ပန်းတွေနဲ့ဝေ ဥယျာဉ်လေးကို ဂရုစိုက်ကြမယ်

  ဆောင်းရာသီအေးအေးလေးဝယ် ဥယျာဉ်လေးထဲမှာ ပန်းပင်လေးတွေ၊ သီးပင်လေးတွေ၊ သစ်ပင်လေးတွေကို စိုက်ပျိုးရတာဟာ လူတွေအတွက် စိတ်ကိုနုပျိုလန်းဆန်းစေပြီး ကျန်းမာရေးကောင်းစေပါတယ်။သက်ကြီးရွယ်အိုဘိုးဘွားတွေအနေနဲ့လည်း အဖော်မဲ့အထီးကျန်ဆန်မှုတွေကို ဥယျာဉ်လေးကို ပြုစုပျိုးထောင်ပေးခြင်းဖြင့် အကောင်းဆုံး စိတ်အပန်းပြေမှုကို ရရှိနိုင်ပါတယ်။ ဥယျာဉ်ခြံလေးလို့ ဆိုရာမှာ   မြေပြင်ကွက်လပ်ကြီးပေါ်မှာမှ ဥယျာဉ်ခြံလေးဖြစ်တာမဟုတ်ပါ။ မိမိတို့ရဲ့ တိုက်အထပ်ဝရံတာလေးပေါ်မှာလည်း ချစ်စဖွယ် ဥယျာဉ်ခြံလေးတစ်ခုကို ဖန်တီးလို့ရနိုင်ပါတယ်။

ဒါပေမယ့် ဥယျာဉ်လေးထဲမှာ ပန်းပင်တွေ၊ သစ်ပင်လေးတွေဝေဝေဆာဆာနဲ့ စိမ်းစိုလှပနေစေဖို့ ဥယျာဉ်ခြံလေးကို ကောင်းစွာ ဂရုစိုက်တတ်ဖို့လိုပါတယ်။ အောက်ဖော်ပြပါ အချက်လေးတွေက  ဥယျာဉ်လေးကို ဂရုစိုက်နိုင်ဖို့  ကောင်းစွာ အထောက်အကူပြုနိုင်ပါတယ်။

  မြေသြဇာကောင်းအောင်လုပ်ခြင်း

ရာသီခွင်အတွင်းမှာ ပန်းပင်လေးတွေ၊ သစ်ပင်လေးတွေ ကောင်းစွာ ဖူးပွင့်ရှင်သန်နိုင်ဖို့ မြေဆီလွှာထဲမှာ အာဟာရဓာတ်လုံလောက်စွာ ရှိနေဖို့လိုအပ်ပါတယ်။ ဒီအတွက်  နွားချေး ဒါမှမဟုတ် သစ်ပင်အဆွေးအမြည့်တွေ၊ သစ်ရွက်အဆွေးအမြည့်တွေလိုမျိုး  မြေဆီလွှာကို အားကောင်းစေမယ့် သဘာဝမြေဆီသြဇာကို နှစ်စဉ်ထည့်ပေးနိုင်ပါတယ်။ ဒါဟာ သင့်အနေနဲ့ ဝယ်ယူ အသုံးပြုရမယ့်ဓာတ်မြေသြဇာကို ကောင်းစွာ လျော့ချခြင်းဘဲဖြစ်ပါတယ်။ ဓာတ်မြေသြဇာဖြစ်ဖြစ်၊ သဘာဝမြေသြဇာဖြစ်ဖြစ် ဒီမြေသြဇာတွေဟာ အပင်တွေလိုအပ်တဲ့အာဟာရဓာတ်ကို ကောင်းစွာပေးစွမ်းပါတယ်။ဒါပေမယ့် နည်းစနစ်ကျဖို့လိုပါလိမ့်မယ်။ဒီအတွက် အောက်မှာ လမ်းညွန်ချက်အချို့ကိုဖော်ပြပေးထားပါတယ်။

