အိမ်တစ်အိမ် ဆောက်ရင် အဓိက ( ၃ ) ချက်ရှိတယ်

(၁) အိမ် ပနပ်

(၂) အိမ် ဦးရင်တိုင်

(၃) လှေကား

အဲ့ဒါ အဓိက ဘဲ။

( မဆောက်ကောင်းသောအိမ်များ )

အိမ်ပျံ

အိမ်ရင်ကွဲ

အိမ်ပလ္လင်

အိမ်ဖိုခနောက်

အိမ်နွား

အိမ်ပတ္တလား

ကျောင်းနှင့်တူသောအိမ်

မဆောက်ကောင်းပါ ။

ရင်ကွဲ အိမ် (ကွဲ...သေ)

ဝါးခေါင်းထိုးဆက်သောအိမ် (ရန်ဖြစ်)

သစ်ဆက်ဝါးဆက် ဆက်သောအိမ် (ရန်ဖြစ်)

အဲ့အိမ်တွေမှာ ထုပ်ယောက် မိုက်ဖွဲ့ပြီး၃နဲ့စားလို့ပျက်ရင် ၃ လအတွင်း လူသေဖို့ ၁၀၀% ပါ အိမ် ပတ္တလား နဲ့ အိမ်နွားက ဆင်းရဲရုံဘဲရှိတယ် လူမခိုက်ပါ အိမ်မှာ သစ်စုံပါရင် သစ်မင်းစိုက်ထားပါ။ အိမ်ထက် အိမ်သာ မကောင်းစေသင့် ၊ အိမ်အရင် အိမ်သာ မဆောက်ကောင်း ခြံစည်းရိုး မရှိဘဲ အိမ်မတည်သင့်ပါ။ အိမ်တိုင်တွေကိုကြေးပြားမှာ စည်းချဂါထာ ရေးပြီး အောက်ကခံရင် ကြီးပွားတိုးတက်စေပါတယ် မီးမခနိုင်ဧည့်သည် ကောင်းများလာစေတက်လောင်မီးစက် မခံနိုင် မိစ္ဆာ များမနေနိုင်ပါ။

အိမ်တစ်အိမ်မှာချမ်းသာချင်လည်း လှေကားဘဲမွဲချင်လည်း လှေကားဘဲ လှေကားက အဓိကပါ ဘဲ။ အိမ်နဲ့ပတ်သတ်ပြီး သိပ္ပံခေတ်မှာ ယုံစရာမလိုဘူး ဆိုလို့မယုံကြည်ရင် အိမ်ရဲ့ဘယ်ဘက်ညာဘက် ၂ဘက်လုံးအဖီဆွဲနေလေ ။ မွဲ အေးရော ။ အကြားအမြင် ပြည့်ဝကြပါစေ။

လူမှန်သမျှ .အိမ်နှင့်မကင်းနိုင်ထိုအိမ်ဆောက်ရာတွင်အကျိုးအပြစ်ကို..စလေဦးပုည၏ ဟောစတမ်းမှ..အကိူးများ၍..အများအကျိုးအတွက်တင်ပေးပါအံ့။

တနင်္ဂနွေ နေ့ အိမ်ဆောက်လျှင်..

ဥရုတိုင်အရပ်ခေါ် ဦးရင်တိုင်၏ စရွေးအောက်မှာတစ်ထွာခန့်အမျက်ရှိတတ်၏..ထိုအမျက်ကား..အိမ်လူတွေကိုဒုက္ခပေးတတ်၏.. ပယ်နိုင်ကပယ်လိုက်...မပယ်နိုင်လျှင်ထိုဥရုတိုင်နှင့် အရှေ့မြောက်ကတိုင်နှင့်လဲ၍စိုက်... စည်းစိမ်ဥစ္စာ တိုးပွား၏။

တနင်္လာ နေ့အိမ်ဆောက်မူ..

အနောက်မြောက်ယက်မအောက်တွင် အမျက်အဆွေးရှိတတ်၏သားသမီး မြေးမြစ်သေတတ်၏..ပယ်လိုကပယ်..မပယ်လိုက..အရှေ့တောင်က သစ်မင်းတိုင်နှင့်လဲ၍စိုက်..ခြေလေးခြောင်းရကိန်းရှိ၏။

အင်္ဂါ နေ့အိမ်ဆောက်မူ..

မြောက်အလယ်တည့်တည့်..ယက်မအောက်တွင်.. သေချာကြည့်မှမြင်ရသော အမြံအခေါင်းရှိတတ်၏. အိမ်ရှိ တိရစ္ဆာန် သေတတ်၏ပယ်လိုကပယ်.. မပယ်လိုက.. တောင်ဘက်စဉ်စိုက်တဲ့တိုင်တွေထဲမှ အလည်တိုင်နှင့်လဲစိုက်... သမီးရတနာရတတ်၏။

ဗုဒ္ဓဟူး နေ့တွင်အိမ်ဆောက်မူ..

