မြန်မာနိုင်ငံအတွင်းရှိ ရောင်းရန်နှင့် ငှားရန်ရှိသော အိမ်ခြံမြေများ

Property Titles

ရှာဖွေရန်နှိပ်ပါ

Property Titles

မန္တလေးမြို့ မြေဈေးငါးနှစ်အတွင်း ထက်ဝက်ခန့်ကျရန် ဆောင်ရွက်မည်ဟု မန်းမြို့တော်ဝန်ဆို

By 7daydaily, Shweproperty.com

Updated at 25 April 2016

မန္တလေးမြို့ မြေဈေးငါးနှစ်အတွင်း ထက်ဝက်ခန့်ကျရန် ဆောင်ရွက်မည်ဟု မန်းမြို့တော်ဝန်ဆို

မန္တလေးမြို့ မြေဈေးငါးနှစ်အတွင်း ထက်ဝက်ခန့်ကျရန် ဆောင်ရွက်မည်ဟု မန်းမြို့တော်ဝန်ဆို

By 7daydaily, Shweproperty.com

Updated at 25 April 2016

မန္တလေးမြို့ မြေဈေးကို လာမည့် ငါးနှစ်အတွင်း လက်ရှိ ဈေးကွက်တွင်ဖြစ်နေသော ဈေး ထက် ထက်ဝက်ခန့်ကျဆင်းသွား အောင်ဆောင်ရွက်မည်ဟု မန္တလေးမြို့တော်ဝန် ဒေါက်တာရဲလွင်က ပြောကြားသည်။

‘‘ကျွန်တော့်လက်ထက်မှာ မန္တလေးမြေယာဈေးကျဆင်းရေး လုပ်မယ်။ ၅၀ ရာခိုင်နှုန်းကျကို ကျရမယ်။ ငါးနှစ်အတွင်းကို မဟုတ်ဘူး။ ဒီထက်စောနိုင်သမျှ စောစောဖြစ်လာမယ်’’ဟု မန္တလေး မြို့တော်ဝန် ဒေါက်တာရဲလွင်က ဧပြီ ၂၀ ရက်တွင် ပြောသည်။

မန္တလေးမြို့ မြေဈေးကျဆင်း ရန် မြေအရောင်းအဝယ်ကိုယ်စား လှယ်လွှဲစာ (GP)အခြေအနေ များအား သေချာဖော်ထုတ်စိစစ် မည်ဖြစ်ပြီး စက်မှုဇုန်ရှိ မြေကွက် များကိုလည်း စက်မှုလုပ်ငန်းမ လုပ်ကိုင်ပါက ဥပဒေနှင့်အညီ ပြန်လည်သိမ်းဆည်းရန် စီစဉ် မည်ဟု မန္တလေးမြို့တော်ဝန်က ပြောသည်။

‘‘ရဲမွန်တောင် တို့ဘာတို့ ဘက်မှာ ခြံဝင်းမခတ်တာတွေထိ ရှိတယ်။ စက်မှုဇုန်မှာ စက်မှုမ လုပ်ဘဲ မြေကွက်ချည်းဆိုရင် ပြန် သိမ်းမယ်။ အကုန်လုံးဖော်ထုတ် မယ်။ Pressure (ဖိအား)ပေး အရေးယူလိုက်ရင် မြေဈေးကကျ သွားနိုင်တယ်’’ဟု ၎င်းက ရှင်းပြ သည်။

သို့သော် မန္တလေးမြို့ခံ မြေ လုပ်ငန်းရင်းနှီးမြှုပ်နှံလုပ်ကိုင်သူ အချို့ကမူ မြို့တော်ဝန်၏ မန္တလေး မြေဈေးထက်ဝက်ခန့်ကျဆင်း အောင်လုပ်မည့်အစီအစဉ်သည် မဖြစ်နိုင်ဟု သုံးသပ်ကြသည်။

