မြန်မာနိုင်ငံအတွင်းရှိ ရောင်းရန်နှင့် ငှားရန်ရှိသော အိမ်ခြံမြေများ

Property Titles

ရှာဖွေရန်နှိပ်ပါ

Property Titles

မြေဈေးကွက် ရိုက်ခတ်မှုကြောင့် လယ်ယာစိုက်ပျိုးမြေတွေ တဖြေးဖြေးလျော့နည်းလာ

By ဝင်းကျော်ကျော်, Shweproperty.com

Updated at 5 June 2017

မြေဈေးကွက် ရိုက်ခတ်မှုကြောင့် လယ်ယာစိုက်ပျိုးမြေတွေ တဖြေးဖြေးလျော့နည်းလာ

မြေဈေးကွက် ရိုက်ခတ်မှုကြောင့် လယ်ယာစိုက်ပျိုးမြေတွေ တဖြေးဖြေးလျော့နည်းလာ

By ဝင်းကျော်ကျော်, Shweproperty.com

Updated at 5 June 2017

မြန်မာနိုင်ငံ၏ လူဦးရေရဲ့ (၇၀) ရာခိုင်နှုန်းသည် ကျေးလက်ဒေသတွေမှာ နေကြပြီး အများစုက လယ်ယာ လုပ်ငန်းကို လုပ်ကြပါသည်။

ဒေသတစ်ချို့မှာတော့ စီးပွားရေးအရ ရင်းနှီးမြှုပ်နှံမှုတွေကြောင့် စက်ရုံ၊ အလုပ်ရုံတွေနဲ့ လူနေအိမ်တွေက လယ်ယာမြေပေါ်မှာ နေရာယူကြတာကို တွေ့ရပါသည်။ စီးပွားရေးရင်းနှီးမြှုပ်နှံမှုတွေ အားကောင်းလာတဲ့ အခါ မြေဈေးတွေ မြင့်တက်လာပြီး၊ လယ်သမားတွေရဲ့ လယ်ယာလုပ်ငန်း ရပ်တန့်ဖို့ ရည်ရွယ်ချက်ဖြစ်လာတဲ့ထိ တွန်းအားတစ်ခု ဖြစ်လာခဲ့ပါသည်။

လယ်သမားတွေကလည်း နှစ်စဉ်အမြတ်မရတဲ့ လယ်ယာလုပ်ငန်းကို စွန့်လွှတ်ဖို့ တုံ့ဆိုင်းမနေတာကိုလည်း တွေ့ရပါသည်။ ၂၀၁၂ ခုနှစ်နောက်ပိုင်း အိမ်ခြံမြေဈေးတွေ အဆမတန် မြင့်တက်လာခဲ့ပါသည်။ အစိုးရရဲ့ မြို့သစ်စီမံကိန်းတွေ၊ နိုင်ငံခြားရင်းနှီးမြှုပ်နှံမှု စက်ရုံတွေ၊ ကုမ္ပဏီတွေဖြစ်လာဖို့ရှိတဲ့ မြို့နယ်၊ ကျေးရွာနဲ့ စီးပွားရေးအချက်အချာကြသည့် နေရာတွေမှာ အိမ်ခြံမြေဈေးတွေ တရှိန်ထိုး တိုးတက်လာပါတယ်လို့ အိမ်ခြံမြေ လေ့လာသူတွေက ပြောပါသည်။

အဆမတန်တက်လာသည့် မြေဈေးတွေကြောင့် လယ်ယာလုပ်ငန်းကို စွန့်လွှတ်ဖို့ ဆိုင်းပြင်နေတဲ့ လယ်သမားတွေက လယ်မြေတွေကို ခြံကွက်ရိုက်ပြီး ရောင်းလာကြပါသည်။ လယ်မြေတွေပေါ်မှာလည်း လူနေအိမ်တွေ၊ စက်ရုံအလုပ်ရုံတွေ၊ တစ်စနှင့်တစ်စ တိုးလာခဲ့တာတွေ တွေ့ရပါသည်။

မှော်ဘီမြို့နှင့် မလှမ်းမကမ်းက အောင်မင်္ဂလာကျေးရွာမှာ လွန်ခဲ့တဲ့ (၅) နှစ်က လယ်ယာစိုက်ပျိုးဧက (၃၀၀) ကျော် ရှိပါသည်။ လက်ရှိအချိန်မှာတော့ ကဇင်းရိုးတွေက လမ်းဖြစ်နေပြီး၊ လယ်မြေပေါ်မှာ ကွန်ကရစ်တိုင်ကို သံဆူးကြိုးတွေနဲ့ ခြံခတ်ထားတဲ့ လူနေအိမ်အပြင် လယ်မစိုက်တော့ဘဲ ခြံကွက်ရိုက်ပြီး ရောင်းမယ်လို့ ရေးထားတဲ့ ဆိုင်းဘုတ်တွေ တော်တော်များများ တွေ့ရပါသည်။

လွန်ခဲ့တဲ့ (၅) နှစ်၊ (၆) နှစ်လောက်က တစ်သိန်းဝန်းကျင်ရှိတဲ့ ပေ ၄၀၊ ပေ ၆၀ မြေကွက်တွေဟာလည်း (၂၅) သိန်း ဝန်းကျင်ဖြစ်နေပြီး၊ စီးပွားရေးရင်းနှီးမြှုပ်နှံမှုတွေကြောင့် လယ်ယာစိုက်ပျိုးမြေတွေ တဖြေးဖြေး လျော့နည်းလာတာကို အောင်မင်္ဂလာကျေးရွာမှာ တွေ့ရပါသည်။

မှော်ဘီမြို့နဲ့ မလှမ်းမကမ်းက အောင်မင်္ဂလာကျေးရွာမှာဆိုရင် လွန်ခဲ့တဲ့(၆)နှစ်ခန့်က တစ်သိန်းဝန်ကျင်သာရှိတဲ့ ပေ ၄၀ ပေ ၆၀ မြေကွက်တွေဟာ လက်ရှိအချိန်မှာ (၂၅)သိန်းဝန်းကျင်ဖြစ်နေတာမို့ စီးပွားရေးရင်းနှီးမြှုပ်နှံမှု ကြောင့် လယ်ယာစိုက်ပျိုးမြေတွေ လျော့နည်းလာတာကို တွေ့ရပါတယ်ရှင်။

ကိုဝင်းကျော်ကျော်မှ Shwe Property အတွက်ရေးသားသော ဆောင်းပါးဖြစ်သည်။

Posted By : Wai Phyoe (Shweproperty.com)

Follow Us On