင့်ပါဘူး။
- သာမန် အခန်းအပူချိန်မှာ ရှိတဲ့ရေနဲ့ ၁၅ မိနစ် အချိန်ယူပြီး ထိခိုက်မိထားတဲ့ နေရာကို ဆေးကြောပေးပါ။
- အရေပြားကို နေရာအတော်များများ ထိခိုက်မိတာ ဥပမာတစ်ကိုယ်လုံးလောင် ကျွမ်းထားတဲ့ အနေအထားဆိုရင်တော့ ရေချိုးပေးရပါမယ်။
- အားပျော့တဲ့ဆပ်ပြာ အနည်းငယ်ကို အသုံးပြုပြီး အရေပြားမှာ ကပ်ကျန်နေတဲ့ အဆိပ်အတောက်တွေကို ပွတ်ထုတ်ပေးပါ။
- အရေးအကြီးဆုံးကတော့ ၁၅ မိနစ် ခန့် အချိန်ယူပြီး ထိခိုက်မိထားတဲ့ အရေပြားနေရာကို သေသေချာချာ ပွတ်တိုက် ထုတ်ပေးသင့်တာပဲ ဖြစ်ပါတယ်။
ရှူရှုက်မိသည့်အခါ
- အပေါ်မှာ ပြောခဲ့သလိုပဲ။ ရှူရှိုက်မိတဲ့အခါ ၁၅ မိနစ်လောက် အချိန်ယူပြီး နှာခေါင်းတစ်ဝိုက်ကို ဆေးကြောပေးပါ။
- တကယ်လို့ နှာခေါင်းနဲ့ ပါးစပ်နေရာတွေမှာ လောင်ကျွမ်းနေသလိုလို ပူပြီး နာကျင်တာ၊ အနီရောင်ဖြစ်နေတာ၊ ရောင်ရမ်းတာ ပိုဆိုးလာမယ်ဆိုရင် သက် ဆိုင်ရာ ဆရာဝန်တွေဆီ အမြန်ဆုံးသွား ဖို့ လိုအပ်ပါတယ်။
- အဆိပ်အတောက်ပါတဲ့ ဓာတုပစ္စည်းတွေ ထိမိထားတဲ့နေရာကို အမှုမဲ့ အမှတ်မဲ့ မနေဘဲ သတိထား စောင့်ကြည့်နေသင့် ပါတယ်။
Ref : Thutazone
Photo Credit : fitgirl
Posted By : Wai Phyoe
Recommended
Get daily fresh news delivered to your inbox
By subscibing you agree to our privacy policy
Renovate & Furnish
Living Style and Home Services
Top Videos
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
ဖုန်းခေါ်ဆိုခြင်းအတွက် ကျေးဇူးတင်ပါတယ်။
ယခုရုံးချိန်ပြင်ပ/ ရုံးပိတ်ရက်များဖြစ်နေပါသဖြင့် လူကြီးမင်း၏ နာမည်နှင့် ဖုန်းနံပါတ်တို့ကို သက်ဆိုင်ရာ အရောင်းကိုယ်စားလှယ်များထံသို့
ပေးပို့ထားနိုင်ပါသည်။
သက်ဆိုင်ရာ အရောင်းကိုယ်စားလှယ်များမှ လူကြီးမင်းတို့ထံ ပြန်လည်ဆက်သွယ်ပါမည်။