မြေဈေးကျဆင်းအောင်လုပ် သည်ထက် မြို့တော်ဝန်အနေဖြင့် မန္တလေးမြို့ စီးပွားရေးပိုမိုကောင်း မွန်လာအောင်သာ ကြိုးစားသင့် ကြောင်း၊ မန္တလေးမြို့ စီးပွားရေး ပိုမိုကောင်းမွန်လာပါက မြေဈေး နှုန်းပါ ကျဆင်းလာနိုင်ကြောင်း ၎င်းတို့က ဆက်လက်ပြောကြား သည်။

‘‘မြေဈေးကို ကျအောင်လုပ် လို့မရပါဘူး။ အဓိက မြေဈေးကျ ခြင်း၊ တက်ခြင်းက လိုအပ်ချက်၊ ဖြည့်ဆည်းချက်နဲ့ပဲဆိုင်ပါတယ်။ လိုအပ်ချက်နည်းရင် သူ့အလိုလို ကို ကျလာမှာပဲ။ ပြီးတော့ အိမ်ခြံ မြေစီးပွားရေးက နိုင်ငံ့အဓိက စီးပွားရေးတစ်ခုတည်းမှာပါနေ တယ်။ မြေဈေးကို ဆွဲချလိုက်ရင် ဘဏ္ဍာငွေအကျပ်အတည်းသေ ချာပေါက်ဖြစ်မယ်။ ကုန်ဈေးနှုန်း၊ ရွှေဈေး၊ ဒေါ်လာဈေးတွေမချဘဲ မြေဈေးကျအောင်လုပ်နိုင်သ လားလို့ မေးခွန်းထုတ်ချင်တယ်’’ ဟု မန္တလေးမြို့ရှိ ရွိုင်ရယ်ထွန်း သစ္စာအိမ်ခြံမြေ ကုမ္ပဏီပိုင်ရှင် ဦးတင်မောင်က မှတ်ချက်ပေး သည်။

ထို့အပြင် မန္တလေးမြေဈေး အပါအဝင် မြန်မာနိုင်ငံမြေဈေး များ ဈေးနှုန်းမြင့်နေရခြင်းသည် စီးပွားရေးအခွင့်အလမ်းနည်းပါး နေမှု၊ အလုပ်အကိုင်အခွင့်အ လမ်းရှားပါးနေမှု၊ ငွေကြေးဖောင်း ပွမှု၊ တရားမဝင်ငွေကြေးစီးဆင်း နေမှု၊ မြေနှင့်ပတ်သက်ပြီး အခွန် ပေးဆောင်မှုမြင့်မားနေခြင်းများ ကြောင့်ဖြစ်သည်ဟု အိမ်ခြံမြေ ဈေးကွက်ကျွမ်းကျင်သူများက ထောက်ပြကြသည်။

‘‘မန္တလေးမြို့တော်ဝန်အသစ် အနေနဲ့ မြေဈေး ၅၀ ရာခိုင်နှုန်း ကျအောင် ဆောင်ရွက်ဖို့ထက် မန္တလေးရဲ့ စီးပွားရေးကို ၅၀ ရာ ခိုင်နှုန်း တက်လာအောင်လုပ်ဖို့လို တယ်။ တခြားစီးပွားရေးလုပ်ငန်း တွေမကောင်းလို့ မြေမှာဝိုင်းမြှုပ်နှံ ရင်းမြေဈေးက တက်လာတာ လေ။ တခြားစီးပွားရေးဘက်မှာ အာရုံစိုက်လာရင် မြေဘက်ကို မလှည့်လာတော့ဘူး’’ဟု ဦးတင် မောင်က ဆိုသည်။

လက်ရှိမန္တလေးအိမ်ခြံမြေ ဈေးကွက်မှာ အရောင်းအဝယ် ရော ဈေးနှုန်းပါ အေးစက်နေ သည်။

Ref : 7daydaily

Photo Credit : shutterstock

Posted By : Moe Thae'

Follow Us On