ရန်ကုန်တိုင်းဒေသကြီး၊ လှည်းကူးမြို့နယ်၊ ညောင်နှစ်ပင် သင်တန်းကျောင်း၊ မြေဧရိယာ(၅၅၅ ဒသမ၈၁) ဧကပေါ်တွင် KMIC Industrial Complex စီမံကိန်းဆောင်ရွက်ရန်အတွက် ဆောက်လုပ်ရေး ဝန်ကြီးဌာန၊ မြို့ပြနှင့် အိမ်ရာဖွံ့ဖြိုးရေးဦးစီးဌာနနှင့် Korea Land and Housing Corporation တို့အကြား ဖက်စပ်လုပ်ငန်းသဘောတူစာချုပ် လက်မှတ်ရေးထိုးပွဲ အခမ်းအနားကို ယနေ့မွန်းလွဲ၂ နာရီတွင် နေပြည်တော်ရှိ ဆောက်လုပ်ရေးဝန်ကြီးဌာန၊ စုဝေးခန်းမဆောင်၌ ကျင်းပသည်။
အဆိုပါ အခမ်းအနားသို့ ဆောက်လုပ်ရေးဝန်ကြီးဌာနပြည်ထောင်စုဝန်ကြီး ဦးဟန်ဇော်၊ အမြဲတမ်းအတွင်းဝန်ဦးဝင်းတင့်၊ ဌာနဆိုင်ရာအကြီးအကဲများ၊ ကိုရီးယားနိုင်ငံမှ LH.CEO, Mr. Byun Chang Heum(ဗြောင်ချန်းဟွန်)နှင့် တာဝန်ရှိသူများ၊ Global SAE - A မှ CEO, Mr. Kim Ki Myug (ကင်ကီမြောင်း)နှင့် အဖွဲ့ဝင်များ၊ ဖိတ်ကြားထားသည့် ဧည့်သည်တော်များ၊ ဌာနဆိုင်ရာတာဝန်ရှိသူများ တက်ရောက်ကြသည်။
ရှေးဦးစွာ ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီး ဦးဟန်ဇော် က နိုင်ငံတကာအဆင့်မီ KMIC စက်မှုဇုန် ထူထောင်ရာတွင် အလုပ်အကိုင်အခွင့်အလမ်း ငါးသောင်းမှတစ်သိန်း အထိ ဖန်တီးပေးနိုင်မည်ဖြစ်သည့်အတွက် ရန်ကုန်တိုင်းဒေသကြီးနှင့်မြန်မာနိုင်ငံ၏ စက်မှုကဏ္ဍ၊ နိုင်ငံခြားပို့ကုန်ကဏ္ဍ၊ လူ့စွမ်းအား အရင်းအမြစ်ကဏ္ဍ မြှင့်တင်ပေးနိုင်ပြီး လူမှုစီးပွား ဖွံဖြိုးရေးအတွက် ကြီးမားသောအထောက်အပံ့များဖြစ်စေနိုင်မည်ဖြစ်ပါကြောင်း။
ကိုရီးယားနိုင်ငံအစိုးရအနေဖြင့် မြန်မာနိုင်ငံဖွံ့ဖြိုးတိုးတက်ရေးအတွက် ဒလချစ်ကြည်ရေး တံတားတည်ဆောက်ရေး၊ KMIC စက်မှုဇုန် ထူထောင်ရေးအတွက်သာမက အခြားသောကဏ္ဍ စုံတွင် အားတက် သရော ကူညီပံ့ပိုးပေးသည့်အတွက် အထူးပင်ကျေးဇူးတင်ရှိပါကြောင်း။
KMIC ကို ကိုရီးယား - မြန်မာနှစ်နိုင်ငံ အစိုးရအချင်းချင်း ပူးပေါင်း အကောင်အထည်ဖော်သည့် စီမံကိန်းအဖြစ် ရလာဒ်ကောင်းများနှင့် တိုးတက်အောင်မြင်လာစေရန်အတွက် JV ကုမ္ပဏီမှ ပါဝင်လာကြသည့် မြို့ပြနှင့် အိမ်ရာဖွံ့ဖြိုးရေးဦးစီးဌာန၊ LH Corporation နှင့် Global SAE-A တို့ အပြန်အလှန်ယုံကြည်မှုနှင့် အတူတကွ ပူးပေါင်းမှုများဖြင့် ကြိုးပမ်းအားထုတ်ဆောင်ရွက်ပေးသွားကြရန် တိုက်တွန်းလိုကြောင်းပြောကြားသည်။
ထို့နောက် Korea Land and Housing Corporation, Chief Executive Officer, Mr. Byun Chang Heum (ဗြောင်ချန်းဟွန်)နှင့် Global SAE-A Co.,Ltd , ChiefExecutive Officer , Mr. Kim Ki Myung (ကင်ကီမြောင်း)တို့ကို နှုတ်ခွန်းဆက်စကားပြောကြားသည်။
ယင်းနောက် မြို့ပြနှင့် အိမ်ရာဖွံ့ဖြိုးရေးဦးစီးဌာန၊ ညွှန်ကြားရေးမှူးချုပ် ဦးမင်းထိန်က စီမံကိန်း လုပ်ငန်းစဉ်များနှင့် စပ်လျဉ်း၍ ရှင်းလင်းပြောကြားသည်။ယင်းနောက် ပြည်ထောင်စုဝန်ကြီး၏ ရှေ့မှောက်တွင်မြို့ပြနှင့် အိမ်ရာဖွံ့ဖြိုးရေးဦးစီးဌာန၊ ညွှန်ကြားရေးမှူးချုပ် ဦးမင်းထိန် ၊ Korea Land and Housing Corporation, CEO , Mr. Byun Chang Heumနှင့် Global SAE-A Co.,Ltd , CEO , Mr. Kim Ki Myung တို့မှ ဖက်စပ်လုပ်ငန်း သဘောတူစာချုပ်များအား လက်မှတ်ရေးထိုးကြပြီး အပြန်အလှန်လဲလှယ်ခဲ့ကြောင်းသိရသည်။
Ref & Photo Credit : SFJ Strategy First Journal
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
3.png)
2.png)
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
