မြန်မာနိုင်ငံအတွင်းရှိ ရောင်းရန်နှင့် ငှားရန်ရှိသော အိမ်ခြံမြေများ

Property Titles

ရှာဖွေရန်နှိပ်ပါ

Property Titles

ရတနာနှင့် ဧရာဝဏ်အိမ်ရာအခန်းများ ဝယ်ရောင်း၊ ပွဲစားလက်ထဲမရောက်အောင် လုပ်ဆောင်ရန် သမ္မတဦးသိန်းစိန်ပြော

By 7daydaily, Shweproperty.com

Updated at 11 October 2015

ရတနာနှင့် ဧရာဝဏ်အိမ်ရာအခန်းများ ဝယ်ရောင်း၊ ပွဲစားလက်ထဲမရောက်အောင် လုပ်ဆောင်ရန် သမ္မတဦးသိန်းစိန်ပြော

ရတနာနှင့် ဧရာဝဏ်အိမ်ရာအခန်းများ ဝယ်ရောင်း၊ ပွဲစားလက်ထဲမရောက်အောင် လုပ်ဆောင်ရန် သမ္မတဦးသိန်းစိန်ပြော

By 7daydaily, Shweproperty.com

Updated at 11 October 2015

ရတနာနှင့်ဧရာဝဏ်အိမ် ရာစီမံကိန်းများမှ အခန်းပေါင်း တစ်သောင်းကျော်ကို စတင် ရောင်းချပါက အမှန်တကယ်နေ ထိုင်မည့်သူများရရှိရေးအတွက် ဝယ်ရောင်း၊ ပွဲစားများ လက်ထဲမ ရောက်စေရန် လုပ်ဆောင်ရမည် ဟု နိုင်ငံတော်သမ္မတဦးသိန်းစိန် က အောက်တိုဘာ ၉ ရက်က အ ဆိုပါအိမ်ရာစီမံကိန်းများသို့ သွား ရောက်စစ်ဆေးစဉ် ပြောကြားခဲ့ သည်။

‘‘ဖြစ်လေ့ ဖြစ်ထရှိတဲ့ သ ဘောပေါ့နော်။ တန်ဖိုးကအစ အ မှန်တကယ်နေထိုင်သူတွေလက် ထဲရောက်ဖို့ အရင်ကဖြစ်ခဲ့ဖူးတာ တွေကို ဆင်ခြင်ဖို့ မှာကြားသွားတဲ့ သဘောပါ’’ဟု မြို့ရွာနှင့် အိုးအိမ် ဖွံ့ဖြိုးမှုဦးစီးဌာနမှ ညွှန်ကြားရေး မှူးချုပ် ဦးမင်းထိန်က ပြောသည်။

ဒဂုံဆိပ်ကမ်း မြို့နယ်တွင် တည်ဆောက်နေသည့် အခန်း တစ်ခန်းလျှင် စတုရန်းပေ ၆၀၀ ကျော်ကျယ်ဝန်းမည့်ရတနာဧရာ ဝဏ်အိမ်ရာစီမံကိန်း၏ပထမအ ဆင့်မှာ ၂၀၁၆ တွင် ပြီးစီးမည်ဖြစ် ပြီး အခန်းပေါင်း ၆,၀၀၀ ကျော် စတင်ရောင်းချရန် စီစဉ်ထား သည်။ ဒဂုံဆိပ်ကမ်းမြို့နယ် ရတ နာဧရာဝဏ် အိမ်ရာစီမံကိန်းရှိ တိုက်အလုံးရေ ၄၉ လုံးမှ အခန်း ပေါင်း ၁၉၆,၀၀၀ ထွက်ပေါ်ရန် ရည်ရွယ်ထားရာ ပထမအဆင့် တည်ဆောက်ပြီးချိန်တွင် အခန်း ပေါင်း ၆,၀၀၀ ကျော်စတင်ရောင်း ချနိုင်ရန် ဆောက်လုပ်ရေးဝန်ကြီး ဌာနက ရည်ရွယ်ထားသည်။

