ဒီတစ်ခေါက်စာရေးရန် အိမ်အကြောင်း စဉ်းစားဖြစ်သည်။ အိမ်ဆိုသည်မှာ နေထိုင်ရန် သင့်တော် သော နေရာအားလုံးပါဝင်သည်။ တိုက်ခန်း၊ ကွန်ဒို၊ လုံးချင်း၊ အ ထပ်မြင့်၊ အထပ်နိမ့် အားလုံးအိမ် များသာ ဖြစ်သည်။ နေထိုင်ရေး သည် လူသားတစ်ဦး၏ အရေး ကြီးဆုံး အစိတ်အပိုင်းတွင် ပါဝင် သည်ဖြစ်ရာ အိမ်ရာပိုင်ဆိုင်ရေး၊ နေထိုင်ဖို့ တစ်နေရာရရှိရေးသည် ပင် နိုင်ငံရေးဖြစ်တော့သည်။ မြန်မာနိုင်ငံသည် အရှေ့တောင် အာရှဒေသ၏ အကြီးမားဆုံးနိုင်ငံ များအနက် တစ်နိုင်ငံဖြစ်သည်။ ဖော်ထုတ်အသုံးပြုရန် မြေယာ များစွာရှိသည်။ ဆောက်လုပ်ရေး လုပ်ငန်းများတွင် အသုံးပြုရန် ကုန်ကြမ်းများစွာ ရှိသည်။ ရင်းနှီးမြှုပ် နှံရန်လိုအပ်သော ငွေကြေးများရှိ သည်။ တည်ဆောက်ဖန်တီးမည့် အင်ဂျင်နီယာ၊ အခြေခံလုပ်သား များစွာ ရှိသည်။ ကြီးကြပ်ကွပ်ကဲ ရမည့် အိုးအိမ်၊ ဆောက်လုပ်ရေး၊ စည်ပင်ကဲ့သို့ အဖွဲ့အစည်းများ ရှိသည်။ ဝမ်းနည်းစရာကောင်း သည်မှာ အဆိုပါအရင်းအမြစ် များကို စုစည်းအသုံးပြုနိုင်မည့် စီမံခန့်ခွဲမှု ဦးနှောက်များမှာမူ များ စွာနည်းပါးနေပုံရသည်။

