ဂရန်မြေအချို့မှာ အဖြစ်အများဆုံး ပြဿနာများနှင့် ဂရန်မြေဝယ်ပြီဆိုရင် မဖြစ်မနေလုပ်ဆောင်သင့်တဲ့အချက် (၁၀) ချက် ကို ဒီတစ်ပါတ်မှာ ဖော်ပြပေးချင်ပါတယ်။
ဂရန်မြေက ကျန်မြေအမျိုးအစားတွေနဲ့စာရင် ပိုပြီး စစ်ဆေးရတဲ့ စာရွက်စာတမ်းတွေ နည်းပါတယ်။ ဂရအမည် ပေါက် "မှန်/ မမှန်နဲ့ စစ်/ မစစ်" ကို သက်ဆိုင်ရာမြေစာရင်းရုံးမှာ သွားရောက် စစ်ဆေးရမှာ ဖြစ်ပါတယ်။ ဒါပေမယ့် တစ်ခါတစ်ရံမှာ ဂရန်မြေအရောင်းအဝယ်မှာလည်း မထင်မှတ်တဲ့ အမှားတွေရှိပါတယ်။
ပိုင်ဆိုင်မှု (အထူးသဖြင့် အိမ်၊ ခြံ၊ မြေ) အရောင်းအဝယ်မှာ မည်မျှပင် ရင်းနှီးစေကာမူ စစ်ဆေးချက်များကို မဖြစ်မနေပြုလုပ်သင့်ပါတယ်။ တစ်ဘက်နှင့် တစ်ဘက် ယုံကြည်ရတယ်ဆိုရင်တောင် နှစ်ဘက်လုံးက မသိလိုက်တဲ့ အမှားမျိုးတွေ၊ အလွဲမျိုးတွေ ရှိတတ်ပါတယ်။
ဂရန်စာအုပ်ထဲက အကွက်က ဝယ်လိုက်တဲ့ အကွက်မဟုတ်ဘဲ ဘေးအကွက်ဖြစ်နေတာမျိုးတွေအထိကို လွဲတတ်တာမျိုးတွေရှိတတ်ပါတယ်။ မသိရင် ညံ့လို့ခံရတာလိုမျိုးဖြစ်နေပေမယ့် တကယ်ကို တစ်ခါတစ်လေ သွားစစ်ကြည့်လိုက်တုန်းက မှန်နေပြီး တကယ်မြေတိုင်းကလာမှ လွဲနေတာတွေ (မြေပုံနှင့် အပြင်နှင့် မကိုက်တာတွေ) တပုံကြီးရှိနေပါသေးတယ်။
အချို့ ဂရန်မြေတွေက ယခင်က ပေ ၄၀ x ပေ ၆၀ အကွက်တွေကို ပြန်ခွဲရောင်းတာတွေရှိပါတယ်။ ဂရန်မြေက ပေ ၂၀ x ပေ ၆၀ ဆိုရင် လျှောက် လို့ရပြီဖြစ်တဲ့အတွက် ပြန်ခွဲရောင်းခွင့်လည်းရှိတဲ့အတွက် က/ ခ စသဖြင့် ရောင်းကြတာတွေဖြစ်ပါတယ်။ အဲလို က/ခ တွေ ပါနေပြီဆိုရင် မြေတိုင်းကိုပါ ခေါ်စစ်ခိုင်းတာ ပိုစိတ်ချရပါတယ်။
မြေစာရင်းရုံးမှာသွားကြည့်လို့ကတော့ ဂရန်ထဲက အမည်နဲ့ပဲ ထွက်နေတယ်ဆိုပေမယ့်၊ ဒီဂရန်ထဲက အမည်က ခေတ်အဆက်ဆက်က ဘာတွေလုပ်ခဲ့လဲဆိုတာ (ခွဲရောင်းခဲ့တာလား၊ ခွဲ အမွေခွဲခဲ့တာလား၊ စသဖြင့်) သူ့နောက် အဆက်ဆက်က လုပ်သမျှကို အခွန်ပေးရမှာစိုးလို့ သေချာမှတ်ပုံမတင်ခဲ့ရင် မြေစာရင်းရုံးကလည်း သိမှာမဟုတ်ပါဘူး။ ကောင်းတာက က/ခ အကွက်တွေဖြစ်နေရင် ပိုစစ်ဆေးသင့်ပါတယ်။
