ရုံးအားရက်ဖြစ်၍ စာရေးသူသည် နေထိုင်ရာအိမ်၏ လမ်းထိပ်ရှိ လက်ဖက်ရည်ဆိုင်တွင် လက်ဖက်ရည် သောက်နေသည်။ စိတ်ဖိစီးမှုများ ကို လျှော့၍ စိတ်ပေါ့ပါးစွာထိုင်နေခြင်း ဖြစ်သည်။ ထိုစဉ် -
“ဆရာ တစ်ယောက်တည်းလား၊ ဇနီးမပါဘူးလား”ဟု မေးသံကြားသဖြင့် မေးကြည့်လိုက်သည်။
စာရေးသူတို့ ဇနီးမောင်နှံမှာ လက်ဖက်ရည်ဆိုင်တွင် အမြဲထိုင်လေ့ရှိသည်ကို သိထားသည့်သူတစ်ဦးဖြစ် ပေမည်။
“ဟုတ်ကဲ့၊ ဇနီးသည် ဗုဒ္ဓဘာသာ နိကာယ်သင်တန်းသွားပါတယ်”
“အေးချမ်းတယ် ဆရာ။ ကျွန်တော်တို့တော့ မြေကွက်လေးပိုင်မလားဆိုပြီး လျှောက်လွှာသွားယူတာ အဆင်မ ပြေခဲ့ပါဘူး”
“ရန်ကုန်အရှေ့ပိုင်း အုပ်ချုပ်ရေးမှူးရုံးမှာသွားဝယ်ရတာလို့ သိရတယ်”
“ဟုတ်တယ် ဆရာ၊ တောင်ဥက္ကလာပမြို့နယ် ဗြဟ်္မစိုရ်လမ်းနဲ့ သီလလမ်းထောင့်မှာရှိတဲ့ အရှေ့ပိုင်း ခရိုင်စုပေါင်း ရုံးမှာ ဆရာ၊ ညအိပ်တန်းစီစောင့်သူတွေရှိတယ်”
“လျှောက်လွှာတစ်စောင်ကို ငွေကျပ်တစ်သောင်းနဲ့ဝယ်ရတာ မဟုတ်လား”
“ဟုတ်ပါတယ် ဆရာ၊ အောက်တိုဘာ ၇ ရက်နေ့ကစပြီး ရောင်းတာပါ။ နံနက် ၉ နာရီမှ ညနေ ၃ နာရီ အထိ ရောင်းပေးတော့အချိန်နည်းသလားလို့”
“ကျွန်တော့်ယူဆချက်ကတော့ အရှေ့ပိုင်းခရိုင်အတွင်းက မြို့နယ်တွေအတွက် အရှေ့ပိုင်းခရိုင်မှာ လျှောက်လွှာ ရောင်းပြီး ရွှေပြည်သာ၊ လှိုင်သာယာ၊ မှော်ဘီမြို့နယ်အတွက် သက်ဆိုင်ရာ မြောက်ပိုင်းခရိုင်ရုံးမှာ ဆောင်ရွက် ပေးရင် ပိုပြီးအဆင်ပြေမယ်ထင်တယ်။ နိုဝင်ဘာလ ၈ ရက်နေ့ နောက်ဆုံးထားပြီး လျှောက်လွှာတင်ရမယ်ဆို တော့ တစ်လထိ အချိန်ရတယ် မဟုတ်လား”
“လျှောက်လွှာ ရောင်းမှာကတော့ အောက်တိုဘာလ ၂၁ ရက်နေ့ နောက်ဆုံးလို့ အခုလောလောဆယ်သတ် မှတ်ထားပါတယ်။ နောက် မှ ရက်တိုးပေးမလား မသိဘူး ဆရာ”
“စက်မှုဇုန်အတွင်းကတော့ မှော်ဘီမြို့နယ် မြောင်းတကာ စက်မှုဇုန်မှာ ချပေးမှာဖြစ်တယ်လို့ သိရတယ်။ ရန်ကုန်မြို့တော်စည်ပင်သာယာရေး ကော်မတီအတွင်းရေးမှူးပြောစကားအရတော့၊ ပထမအဆင့်အနေနဲ့ လှိုင် သာယာမြို့နယ်၊ ရွှေပြည်သာမြို့နယ်၊ ဒဂုံမြို့သစ်လေးမြို့နယ်မှာ မြေကွက်ပေါင်း ၅၀၀ ကျော် ၆၀၀ ထိ ချပေး မယ်လို့ သိရတယ်။ ဒုတိယအဆင့်အနေနဲ့ စက်ရုံလုပ်ငန်းလုပ်ရန်အတွက် ရည်ရွယ်ပြီး မှော်ဘီမြို့နယ် မြောင်း တကာမှာ စက်မှုဇုန်မြေကွက် ၁၈၀ ကျော်ချပေးမယ်လို့ သိရတယ်။ တတိယအဆင့်မှာတော့ ဒဂုံမြို့သစ် အရှေ့ ပိုင်းနဲ့ ဒဂုံဆိပ်ကမ်းမြို့ နယ်တို့မှာ စိုက်ပျိုးရေးဇုန်များအဖြစ် မြေကွက်များ ရောင်းချပေးမယ်လို့ သိရတယ်”