အရှေ့မြောက်ထောင့်ကတိုင်တွင်မြေပေါ်တစ်ထောင်လောက်အကွာအမျက်ရှိတတ်၏.. ကိုယ်ချစ်ရသူသေတတ်၏ ပယ်လိုကပယ်.. မပယ်လိုက ...ဘူမိအရပ်ကတိုင်နှင့်လဲစိုက်...စုဒ်ကောင်းဝင်လတ္တံ့။

ကြာသာပတေးနေ့တွင် အိမ်ဆောက်လျှင်...

အရှေ့စွန်းက..တိုင်ခွတွင် အခေါင်းပါတတ်၏ရောဂါရတတ်၏..သောကရောက်တတ်၏ ပယ်လိုကပယ်.. မပယ်လိုက ..အလည်တိုင်နှင့်လဲစိုက်.. ဘုန်းကြီးအံ့။

သောကြာနေ့ တွင်အိမ်ဆောက်မူ..

အလယ်တိုင်၏ဂွအောက်တစ်ထွာလောက်တွင်အခေါင်းပါတတ်၏..ရောဂါထူပြောအံ့ ပယ်လိုကပယ်.. မပယ်လိုက.. အလည်ဂွတိုင် နှင့်လဲစိုက်..လာဒ်ရအံ့။

စနေနေ့တွင် အိမ်ဆောက်မူ..

အနောက်တောင်ရှိတိုင်ထိပ်၌ စရွေးအောက်မှာ အမျက်သေးပါတတ်၏.. မိန်းမမသေ ယောကျ်ားသေတတ်၏..

ပယ်လိုကပယ်.. မပယ်လိုက.. အနောက်မြောက်အရပ်ကတိုင်နှင့်လဲစိုက် လာဒ်ကြီးရလတ္တံ့။အိမ်ပတ်ဝန်းကျင်တွင် မစိုက်အပ်သော အပင်များ၊ အိမ်ဆောက်ရက် ရွေးနည်း ၊အိမ်ဆောက်လ ရွေးနည်း၊ မသုံးအပ်သော သစ် (၈) မျိုး၊

- အိမ်၊ ကျောင်း ဆောက်ရာတွင် မပြုအပ်သော အရာများ .....

သစ်ပင် ပန်းမန်ဆိုတာ လူတွေအတွက် ကောင်းမွန်တဲ့ အရာပါ။ သဘာဝရာသီဥတုကို သင့်တင့်မျှတစေသလို သတ္တဝါတွေကိုလည်း အကျိုးပြုစေပါတယ်။ မိမိအိမ် ပတ်ဝန်းကျင် ခြံ ထဲ၊ အိမ် ဝန်းထဲမှာ အပင်တွေ စိုက်ပျိုးခြင်းဟာ ကိုယ်ရောစိတ်ပါ ရွှင်လန်းစေမှာပါ။

ဒါပေမယ့်လို့ ရှေးမြန်မာအယူအရ မိမိ အိမ်၊ ခြံ ထဲမှာ မစိုက်အပ် ၊ မရှိသင့်တဲ့ အပင်တစ်ချို့ရှိပါတယ်။ သိပ္ပံခေတ်ကြီးထဲမှာ ဒီအယူအဆတွေ ခေတ်မမီတော့ဘူးလို့ဘဲ ဆိုဆို ၊ ရှေးထုံးကိုလည်း မပယ်နဲ့ဆိုတဲ့ စကားပဲ ပြောပြော အိမ်နဲ့ ပတ်သတ်ပြီး ရှေးမြန်မာ အယူတစ်ချို့ကို ဖော်ပြပေးလိုက်ပါတယ်။

- အိမ်ပတ်ဝန်းကျင်တွင် မစိုက်အပ်သောအပင်များ....

အိမ်၏ အရှေ့ဘက် မျက်နှာဘက်တွင် ညောင် ၊ သပြေပင်များ မစိုက်ရ။ စီးပွားပျက်တတ်သည်။ အနောက်ဘက်တွင် လက်ပံပင် ၊ ထိန်ပင် များ မစိုက်ရ။ တောင်ဘက်တွင် သျှီသျှားပင် ၊ ဖီးခြမ်းငှက်ပျော ၊ သင်္ဘောပင်များ မစိုက်ရ။ မြောက်ဘက်တွင် ထန်းပင်၊ ဆန်းပင်၊သဖန်းပင် နှင့် သျှီသျှားပင် မစိုက်ရ။ အဆိုပါ အပင်များသည် ဖော်ပြပါ အရပ်မျက်နှာများတွင် ရှိနေပါက စီးပွားယုတ်လျော့မည်။ရောဂါဘယ ထူပြောမည်။ အိမ်တွင်း အိမ်ပြင် ဆူပူတတ်သည်။ အလိုအလျောက်ရှိနေပါကလည်း နှုတ်ပစ် ၊ ခုတ်ပစ်သင့်ပါသည်။

- အိမ်ဆောက်ရက် ရွေးနည်း....

