ခရစ္စမတ်နှင့် နှစ်ကုန်အထူးအိမ်ရာ အရောင်းပွဲတော် အဖြစ် ကျင်းပခဲ့တဲ့ Shwe Property ရဲ့ စတုတ္ထအကြိမ် မြောက် တန်ဖိုးသင့်အိမ်ရာအရောင်းပြပွဲကို ဒီဇင်ဘာလ (၂၉) ရက်၊ (၃၀) နဲ့ (၃၁) ရက်နေ့ထိ၊ လှည်းတန်း စင်တာမှာ သိုက်သိုက်ဝန်းဝန်း ကျင်းပခဲ့တယ်လို့ Shwe Property မှ သတင်းထုတ်ပြန်ထားပါတယ်။
Clearance Sale, Year End Sale အထိမ်းအမှတ်အနေဖြင့် ကျင်းပခဲ့တဲ့ အိမ်ရာအရောင်းပွဲတော်ဖြစ်သည့် အတွက် အထူးပရိုမိုးရှင်းအစီအစဉ်များနှင့် ဈေးလျော့ပေးသည့်အစီအစဉ်များ၊ ညှိနှိုင်းငွေပေးချေမှုပုံစံများဖြင့် Customer စိတ်တိုင်းကျ ရွေးချယ်ခွင့်ရရန် စီစဉ်ကျင်းပခဲ့တာပါ။
စီးပွားရေးကဏ္ဍမှာ အိမ်ခြံမြေအရောင်းအဝယ်ကဏ္ဍ၏ အရှိန်အဟုန်မြင့်လာချိန် နေထွက်စချိန်ခါလို့ ဆိုလို့ရသည့် ၂၀၁၇ ခုနှစ်၏ အိမ်ရာကဏ္ဍ အရေးပါမှုတွေပေါ်မှာ ရောင်းချသူနှင့် ဝယ်ယူသူများကြား ထပ်မံယုံကြည်မှုတွေ တိုးပွားလာအောင် ရည်ရွယ်ပြီး အိမ်ရာအရောင်းပြပွဲများစွာ စီစဉ်ကျင်းပပေးခဲ့တာပဲ ဖြစ်ပါတယ်။
“ကျွန်တော်တို့ ဘာကြောင့် အိမ်ရာအရောင်းပြပွဲတွေအများကြီး လုပ်ရသလဲဆိုရင် အိမ်ခြံမြေဈေးကွက်ဟာ ၂၀၁၄ ၊ ၂၀၁၅ မှာ တော်တော်လေးကို အေးစက်နေတယ်။ ၂၀၁၆ အကုန် ၂၀၁၇ လောက်မှာ ဒီဈေးကွက် ကို လည်း ကျွန်တေ်ာတို့ ပြန်ပြီးယုံကြည်မှု ရစေချင်တဲ့ ဆန္ဒနဲ့ ပြပွဲတွေကို စီစဉ်ပေးနေတာပါ။” လို့ Shwe Property ရဲ့ Founder & Director ဖြစ်သူ ဦးကောင်းသူဝင်းက ဆိုပါတယ်။
တန်ဖိုးငွေကျပ်သိန်း (၂၀၀) ကနေ စတင်တဲ့ အိမ်ရာပရောဂျက်တွေကို ရောင်းချခဲ့ရာကနေ Shwe Property မှ Exclusive Marketing အဖြစ် တာဝန်ယူရောင်းချခဲ့သည့် အိမ်ရာပရောဂျက်ပေါင်း (၇၃) ခုရောင်းချနိုင်ခဲ့သလို၊ အိမ်ခန်းစုစုပေါင်း(၁၀၁)ခန်း ရောင်းချနိုင်ခဲ့ပါတယ်။ သုံးရက်ကြာကျင်းပခဲ့တဲ့ ပြပွဲသို့ အိမ်ရာဝယ်ယူရန် လာရောက်လေ့လာသူ စုစုပေါင်း (၂၄၅၀) ကျော်နှင့် စည်စည်ကားကား ကျင်းပခဲ့တာ ဖြစ်ပါတယ်။
လာမယ့်နှစ်သစ် ၂၀၁၈ ခုနှစ်မှာလည်း Shwe Property အနေဖြင့် တန်ဖိုးသင့်အိမ်ရာအရောင်းပြပွဲများအပြင် အဆင့်မြင့်အိမ်ရာအရောင်းပွဲတော်တွေကို ဆက်လက်ကျင်းပဖို့ စီစဉ်ထားပြီးအိမ်ရာမှာ ရင်းနှီးမြှုပ်နှံလိုသူတွေ အတွက် စီးပွားရေးအခွင့်အလန်းတွေများစွာ ဖန်တီးပေးဖို့လည်း ရည်ရွယ်ထားပါတယ်။
Written By : Wut Yee Htun (Shwe Property)
Posted By : Ra Wai (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
.png)
5.png)
4.png)
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
