နည်း (၇) သွယ် သိရုံနဲ့ ပိုက်ဆံစုနိုင်ပြီ

Updated 3rd Nov 2016

Written by

Mizzima, Shweproperty

လူတိုင်း ပိုက်ဆံ စုချင်ကြပါတယ်၊ ဒါပေမယ့် လက်တွေ့ဖြစ်လာဖို့ ခက်ခဲပါတယ်။ တော်တော်များများက ပစ္စည်း အသစ်အဆန်းလေးတွေ ဒီဇိုင်းအသစ် အဆန်းလေးတွေ ပေါ်ပြီဆိုရင် အပြိုင်အဆိုင် ဝယ်ချင်ကြတယ် မဟုတ်လား။ ပိုက်ဆံ စုမယ်စုမယ်ဆိုတာလည်း အပြောပဲရှိ လက်တွေ့က အကောင်အထည် မဖော်ဖြစ်ဘူးမဟုတ်လား။ ဒါဆိုရင် နည်းလမ်း ကောင်းလေးတွေကို ပြောပြပေးမယ်နော်.......

နည်းလမ်း (၁) အရာအားလုံးကို ရေးချပါ။ သင် ဈေးဆိုင်မသွားခင်မှာ သင်လိုအပ်တဲ့ အရာတွေအားလုံးကို စာရင်းချရေးပါ။ ဈေးဆိုင် မသွားခင် ဝဝလင်လင် အစားစားသွားပါ။ ဗိုက်ဆာနေတဲ့ အချိန်မှာ မုန့်တွေကို ပိုဝယ်တတ်လို့။

နည်းလမ်း (၂) မိမိကိုယ်တိုင်ပြုလုပ်ပါ။ ဈေးကြီးကြီး ကော်ဖီတွေ မုန့်တွေကို ဆိုင်မှာ ဝယ်စားမယ့်အစား ကိုယ်ကိုယ်တိုင် ဖန်တီးကြည့်ပါ။

နည်းလမ်း (၃) ငွေသားအသုံးပြုပါ။ ATM Card တွေဆောင်သွားမယ့်အစား ငွေသားကို လိုအပ်သလောက်ပဲ ထည့်သွားပါ။

နည်းလမ်း (၄) မကြာခဏ ညစာအပြင်ထွက်စားခြင်းကို ရပ်တန့်လိုက်ပါ။ ရုံးကပြန်တိုင်း ညစာ အပြင်ထွက်စားခြင်းဟာ ကုန်ကျစရိတ် အင်မတန် များစေပါတယ်။ တစ်လမှာ လစာထုတ်တဲ့ရက် တစ်ရက်လောက်သာ အပြင်ထွက်စားခြင်း ပြုလုပ်သင့်ပါတယ်။

နည်းလမ်း (၅) နေ့လည်စာ ထမင်းဘူးထည့်ပါ။ နေ့လည်စာကို နေ့တိုင်း အပြင်ဝယ်စားခြင်းဟာ သင့်ကို ကုန်ကျစရိတ် အင်မတန်ထောင်း စေပါတယ်။ ဒါ့ကြောင့် နေ့လည်စာ ထမင်းဘူးထည့် သွားသင့်ပါတယ်။

နည်းလမ်း (၆) သုံးရက်တာ စည်းကမ်းကို လိုက်နာပါ။ တစ်ခုခု ဝယ်ချင်စိတ် ပေါက်လာရင် ပစ္စည်းမဝယ်ခင် သုံးရက်လောက် စောင့်ပါ။ သုံးရက် ကြာသွားတာတောင်မှ ဝယ်ချင်သေးတယ်ဆိုရင်တော့ ဝယ်လိုက်ပါ။

နည်းလမ်း (၇) ပိုက်ဆံစုရတဲ့ ရည်ရွယ်ချက် ထားရှိပါ။ ကားဝယ်ဖို့ အိမ်ဝယ်ဖို့ အစရှိသဖြင့် ရည်မှန်းချက် တစ်ခုခုထားရှိပါ။ ရည်မှန်းထားတဲ့ ပစ္စည်းလေးကို ဝယ်နိုင်တဲ့နေ့မှာ အပျော်ရွှင်ဆုံး ဖြစ်မှာပါ။ ဒီအချက်လေးကို လိုက်နာပြီး ပိုက်ဆံလေးတွေကို များများစုနိုင်ပါစေ။

Ref : Mizzima

Posted By : Wai Phyoe

Recommended

Finance & Legal

ဘဝကို ဟန်ချက်ညီညီနေထိုင်ဖို့ ပိုက်ဆံစုနည်း (၆) နည်း

Kitchen

အအေးမိဖျားနာတာကို သက်သာပျောက်ကင်းစေတဲ့ အိမ်တွင်းဆေးဝါးများ

Storage

ဘဝမှာ အောင်မြင်မှုဆီသို့ ဦးတည်လျှောက်လှမ်းနိုင်မယ့် ခြေလှမ်း (၉) ခု

Get daily fresh news delivered to your inbox

By subscibing you agree to our privacy policy