လမ်းညွှန်ချက်

    ဥယျာဉ်ခြံထဲမှာ အပင်လေးတွေဟာ ထည့်လိုက်တဲ့ဓာတ်မြေသြဇာနဲ့ အဆင်ပြေမှုရှိမရှိဆိုတာ သိနိုင်ဖို့ မြေဆီလွှာထဲမှာ ထည့်မယ့် ဓာတ်မြေသြဇာကို စမ်းသပ်စစ်ဆေးထောက်ခံချက်ရဖို့လိုပါတယ်။

    အပင်လေးတွေမှာ အာဟာရဓာတ်ကုန်ခမ်းလာပြီဆိုရင် အရွက်တွေဟာ အရောင်ဖျော့လာမယ်၊ ကြီးထွားမှုအားနည်းလာမယ်၊ တစ်ဖြည်းဖြည်းနဲ့ အိပျော့နွမ်းဖတ်လာပါလိမ့်မယ်။

ညွှန်ကြားချက်အတိုင်းလိုက်နာဆောင်ရွက်ပါ

    ခရမ်းချဉ်သီး ၊ သခွားမွှေးသီး နဲ့ ငရုတ်ကောင်း အစရှိတဲ့ အသီးတွေအတွက် အပင်မှာ အရွက်ကြီးထွားနှုန်းအားကောင်းအောင် သဘာဝမြေသြဇာ ကိုရော၊ ဓာတုဓာတ်မြေသြဇာကိုရောများများ အသုံးပြုနိုင်ပါတယ်။  

    အပင်စိုက်ပျိုးချိန်မှာ ထောက်ခံချက်ရှိထားတဲ့ ဓာတ်မြေသြဇာကို တစ်ဝက်လောက် အသုံးပြုနိုင်ပါတယ်။ နောက်ပိုင်း အပင်မှာ သီးပွင့်ချိန်ရောက်မှ ကျန်တဲ့ဓာတ်မြေသြဇာကို အသုံးပြုပါ။ ဥပမာ-  အပင်မှာ ဓာတ်မြေသြဇာအားကောင်းခဲ့ရင် အစိမ်းရောင်အသီးလေးတွေ စတင်သီးလာပြီး သိပ်မကြာခင်မှာ အသီးများများ သီးလာမှာဖြစ်ပါတယ်။

    မြေဆီလွှာပေါ်မှာ မျိုးစေ့မချခင် စိုက်ပျုးိမယ့်နေရာတစ်ဝိုက်မှာ သစ်ရွက်ဆေးမြေသြဇာပါးပါးလေး အသုံးပြုပေးပါ။

 ရေလောင်းခြင်း

ဟင်းသီးဟင်းရွက်ပင်တွေနဲ့သီးပင်စားပင်တွေကို  ၇၅ % က နေ ၉၅ % အထိ ရေလောင်းပေးရပါမယ်။ မြေဆီလွှာမှာ လုံလောက်တဲ့ ရေဓာတ်ပမာဏရရှိခြင်းဟာ အသီးအနှံတွေကို  အရည်ရွှမ်းအောင်၊ စားကောင်းအောင် ၊အပင်ကြီးထွားနှုန်းကောင်းအောင်၊ အထွက်နှုန်းကောင်းအောင် ကောင်းစွာ အထောက်အကူပြုစေပါတယ်။

    ပုံမှန်အားဖြင့် အပင်ဖွံ့ဖြိုးစ ရက်သတ္တပတ်အတွင်းမှာ ၊ အပင်ကိုနေရာရွေ့ပြောင်းစိုက်ပျိုးပြီးတဲ့ချက်ချင်းမှာ ၊အပင်ရဲ့ အစိတ်အပိုင်းတွေကြီးထွားလာတဲ့ ကာလအတွင်းမှာ အပင်ရေကိုများများလောင်းပေးဖို့လိုပါတယ်။

