သံပုရာစိတ်လေး တစ်စိတ်ထဲမှာ ဘက်တီးရီးယားပေါင်း ဘယ်လောက်ပါလဲ

Updated 19th Oct 2016

Written by

Trend Myanmar, Shweproperty

သင်သောက်လိုက်တဲ့ ဖျော်ရည်ခွက်ထဲက သံပုရာစိတ်လေးတစ်စိတ်၊ စားစရာတွေထဲကို ညှစ်ပြီးထည့်စားလိုက်တဲ့ သံပုရာသီးစိတ်လေးတစ်စိတ်မှာ ဘက်တီးရီးယားပိုးပေါင်းများစွာ ပါသွားနိုင်တယ်ဆိုတာကို သင်သတိထားမိဖူးပါသလား။ တော်တော်များများကတော့ အမှုမဲ့ အမှတ်မဲ့နဲ့ စားဖြစ်သွားတာ များပါတယ်။

သစ်သီးစိတ်လေးတွေ၊ သံပုရာသီးစိတ်လေးတွေက ဖျော်ရည်အဖြစ်ပဲဖြစ်ဖြစ်၊ အချိုတည်းစရာတစ်ခုအဖြစ်ပဲဖြစ်ဖြစ်၊ ကျန်းမာရေးအတွက်ပဲဖြစ်ဖြစ် အကောင်းဆုံး စားစရာတွေလို သတ်မှတ်ထားကြပါတယ်။ ဒါပေမဲ့ တကယ်တော့ သူတို့လေးတွေက ကျွန်မတို့စားမယ့် အစားအသောက်တွေထဲ မရောက်မီမှာ နေရာမျိုးစုံကို ရောက်ခဲ့ကြပါတယ်။ အသီးအနှံတွေဆိုတာ အများအားဖြင့် ပိုးမွှားတွေသေစေနိုင်လောက်တဲ့ အပူပေးနည်းတွေ မသုံးဘဲ အစိမ်းစားရတဲ့အရာတွေဖြစ်တဲ့အတွက် ကူးစက်ပိုးတွေကူးနိုင်ဖို့အတွက် ပိုပြီးတော့ လွယ်ကူပါတယ်။

လေ့လာမှုတစ်ခုအရ စားသောက်ဆိုင်ပေါင်း ၂၁ ဆိုင်မှာသုံးတဲ့ သံပုရာသီးစိတ်အားလုံးရဲ့ ၇၀%မှာ မတူညီတဲ့ ဘက်တီးရီးယားအမျိုးပေါင်း ၂၅ မျိုးခန့်ကို တွေ့ရှိခဲ့ကြပါတယ်။ ဒီဘက်တီးရီးယားပိုးအားလုံးက ကူးစက်ရောဂါပိုးတွေကို ဖြစ်စေနိုင်တယ်လို့ သုတေသီတွေက ဆိုကြပါတယ်။ အဏုဇီဝနဲ့ ပိုးမွှားဗေဒပညာ ပါမောက္ခတစ်ဦးက သစ်သီးစိတ်တွေမှာ အရေပြားဆဲသေလ်တွေ၊ အသက်ရှူလမ်းကြောင်းက စွန့်ထုတ်တဲ့အညစ်အကြေးတွေနဲ့ မစင်တွေမှာ တွေ့ရတတ်တဲ့ ဝမ်းကိုက်ပိုးလို ဘက်တီးရီးယားပိုးတွေကိုတောင် တွေ့ရှိရတတ်တယ်လို့ ဆိုပါတယ်။ အသီးအနှံတွေကို စင်ကြယ်အောင်ဆေးပေမယ့်လည်း ကိုင်တွယ်တဲ့သူရဲ့ လက်ကနေ ပိုးမွှားတွေ ကူးစေနိုင်ပါတယ်။

ဘက်တီးရီးယားပိုးဆိုတာ နေရာတိုင်းမှာ ရှိနေတဲ့အတွက် ဘက်တီးရီးယားပိုးတွေကနေ လုံးဝကင်းရှင်းအောင် ကာကွယ်လို့မရနိုင်ပေမဲ့ ကိုယ်စားမယ့်အစားအသောက်တွေကို အထူးသတိပြုပြီးမှ စားသုံးတာအကောင်းဆုံးပဲ ဖြစ်ပါတယ်။

Ref & Photo Credit : Trend Myanmar

Posted By : Wai Phyoe

Recommended

Get daily fresh news delivered to your inbox

By subscibing you agree to our privacy policy