ဆောက်လုပ်ရေးလုပ်ငန်းများ တိုးတက်များပြား လာသည့်နောက်ပိုင်းတွင် လုပ်ငန်းခွင်များ အတွင်း ဘေးအန္တရာယ်ကင်းရေးကို လိုက်နာ ဆောင်ရွက်သင့်သည့် အသိပညာများရှိလာကာ ၂၀၁၂  ခုနှစ်နောက်ပိုင်းခန့်လောက် မှ စတင်၍ မြို့ကြီးများရှိ ဆောက်လုပ်ရေးလုပ်ငန်းကြီးများတွင်  သိသိသာသာ ဆောင်ရွက်မှုများ ရှိလာကြောင်း လုပ်ငန်းခွင်ဘေးအန္တရာယ်ကြီးကြပ်သည့်  အရာရှိများနှင့် အင်ဂျင်နီယာများက ပြောသည်။


သို့သော် လုပ်ငန်းခွင်အတွင်း မတော်တဆ ဘေးအန္တရာယ်များ ဖြစ်ပွားလျက်ရှိနေပြီး ထိခိုက်ဒဏ်ရာနှင့် သေဆုံးမှုများလည်း ရှိသည်။ ပြီးခဲ့သည့်ဇွန်လ တတိယပတ်အတွင်း တွင်လည်း မန္တလေးမြို့၌ ဆောက်လုပ်ရေးလုပ်ငန်းတစ်ခုတွင် ကြီးမားသည့်ငြမ်းပြိုကျမှု များကြောင့် အလုပ်သမားများ
ထိခိုက်ဒဏ်ရာရရှိခဲ့ပြီး အသက်သေဆုံးသည်အထိ ဖြစ်ခဲ့သည်။ ယင်းကဲ့သို့ လုပ်ငန်းခွင်ဘေးအန္တရာယ် ဖြစ်ပွားမှုများကို လျော့နည်းသွားအောင် လုပ်ဆောင်ရန် လိုအပ်ပြီး ထိုသို့လုပ်ဆောင် နိုင်ရန် လက်ရှိမြန်မာနိုင်ငံတွင် အသစ်ပေါ်ထွက်ရန် လိုအပ်လျက် ရှိသည့် လုပ်ငန်းခွင် ဘေးအန္တရာယ်ကင်းရှင်ရေးနှင့် ကျန်းမာရေး ဥပဒေအကြမ်းကို အမြန်ဆုံး အတည်ပြု ပြဋ္ဌာန်းပြီးစီးနိုင်ရန် လိုအပ်ကြောင်း ကျွမ်းကျင် သူများက ပြောသည်။ "အခုနောက်ပိုင်း ဆောက်လုပ်ရေး လုပ်ငန်းတွေမှာ အရင်ထက်စာရင် Safety  ကို လိုက်လုပ်ကြပါတယ်။ လုပ်ငန်းရှင်တွေ ရော အလုပ်သမားတွေပါ အခုနောက်ပိုင်းမှာ
Safety  နဲ့ ပတ်သက်တဲ့ အသိပညာတွေ ရှိလာ ပြီး လိုက်နာကြပါတယ်။ ဒါပေမဲ့ ကျွန်တော်တို့  ဆီမှာ ဒါနဲ့ပတ်သက်ပြီး ဥပဒေတိတိကျကျ မရှိဘူး။ လိုက်နာဖို့ ဥပဒေမရှိတော့ လုပ်ငန်းခွင်တိုင်းမှာ လူတိုင်းက လိုက်နာကြမှာမဟုတ် ဘူး။ လုပ်ငန်းခွင်မတော်တဆဆိုတာ လိုက်နာ မှုအားနည်းရင် ရှိနေဦးမှာပဲ" ဟု Registered Safety Officer ကိုအောင်ကိုက ပြောသည်။ လုပ်ငန်းခွင်များ၌ ဘေးအန္တရာယ်ဖြစ်ပေါ်မှု သည် မဖြစ်မနေလိုက်နာရမည့် ဥပဒေတစ်ခုရှိပါက ဘေးန္တရာယ်များကြောင့် ထိခိုက်မည့် သေဆုံးမည့်သူများမှာ မရှိသလောက်လျော့ပါးသွားနိုင်သည် အထိ ထိန်းသိမ်းနိုင်မည်ဖြစ်ကြောင်းနှင့် လက်ရှိအနေအထားမှာ အားနည်းနေသေးသည့် အနေအထားဖြစ်ကြောင်း ၎င်းကပြောသည်။


