တိုက်တာအဆောက်အအုံတွေမှာ RC Material လို့ ပြောလိုက်ရင် အဓိကပါဝင်တာက ကွန်ကရစ်နဲ့ သံချောင်းရှည်တွေပဲ ဖြစ်ပါတယ်။ ကွန်ကရစ်ထဲမှာဆိုရင် ဘိလပ်မြေ၊ သဲ၊ ကျောက်၊ ရေ တွေ ပါဝင်ပါတယ်။

အသုံးများတဲ့ ဘိလပ်မြေအမျိုးအစား (၄) မျိုးကို ဖော်ပြပေးလိုက်ပါတယ်။
1. Ordinary Portland Cement - OPC
2. Low Heat Portland Cement
3. Sulphates Resisting Cement
4. High Early Strength Cement စတာတွေပဲ ဖြစ်ပါတယ်။ မြန်မာပြည်မှာတော့ OPC ဘိလပ်မြေကို အသုံးများကြပါတယ်။

ကျနော်တို့က ဘိလပ်မြေကို ဝယ်ထားပြီး အသုံးမပြုတာ ကြာလာရင် သူရဲ့ strength တွေ ကျဆင်းလာတတ်ပါတယ်။

စက်ရုံက ထုတ်ပြီးပြီချင်းဆို ဘိလပ်မြေတွေရဲ့ strength က 100% ရှိပါတယ်။
၃လ ကြာသွားရင် 20%
၆လ ကြာသွာရင် 30%
၁နှစ် သို့ ၁၂ လ ဆိုရင် 40%
၂နှစ် သို့ ၂၄ လ ဆိုရင် 50% စသဖြင့် တဖြည်းဖြည်းနဲ့ သူရဲ့ strength က ကျဆင်းလာတတ်ပါတယ်။



Concrete ဖျော်စပ်ရာမှာ အသုံးများတဲ့ 1:2:4 ကို အချိုးကျရောစပ်ပြီးရင် ကွန်ကရစ်လောင်းလို့ရပါပြီ။ ကွန်ကရစ် လောင်းပြီးပြီဆိုရင် ဘိလပ်မြေရဲ့ ခံနိုင်ရည်

အား တက်လာအောင်လို့ Curing လုပ်ပေးရပါ့မယ်။ Concrete က အငွေ့ပျံတတ်လို့ လောင်းပြီး ၂ နာရီလောက်ကြာရင် curing စလုပ်လို့ရပါပြီ။ အနည်းဆုံး ၃ရက် ဆက်တိုက် လုပ်ပေးရပါ့မယ်။ ၇ ရက် ကနေ ၁၄ရက်အထိ လုပ်ပေးလို့ရပါတယ်။

Concrete လောင်းပြီးရင် ဘာလို့ Curing လုပ်သလဲ ဆိုတော့
1. concrete ရဲ့ အကောင်းဆုံးအရည်အသွေးကို ရရှိစေရန်
2. concrete maturity တိုးတက်စေရန်
3. concrete အတွင်းမှ ရေစိမ့်လမ်းကြောင်းများ 4.capillary proposity ကို လျော့ချနိုင်စေရန်
5.concrete strength နဲ့ durability တိုးတက်စေရန်
6. shrinkage ကြောင့် concrete ရဲ့ ထုထည် ပြောင်းလဲခြင်းကို လျော့ချနိုင်စေရန် တို့ဖြစ်ပါတယ်။

Curing လုပ်နည်းများစွာရှိတဲ့ အထဲကမှ အသုံးများ
တဲ့ နည်းလမ်းတွေကိုလည်း ဖော်ပြပေးလိုက်ပါတယ်။

• Sprinkling Curing - ရေနဲ့ ပက်ဖြန်းခြင်း
• Ponding Curing - ရေအိုင်ငယ်များ ဖန်တီးခြင်း
• Membrance Curing - လေလုံ အလွှာပါး ဖုံးအုပ်ပေးခြင်း
• Steam Curing - ရေနွေးငွေ့နဲ့ ပက်ဖြန်းခြင်း
• Steal Curing - လေလုံအောင် ဖုံးအုပ်ကာကွယ်ထားခြင်း တို့ပဲ ဖြစ်ပါတယ်။

Posted by : RW ( ShweProperty.com)