ရန်ကုန်မြို့ပတ်ဝန်းကျင်ကို တောင်ကိုရီးယားသမ္မတနိုင်ငံ၊ ဆိုးလ်မြို့ပတ်ဝန်းကျင်ကဲ့သို့ စမတ်စီးတီးမြို့သစ်များနှင့် ဝန်းရံထားသလို ခေတ်မီမြို့သစ်စီမံကိန်းများ ထူထောင်သွားမည်ဖြစ်ကြောင်းဆာက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော်ကပြောသည်။
ရန်ကုန်တိုင်းဒေသကြီးအစိုးရအဖွဲ့နှင့် Korea Land And Housing Coorporation တို့ကြား စက်တင်ဘာ ၄ ရက်က LOTTEL Hotel Yangon တွင် ပြုလုပ်သည့် ဒလမြို့သစ်စီမံကိန်းအကြိုဆန်းစစ်လေ့လာခြင်းဆိုင်ရာ နားလည်မှု စာချွန်လွှာလက်မှတ်ရေးထိုးပွဲ အခမ်းအနားတွင် ၎င်းကပြောဆိုခဲ့ခြင်းဖြစ်သည်။
"တောင်ကိုရီးယားသမ္မတကြီး မြန်မာနိုင်ငံကိုလာရောက်တဲ့ ခရီးစဉ်အတွင်း ရန်ကုန်မြို့တော်ဖွံဖြိုးတိုးတက်ရေးအတွက်အရေးပါတဲ့ ဒလမြို့သစ်ဖွံ့ဖြိုးရေး စီမံကိန်းဆောင်ရွက်ဖို့ တိုင်းဒေသကြီး အစိုးရအဖွဲ့နဲ့ Korea Land And Housing Corporation တို့ကြား MOUလက်မှတ်ရေးထိုးတဲ့ အခန်းအနားကို အခုလိုပြုလုပ်နိုင်တာကျေးဇူးတင်ပါတယ်။ ကိုရီးယားနိုင်ငံ ဆိုးလ်မြို့ပတ်ဝန်းကျင်မှာ စမတ်စီးတီးမြို့သစ်များနံ့ ဝန်းရံပြီး ဖွဲ့စည်းတည်ဆောက်ထားသကဲ့သို့ မြန်မာနိုင်ငံရဲ့ ရန်ကုန်မြို့ပတ်ဝန်းကျင်မှာလည်း ခေတ်မီမြို့သစ်စီမံကိန်းများကို ထူထောင်ဆောင်ရွက်သွားဖို့ရှိပါတယ်" ဟု ၎င်းကပြောသည်။
ကိုရီးယား-မြန်မာ စက်မှုဇုန်(KMIC)နှင့် ဒလမြို့သစ်စီမံကိန်းစသည့် ဖွံဖြိုးရေးလုပ်ငန်းများအားလုံး အောင်မြင်အောင် ဆောက်လုပ်ရေးဝန်ကြီးဌာနအနေဖြင့် ရန်ကုန်တိုင်းဒေသကြီးအစိုးရနှင့် ပူးပေါင်း၍ အစစအရာရာ ပံ့ပိုး ကူညီဆောင်ရွက်သွားမည်ဟု ဆိုသည်။
ကိုရီးယား-မြန်မာချစ်ကြည်ရေးတံတားသည် ရန်ကုန်နှင့် ဒလကို ဆက်သွယ်ထားသည့် မြစ်ကူးတံတားဖြစ်ပြီး အဆိုပါ တံတားတည်ဆောက်ပြီး နောက်ပိုင်းတွင်လည်း ဒလဘက်သည် ဖွံ့ဖြိုးတိုးတက်လာမည့် နေရာ ဖြစ်ကြောင်း ရန်ကုန်တိုင်းဝန်ကြီးချုပ် ဦးဖြိုးမင်းသိန်းက ပြောသည်။
"ကျွန်တော်တို့ရန်ကုန်မြို့မှာ ကိုရီးယား-မြန်မာ ချစ်ကြည်ရေးတံတားစတင်တည်ဆောက်နေပါပြီ။ကိုရီးယား-မြန်မာချစ်ကြည်ရေး တံတားကြီးတည်ဆောက်ပြီးနောက်ပိုင်းမှာ ဒလဘက်ဟာ ဖွံ့ဖြိုးတိုးတက်လာမယ့်နေရာဖြစ်ပါတယ်။ဒီဖွံဖြိုးတိုးတက်မှုဟာ အခုချိန်ကစပြီးတော့ ကြိုတင်ပြင်ဆင်မှုတွေဆောင်ရွက်ထားရမယ့်အခြေအနေဖြစ်ပါတယ်။ ဒလဘက်ခြမ်းဟာ ရန်ကုန်မြို့ရဲ့CBD ဧရိယာရဲ့ကပ်ရဲ့နေရာမှာတည်ရှိပါတယ်။ ဒါကြောင့် နေရာကောင်းတစ်ခုဖြစ်တဲ့အတွက် ဒီနေရာကို စနစ်တကျ ဖွံဖြိုးတိုးတက်စေချင်ပါတယ်"ဟု ၎င်းကပြောသည်။
အဆိုပါ တည်ဆောက်မည့် ဒလမြို့သစ်စီမံကိန်းကိုရန်ကုန်မြစ်၏ အနောက်ဘက်အခြမ်းတွင် စမတ်စီးတီး ဖြစ်စေရန်မျှော်လင့်ထားပြီး ရန်ကုန်မြစ်အနောက်ဘက်ကမ်းသည် အခွင့်အလမ်းကောင်းများစွာရှိနေသည့် နေရာတစ်ခုဖြစ်သည်ဟုဆိုသည်။
"ဒါကြောင့်ဒီနေရာ ဖွံဖြိုးတိုးတက်ရေးအတွက်ကိုရီးယား-မြန်မာ နှစ်နိုင်ငံကြား ပူးပေါင်းဆောင်ရွက်ရေး လုပ်ငန်းစဉ်များကို ဆောင်ရွက်နေပါတယ်။ဒလမြို့သစ်စီမံကိန်းကို လေ့လာစန်းစစ်မှု ဆောင်ရွက်ခြင်းဖြင့်ကိုရီးယား-မြန်မာချစ်ကြည်ရင်းနှီးမှုကို တိုးမြှင့်ဆောင်ရွက်နိုင်မယ့် လုပ်ငန်းစဉ်တွေဖြစ်ပါတယ်"ဟု ဝန်ကြီးချုပ်ကဆိုသည်။
ဒလမြို့သစ်စီမံကိန်းမှ နှစ်နိုင်ငံချစ်ကြည်ရင်းနှီးမှု ၊စီးပွားရေးဆိုင်ရာ ပူးပေါင်းဆောင်ရွက်မှုနှင့် ရှေ့ဆက်ဖွံဖြိုးရေးကဏ္ဍများ ပူးပေါင်းဆောင်ရွက်ရန် နှစ်နိုင်ငံအကြား လက်မှတ်ရေးထိုးခြင်းဖြစ်သည်။
Ref & Photo Credit : Myanmar Builders Guide
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
