“ဘိုးဘွားပိုင်မြေဆိုတာ ဘယ်လို မြေအမျိုးအစားလဲဆရာ။ မြေကိုခွဲ စိတ်ရောင်းချလို့ရပါသလား”ဟု မိတ် ဆွေဆရာဝန်ကြီး၏ သားဆရာဝန်က စာရေးသူထံ လာရောက်တိုင်ပင်ဆွေးနွေးပါသည်။
“ဘိုးဘွားပိုင်မြေဆိုတာ၊ လယ်ယာမြေစကားနဲ့ ပြောရင်တော့ ဓားမ ဦးချစတင်နေထိုင်တဲ့ နေရာဖြစ်တယ်။ ဘိုးစဉ်ဘောင်ဆက်အမွေ ဆက်ခံနေထိုင်လာကြတာဖြစ်ပါတယ်။ ဥပဒေအရ ပြောရရင်လည်း အောက်မြန်မာ နိုင်ငံ မြို့နှင့် ကျေးရွာ မြေများ အက်ဥပဒေပုဒ်မ (၄)၊ ပုဒ်မ ခွဲ (၁၀) အရ ဘိုးဘပိုင်မြေ (မြေပိုင် မြေ) ဆိုသည်မှာ ဘိုးဘွားမိဘလက်ထက်ကပင် ဓားမဦးချပိုင်ဆိုင်လာ၍ လွှဲပြောင်းဆက်ခံခွင့်ရှိသော မြေအမျိုး အစားဖြစ်သည် လို့ အဓိပ္ပာယ်ဖွင့်ဆို ထားပါတယ်။ မြေဝယ်ဖို့ စိတ်ကူးလို့လား”
“ဟုတ်ကဲ့။ သူငယ်ချင်းတစ်ယောက်ရဲ့ မြေကွက်ကို ခွဲရောင်းမယ်လို့ပြောတာနဲ့ စိတ်ကူးကြည့်မိတာပါ။ သူတို့ကလည်း အင်္ဂလန်မှာပဲ အနေများတော့ အမွေခွဲတဲ့ သဘောလားတော့ မသိဘူး”
“ကောင်းပါတယ်ကွယ်။ ဆရာ့ ရဲ့ အဖေလည်း အသက်ကြီးပြီ မဟုတ်လား”
“ဟုတ်ပါတယ်။ အမေနဲ့အဖေက တိုက်ခန်းမှာဆိုတော့ အတက်အဆင်း လမ်းလျှောက်ဖို့ကအစ အခက်အခဲ ရှိတယ် ဆရာ”
“ဒါနဲ့ ဆရာလည်း အင်္ဂလန်မှာပဲ မဟုတ်လား။ သမားတော်ဘွဲ့ရပြီး အင်္ဂလန်နိုင်ငံရှိ ဆေးရုံမှာပဲ အလုပ် လုပ်နေတယ်လို့ ဆရာကြီးနဲ့ တွေ့စဉ်က ပြောဖူးတယ်”
“ဟုတ်ပါတယ်။ ကျွန်တော်လည်း ဟိုမှာ ၁၀ နှစ်နီးပါးရှိနေပြီ”
“ငွေလည်း အတော်စုမိပြီပေါ့။ ဘာပဲဖြစ်ဖြစ် ခြံဝိုင်းလေးနဲ့ဆိုတော့ ပန်းပင်လေးတွေ စိုက်ရတာကအစ လူကြီးတွေအနေနဲ့ စိတ်ကြည်နူးမှုတော့ ရှိတာပေါ့”
“ဒါကြောင့်လည်း မြေဝယ်ဖို့ စိတ်ကူးမိတာပါ”
“အစောကပြောသလို ဘိုးဘွား ပိုင်မြေတွေကို ခွဲစိတ်ရောင်းချလွှဲ ပြောင်းပေးပိုင်ခွင့်ရှိတယ်။ ရောင်းမည့်သူနဲ့ မြေကွက်အမည်ပေါက်က တစ်ဦးတည်းလား၊ ဒါမှမဟုတ် မြေကွက်အမည်ပေါက်နဲ့ ဘယ်လိုဆက် စပ်မှုရှိသလဲဆိုတာ သေချာစုံစမ်းသိ ရှိဖို့ လိုတယ်”
“မြေကွက်က အကျယ်ကြီး ဆရာ။ သူ့အဘိုးအမည်ပေါက်လို့ ပြောပါတယ်။ မိသားစုတွေက အဆင် ပြေသလို တိုက်ဆောက်ပြီးနေကြတာ မျိုးတော့ ရှိတယ်”
“ဟုတ်ပါတယ်။ နှစ်ဧကလောက်ရှိတဲ့ မြေကွက်ထဲမှာ သားစဉ်မြေးဆက် အဆင်ပြေသလို မြေကွက်ပေါ်မှာ အိမ်ဆောက်နေလာခဲ့တာများတယ်။ သူစိမ်းတစ်ယောက်ကို လွှဲပြောင်းရောင်းပြီဆိုရင်တော့အတိုင်း အတာက အစ ခြံဝိုင်းထဲအဝင်အထွက် လမ်းကိစ်္စတွေပါ စဉ်းစားလာရတော့တယ်”
