မြို့ပြဆိုင်ရာ MEGA Project လေးခုအဖြစ် ရန်ကုန်တိုင်းဒေသကြီးတွင် စီမံကိန်းသုံးခုနှင့် မန္တလေးတိုင်း ဒေသကြီးအတွင်း မြို့သစ်စီမံကိန်း တစ်ခုကို စတင်အကောင်အထည်ဖော် လျက်ရှိကြောင်း ဆောက်လုပ်ရေး ဝန်ကြီးဌာနမှ သိရသည်။
ရန်ကုန်တိုင်းဒေသကြီး လှည်းကူးမြို့နယ်တွင် Eco Green City စီမံကိန်းကို Alliance Star Group of Companies နှင့် အကျိုးတူ ပူးပေါင်းဆောင်ရွက်လျက်ရှိပြီး Smart District အနေဖြင့် ရန်ကုန်တိုင်းဒေသကြီး ဒဂုံဆိပ်ကမ်းမြို့နယ်တွင် ဆောက် ရွက်လျက်ရှိကြောင်း ဆောက်လုပ်ရေး ဝန်ကြီးဌာန ဒုတိယဝန်ကြီး ဦးကျော်လင်းက ပြောကြားသည်။
“New Mandalay Resort City ကို မန္တလေးတိုင်းဒေသကြီး ပြင်ဦးလွင်မြို့နယ်မှာ ဧရိယာဧက ၇၀၀၀ ခန့်မှာ Clean, Green & Smart မြို့သစ်စီမံကိန်း PPP Program အနေနဲ့ ဆောင်ရွက်လျက် ရှိပါတယ်” ဟု ဒုတိယဝန်ကြီး ဦးကျော်လင်းက ဆိုသည်။
အလားတူ လှည်းကူးမြို့နယ် ညောင်နှစ်ပင်သင်တန်းကျောင်း မြေဧရိယာ ၅၅၈ ဧကပေါ်တွင် Korea-Myanmar Industrial Complex (KMIC) စီမံကိန်းကိုလည်း ဆောင်ရွက်လျက်ရှိကြောင်း သိရသည်။
ရန်ကုန်တိုင်းဒေသကြီး လှည်းကူးမြို့နယ်အတွင်း Eco Green City စီမံကိန်း၏ ပထမအဆင့် စီမံကိန်းကို ၂၀၁၈ ခုနှစ်မှ ၂၀၂၃ ခုနှစ်အထိ ငါးနှစ်သတ်မှတ် တည်ဆောက်မည် ဖြစ်ကြောင်းနှင့် Smart District အဖြစ် ဒဂုံဆိပ်ကမ်းမြို့နယ်အတွင်း ဧရာဝဏ်နှင့် ရတနာ တန်ဖိုးမျှတအိမ်ရာ စီမံကိန်းကို အကောင်အထည် ဖော်နေခြင်းဖြစ်သည်။
Eco Green City စီမံကိန်းသည် လှည်းကူးမြို့နယ်တွင် တည်ရှိပြီး ရန်ကုန်-မန္တလေး အမြန်လမ်း မိုင်တိုင်အမှတ် သုံးမိုင် တစ်ဖာလုံနှင့် ငါးမိုင် နှစ်ဖာလုံအကြား တည်ရှိသည်။ စီမံကိန်း ဧရိယာသည် ၁၄၅၃ ဧက ကျယ်ဝန်းကြောင်းနှင့် ဆောက်လုပ်ရေး ဝန်ကြီးဌာနနှင့် Alliance Star Group of Companies တို့ အကျိုးတူ ပူးပေါင်းဆောင်ရွက်ခြင်းဖြစ်သည်။
စီမံကိန်းပထမအဆင့်ကို ၆၆၇ ဒသမ ၆၈ ဧကခန့်တွင် အကောင်အထည် ဖော်မည်ဖြစ်ပြီး တန်ဖိုးနည်း၊ တန်ဖိုးသင့် အိမ်ရာများ၊ လူနေအသင့်အတင့် ထူထပ်သည့် အိမ်ရာများ၊ အဝေးပြေး ယာဉ်ရပ်နားစခန်း၊ ဈေးနှင့် စားသောက်ဆိုင်များ၊ အုပ်ချုပ်ရေးဆိုင်ရာရုံးများ၊ Shopping Mall၊ Mixed Use Zone၊ ပန်းခြံနှင့် အားကစားကွင်း၊ လမ်းကွန်ရက်နှင့် အခြေခံ အဆောက်အအုံများ ပါဝင်မည် ဖြစ်ကြောင်း သိရသည်။
မန္တလေးတိုင်းဒေသကြီး၊ ပြင်ဦးလွင်ခရိုင်၊ မန္တလေး-လားရှိုး လမ်းမကြီးနံဘေးရှိ မြေဧရိယာ ဧက ၁၀၀၀၀ ခန့်တွင် လူမှုစီးပွားရေး၊ မြို့ပြဖွံ့ဖြိုးရေးနှင့် သဘာဝပတ်ဝန်းကျင် ထိန်းသိမ်းရေးကို အခြေခံသော အပန်းဖြေဝန်ဆောင်မှု ဖြစ်သည့် New Mandalay Resort City စီမံကိန်းနှင့်ပတ်သက်ပြီး နိုင်ငံတော်အစိုးရက NMRC စီမံကိန်းကို ပြည်ထောင်စုအဆင့် ကြီးကြပ်မှုဖြင့် အကောင်အထည်ဖော် ဆောင်ရွက်ရန် Steering Committee ကို ၂၀၁၇ ခုနှစ် သြဂုတ်တွင် စတင်ဖွဲ့စည်းပေးခဲ့ကြောင်း၊ Steering Committee အဖွဲ့ဝင်များက စီမံကိန်းဆိုင်ရာ Vision, Process, Concept စသည့်မူဝါဒနှင့် အကောင်အထည်ဖော်မည့် လုပ်ငန်းစဉ်များ ချမှတ်ထားကြောင်း၊ စနစ်တကျ အကောင်အထည် ဖော်နိုင်ရန်အတွက် EOI ခေါ်ယူရွေးချယ်ခံရသည့် Prefer Bidders Developer သုံးဖွဲ့ပူးပေါင်းစေပြီး Feasibility Study လုပ်ငန်းဆောင်ရွက်ခြင်းကို Surbana Jurong နှင့် Developer သုံးဖွဲ့တိုးဖြင့် ပူးပေါင်းညှိနှိုင်း ဆောင်ရွက်ခဲ့ကြကြောင်း ဆောက်လုပ်ရေး ဝန်ကြီးဌာန ပြည်ထောင်စုဝန်ကြီး ဦးဟန်ဇော်က ပြောကြားသည်။
Ref & Photo Credit : Myanmar Builders Guide
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
.png)
5.png)
4.png)
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
