Property Titles

ထမင်း၊ ဟင်းချက်တဲ့ ဒယ်အိုးတွေရဲ့ အောက်ခြေက ဟင်းချိုးတူးတဲ့နေရာတွေကို ဘယ်လိုသန့်ရှင်းမလဲ?

Updated 17th May 2018

Written by

Saint Sandi Htet (ShweProperty.com), Shweproperty

သင့်ရဲ့မီးဖိုချောင်ထဲက ဒယ်အိုးအောက်ခြေတွေမှာ ထမင်း၊ ဟင်းချက်တဲ့အခါ မီးအားပြင်းပြင်းသုံးမိလို့ မီးကျွမ်းရာတွေ စွဲထင်ပြီး ဒယ်အိုးတွေရဲ့ အောက်ခြေတွေ မဲနေတယ်ဆိုရင် စိတ်မပူပါနဲ့။ ဒါကိုဖြေရှင်းပေးမယ့် ရိုးရှင်းတဲ့ နည်းလမ်းလေးတွေရှိတယ်နော်။

(၁) မီးကျွမ်းရာစွဲထင်နေတဲ့ အိုးထဲကို ရေအနည်းငယ်နဲ့ ပန်ကန်ဆေး ဆပ်ပြာဆီအနည်းငယ်ထည့်ပြီး အိုးကို မီးဖိုပေါ်တင်ပါ။ အမြှုပ်ထပြီး ပွက်လာတဲ့အထိ မီးဖိုပေါ်မှာထားပါ။

(၂)အိုးမှာကပ်နေတဲ့ ချိုးတူရာ ပမာဏပေါ်မူတည်ပြီး မီးဖိုပေါ်မှာရှိတဲ့ ဒယ်အိုးကို (၁၅)မိနစ် ဒါမှမဟုတ် မိနစ် (၂၀) လောက်ထားပေးပါ။ အဲဒီအချိန်အတွင်းမှာပဲ နူးပျော့လာတဲ့ ချိုးတူရာတွေကွာကျဖို့ ဇွန်းထိပ်ကိုအသုံးပြုပြီး ခြစ်ပေးပါ။

(၃)တော်တော်များများကို ဇွန်းနဲ့ခြစ်ထုတ်ပြီးသွားတဲ့အခါမှာ အိုးကို ပန်ကန်ဆေးတဲ့ အဝတ်နဲ့ ပွတ်တိုက်ပေးပါက ချိုးတူးရာတွေ ပြောင်စင်သွားမှာပါ။

(၄)အကယ်၍အိုးက Stainless Steel အိုး ဆိုရင် Stainless Steel Cleaner ကို အသုံးပြုပြီး သန့်ရှင်းပေးနိုင်ပါတယ်။

ဒယ်အိုးတွေကို ချိုးမတူးစေဖို့ ကာကွယ်နည်းတွေကတော့

(၁)ဟင်းချက်နေချိန်မှာ မီးအပူကို အတင်းအလျှော့ပြုလုပ်ပြီး ချက်ပြုတ်ပါ။

(၂)သင်အသုံးပြုတဲ့ ဒယ်အိုးက Non-Stick အမျိုးအစားဖြစ်ခဲ့မယ်ဆိုရင် မီးအပူချိန်ကို 500 ံF ကျော်ပြီး အသုံးမပြုသင့်ပါ။

(၃)အကယ်၍ သင်ချက်ပြုတ်မယ့် ဟင်းအမျိုးအစားက အပူချိန်မြင့်မြင့် အသုံးပြုပြီး ချက်ပြုတ်ရမယ်ဆိုပါက Stainless Steel အိုးအမျိုးအစားကို အသုံးပြုပါ။

Written By : Saint Sandi Htet (ShweProperty.com)

Posted By : Sint Sint (ShweProperty.com)

Recommended

Get daily fresh news delivered to your inbox

By subscibing you agree to our privacy policy