.jpg)
ရန်ကုန်မြို့တော် စည်ပင်သာယာရေးကော်မတီက အရစ်ကျစနစ်နဲ့ရောင်းချတဲ့ကွန်ဒိုစီမံကိန်း ခြောက်ခုက တိုက်ခန်း သည်နေ့အထိ ၈၀ ရာခိုင်နှုန်းကျေ်ာ ရောင်းချပြီးစီးနေပြီလို့ ရန်ကုန်မြို့တော်စည်ပင်သာယာရေး ကေ်ာမတီ အင်ဂျင်နီယာဌာနအဆောက်အအုံက သိရပါတယ်။
ကွန်ဒိုစီမံကိန်းခြောက်ခုက စုစုပေါင်းလူနေအိမ်ခန်း ၄၃၉ ခန်းနဲ့ commercial အခန်း ၁၁ခန်း ရှိပါတယ်။ ကွန်ဒိုတိုက်ခန်းတွေကို ဇန်နဝါရီလက စတင်ရောင်းချခဲ့ပြီး ဧပြီလ ၁ရက်နေ့အထိ ရောင်းချပေးသွားမှာဖြစ်ပါတယ်။ သုံးလအရစ်ကျငွေချေစနစ်နဲ့ ကြိုပွိုင့်ရောင်းချပေးနေတာဖြစ်ပါတယ်။
စည်ပင်သာယာက ရောင်းချတဲ့ကွန်ဒိုတိုက်ခန်းတွေက တိုက်ခန်းဝယ်ယူသူတွေကို မြေပိုင်ဆိုင်မူ့ အချိုးကျခွဲပေးမှာမဟုတ်ဘူးလို့ အင်ဂျင်နီယာဌာနအဆောက်အအုံက သိရပါတယ်။ စည်ပင်သာယာရေးကေ်ာမတီက ရောင်းချတဲ့ကွန်ဒိုစီမံကိန်းခြောက်ခုက......
ရွှေမြယာ(၂)
မင်္ဂလာတောင်ညွန့်မြို့နယ် မြန်မာ့ဂုဏ်ရည်လမ်းက ရွှေမြယာ(၂) အဆင့်မြင့်အိမ်ရာစီမံကိန်းက စုစုပေါင်းအခန်း ၁၀၇ခန့် ပါရှိပြီး အခန်းအကျယ်အဝန်းက စတုရန်းပေ ၂၂၀၃ ပေကနေ ၂၅၂၅ ပေအထိ ကျယ်ဝန်းပါတယ်။ တစ်ပေ ပတ်လည်ကို ကျပ်ငွေ တစ်သိန်းနဲ့ရောင်းချနေတာဖြစ်ပါတယ်။
ရေးဗားဗျူးပွိုင့်ကွန်ဒို
အလုံမြို့နယ်ကမ်းနားလမ်းက River View Point Condominium ကစုစုပေါင်းအခန်း ၅၁ ခန်းနဲ့ Commercial အခန်းတစ်ထပ်ပါဝင်ပါတယ်။ အခန်းအကျယ်တွေက စတုရန်းပေ အနည်းဆုံး ၁၈၀၇ ပေကနေ ၁၉၄၅ ပေအထိ ကျယ်ဝန်းပါတယ် ။ တစ်ပေပတ်လည်ကို ကျပ် ၁၅၀,၀၀၀ ကနေ ၂၀၀,၀၀၀ ဈေးနဲ့ရောင်းချနေတာဖြစ်ပါတယ်။
စံပါယ်ဖြူအဆင့်မြင့်အိမ်ရာ
သင်္ကန်းကျွန်းမြို့နယ် လေးထောင့်ကန်လမ်းက စံပါယ်ဖြူအဆင့်မြင့်အိမ်ရာစီမံကိန်းက စုစုပေါင်းအခန်း ၅၃ခန်းနဲ့ Commercial လေးထပ်ပါဝင်ပါတယ်။ အခန်းအကျယ်တွေက အနည်းဆုံး စတုရန်းပေ ၁၄၆၄ ပေကနေ ၁၀,၂၄၄ အထိကျယ်ဝန်းပါတယ်။ တစ်ပေ ပတ်လည်ကို ကျပ် ၇၅,၀၀၀ ကနေ ကျပ် ၁၀၀,၀၀၀ နဲ့ရောင်းချနေတာဖြစ်ပါတယ်။
ရွှေဇမ္ဗူရေးဗားကွန်းပလပ်စ် (Shwe Zabu River Complex)
အလုံမြို့နယ်ကန်းနားလမ်းက Shwe Zabu River Complex က Commercial ၂၂,၆၀၀ စတုရန်းပေနဲ့ ၂၅,၄၀၀ စတုရန်းပေအကျယ်ကို တစ်စတုရန်းကို ကျပ် ၂၀၀,၀၀၀ နဲ့ရောင်းချနေတာဖြစ်ပါတယ်။
ရွှေမိုးကောင်းအဆင့်မြင့်အိမ်ရာ
ရန်ကင်းမြို့နယ် မိုးကောင်းလမ်းနဲ့ အောင်ဇေယျလမ်းထောင့်က ရွှေမိုးကောင်းအဆင့်မြင့်အိမ်ရာက စုစုပေါင်း အခန်း ၁၅၅ ခန်းနဲ့ Commercial လေးထပ်ပါဝင်ပါတယ်။ အခန်းအကျယ်တွေက အနည်းဆုံး ၁၆၆၈ စတုရန်းပေကနေ ၂၀,၈၀၈ စတုရန်းပေအထိ ကျယ်ဝန်းပါတယ်။ တစ်စတုရန်းပေကို Commercial အခန်းက ကျပ် ၁၂၀,၀၀၀ နဲ့တိုက်ခန်းတွေက ကျပ်၁၀၀,၀၀နဲ့ရောင်းချနေတာဖြစ်ပါတယ်။
ရန်ကင်းအဆင့်မြင့်အိမ်ရာ
ရန်ကင်းမြို့နယ် ရန်ရှင်းလမ်းက ရန်ကင်းအဆင့်မြင့်အိမ်ရာစီမံကိန်းက စုစုပေါင်းအခန်း ၇၃ ခန်းရှိပါတယ်။
အခန်းအကျယ်တွေက အနည်းဆုံးစတုရန်းပေ ၉၇၂ ပေကနေ ၁၉၇၂ ပေအထိကျယ်ဝန်းပါတယ်။ တစ်စတုရန်းပေကို ကျပ် ၁၅၀,၀၀၀ နဲ့ရောင်းချနေတာဖြစ်ပါတယ်။
Ref : The Kumudra
Photo Credit : shwezabu
Posted By : Wai Phyoe
အိမ်ခြံမြေပြပွဲများ
နောက်ဆုံးရ သတင်းများ
3.png)
2.png)
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
