ရန်ကုန်မြို့တော်တွင် ထပ်မံတိုးတက်လာမည့် လူဦးရေနှင့် အညီ နေရေးထိုင်ရေး အဆင်ပြေစေရန်အတွက် ပင်လယ်ရေ မျက်နှာပြင်အထက် ပေ ၂၀၀ မှ ပေ ၄၀၀ အမြင့်ရှိသော ၁၀ ထပ်မှ အထပ် ၂၀ ကျော် အဆောက်အအုံ အလုံးပေါင်း ၂၀ ကျော် ဆောက်လုပ်ခွင့်ပြုပြီး ဖြစ်ကြောင်း ရန်ကုန်မြို့တော် စည်ပင်သာယာရေးကော်မတီ၊ Y.C.D.C၊ အထပ်အမြင့် စစ်ဆေးရေးနှင့် ကြီးကြပ်ရေးကော်မတီ အတွင်းရေးမှူး ဦးရီဝင်းက ပြောကြားသည်။
ယခုနှစ်အတွင်း ဆောက်လုပ်ခွင့်ပြုသော အဆောက်အအုံ ၂၃ လုံးတွင် ပင်လယ်ရေမျက်နှာပြင် အထက် ပေ ၄၀၀ အမြင့်ရှိသော အဆောက်အအုံငါးလုံး၊ ပေ ၃၀၀ မှ ၄၀၀ ကြား အမြင့်ရှိသည့် အဆောက်အအုံငါးလုံးနှင့် ပေ ၃၀၀ အောက် အဆောက်အအုံ ၁၃ လုံး ပါဝင်ကြောင်း၊ အဆိုပါ အထပ်မြင့် အဆောက်အအုံများကို အင်းစိန်၊ ရန်ကင်း၊ ဗဟန်းနှင့် အခြားမြို့နယ်တို့တွင် ဆောက်လုပ်မည် ဖြစ်ကြောင်း ၎င်းကဆက်လက် ပြောကြားသည်။
“အထပ်မြင့် အဆောက်အအုံတွေ များလာပြီး နေစရာများလာမယ်ဆိုရင် အိမ်၊ ခြံ၊ မြေ ဈေးနှုန်းတွေလည်း တည်ငြိမ်လာနိုင်ပါတယ်” ဟု စိုင်းခွန်နောင် အိမ်၊ ခြံ၊ မြေ အကျိုးဆောင်လုပ်ငန်းမှ မန်နေဂျာ ဦးရန်အောင်က ဆိုသည်။
၂၀၁၃-၂၀၁၄ ဘဏ္ဍာရေးနှစ် အတွင်း Y.C.D.C ထံသို့ အထပ်အမြင့် အဆောက်အအုံ တည်ဆောက်ရန် ၆၆ လုံး လျှောက်ထားခဲ့ရာ ၂၃ လုံးကို ဆောက်လုပ်ခွင့်ပြုခဲ့ပြီး ကော်မတီ၏ ခွင့်ပြုချက်မရသည့် အဆောက်အအုံ ရှစ်လုံး၊ ခွင့်ပြုချက် ချပေးရန် စိစစ်ဆဲ အဆောက်အအုံ ၂၇ လုံး၊ လျှောက်ထားဆဲ ကာလတွင် ဆက်လက်ဆောင်ရွက်ခြင်း မရှိသော အဆောက်အအုံ ရှစ်လုံးတို့ ပါဝင်ကြောင်း Y.C.D.C အထပ်အမြင့် စစ်ဆေးရေးနှင့် ကြီးကြပ်ရေးကော်မတီထံမှ သိရှိရသည်။
Ref : The Voice Weekly
အိမ်ခြံမြေပြပွဲများ
နောက်ဆုံးရ သတင်းများ
4.png)
3.png)
2.png)
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