“ပေ ၄၀ x ပေ ၆၀၊ ပေ ၆၀ ပတ်လည်နဲ့ ပေ ၆၀ x ပေ ၈၀၊ ပေ ၁၀၀ ပတ်လည် မြေကွက်တွေပါတယ်လို့ သိရတယ် ဆရာ”
“မြေကွက်တန်ဖိုးကို ကြမ်းခမ်းဈေးသတ်မှတ်ပေးမယ်ဆိုပေမယ့် အတိအကျတော့ မထွက်သေးဘူး”
“ဟုတ်ကဲ့ ဆရာ၊ ကျွန်တော် ကြားသိတာကတော့ ငွေကျပ်သိန်း ၆၀ တန်ဖိုး အနည်းဆုံးဖြစ်တယ်လို့ ကြားသိ ထားတယ်”
“ရန်ကုန်တိုင်းဒေသကြီး အစိုးရအဖွဲ့က တန်ဖိုးစိစစ်ရေးအဖွဲ့ရဲ့ သတ်မှတ်ဈေးပေါ် အခြေပြုသတ်မှတ်ပေး မယ်လို့ သိရတယ်”
“လျှောက်လွှာမှာ ဝယ်သူက ပေးနိုင်တဲ့ငွေကြေး ဖော်ပြရမယ်လို့ဆိုတာ ဟုတ်သလား ဆရာ။ ပြီးတော့ အ ဆောက်အအုံ ဆောက်လုပ် ရင် ကုန်ကျမယ့် ကုန်ကျစရိတ် အကြမ်းဖျင်းဖော်ပြရမယ်လို့ သိရတယ်”
“မှန်ပါတယ်။ မြေကွက်လျှောက်ထားသူတွေ လိုက်နာရမယ့် အချက် ၁၃ ချက် သတ်မှတ်ထားပါတယ်”
“ဆရာသိရင် ရှင်းပြပေးပါလား ဆရာ”
မိတ်ဆွေဖြစ်သူ၏ စကားကြောင့် စာရေးသူ သိထားသော စည်းကမ်းချက် ၁၃ ချက်ကို နှုတ်အားဖြင့် အကျဉ်း ချုပ်ရှင်းပြလိုက်ပါသည်။ ဤတွင် စာဖတ်သူများသိရှိရန်အတွက် အောက်ပါအတိုင်း ဖော်ပြပေးလိုက်ပါသည်။
“ရန်ကုန်တိုင်းဒေသကြီး အစိုးရအဖွဲ့မှ စီမံခန့်ခွဲပိုင်ခွင့်ရှိသော မြေ များ၊ စီမံခန့်ခွဲမှု ကော်မတီမှ စီမံမည့် မြေများ နှင့် စပ်လျဉ်း၍ သိရှိလိုက်နာရမည့် အချက်များ”
(၁) လျှောက်ထားသူသည် လျှောက်လွှာပေါ်တွင် ဆောင်ရွက်လိုသည့် လုပ်ငန်းဖာ်ပြရမည်။
(၂) အသုံးပြုခွင့် လျှောက်ထားရန်အတွက် ငွေကြေးအထောက်အထား တင်ပြရမည်။
(၃) စီးပွားရေးလုပ်ငန်း၊ စက်မှုလုပ်ငန်းဆောင်ရွက်မည့် မြေများအတွက် (အိမ်မြေမပါ) တည်ဆောက်ရေး အဆိုပြုလွှာ အသုံးပြုမည့်ငွေကြေး၊ လုပ်ငန်းခန့်မှန်းပမာဏ အချိန်ကာလ စသည့်အချက်အလက်များ ဖော်ပြရ မည်။
(၄) နေအိမ်မြေကွက်အတွက် ဆောက်လုပ်မည့် အစီအစဉ်အသုံးပြု ငွေကြေး အစရှိသည်တို့ တင်ပြရမည်။
(၅) မြေအသုံးပြုရန် ခွင့်ပြုကြောင်း မြေစီမံခန့်ခွဲရေးကော်မတီမှ အကြောင်းကြားသည့်နေ့မှစ၍ ခြောက်လအ တွင်း မြေစည်ပင်စရိတ်ငွေကို တစ်ကြိမ်တည်း အကြေပေးသွင်းရမည်။
(၆) မြေအသုံးပြု ခွင့်ပြုမိန့်ရရှိပြီး ခြောက်လအတွင်း လုပ်ငန်းစတင်အ ကောင်အထည်ဖော် ဆောင်ရွက်ရ မည်။ (အပိုဒ် - ၃ နှင့် ၄ အတိုင်း အခြေခံ ဆောင်ရွက်ရမည်။)