"တခြားနိုင်ငံတွေမှာလို ဥပဒေရှိမယ် ဆိုရင် ဒီလိုဘေးန္တရာယ်မျိုးတွေက တော်တော်ကို လျော့နည်းသွားမှာ ဒါပေမဲ့ အခုက မလွဲမသွေ လိုက်နာရမယ့် ဥပဒေမျိုး မရှိသေးတော့  လုပ်ငန်းခွင်မှာ အန္တရာယ်မဖြစ်ဖို့ကို လိုက်နာဆောင်ရွက်ချင်တဲ့သူက လိုက်နာတယ်  မလိုက်နာချင်တဲ့သူက မလိုက်နာကြတော့ မတော်တဆဆိုတာ ရှိနေဦးမှာပဲ" ဟု  ဦးအောင်ကိုက ပြောသည်။


ဆောက်လုပ်ရေး လုပ်ငန်းတွင် အလုပ်သမားများ၊ လုပ်ငန်းခွင် ပတ်ဝန်းကျင်များ  အတွက် ထိခိုက်အန္တရာယ်မဖြစ်ပေါ်စေရန်အတွက် လိုက်နာမည်ဆိုပါက ကုန်ကျစရိတ် များပြားသည့်အတွက် Safety ကို ဆောင်ရွက်သည့် လုပ်ငန်းရှင်များရှိသကဲ့သို့ Safety အတွက် အကုန်အကျမခံသည့် လုပ်ငန်းရှင် များလည်း ရှိကြောင်း Safety Office  က ပြောသည်။


"Safety အတွက် အသုံးစရိတ်ကတော့ များတယ်။ တချို့လုပ်ငန်းရှင်တွေကျတောလည်း အဲဒီအတွက် အကုန်ခံပြီး Safety လုပ်ငန်းကို ဆောင်ရွက်ကြတယ်။ တချို့ကျ တော့လည်း အဲဒီအတွက် ငွေကုန်မခံတော့ ဘူး တကယ်လို့ တစ်ခုခုမတော်တဆဖြစ်ခဲ့ သည်ရှိရင် လျော်ကြေးငွေပေးလိုက်ကြတယ်။ မရှိခဲ့ရင်တော့ မကုန်ဘူးပေါ့။ အဲဒါကြောင့် Safety အတွက် အသေအချာလိုက်နာရမယ့် ဥပဒေ နည်းဥပဒေရှိမယ်ဆိုရင် အားလုံး တစ်ပြေးညီဖြစ်ပြီး ထိခိုက်မှုကိုနည်းအောင် ထိန်းနိုင်မယ်" ဟု လုပ်ငန်းခွင်အန္တရာယ်ကင်းရှင်ရေး အင်ဂျင်နီယာ တစ်ဦးက ပြောသည်။


ထို့ပြင် လုပ်ငန်းခွင်များ၌ မတော်တဆ ဘေးအန္တရာယ်များကြောင့် ထိခိုက်ဒဏ်ရာ ရှိခဲ့သည့်  အလုပ်သမားများနှင့် သေ ဆုံးခဲ့သည့်အလုပ်သမားများ၏ နိုင်ငံအတိုင်းအတာဖြင့် ပြုစုထားသည့် နှစ်စဉ်စာရင်းဇယား များမရှိသည့်အတွက် လိုက်နာကျင့်သုံးမှုတွင် အားနည်စေကြောင်း Global Enchanting Education Centre မှ Safety Trainerတစ်ဦးလည်းဖြစ်သည့် ကိုအောင်ကိုက ပြောသည်။