“ဟုတ်ကဲ့၊ အခုရောင်းမယ်ဆိုတဲ့ အိမ်က မြေကွက်ရဲ့ အတွင်းပိုင်း၊ အစွန်ဘက်ကျနေတယ်။ ဆရာပြောသလို သည အ့န မငါ့အ တပေ ဖြတ်သန်း သွားလာခွင့်ရှိဖို့တော့ လိုမယ်ထင်တယ်”
“မူလဝင်ပေါက်ကပဲ ခြံထဲကို ဝင်ခွင့်အသုံးပြုခွင့်ပေးဖို့၊ ဒါမှမဟုတ် သီးခြားကိုယ်ပိုင်လမ်းခွင့်ပြုဖို့ဆိုတာတွေ ရှိလာတယ်”
“ဒါဆိုရင် မြေတိုင်းပြီးမှ ဝယ်ရ မယ့် သဘောပေါ့နော်”
“မှန်ပါတယ်။ မြေတိုင်းရမယ်၊ မခွဲစိတ်ရသေးဘူးဆိုရင်လည်း မူလမြေကွက်ကြီးထဲကနေ ခွဲစိတ်ရမယ်။ ဝယ်သူရဲ့ အမည်နဲ့ မြေပုံသီးခြား ထွက်အောင် အဆင့်ဆင့်ဆောင်ရွက်သွားဖို့ လိုတယ်”
“ကျွန်တော့်ကို မြေပုံမိတ်္တူနဲ့ အပေးစာချုပ်လားမသိဘူး။ သိပ်တော့ မမှတ်မိတော့ဘူး။ စာချုပ်တစ်ခုကို ထုတ်ပြတယ်။ မြေပုံထဲမှာက မြေကွက်အကျယ်အဝန်းကို ဧကနဲ့ ဖော်ပြထားတယ်။ ပေနဲ့ ဖော်ပြမထားဘူး။ အခု မြေ ပြန်တိုင်းရင်းနဲ့ ပြန်တိုင်းရမှာပေါ့ ဆရာ”
“ခွဲစိတ်ဝယ်မယ်ဆိုရင်တော့ မြေတိုင်းဆင်းရမှာပဲလေ။ မြေတိုင်း မြေပုံနဲ့ အရောင်းမြေပုံဆိုတာ နှစ်မျိုး ကူးရမှာဖြစ်တယ်။ ဧကအကျယ်အဝန်းကို ပေနဲ့ဖွဲ့ပြီး တိုင်းတာလို့ ရပါတယ်”
“ကျွန်တော် ဖတ်ကြည့်လိုက်မိတာတော့ အကျယ်အဝန်းက ၁.၈ ဧက နည်းနည်းကျော်တယ်။ နံပါတ် ၈ ဂဏန်းနောက်မှာ ဂဏန်းနှစ်လုံးရှိသေးတယ်။ အတိအကျတော့ မမှတ်မိဘူး”
“တချို့ကြတော့လည်း ခြံဝိုင်းတွေက မြေအနိမ့်အမြင့်မတူကြဘူး။ မူလက ချိုင့်သဘောဖြစ်နေလို့ မြေဖို့ ဆောက်ခဲ့တာတွေရှိကြတယ်။ ဒါကြောင့် တစ်ခြံနဲ့ တစ်ခြံက မြေအတိမ်းအစောင်းကြောင့် မြေအကျယ် အဝန်းပြောင်းလဲသွားတာမျိုးရှိတတ်တယ်။ မြေတိုင်းလိုက်မှ မြေအတိုင်းအတာက မြေပုံအတိုင်းမရှိတော့ဘဲ လျော့နေတာတွေ ရှိတတ်တယ်”
“အဲဒါမျိုးဆိုရင် ဘယ်လိုဆောင်ရွက်ရမလဲ”
“ပြဿနာမရှိအောင် ၁ ပေ၊ ၂ ပေ လောက်ကွာနေရင်တော့ အရှိအတိုင်း မျက်မြင်အတိုင်း သဘောတူပါ သည်လို့ မြေပိုင်ရှင်က လက်မှတ်ရေးထိုးမယ်။ ဝယ်သူကလည်း အရှိအတိုင်း ဝယ်တာပါလို့ သဘောတူရင် လက်ရှိမြေပြင်မှာရှိတဲ့ အတိုင်းအတာအတိုင်း မြေတိုင်းမြေပုံအသစ်ကို ထုတ်ပေးပါတယ်””
“အခုဝယ်မယ်ဆိုတဲ့ မြေကွက်က အဘိုးဖြစ်သူမှ သူ့အဖေကိုအပေး စာချုပ်နဲ့ပေးထားတဲ့ မြေကွက်ထဲက ခွဲစိတ်ရောင်းမှာ ဆရာ”
“ဒါဆိုရင်တော့ လုပ်ဆောင်ချက်အဆင့်တွေ လျော့သွားနိုင်ပါတယ်။ သူ့အဖေမှာ မောင်နှမဘယ်နှယောက် ရှိသလဲ”