 အိမ်ရာဆောက်လုပ်ခြင်း။ အများပြည်သူသို့ သင့်တင့်သော နှုန်းထားဖြင့် ဖြန့်ဖြူးရောင်းချခြင်း၊အခြေခံလူတန်းစားများအား အိမ် ရာပိုင်ဆိုင်စေခြင်းသည်ပင်လျှင် အခြေခံနိုင်ငံရေးဖြစ်သည်ဆိုလျှင် ဦးသိန်းစိန်အစိုးရသည် အဆိုပါ အခြေခံနိုင်ငံရေးကို အောင်မြင် စွာ ဆောင်ရွက်နိုင်ရန် ပျက်ကွက် ခဲ့သည်။ ရှုပ်ထွေးလှသော မြေ ယာပိုင်ဆိုင်မှုများ၊ တည်ဆောက် ရေးဆိုင်ရာ စီမံခန့်ခွဲမှုများ၊ လက် ရောက်လွှဲပြောင်းပေးအပ်ခြင်း များကို တာဝန်ယူမလုပ်ဆောင်လို ပါလျှင်မူ အစိုးရမလုပ်ရန်သာ ရှိ တော့သည်။ အခုလည်း ဂျောင်းပါ ပြီလေ။ အကယ်၍သာ ဦးသိန်း စိန်အစိုးရသည် အခြေခံလူမှုဘဝ မြင့်မားသာယာရေးကဲ့သို့သော အိမ်ရာ၊ အိုးအိမ်များထူထောင်ပေး ခြင်း၊ အများပြည်သူသုံး ဘတ်စ် ကားစနစ်များ ပိုမိုကောင်းမွန် အောင် လုပ်ဆောင်ပေးခြင်း၊ အ ခြေခံအဆောက်အအုံများတွင် ပိုမိုရင်းနှီးမြှုပ်နှံခြင်းများကို ၎င်းတို့ အစိုးရစတင်အာဏာသက်ရောက် သည့် ၂၀၁၁ တွင် အချိန်ပေး၊ စီမံကိန်းချ လုပ်ဆောင်နိုင်ခဲ့ပါက ၂၀၁၅ အထွေထွေရွေးကောက်ပွဲ ရလဒ်ပင် တစ်မျိုးတစ်ဖုံပြောင်းလဲ သွားနိုင်သည်။ အိမ်ရာစီမံကိန်း များကို ယေဘုယျ ၂ နှစ်ဟု သတ်မှတ်လျှင် အထွေထွေရွေးကောက် ပွဲမတိုင်မီ နေရာအနှံ့အပြားတွင် စနစ်တကျတည်ဆောက်ခဲ့ပါက ၂၀၁၄ ဝန်းကျင်၌ တည်ဆောက်ပြီးစီးသော အများပြည်သူအိမ်ရာ များတွင် ပျော်ရွှင်စွာနေထိုင်လျက် ရှိသော သောင်း၊ သိန်းချီသည့် ပြည်သူများကို တွေ့မြင်ရမည်ဖြစ် သည်။ ထိုသို့ဖြစ်ရမည့်အစား မီဒီ ယာနှင့် နိုင်ငံတကာတို့မှ အာရုံ စိုက်သော ငြိမ်းချမ်းရေးဆွေးနွေး ပွဲများ၊ နိုင်ငံတကာညီလာခံများ တွင် အချိန်များကုန်နေသည်က များသည်။ ဖွံ့ဖြိုးရေးအတွက် ငြိမ်း ချမ်းရေးရရှိရန် အရေးကြီးသည် မှာ အမှန်ပင်ဖြစ်သည်။ သို့သော် ပို၍အရေးကြီးသည်မှာ အများ ပြည်သူများ၏ လူမှုဘဝသက်သာ ချောင်ချိရေးဖြစ်သည်။ အထူး သဖြင့် နေထိုင်ရေးသည် များစွာ အရေးကြီးသည်။ ရန်ကုန်မြို့ရှိ အခြေခံလူတန်းစားများအပါအဝင် အလွှာပေါင်းစုံ ပြည်သူအများ စိုးရိမ်သောက ရောက်နေကြရ သည်မှာ နေထိုင်ရေးကိစ္စပင် ဖြစ်သည်။ နေ့စဉ်နေထိုင်ရေးတွင် အိမ်ငှားခ၊ ဆိုင်ငှားခ၊ တိုက်ခန်းငှားခတို့မှာ များစွာကြီးမြင့်လှ သည်။ တိုက်ပေါ်မှ တဲပေါ်ရောက်သွားကြသူများမှာ အနည်းစုသာဖြစ်ပြီး တိုက်ပေါ်မှ တဲအိမ်များသို့ ရောက်သွားကြသူများမှာ အများစုဖြစ်လာသည်။ မြေညီထပ်ဆိုင်ခန်းငှားခ အဆမတန်မြင့်တက် လာသဖြင့် အများအပြားမှာ လမ်းဘေးဆိုင်များအဖြစ် အသွင် ပြောင်းသွားကြသည်။ အိမ်ရှင်၊ အိမ်ငှား  ပဋိပက္ခသတင်းများ မကြာခဏ ကြားလာရသည်။ နေရာကိစ္စမှာ မြို့ထဲကားပါကင် ကိစ္စအတွက် ကူးစက်လာသည်။ ငွေကြေးရှိသူများပင် အချင်းချင်း သတ်ဖြတ်ရန် ဝန်မလေးဖြစ်လာ သည်။ လိမ္မာယဉ်ကျေးသောသူ များ ရိုင်းစိုင်းကုန်ကြသည်။ ဤ သည်တို့မှာ နေရာကိစ္စအတွက် မွန်းကျပ်လှသော မြန်မာလူမှုဘဝ ၏ ဘေးထွက်ဆိုးကျိုးအချို့သာ ဖြစ်တော့သည်။