"ဒီမှာက အလုပ်သမားတွေထိခိုက် သေဆုံးမှုနဲ့ ပတ်သက်လို့ ဘာစာရင်းဇယားမှ မရှိဘူး။  တစ်နှစ်မှာ ဘယ်လောက်ဆိုတာမျိုး၊ တစ်နှစ်ထက်တစ်နှစ် လုပ်ငန်းခွင်မှာ ထိခိုက် အန္တရာယ် ပိုများလာလား မများလာဘူးလား ဆိုတာတွေကို စာရင်းဇယားနဲ့မှတ်တမ်းတင်ထားတာမျိုး မရှိတော့ မသိရဘူး။ ဒီလိုမျိုး မှတ်တမ်းတင်မယ့် အဖွဲ့အစည်းမျိုးလည်း မရှိဘူး။ ဒီတော့  ထိခိုက်မှုများတယ် နည်းတယ် ကိုသိရင် လိုက်နာမယ့်သူတွေကလည်း လုပ်ငန်းခွင်မှာ Safety ကို  လိုက်နာရင် ဘယ်လိုအကျိုး ရှိတာမျိုးကို သိနိုင်တာပေါ့" ဟု ၎င်းက ပြောသည်။ မြန်မာနိုင်ငံ အင်ဂျင်နီယာအသင်းမှ ယခု ကဲ့သို့ လုပ်ငန်းခွင်များအတွင်း မတော်တဆ ထိခိုက်မှု များကြောင့် အလုပ်သမားများ၏ ဒဏ်ရာရ၊ သေဆုံးမှုများကို သိရှိနိုင်ရန်အတွက် မှတ်တမ်း တင်နိုင်မည့် အဖွဲ့အစည်းမျိုး ဖွဲ့စည်းသွားရန် စီစဉ်နေကြောင်း အင်ဂျင် နီယာအသင်း၏  ဒုတိယဥက္ကဋ္ဌ ဒေါ်စီစီသန်း က ပြောသည်။ "ပြည်တွင်းက ဆောက်လုပ်ရေးလုပ်ငန်း  သက်တမ်းတစ်လျှောက် လုပ်ငန်းခွင်မှာ ထိခိုက်ပျက်စီးမှုနဲ့ပတ်သက်ပြီး ဘာမှတ်တမ်းမှ မရှိဘူး။ အဖွဲ့အစည်းလည်း မရှိတော့ နောက်ပိုင်းမှာ လုပ်ငန်းခွင်မတော်တဆ ထိခိုက်မှုတွေ ဘယ်လောက်ရှိတယ် ဆိုတာမျိုး တွေ သိနိုင်အောင် မှတ်တမ်းတင်နိုင်မယ့် အဖွဲ့အစည်းမျိုး ဖွဲ့စည်းဖို့ စီစဉ်နေပါတယ်" ဟု ၎င်းက ပြောသည်။ မြန်မာနိုင်ငံတွင် လုပ်ငန်းခွင်ဘေးအန္တရာယ် ကင်းရှင်းရေးနှင့် ကျန်းမာရေး ဥပဒေမှာ ၁၉၅၁ အလုပ်ရုံများအက်ဥပဒေတွင် ပါရှိသော်လည်း လုပ်ငန်းခွင်ဘေးအန္တရာယ်နှင့်ပတ်သက်သည့် အခန်းကဏ္ဍ (Chapters) မှာ နည်းသည့်အတွက် ၂၀၁၂ ခုနှစ်တွင် အလုပ်သမားဝန်ကြီးဌာနအပြင် ဆောက်လုပ်ရေးဝန်ကြီးဌာန အစရှိသည့်
သက်ဆိုင်ရာဝန်ကြီး ဌာနများ ပူးပေါင်း၍ ဥပဒေကြမ်းကို ရေးဆွဲ ပြီးစီးခဲ့သော်လည်း လက်ရှိအချိန် ထိ ဥပဒေ တစ်ခုအဖြစ် ပေါ်ထွက်လာခြင်း မရှိသေးပေ။


အဆိုပါ လုပ်ငန်းခွင်ဘေးန္တရာယ် ကင်းရှင်းရေးနှင့် ကျန်းမာရေး ဥပဒေကြမ်းကို ဥပဒေ၊ နည်းဥပဒေများ အမြန်ထွက်ပေါ်လာရန် ဆောင်ရွက်လျက်ရှိကြောင်း မြန်မာနိုင်ငံဆောက်လုပ်ရေး ၀န်ကြီးဌာန သတင်း ပြန်ကြားရေးတာဝန်ရှိသူ ဦးမြင့်နိုင်က ပြောသည်။

Ref  : Myanmar Times

Posted By : Wai Phyoe Aung