“သုံးယောက် ဆရာ။ အစ်မ အကြီးဆုံးက အပျိုကြီးလို့ ပြောတယ်။ ပြီးတော့ သူ့အဘိုးနေခဲ့တဲ့ မူလအိမ် ကြီး အခုတော့ အလယ်တိုက်ပေါ့။ အဲဒီမှာနေတယ်။ အလတ်အစ်မက ရှေ့ဘက်ခြမ်း မြေကွက်မှာတိုက် ဆောက်နေတယ်။ သူ့ကတော့ အိမ် ထောင်ရှိတယ်။ သမီးတစ်ယောက်ရှိတယ် ပြောပါတယ်”
“မောင်နှမသုံးဦးမြေတစ်ကွက် စီခွဲနေလိုက်တဲ့ သဘောဖြစ်မယ်။ မူလဧရိယာက ၁.၈ ဧကကျော်ဆို တော့ ပေ ၂၈၀ ပတ်လည်လောက် ရှိမယ်”
“တစ်ဧကမှာ ဘယ်နှပေရှိပါသလဲ ဆရာ”
“တစ်ဧက အကျယ်အဝန်းမှာ ၄၃၅၆၀ စတုရန်းပေ အကျယ်အဝန်း ရှိတယ်လို့ သတ်မှတ်ထားပါတယ်။ ဒါ ကြောင့် ၁.၈ ဧက ကျယ်ဝန်းတယ်ဆိုတော့ ပေ ၂၈၀ ပတ်လည် စတု ရန်းပုံရှိနိုင်တယ်။ သုံးပုံခွဲရင်တော့ ပေ ၈၀ ပတ်လည် ခြံဝိုင်းသုံးဝိုင်းဖြစ်မယ်”
“အလယ်အိမ်က ပိုကျယ်တယ် ဆရာ”
“မူလအိမ်ဖြစ်တော့ ပိုကျယ်နိုင်တာပေါ့။ ဘာပဲဖြစ်ဖြစ် သူငယ်ချင်းရဲ့ ဖခင်ကို အပေးစာချုပ်နဲ့ မြေခွဲ ပေးထားတယ်ဆိုတော့ အမည်မပြောင်း မြေခွဲစိတ်မထားရင်လည်း တရားဝင်ပိုင်ဆိုင်ပြီးဖြစ်လို့ မြေခွဲစိတ် တိုင်းတာရာမှာ ပိုပြီး အဆင်ပြေပါတယ်။ တစ်ခါတည်းခွဲစိတ်ထားပြီး သူငယ်ချင်းဖခင်အမည်ပေါက်မြေပုံရှိ ရင်တော့ အကောင်းဆုံးပေါ့”
“ကျွန်တော်ဝယ်မယ်ဆိုရင် အစ်မကြီးနှစ်ယောက်ကို လက်မှတ်ရေးထိုးဖို့ လိုမလား”
“သူငယ်ချင်းရဲ့ ဖခင်ကို အပေးစာချုပ်နဲ့ မြေကွက်ခွဲစိတ်ပေးပြီးသားဆိုရင်တော့ အစ်မကြီးတွေမလိုအပ် တော့ပါဘူး။ သေချာပြန်စိစစ်ဖို့တော့လိုမယ်။ သူငယ်ချင်းရဲ့ ဖခင်အမည်ပေါက် မြေခွဲစိတ်ပြီးသားဆိုရင် အ ရောင်းမြေပုံနဲ့ မြေတိုင်းမြေပုံထုတ်ရပါမယ်။ မိမိလိုချင်တဲ့အတိုင်း အတာကို မြေပုံပေါ်မှာ ဖော်ပြပြီး စာချုပ် စာတမ်း မှတ်ပုံတင်ရုံးမှာ မှတ်ပုံတင်စာချုပ်ချုပ်ဆိုကာ မြေခွဲစိတ်လျှောက်ထား အမည်ပြောင်းရမှာ ဖြစ်တယ်”
“ဆရာပြောသလို ကားအဝင်အထွက်က ဘယ်လိုဖြစ်နိုင်သလဲ”
“ဒါကတော့ လက်ရှိအတိုင်း ကားအဝင်အထွက်လမ်းကို အသုံးပြုခွင့်ပေးဖို့ အရောင်းမှတ်ပုံတင်စာချုပ်မှာ အတိအလင်းဖော်ပြချုပ်ဆိုပြီး မြေတိုင်းမြေပုံမှာ ကိုယ်ပိုင်လမ်းထည့်ဆွဲရမှာဖြစ်ပါတယ်”ဟု အကြံပြုဆွေး နွေးလိုက်ပါသည်။
Credit : ထီယု (ဥပဒေအတိုင်ပင်ခံ) zaygwet
Posted By: Ra Wai (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
.png)
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