အစိုးရတစ်ရပ်အနေဖြင့် လူ တိုင်း၏ လိုအင်အား မလိုက်နိုင် သည်ကို နားလည်နိုင်ပါသည်။ သို့သော် ပြည်တွင်းလူမှုဘဝသက် သာချောင်ချိရေးသည် အဓိက နိုင်ငံရေးဖြစ်ရမည်။ စစ်မှန်သော ရွေးကောက်ပွဲကျင်းပပြုလုပ် သည့် မည်သည့်နိုင်ငံတွင်မဆို အ ခြေခံလူတန်းစားများ၏ လိုအပ် ချက်ကို ဖြည့်ဆည်းမပေးနိုင်သော အစိုးရတစ်ရပ်သည် နောက်သက် တမ်းတစ်ခု ဆက်လက်ထမ်း ဆောင်ရန် ခဲယဉ်းပါလိမ့်မည်။ ထိုင်း၊ မလေးရှား၊ တရုတ်ကဲ့သို့ အိမ်နီးချင်းနိုင်ငံများတွင် ပြည်သူ့ အိမ်ရာများ ဆောက်လုပ်သည်ဆို ပါက စီမံကိန်းတစ်ခုလျှင် တိုက် ခန်းထောင်၊ သောင်းချီပါဝင် သည်။ အဆိုပါ အိမ်ရာစီမံချက် များ နေရာအနှံ့၊ နိုင်ငံအနှံ့ရှိသည်။ အိမ်ရာစီမံကိန်းများတွင် အမှား အယွင်းရှိပါက၊ အမှားအယွင်းပြု ပါက တာဝန်ရှိသူများ တာဝန်ခံရ သည်။ တာဝန်ယူရသည်။ ဆောက်လုပ်ဆဲတွင် ပြိုပျက်ပါက၊ ဆောက်လုပ်ပြီးသောအခါ ပြိုပျက်ပါက တာဝန်ရှိသူများ အရေးယူခံရ သည်။ ထောင်ဒဏ်နှစ်ရှည်များမှ သည် သေဒဏ်အထိ ကျခံကြရ သည်။

ယခု မြန်မာနိုင်ငံတွင် အစိုးရက ကြီးကြပ်သော အိမ်ရာစီမံကိန်း အချို့ ရှိပါသည်။ သို့သော် အများ ပြည်သူမှာ ၎င်းတို့နှင့်ပတ်သက်၍ သတင်းအချက်အလက်အနည်း ငယ်သာရကြသည်။ သတင်းအ နေဖြင့် သတင်းစာများတွင်ပါလာ သည်ကလွဲ၍ များများစားစားမသိ ကြ။ ရေ၊ မီး ပုံမှန်ရသလား၊ လမ်း ပန်းဆက်သွယ်ရေး အဆင်ပြေ သလား၊   လုံခြုံစိတ်ချရမှုရှိသလား၊ မည်သူက  တာဝန်ခံသနည်း စသည်ဖြင့် မေးခွန်းများစွာ ရှိနေ သည်။ ပြီးစီးသည်ဆိုသော ရာ ဂဏန်း၊ ထောင်ဂဏန်း တိုက်ခန်း များမှာ  အိမ်ရာလိုအပ်ချက်ရှိ သော ပြည်သူဦးရေနှင့် နှိုင်းယှဉ် လျှင် မဆိုစလောက်သာရှိသည်။ ပြည်သူများမှာ နေစရာမြေတစ် ကွက်ရရှိရေး၊ တိုက်ခန်းတစ်ခန်း ရရှိရေးအတွက် ဂုဏ်သိက္ခာရှိရှိ မနေကြရပေ။ ဟိုမေး၊ ဒီမေး၊ ဟို ရုံးသွား၊ ဒီရုံးသွားနှင့် နောက်ဆုံး ဖြစ်သွားခဲ့သော အငြိမ်းစားများ အတွက် မြေကွက်ချပေးမည့် သတင်းသည် မြေကွက်လိုချင်ကြ သော သက်ကြီးရွယ်အို အငြိမ်း စားများအကြား များစွာဂယက် ရိုက်ခဲ့သည်။ တံဆိပ်ခေါင်းခ၊ စာ ရွက်စာတမ်းခ၊ မော်တော်ကားခ အနည်းဆုံး ကုန်ကျသည်။ အချိန် ကုန်သည်။ ကျန်းမာရေးထိခိုက် သည်။ အပြင်မထွက်သူများပင် ဖုန်းများမှတစ်ဆင့် မေးမြန်းစုံစမ်း ကြရင်း ဖုန်းခများ ကုန်ကျသည်။ အချိန်ကုန်၊ လူပန်း ဂုဏ်သိက္ခာ မရှိဖြစ်ခဲ့ကြရသည်။

