ပြည်တွင်းဆောက်လုပ်ရေးကဏ္ဍဖွံ့ဖြိုးရေးအတွက် မြန်မာနိုင်ငံဆိုင်ရာဥပရောပကုန်သည်အသင်း (EuroCham Myanmar) က ကူညီသွားမည်ဖြစ်ကြောင်း သိရသည်။
ဇန်နဝါရီလ ၂၂ ရက်နေ့က Grand Mercure Hotel ၌ ပြုလုပ်ခဲ့သည့် EuroCham Construction Forum 2019 တွင် EuroCham Myanmar ၏ Executive Director Filip Lauwerysen က ပြောကြားခဲ့ခြင်းဖြစ်ပြီး ဥရောပမှ ရင်းနှီးမြှုပ် နှံသူများအား ဆောက်လုပ်ရေးကဏ္ဍတွင် ဝင်ရောက်ရင်းနှီးမြှုပ်နှံရေးအတွက် ကူညီဖိတ်ခေါ်ပေးသွားမည်ဟု ဆိုသည်။
“ မြန်မာနိုင်ငံရဲ့ ဆောက်လုပ်ရေးကဏ္ဍတွေမှာ ပိုပြီးတော့ ရင်းနှီးမြှုပ်နှံသူတွေ ရလာအောင်လို့ EuroCham ကနေပြီးတော့ ပေါင်းကူးတံတားပုံစံဆောင်ရွက်သွားမှာ ဖြစ်ပြီးတော့ ဒီဆောက်လုပ်ရေးကဏ္ဍကနေပြီးတော့ အလုပ်အကိုင် ရရှိမှုတွေကို ဦးစားပေးဆောင်ရွက်သွားမှာ ဖြစ်ပါတယ်” ဟု Filip Lauwerysen ပြောသည်။
ယင်းအပြင် ပြည်တွင်းဆောက်ရေးလုပ်ငန်းကဏ္ဍတွင် ရင်ဆိုင်နေရသည့် နည်းပညာနှင့် ရင်းနှီးမြုှပ်နှံမှုဆိုင်ရာ အခက်အခဲများကို လုပ်ငန်းရှင်များ၊ မြန်မာနိုင်ငံအင်ဂျင်နီယာအသင်းကဲ့သို့ အဖွဲ့အစည်းများနှင့် ပူးပေါင်းဖြေရှင်းသွားရန်လည်း ရည်ရွယ်ထားသည်ဟု ယင်းကဆိုသည်။
လက်ရှိမြန်မာနိုင်ငံတွင် လမ်းတံတား ရင်းနှီးမြှုပ်နှံမှုဆိုင်ရာ လေ့လာချက်စစ်တမ်းအရ လမ်းနှင့်တံတားများကို ပြန်လည်ပြုခြင်းနှင့် အသစ်တည် ဆောက်ခြင်းဆိုင်ရာ ရင်းနှီးမြှုပ်နှံမှုအတွက် အမေရိကန်ဒေါ်လာ (၄၁ ဒသမ ၂၅) ဘီလီယံ လိုအပ်လျက်ရှိကြောင်း ဆောက်လုပ်ရေးဝန်ကြီးဌာန၊ လမ်းဦးစီးဌာန၏ ဒုတိယညွှန်ကြားရေးမှူးချုပ် ဦးကြည်ဇော်မြင့်က ပြောသည်။
“ Private Sector က ရင်းနှီးမြှုပ်နှံမယ်ဆိုရင် သေချာတယ်။ ရင်းနှီးမြှုပ်နှံမှုအပေါ် ပြည်လည်ရရှိမှ သူက ရင်းနှီးမြုှပ်နှံနိုင်မှာပါ။ အဲလို Project တွေဆိုရင် Private Sector ကို ရင်းနှီးမြှုပ်နှံခိုင်းမယ်။ အဲ့လိုမဟုတ်ဘူး။ တချို့ရင်းနှီးမြှုပ်နှံမှုတွေက စီးပွားရေးအရ ပြန်လည် ရရှိမှုအားနည်းမယ်ဆိုရင် ပြည်သူတွေရဲ့ လူမှုဘဝဖွံ့ဖြိုးတိုးတက်မှုကို အထောက်အကူပြုမယ်ဆိုရင် အဲ့လိုမျိုး စီမံကိန်းတွေကိုတော့ အစိုးရဘတ်ဂျတ်နဲ့ ရင်းနှီးမြှုပ်နှံသွားမယ် ” ဟု ဦးကြည်မြင့်ဇော်က ပြောသည်။
National Transport Master Plan အရ ၂၀၁၄ ခုနှစ်မှ ၂၀၃၀ ခုနှစ်အထိ ပို့ဆောင်ရေးဆိုင်ရာ အခြေခံအဆောက်အအုံများထဲမှ လမ်းများ တည်ဆောင်မှုအတွက် အမေရိကန်ဒေါ်လာ ( ၁၁ ဒသမ ၇) ဘီလီယံ၊ မီးရထားလမ်းများအတွက် အမေရိကန်ဒေါ်လာ (၆ ဒသမ ၆) ဘီလီယံ၊ လေဆိပ်တည်ဆောက်ရေး လုပ်ငန်းများအတွက် အမေရိကန်ဒေါ်လာ (၂ ဒသမ ၄) ဘီလီယံနှင့် ကုန်တွင်းနှင့် ပင်လယ်ရေကြောင်းဆိပ်ကမ်းများ တည်ဆောက်ရေးအတွက် (၆ ဒသမ ၁) ဘီလီယံ လိုအပ်လျက်ရှိကြောင်း သိရသည်။
Ref & Photo Credit : Btvmyanmar
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
