မြန်မာနိုင်ငံအတွင်းရှိ ရောင်းရန်နှင့် ငှားရန်ရှိသော အိမ်ခြံမြေများ

Property Titles

ဒလမြို့နယ်တွင် အိမ်ခြံမြေအရောင်းအဝယ်အေးစက်

By 7daydaily, Shweproperty.com

Updated at 31 October 2015

မြန်မာ-ကိုရီးယားချစ် ကြည်ရေး (ဒလ)တံတားတည်ဆောက်ရန် လွှတ်တော်က အတည်ပြုလိုက်သော်လည်း ဒလ မြို့နယ်တွင် အိမ်ခြံမြေဈေးကွက်အ ရောင်းအဝယ်မဖြစ်ဘဲ အေးစက် နေကြောင်း အိမ်ခြံမြေအကျိုး ဆောင်များက ပြောသည်။

ဒလတံတားတည်ဆောက် ရေးစီမံကိန်းကို ငါးနှစ်အတွင်း အပြီးတည်ဆောက်မည်ဟု ရန်ကုန် တိုင်းဒေသကြီးအစိုးရအဖွဲ့က ကြေညာခဲ့ပြီးနောက် ဒလမြို့ နယ်တွင် အိမ်ခြံမြေဈေးများ မြင့် တက်လာခဲ့ဖူးသည်။

သို့သော်စီမံကိန်းအကောင် အထည်ဖော်ရန် လွှတ်တော်က အ တည်ပြုပြီးနောက် လျော်ကြေး ကိစ္စများနှင့် ပတ်သက်၍ ဒေသခံများနှင့် တွေ့ဆုံပြီးဖြစ်သော် လည်း အိမ်ခြံမြေဝယ်လက်များ ဒလမြို့နယ်သို့ ဆင်းလာခြင်းမရှိသေးကြောင်း Golden Land အိမ်ခြံမြေအကျိုးဆောင်လုပ်ငန်း မှ ကိုမင်းမင်းထွန်းက ပြောသည်။

‘‘အဝယ်ကလည်း စိတ်ဝင် စားတယ်။ ဝယ်ဖို့က ခက်နေတယ်။စီမံကိန်းက လုပ်မယ်ဆိုလိုက် ပျက်သွားလိုက်ဆိုတော့ ရင်းနှီးမြှုပ်နှံ ထားတဲ့ ပိုက်ဆံတွေက ကြာပြီဆို တော့ မဝယ်ရဲဘူးဖြစ်နေတယ်’’ ဟု ကိုမင်းမင်းထွန်းက ဆက်လက်ပြောကြားသည်။

အရောင်းအဝယ်အေးစက် နေသည်မှာ သုံးလခန့်ကြာပြီ ဖြစ်ပြီး ဒလတံတားစီမံကိန်း စတင် သည့်အချိန်မှသာ အရောင်းအဝယ် ပြန်ဖြစ်လာနိုင်ကြောင်း အိမ်ခြံမြေအကျိုးဆောင်များက ပြော သည်။

၂၀၁၄ တွင် တံတားစီမံကိန်းအကောင်အထည်ဖော်မည်ဟု သတင်း အတည်ပြုပြီးနောက် တွင် ပေ ၄၀× ၆၀ မြေတစ်ကွက် လျှင် ယခင်ပေါက်ဈေး ကျပ်သိန်း ၃၀၀ ခန့်မှ သိန်း ၁,၀၀၀ အထိ တစ်ဟုန်ထိုး ဈေးမြင့်တက်သွား ကြောင်း ဒလမြို့နယ်မှ အိမ်ခြံမြေအကျိုးဆောင်များက ပြောသည်။

ထိုသို့ဈေးမြင့်တက်လာသ ကဲ့သို့ မြေကွက်အရောင်းအဝယ် များမှာလည်း ကြိုက်ရောင်း၊ ကြိုက်ဝယ်ဈေးဖြစ်သွားပြီး မြေကွက်တစ်ကွက်လျှင် အနိမ့်ဆုံးကျပ်သိန်း ၁,၀၀၀ ကျော်အထိ ပေးဝယ်သူများရှိလာကြောင်း ၎င်းတို့က ပြောသည်။

လက်ရှိတွင် အိမ်အငှားဈေး ကွက်ကိုသာ အားကိုးနေရပြီး တစ်လလျှင် ကျပ်သုံးသောင်းမှ ကျပ် တစ်သိန်းအထိ ပေးရသည့် နှုန်း ထားများ အငှားသွက်နေ ကြောင်း အိမ်ခြံမြေ အကျိုးဆောင်များက ပြောသည်။

ဒလတံတား အကျယ်မှာ မီတာ ၄၀ ရှိပြီး လက်ရှိလမ်းအ ကျယ်မှာ မီတာ ၃၀ ကျော်သာရှိ ခြင်းကြောင့် လိုနေသည့် မြေနေ ရာအတွက် မြေသိမ်းခြင်းနှင့် ငှားရမ်းခြင်းများလုပ်ဆောင်မည်ဖြစ် ပြီး အဆိုပါမြေသိမ်းခြင်းနှင့် ငှားရမ်းခြင်းများအတွက် လျော်ကြေးပေးမည်ဟု ဆောက်လုပ်ရေးဝန် ကြီးဌာနက သတင်းရရှိသည်။

Ref :7daydaily

Photo Credit : 7daydaily

Posted By : Moe Thae'

Follow Us On