 စာရေးသူ အလုပ်ကိစ္စဖြင့် ဖွံ့ဖြိုးပြီးနိုင်ငံများ၊ ဖွံ့ဖြိုးဆဲနိုင်ငံ များရှိ တိုက်ခန်းအိမ်ရာအချို့သို့ ရောက်ရှိနေထိုင်ခဲ့ဖူးသည်။ အ မှိုက်သိမ်းစနစ်မှ မီးသတ်စနစ်အ ထိ ပြည့်စုံစွာပါရှိသည်။ အဆိုပါ စနစ်များမှာ မြန်မာနိုင်ငံရှိ ပြည် သူအများစုအတွက် အိပ်မက်သာ ဖြစ်တော့သည်။ သိန်းထောင်ချီ ကြိုပွိုင့်တောင်းခံသည့် ကွန်ဒိုအ ချို့တွင်ပင် အဆိုပါစနစ်များ မပါ ဝင်သည်ကို သတိပြုမိသည်။ နိုင်ငံခြားတွင်  အလုပ်အကိုင်ကောင်းပါက၊  ပညာရေးကောင်းပါက၊ နောက်ခံအချက်အလက်များ ရှင်း လင်းပါက ဘဏ်များနှင့် ချိတ် ဆက်၍ တန်ဖိုးသင့်တင့်၍ အဆင့်မြင့်မားစွာ နေထိုင်နိုင်သော အ သင့်ဆောက်ပြီး တိုက်ခန်းများကို အရစ်ကျစနစ်ဖြင့် ဝယ်ယူနေထိုင် နိုင်သည်။ အလယ်အလတ်လူ တန်းစားများသည် ဂုဏ်သိက္ခာရှိ စွာဖြင့် တိုက်ခန်းများကို ရွေးချယ် ဝယ်ယူနိုင်သည်။ စာရေးသူ ရန် ကုန်မြို့ရှိ တန်ဖိုးသင့်ကွန်ဒိုတိုက် ခန်းတစ်ခန်း  ဝယ်ယူလိုသဖြင့်ဆောက်လုပ်ရေးလုပ်ငန်းအချို့ သို့ သွားရောက်မေးမြန်းစုံစမ်းဖူး သည်။  ကြိုပွိုင့်အဆင့်တွင်ပင် လက်မြှောက်ခဲ့ရသည်။ ဆောက်လုပ်မည့်၊ ဆောက်လုပ်ဆဲလုပ် ငန်းခွင်တစ်ခုရှိ အကောင်အထည် ကောင်းစွာ မပေါ်သေးသော အခန်းတစ်ခန်းကို သိန်းထောင်ဂဏန်းဖြင့် အရစ်ကျပေးချေနိုင် ရန် မစွန့်စားလိုပါ။ ဘဏ်များနှင့်ဆက်သွယ်မေးမြန်းကြည့်ပါဆို သော်လည်း ဘဏ်နှင့်ချိတ်ဆက်ထားသော ဆောက်လုပ်ရေးလုပ်ငန်းနှစ်ခု၊   သုံးခုလောက်သာရှိ တတ်ပြီး  ရွေးချယ်စရာများများစားစားမရှိချေ။

 ရန်ကုန်မြို့တွင် အသုံးပြု ခြင်းမရှိသော အစိုးရအဆောက် အအုံများစွာရှိပါသည်။   ဖော်ထုတ်အသုံးပြုရန်   မြေနေရာများစွာရှိပါသည်။   မြန်မာနိုင်ငံအနှံ့အပြားတွင်  ရေမြေရှုခင်းကောင်းမွန် သော ဒေသများစွာရှိပါသည်။ မြေလွတ်၊ မြေရိုင်းများစွာရှိပါသည်။

ဖော်ထုတ်အသုံးပြုကြရန်သာလိုသည်။ နိုင်ငံတော်မှ ပံ့ပိုးပေးရန်လိုသည်။ အရည်အသွေးပိုင်းဆိုင်ရာ ကြီးကြပ်၊ ထိန်းကျောင်းရန်လိုသည်။ အိမ်ရာများမှတစ်ဆင့် နိုင်ငံသားများ၏ ဘဝအရည်အသွေးကိုမြှင့်တင်နိုင်သည်။ အစိုးရတစ်ရပ်အနေဖြင့် အများပြည်သူသို့ အိမ်ရာ ဖြည့်ဆည်းထောက်ပံ့ခြင်းသည် အကောင်းဆုံးနိုင်ငံရေးဖြစ်သည်။

