အိမ်သန့်ရှင်းရေးလုပ်တာကို ပျင်းစရာကောင်းတဲ့ အလုပ်တစ်ခုလို့ ထင်ကြပါတယ်။ တကယ်တော့ နည်းလမ်းမှန်ရင် အိမ်သန့်ရှင်းရေးကို လွယ်လွယ်ကူကူနဲ့ အချိန်တိုအတွင်း ပြီးအောင် လုပ်နိုင်ပါတယ်။ 
ဒီဆောင်းပါးမှာတော့ အချိန်ကုန်သက်သာပြီး ထိရောက်တဲ့ အိမ်သန့်ရှင်းရေးနည်းလမ်းတွေကို မျှဝေပေးသွားမှာဖြစ်ပါတယ်။

၁။ နေ့စဉ်လုပ်ရမယ့် အလုပ်တွေကို စနစ်တကျ ခွဲခြားပါ

အိမ်သန့်ရှင်းရေးကို တစ်ခါတည်း အကြီးစားလုပ်မယ့်အစား နေ့စဉ်လုပ်ရမယ့် အလုပ်တွေကို ခွဲခြားစိတ်ဖြာပါ။

မနက်ခင်း ၁၅ မိနစ် သန့်ရှင်းရေး အိပ်ရာခင်းပြန်ချွတ်ခြင်း၊ အိပ်ရာပြင်ခြင်း၊ မီးဖိုချောင်သန့်ရှင်းရေး
ညနေ ၁၀ မိနစ် သန့်ရှင်းရေး အသုံးအဆောင်ပစ္စည်းများ နေရာချခြင်း၊ ညစ်ပတ်နေသော ပန်းကန်ခွက်ယောက်များ ဆေးကြောခြင်း

၂။ သန့်ရှင်းရေးပစ္စည်းများကို တစ်နေရာတည်းစုပါ

သန့်ရှင်းရေးလုပ်တဲ့အခါ လိုအပ်တဲ့ပစ္စည်းတွေအားလုံးကို တစ်နေရာတည်းမှာ သိမ်းထားပါ။ ဒါမှ သန့်ရှင်းရေးလုပ်ရင်း ပစ္စည်းရှာဖွေနေရတဲ့ အချိန်ကုန်သက်သာမယ်။

၃။ ထိရောက်တဲ့ သန့်ရှင်းရေးနည်းလမ်းများ

မီးဖိုချောင် သန့်ရှင်းရေး

- ပန်းကန်ခွက်ယောက်တွေကို ဆေးကြောပြီး သပ်ရပ်စွာ စီထားပါ။    
- မလိုအပ်တဲ့ ပစ္စည်းတွေကို ဖယ်ပြီး စိုစွတ်တဲ့ အဝတ်စုတ်နဲ့ သုတ်ပါ။ ဆီကျဲတွေအတွက် ဆပ်ပြာရည်ကို အသုံးပြုပါ။



ရေချိုးခန်း သန့်ရှင်းရေး

- ရေချိုးခန်းကြမ်းပြင်ကို ဆေးကြောပါ
- မှိုတက်ခြင်းကို ကာကွယ်ဖို့ ရေချိုးခန်းကို လေဝင်လေထွက်ကောင်းအောင်ထားပါ

ဧည့်ခန်း သန့်ရှင်းရေး

- ဆိုဖာခေါင်းအုံးတွေ၊ စောင်တွေကို သပ်ရပ်အောင် ပြန်စီပါ။ ဒါက ဧည့်ခန်းကို ချက်ချင်း သပ်ရပ်သွားစေပါတယ်။
- ကော်ဇောကို ပုံမှန်လှန်ပြီး လေသလပ်ခံပါ

၄။ သန့်ရှင်းရေးကို မိသားစုဝင်တိုင်း ဝိုင်းလုပ်ပါ

သန့်ရှင်းရေးကို တစ်ယောက်တည်းလုပ်မယ့်အစား မိသားစုဝင်တိုင်း တာဝန်ခွဲဝေလုပ်ဆောင်ပါ။ ကလေးငယ်တွေကိုပါ သူတို့ရဲ့ အခန်းတွေ၊ အရုပ်တွေ စနစ်တကျထားဖို့ သင်ပေးပါ။

အိမ်သန့်ရှင်းရေးကို နေ့စဉ် နည်းနည်းချင်းစီ ပုံမှန်လုပ်တာက တစ်ပတ်ကို တစ်ခါ အကြီးစားလုပ်တာထက် ပိုမိုထိရောက်ပါတယ်။