(၇) အသုံးပြုခွင့်ရရှိထားသော မြေများအား သုံးနှစ်အတွင်း ပြန်လည် ရောင်းခြင်းမပြုရ။
(၈) အသုံးပြုခွင့်ရရှိထားသော မြေအပေါ် ဆောက်လုပ်မည့် အဆောက်အအုံသည် သက်ဆိုင်ရာဌာနများက သတ်မှတ်ထားသည့် စည်းကမ်းများအတိုင်း ဆောက်လုပ်ရမည်။
(၉) မြေအသုံးပြုခွင့်ရရှိသူသည် ၎င်းရရှိထားသော မြေနေရာတွင် ခြောက်လအတွင်း စတင်ဆောက်လုပ်၍ အဆောက်အအုံပြီးစီးပါက မြေငှားစာချုပ် (ဂရန်) ရရှိရေး ဆောင်ရွက်ပေးမည်ဖြစ်ပါသည်။
(၁၀) အသုံးပြုခွင့်ရရှိသော မြေများကို လျှောက်ထားသူအမည်ဖြင့်သာ ထားရှိရမည်ဖြစ်ပြီး သုံးနှစ်အတွင်း အမည်ပြောင်းခွင့်ပြုမည် မဟုတ်ပါ။
(၁၁) မြေနေရာတစ်နေရာပေါ်တွင် အပြိုင်လျှောက်ထားမှုရှိနေခဲ့လျှင် မြေစီမံခန့်ခွဲမှုကော်မတီသည် လျှောက် ထားသူများ၏ အဆိုပြုတင်ပြချက်များကို စိစစ်ပြီး အသင့်လျော်ဆုံးလျှောက်ထားတင်ပြသူ တစ်ဦးအား ရွေးချယ ခွင့်ပြုသွားမည်။
(၁၂) စီးပွားရေးဆောင်ရွက်မည့် ဧကကျယ်မြေနေရာများနှင့် စပ်လျဉ်း၍လည်းကောင်း၊ အိမ်မြေကွက်နှင့် စပ် လျဉ်း၍လည်းကောင်း၊ အခြားလုပ်ငန်းများ မြေနေရာနှင့် စပ်လျဉ်း၍လည်းကောင်း၊ မြေအသုံးပြုခွင့် မြေငှားစာ ချုပ် (ဂရန်) အစရှိသည်တို့ ထုတ်ပေးခြင်းကို တိုင်းဒေသကြီး အစိုးရအဖွဲ့၏ စီမံမှုဖြင့် ရန်ကုန်မြို့တော် စည်ပင်သာယာရေးကော်မတီ၏ လုပ်ထုံးလုပ်နည်းများနှင့်အညီ ရန်ကုန်မြို့တော် စည်ပင်သာယာရေး ကော်မ တီမှ ဆောင်ရွက်ပေးမည်။
(၁၃) မြေအသုံးပြုခွင့်ရရှိသူများသည် သတ်မှတ်ထားသော စည်းကမ်းများကို လိုက်နာရန်ပျက်ကွက်ပါက ခွင့်ပြု ထားသည့်မြေကိုလည်းကောင်း၊ မြေပေါ်ရှိ အဆောက်အအုံကိုလည်းကောင်း၊ တိုင်းဒေသကြီး အစိုးရအဖွဲ့က ပြန်လည်သိမ်းယူမည်ဖြစ်ပါသည်။ ပေးသွင်းငွေများကို ပြန်လည်ထုတ်ပေးမည် မဟုတ်ပါ။
သိရှိလိုက်နာဆောင်ရွက်မည်ဖြစ်ကြောင်း ဝန်ခံကတိပြုပါသည်။
လက်မှတ်
လျှောက်ထားသူအမည်
မှတ်ပုံတင်အမှတ်
ဆက်သွယ်ရန်ဖုန်းအမှတ်
နေရပ်လိပ်စာ
“ဆရာရှင်းပြလို့ နားလည် သဘောပေါက်သွားပါပြီ”ဟု မိတ်ဆွေက နှုတ်ဆက်ပြီး စာရေးသူ၏ လက်ဖက်ရည် ဖိုးကို ရှင်းသွားပါသည်။
Ref : Zaygwet ထီယု (ဥပေဒအတုိင္ပင္ခံ)
Photo Credit : YCDC
Posted By :Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
