မြန်မာနိုင်ငံအတွင်းရှိ ရောင်းရန်နှင့် ငှားရန်ရှိသော အိမ်ခြံမြေများ

Property Titles

Work From Home လုပ်နေသူတွေအတွက် အိမ်မှာ ရုံးခန်းတစ်ခုဖြစ်အောင် ဘယ်လိုဖန်တီးမလဲ

By Sint Sint, Shweproperty.com

Updated at 7 October 2020

ဒီလိုကာလမှာ Work From Home လုပ်နေရသူတွေအတွက် အိမ်မှာ ရုံးခန်းတစ်ခုရှိဖို့လိုပါတယ်။အလုပ်လုပ်ဖို့ အဆင်ပြေအောင် ကျန်းမာရေးနဲ့ ညီညွတ်တဲ့ရုံးခန်းဖြစ်ဖို့လည်းလိုပါတယ်။

ကိုယ့်အိမ်မှာ ကိုယ့်ရဲ့ရုံးခန်းကို ဘယ်လိုဖန်တီးမလဲဆိုတာကို အကြံပြုပေးလိုက်ပါတယ်။(၁) သဘာဝအလင်းရောင် ရရှိမယ့်နေရာကိုရွေးချယ်ပါ။

အလင်းရောင် ကောင်းကောင်းရရှိခြင်းက ရုံးခန်းတစ်ခန်းအတွက် အလိုအပ်ဆုံးအရာထဲက တစ်ခုပါ။သင်က ဒီရုံးခန်းနေရာမှာပဲနေ့စဉ်အလုပ်တွေ အချိန်အကြာကြီးလုပ်မယ်လို့ ဆုံးဖြတ်ထားတယ် ဆိုရင်တော့ ကောင်းကင်က တိုက်ရိုက်လာတဲ့ သဘာဝအလင်းရောင်ကို ရရှိနိုင်မယ့် နေရာဖြစ်ဖို့ အရေးကြီးပါတယ်။

ဘာကြောင့်လဲဆိုတော့ သဘာဝ အလင်းရောင်က လူ့အရေပြားကို ထိတွေ့တဲ့အခါ Vitamin D3 ဓာတ်ကို ရရှိနိုင်တာကြောင့်ပါ။ဒါ့အပြင် လျှပ်စစ်မီတာခကို ချွေတာရာလည်း ရောက်တဲ့အပြင် သင့်ရဲ့ ဖန်တီးနိုင်စွမ်းကို တိုးတက်စေနိုင်ပါတယ်။

(၂)ဘယ်ပရိဘောဂတွေသုံးရမလဲ?

ဥပမာ- သစ်သားစားပွဲ ၊ ထိုင်ခုံ ၊ Recycled ပစ္စည်းတွေကို အသုံးပြုထားတဲ့ ပရိဘောဂတွေကို အသုံးပြုသင့်ပါတယ်။ပရိဘောဂတွေကိုလည်း မျက်စိမရှုပ်စေမယ့် ဒီဇိုင်းမျိုးကို အသုံးပြုပါ။

စာရွက်စာတမ်းတွေ ထားရှိဖို့ နံရံကပ် cabinets (ဒါမှမဟုတ်) Home made နံရံကပ်စင်လေးတွေ ပြုလုပ်ပြီးတော့လည်း အသုံးပြုနိုင်ပါတယ်။

(၃)အပင်စိုက်ပါ။

အပြင်လောကရဲ့ လတ်ဆတ် အေးချမ်းမှုကို ခံစားနိုင်ဖို့ဆိုရင် မိမိရုံးခန်းထဲမှာ အပင်လေးတွေ စိုက်ပျိုးဖို့ လိုပါတယ်။အကယ်၍ သင့်ရုံးခန်းနေရာက ကျဉ်းပြီး လေဝင်လေထွက် မကောင်းဘူးဆိုရင်တောင် အပင်တွေ စိုက်ပျိုးထားတဲ့အတွက် အခန်းတွင်း ကောင်းမွန်တဲ့လေကိုရရှိစေမှာဖြစ်ပါတယ်။ဒါ့အပြင် စိတ်ဖိစီးမှုတွေကို လျော့ချပေးနိုင်ပြီး ဆိတ်ငြိမ်တဲ့နေရာကိုရွေးချယ်ပါ။

အိမ်မှာ ကိုယ်ပိုင် ရုံးခန်း တည်ဆောက်တဲ့အခါ အထက်ဖော်ပြပါ အချက်တွေက သင့်ကို အကူအညီ ပေးနိုင်မှာပါ။အိမ်မှာ အလုပ်လုပ်ခြင်းက စိတ်ဖိစီးမှု လျော့နည်းစေရုံ သာမက ရုံးသွား ၊ ရုံးပြန်အတွက် အချိန်ကုန်သက်သာစေမှာဖြစ်သလို အလုပ်ကို အာရုံစိုက်ပြီး လုပ်နိုင်မှာဖြစ်ပါတယ်။

Work From Home လုပ်ကိုင်နေသူအတွက် သီးသန့်ရုံးခန်းရှိခြင်းဟာ အလုပ်လုပ်တဲ့အခါ အကျိုးကျေးဇူးတွေများစွာရရှိမှာဖြစ်လို့ သီးသန့်ရုံးခန်းတစ်ခုကို အိမ်မှာဖန်တီးသင့်ပါတယ်။

လေ့လာမှတ်သားစရာ အိမ်ခြံမြေဆောင်းပါးများ