    အပင်ကို တိမ်တိမ်လေးစိုက်ပျိုးခြင်းကို ရှောင်ကြဉ်ပါ။ အကြိမ်များများ ရေလောင်းပေးပါ။

အပင်ကိုတိမ်တိမ်လေးစိုက်ပျိုးခြင်းဟာ ရေဓာတ်ခမ်းခြောက်ပြီး ပျက်စီးသွားနိုင်ပါတယ်။

    လက်နဲ့ရေလောင်းပေးတဲ့အခါ အပင်ရဲ့အောက်ခြေ မြေဆီလွှာကို စိုစွတ်အောင်လောင်းပေးပါ။ အပင်ရဲ့အဖျားပိုင်းကို ရေလောင်းပေးခြင်းဟာ အပင်ကို ရှင်သန်မှုအားနည်းစေပါတယ်။ ဒါပေမယ့်အပင်အေးစေဖို့ အထောက်အကူတစ်ခုတော့ဖြစ်စေပါတယ်။ ပူတဲ့ရာသီတွေမှာဆိုရင် အကျုးိပြုတဲ့အင်းဆက်ပိုးမွှားတွေအတွက် အစိုဓာတ်ပေးပါ။

    ဖြစ်နိုင်ရင် မနက်မိုးလင်းပိုင်းမှာ ရေလောင်းတာ ပိုကောင်းပါတယ်။ ဘာကြောင့်လဲဆိုတော့ အပင်တွေရဲ့ပြသနာတွေဟာ ညဉ့်ပိုင်းအေးတဲ့အချိန်၊ အရွက်မျက်နှာပြင်မှာ စိုစွတ်နေတဲ့အချိန်မှာ အဖြစ်များတတ်လို့ပါဘဲ။

 ပေါင်းပင်၊မြက်ပင်

  ပေါင်းပင် ၊မြက်ပင်ဆိုတာ အပင်ဆိုပေမယ့် ပတ်ဝန်းကျင်ကို အနှောင့်အယှက်ပေးဖို့ကောင်းစွာ ကြီးထွားနေတာဘဲဖြစ်ပါတယ်။ ဥယျာဉ်မှုးအများစုအတွက် ဒီလိုအပင်တွေဟာ အနှောင့်အယှက်ပေးတဲ့အပင်တွေဘဲဖြစ်ပါတယ်။ သူတို့ဟာ ဥယျာဉ်ခြံက အပင်တွေ ရေနဲ့ အာဟာရဓာတ်တွေလုံလောက်စွာ ရရှိဖို့အားထုတ်ကြရပါတယ်။အပင်လေးတွေ ပိုးမွှားမကိုက်ခံရအောင်လည်း ဟန့်တားကြရပါတယ်။ ဒါကြောင့် သူတို့အတွက် ကြီးထွားလာတဲ့ပေါင်းပင်၊မြက်ပင်တွေကိုရှင်းထုတ်ရတာဟာ အောင်မြင်တဲ့ ဥယျာဉ်လေးတစ်ခုဖြစ်ဖို့အတွက်ဘဲဖြစ်ပါတယ်။ဒီအတွက်ပေါင်းပင်တွေ မကြီးထွားလာရအောင် အပင်ရဲ့ပတ်ပတ်လည်မှာသဘာဝမြေဆီသြဇာတွေဖြစ်တဲ့မြေဆွေးတွေ၊ သစ်ရွက်ဆွေးတွေ၊ ကောက်ရိုးတွေကို ထားပေးပါ။

ဒါတွေဟာ ဥယျာဉ်လေးကိုပြုစုပျိုးထောင်နေသူတွေအတွက် မိမိတို့ရဲ့ ဥယျာဉ်ခြံလေး စိုပြေစိမ်းလန်းနေစေဖို့ ဂရုစိုက်ဆောင်ရွက်ရမယ့်အချက်တွေဖြစ်တာကြောင့် ဖော်ပြပေးလိုက်ရပါတယ်။

Ref : Yangon Life

Photo Credit : Yangon Life

Poste By : Wai Phyoe