တနင်္ဂနွေ - ဒုက္ခဆင်းရဲ ရောက်တတ်သည်။

တနင်္လာ - နှစ်လမြောက်တွင် သား သမီး ဖွားမြင်သော် ချမ်းသာ ကြွယ်ဝမည်။

အင်္ဂါ -ဆန်ရေစပါး ပေါများ ကြွယ်ဝမည်။

ဗုဒ္ဒဟူး၊စနေ- သုခ ချမ်းသာရမည်။

ကြာသပတေး - ချမ်းသာ ကြွယ်ဝမည်။

သောကြာ - သုံးလ ကြာလျှင် သုခ ပွားမည်။

- အိမ်ဆောက်လ ရွေးနည်း ။

တန်ခူးလ - ချမ်းသာ ကြွယ်ဝမည်။

ကဆုန်လ - ဆန်ရေစပါး ပေါများ ကြွယ်ဝမည်။

ဝါခေါင်လ - ဥစ္စာ စီးပွား တိုးပွားမည်။

နတ်တော်လ - ထင်ပေါ် ကျော်စောမည်။

ပြာသိုလ - လူအများ ချီးမွမ်းမှု ရမည်။

တပေါင်းလ - ချမ်းသာ ကြွယ်ဝမည်။

ကျန်ခြောက်လတွင် ဆောက်ပါက ပျက်စီးခြင်းများကြုံရတတ်သည်။

ယနေ့ခေတ်မှာ အိမ်ကို သစ်သား အခြေပြုပြီး မဆောက်တော့သလောက်ပါဘဲ။ဒါပေမယ့် အတွင်းပိုင်း အလှဆင်တာမျိုးတို့ ၊ ပရိဘောဂတွေမှာတော့ တွင်တွင် ကျယ်ကျယ် သုံးနေကြသေးတာကြောင့် သစ်ဟာ အိမ်တစ်အိမ်ရဲ့ အဓိက ပါဝင်ပစ္စည်း ဖြစ်နေပါသေးတယ်။ ရှေးမြန်မာ လူကြီးများကတော့ အိမ်နဲ့ပတ်သတ်ရင် သစ်ကို အလွန်စိစစ်ပါတယ်။

ဗဟုသုတ အလို့ငှာ သိသလောက် ဖော်ပြပေးလိုက်ပါတယ်။

- မသုံးအပ်သော သစ် (၈) မျိုး....

၁။ ခုတ်ဖြတ်စဉ် တွဲလွဲ ကျနေသောသစ် (သစ်ဆွဲချ)

၂။ သစ်ခွ သစ်ကိုင်းကြားတို့တွင် တင်နေသောသစ် (လူကောင်တင်)

၃။ အဖျားကြီး၍ အရင်းရှူးသောသစ် (သစ်ဘီးလူး)

၄။ အရင်းအဖျားရှူး၍ အလယ်တွင် ကြီးသောသစ် (သစ်နပုန်း)

၅။ လမ်းကူး ချောင်းကူးသစ် (သစ်တံတား(ခ) သစ်လမ်းကူး)

၆။ အပင်ချင်း အကိုင်းချင်း ကြိတ်သောသစ် (သစ်ကြိတ်)

၇။ အပင်တွင် နွယ်ရစ်ပတ်နေသောသစ် (သစ်နဂါး)

၈။ မျက်ရည်ပေါက်ကဲ့သို့ အကွက်ထနေသောသစ် (သစ်စည်ယို)

- အိမ် ၊ ကျောင်း ဆောက်ရာတွင် မသုံုးအပ်သော သစ် (၁၁) မျိုး ....

၁။ မိကျောင်း

၂။ မအူ

၃။ သခွတ်

၄။ ညောင်

၅။ သျှီသျှား

၆။ သီး(သား)

၇။ သပြေ

၈။ သစ်စိမ်ရေသား

၉။ ကေလာ

၁၀။ လက်ပံ

၁၁။ လဲ

- အိမ် ၊ ကျောင်း ဆောက်ရာတွင် မပြုအပ်သော အရာများ....

၁။ တိုင်ဟောင်းကို ပန်းမဆွဲရ ။

၂။ ထုပ်မစွပ်ခင် ယက်မ မတင်ရ ။

၃။ တိုင်တို (ထောက်တို) ကို ကြမ်းပေါ် မပိုစေရ ။

၄။ ကြမ်းခင်းတိုင်တွင် ဝါးမတင်ရ ။

၅။ ခေါင်လျှောက်ခွတွင် မပြီးခင် ကြမ်းမဖောက်ရ ။

၆။ တိုင်ထူရာတွင် တိုင်ချင်း မထိရ ။

၇။ အိမ်ဆောက်မပြီးခင် ဝန်း မခတ်ရ ။

၈။ ထုပ် ၊ လျှောက် ၊ ဒိုင်း ၊ မြား ၊ ခါးပန်း တို့ကို အလယ်တည့်တည့်တွင် မဆက်ရ ။

၉။ အမျိုးမတူသော သစ်ချင်း မဆက်ရ ။

၁၀။ အိမ်ဟောင်း၏ လျှောက်ပေါ်တွင် အိမ်သစ်၏ လျှောက်ကို တင်၍ မဆက်ရ ။

Ref : Social Media

Photo Credit : Indiamart

Posted By : Sint Sint (ShweProperty.com)