၂၀၁၃ တွင် စတင်ခဲ့သည့် ယင်းအိမ်ရာစီမံကိန်းသည် တည် ဆောက်ချိန်ကြာမြင့်နေ၍ အခန်း တန်ဖိုးထပ်မံမြင့်တက်လာမည်ကို စိုးရိမ်ကာ အမြန်ဆုံးအပြီးသတ် ဆောက်လုပ်နိုင်ရန် ညွှန်ကြား ထားကြောင်း ဦးမင်းထိန်က ပြော သည်။

ထို့ပြင် ယခုအိမ်ရာစီမံကိန်း သည် ပဲခူးမြစ်နံဘေးတွင် တည်ရှိ သောကြောင့် ပဲခူးမြစ်ရေကို အ သုံးပြု၍ ရေချိုအဖြစ် အသုံးပြုနိုင် ရေးနှင့် စီမံကိန်းများပြီးစီးသည်နှင့် လူနေထိုင်ရန် အခြေခံအဆောက် အအုံများပါ ပြီးစီးနိုင်ရေး လုပ် ဆောင်ရန် သမ္မတက ညွှန်ကြားခဲ့ ကြောင်း ဦးမင်းထိန်က ပြော ကြားသည်။

သမ္မတနှင့်အတူ အဆိုပါ အိမ်ရာစီမံကိန်းများကို လိုက်လံ စစ်ဆေးစဉ် ပါဝင်ခဲ့သူတစ်ဦးဖြစ် သည့် မွေးမြူရေးနှင့်ကျေးလက် ဝန်ကြီးဌာနမှ ပြည်ထောင်စုဝန် ကြီးဦးအုန်းမြင့်ကလည်း ၎င်း၏ ဖေ့စ်ဘွတ်ခ်တွင် အိမ်ရာတည် ဆောက်ပြီးပါက လူနေထိုင်ရေး၊ ရေ၊ မီးတစ်ပြိုင်နက်ရရှိရေး သမ္မ တကြီးမှာကြားကြောင်း၊ အိမ်ရာ များတွင် ပြည်သူများနေထိုင်နိုင် ရေးအလေးထားရန်၊ ပွဲစားများ လက်ထဲမရောက်အောင် ဆောင် ရွက်ရန်၊ အိမ်ခန်းတန်ဖိုးသင့်တင့် မျှတစေရန် မှာကြားဟူ၍ရေးသား ဖော်ပြခဲ့သည်။

ရတနာဧရာဝဏ်အိမ်ရာကို ပုဂ္ဂလိကကုမ္ပဏီ ၃၁ ခုက အစိုးရ နှင့် အကျိုးတူ တည်ဆောက်ပြီး လတ်တလောတွင် စီမံကိန်းတစ်ခု လုံး၏ ၄၀ ရာခိုင်နှုန်းခန့် ပြီးစီးနေ ပြီဖြစ်သည်။

‘‘ဘဏ်ကနေ ငွေချေးပြီး တော့ အစိုးရဝန်ထမ်းတွေကို နှစ် ရှည်ဝယ်ခွင့်ပေးမယ်ဆိုရင်တော့ အဆင်ပြေလိမ့်မယ်။ ဒါပေမဲ့သိန်း ၅၀၀ ဆိုတဲ့တန်ဖိုးကတော့အရမ်း များလွန်းတယ်’’ဟု မြို့ပြရေးရာ ပင်တိုင်ဆောင်းပါးရှင်မြင့်မိုရ်ဆွေ က ပြောသည်။

ဦးသိန်းစိန် အစိုးရ လက် ထက်တွင် အိမ်ရာကဏ္ဍ၌ နှစ် ၂၀ နှစ်ရှည်ဖွံ့ဖြိုးတိုးတက်ရေးပုံစံဖြင့် ၂၀၁၂ မှ ၂၀၃၁ အထိ အိမ်ရာ ယူနစ်တစ်သန်းကို တိုင်းဒေသကြီး နှင့်ပြည်နယ်များမှ ဖွံ့ဖြိုးမှုအား ကောင်းနိုင်မည့်မြို့ကြီး ၈၁ မြို့၌ တည်ဆောက်ရန် ဆောက်လုပ် ရေးဝန်ကြီးဌာနက ရည်မှန်းထား သည်။

Ref : 7daydaily

Posted By : Myat Minn

Follow Us On