အကောင်းဆုံး စည်းရုံးရေးဖြစ် သည်။ အကောင်းဆုံးလူမှုရေး ကုသိုလ်ဖြစ်သည်။

ယခု တန်ဖိုးနည်းတိုက်ခန်း၊ တန်ဖိုးသင့်တိုက်ခန်းဆိုပြီး နိုင်ငံ အနှံ့ဆောက်လုပ်နေသည်ကို တွေ့ရသည်။ အင်မတန်ကောင်း မွန်သော စီမံကိန်းများဖြစ်သည်။ အများစုမှာ နောက်နှစ်အနည်း ငယ်အတွင်း ပြီးစီးမည်ဟု ဆို သည်။ သို့သော် အရေအတွက် များစွာ ဖြစ်သင့်သည်။ အမှန်မှာ တော့ ယခုကဲ့သို့ အများပြည်သူ အိမ်ရာစီမံကိန်းများကို ပြုပြင် ပြောင်းလဲရေးများ စတင်သည့် ၂၀၁၁ တွင် နိုင်ငံအနှံ့ စတင်အ ကောင်အထည်ဖော်ခဲ့မည်ဆိုပါ က ယခုဆိုလျှင် အများပြည်သူတို့ ၏ နေထိုင်ရေးသောကများ အ တိုင်းအတာတစ်ခုအထိ ပြေလျော့စေမည်ဖြစ်သည်။ ယခုမူ အများ စုမှာ ဆောက်လုပ်ဆဲ၊ ဆောက် လုပ်ရန် ပြင်ဆင်ဆဲကာလတွင် သာ ရှိသေးသည်ကို တွေ့ရသည်။

ချမ်းသာပြီး ပြီးပြည့်စုံစွာနေ ရသော အစိုးရများသည် အများ ပြည်သူ အိမ်ရာစီမံကိန်းများကို အကောင်အထည်ဖော်ရန် မကြာ ခဏဆိုသလို မေ့လျော့တတ်ကြ သည်။ အကောင်အထည်ဖော် လျှင်လည်း အစအဆုံးတာဝန်ယူ ခြင်းမျိုးမရှိတတ်။  နောက်ဆုံး တိုက်ခန်းများက လိုအပ်သော အ များပြည်သူလက်ထဲ ရောက်မလာဘဲ အကျင့်ပျက်ဝန်ထမ်းများနှင့် ပွဲစားများအတွက်  ခွင်ဖြစ်သွား တတ်သည်။ ယခု အင်န်အယ်လ် ဒီအစိုးရသည် ယေဘုယျဆင်းရဲ သော အစိုးရဖြစ်သည်။ သူ၏ လွှတ်တော်အမတ်များကိုပင် နေ ပြည်တော်ရှိ သတ်မှတ်ထားသော အဆောင်များတွင် တစ်ပြေးညီ နေထိုင်ရမည်ဟု သတ်မှတ်ထား သည်။  အင်န်အယ်လ်ဒီအမတ် များ၊ အစိုးရအဖွဲ့တွင် တာဝန်ယူ မည့်သူများတွင်ပင် အိုးပိုင်၊ အိမ် ပိုင် မရှိသူများပါဝင်နိုင်သည်။ အစိုးရသစ်သည် အိမ်ရာပိုင်ဆိုင် ခွင့်မျှော်လင့်နေကြသော သာမန် ပြည်သူများ၏ လိုအင်ကို နားလည်နိုင်မှု ပိုမိုပေးမည်မှာ အသေအချာ ပင်ဖြစ်တော့သည်။ သို့ဖြစ်ရာ ယခင် USDP အစိုးရ ဆောလျင်စွာ အကောင်အထည်ဖော်ရန် ပျက်ကွက်ခဲ့သော အများပြည်သူအိမ် ရာစီမံကိန်းတို့ကို အင်န်အယ်လ်ဒီ အစိုးရအနေဖြင့် စနစ်တကျဖန် တီးဖော်ဆောင်ရင်း အစိုးရသစ်၏ အကောင်းဆုံးနိုင်ငံရေးကို အများပြည်သူအိမ်ရာများ တည်ဆောက်ခြင်းမှ အစပြုပါဟု တိုက်တွန်းနှိုး ဆော်လိုက်ရပါသည်။

Ref : 7daydaily

Photo Credit : 7daydaily

Posted By : Moe Thae'