အားလုံးစိတ်ချရလို့ ဝယ်ယူတော့မယ်ဆိုရင်တော့ စရံငွေပေးတဲ့အဆင့်၊ ငွေအကြေချေတဲ့အဆင့်နဲ့ မှတ်ပုံတင်တဲ့အဆင့်တွေမှာ အမှားအယွင်းမရှိရလေအောင် မဖြစ်မနေပြုလုပ်သင့်တဲ့ အချက်လေးတွေကို ပြောပြပေးချင်ပါတယ်။
စရံငွေပေးတဲ့အဆင့်မှ ဘယ်လောက်ပင်ရင်းနှီးကြပါစေ ဒီ ၃ ချက်ပြည့်စုံမှ စရံငွေပေးချေသင့်ပါတယ်။
1. ဂရန်မိတ္တူကိုယူ၍ စည်ပင်မှာစစ်ဆေးပါ။
2. မူရင်းဂရန်ကိုမြင်တွေ.ရမှသာလျှင် ပေးပါ။
3. စရန်ချပြီးသည်နှင့်တပြိုင်နက်နိုင်ငံပိုင်သတင်းစာတွင် ကန်.ကွက်ရန်ရှိ/မရှိ ကြော်ငြာထည့်ပါ။ (၁၄ ရက်အတွင်း ကန့်ကွက်မယ့်သူမရှိမှ နောက်တစ်ဆင့်တက်ပါ။ ကန့်ကွက်မယ့်သူရှိရင် အလုံးစုံကို ရောင်းသူဘက် တာဝန်ယူပေးပါမယ်ဆိုမှ စရန်ချပါ) ။
ငွေအပြေချေရတော့မယ်ဆိုရင် ဒီအချက် ၄ ချက်ကို ပြည့်စုံအောင် စစ်ဆေးပါ။
1. အရောင်းအဝယ်ပြုလုပ်ရန်အတွက် ထုတ်ယူထားသော မြေပုံမြေရာဇဝင်။
2. မူရင်းဂရန် အမည်ပေါက်ထံမှ SP။
3. မူရင်းဂရန်နှင့် ဆက်စပ်စာချုပ်များ။
4. မြေကွက်နှင့် တိုက်ပေါ်မှ ဖယ်ပေးပြီးမှ။
ဝယ်ယူပြီးလို့ ကိုယ့်ရဲ့ ပိုင်ဆိုင်မှုကို ခိုင်မာစေချင်လို့ နောင် အရှုပ်အရှုင်းကင်းချင်လို့ရှိရင် မှတ်ပုံတင်ပြီး အမည်ပြောင်းထားတာ စိတ်အချရဆုံးပါ။ လုပ်မယ်ဆိုရင် ဒီအချက် ၃ ချက်ကို ဆက်လုပ်ပါ။
1. မြေပုံမြေရာဇဝင်ကို “ရာဖြတ်” တင်ပါ။ (တန်ဘိုးလျှော့ချုပ်တာမျိုးတွေ လုပ်ကြပါတယ်)
2. “ရာဖြတ်” ၏၊ သတ်မှတ်တန်ဖိုးအပေါ် “အခွန်တော်ခေါင်း” နှင့် “မှတ်ပုံတင်ကြေး” တို့ဖြင့် မှတ်ပုံတင်စာချုပ်ချုပ်ရပါမယ်။
3. ပြီးရင် မြို.တော်စည်ပင်တွင် “ဂရန်” နှင့် “မြေကွက်” အမည်ပြောင်းထားပါ။
ဒီအဆင့် ၁၀ ဆင့်ကို လုပ်ထားရင် စိတ်ချစွာနဲ့ အရောင်းအဝယ်ပြုလုပ်လို့ရပါတယ်။
Ref : Home In Yangon
Photo Credit : dotproperty
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
.png)
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
