မြန်မာနိုင်ငံအတွင်းရှိ ရောင်းရန်နှင့် ငှားရန်ရှိသော အိမ်ခြံမြေများ

Property Titles

ရှာဖွေရန်နှိပ်ပါ

Property Titles

ပြည်တွင်းလျှပ်စစ်ဓာတ်အား မလုံလောက်မှု ပြသနာ လာမည့် နှစ်များအတွင်း ဆက်လက် ရင်ဆိုင်နေရဦးမည်

By Myamar Times, Shweproperty.com

Updated at 4 October 2015

ပြည်တွင်းလျှပ်စစ်ဓာတ်အား မလုံလောက်မှု ပြသနာ လာမည့် နှစ်များအတွင်း ဆက်လက် ရင်ဆိုင်နေရဦးမည်

ပြည်တွင်းလျှပ်စစ်ဓာတ်အား မလုံလောက်မှု ပြသနာ လာမည့် နှစ်များအတွင်း ဆက်လက် ရင်ဆိုင်နေရဦးမည်

By Myamar Times, Shweproperty.com

Updated at 4 October 2015

၂၀၃၀ ပြည့်နှစ်တွင် တစ်နိုင်ငံလုံးအတိုင်းအတာဖြင့် လျှပ်စစ်ဓာတ်အားရရှိနိုင်ရန် ရေတိုရေရှည် စီမံကိန်းများဖြင့် အစိုးရက ဆောင်ရွက်နေ သော်လည်း လက်ရှိ အနေအထားအရ မြန်မာ နိုင်ငံတွင် လျှပ်စစ်ဓာတ်အား မလုံလောက်မှုမှာ လာမည့်နှစ် အနည်းငယ်အထိ ဆက်လက်တည်ရှိနေဦးမည် ဖြစ်သည်။

မြန်မာနိုင်ငံတွင် လူဦးရေ၏ ၃၀ ရာခိုင်နှုန်း ခန့်သာ လျှပ်စစ်မီးရရှိသေးပြီး အရှေ့တောင် အာရှဒေသတွင်း လျှပ်စစ်ဓာတ်အားသုံးစွဲနိုင် မှု အနည်းဆုံးနိုင်ငံလည်း ဖြစ်သည်။ ထို့ကြောင့် တစ်နိုင်ငံလုံးအတိုင်းအတာဖြင့် လျှပ်စစ်မီး ရရှိရန် အစိုးရက နိုင်ငံတကာအဖွဲ့အစည်းများ၏ အကူအညီဖြင့် စီမံကိန်းအမြောက်အမြား ကို ကြိုးပမ်းအကောင်အထည်ဖော်ဆောင်ရွက် နေဆဲကာလလည်း ဖြစ်သည်။ လျှပ်စစ်ဓာတ်အား တိုးတက်ရရှိရေးအတွက် လျှပ်စစ်ကဏ္ဍတွင် နိုင်ငံတကာရင်းနှီး မြှုပ်နှံမှုအမြောက်အမြား လိုအပ်နေဆဲဖြစ် သည်ဟုလည်း တာဝန်ရှိသူများက ပြောသည်။

"ပညာရေးနဲ့ ကျန်းမာရေးတို့လိုပဲ လျှပ်စစ် ကဏ္ဍဟာလည်း တိုင်းပြည်ရဲ့ အခြေခံ အဆောက်အအုံဖွံ့ဖြိုးတိုးတက်ဖို့အတွက် အရမ်းကို အရေးပါနေတယ်။ လျှပ်စစ်ကဏ္ဍ ဖွံ့ဖြိုးတိုးတက်ဖို့ကျွန်တော်တိုလည်းအစွမ်းကုန်ကြိုးစားဆောင်ရွက်နေပါတယ်"ဟုစွမ်းအင်နှင့် ဆက်သွယ်ရေးဝန်ကြီးဌာနနှစ်ခုစလုံး၏ ပြည်ထောင်စုဝန်ကြီးနှင့် မြန်မာနိုင်ငံရင်းနှီး မြှုပ်နှံမှု ကော်မရှင်ဥက္ကဋ္ဌ ဦးဇေယျာအောင်က ပြောသည်။ စက်တင်ဘာလ တတိယပတ်အတွင်းက နေပြည်တော်၌ကျင်းပခဲ့သည့် Myanmar Global Investment Forum တွင် ပြည်ထောင်စုဝန်ကြီး ဦးဇေယျာအောင်က ထိုသို့ ပြောကြား ခဲ့ခြင်းဖြစ်ပြီး လျှပ်စစ်ဓာတ်အား ၅၄,၆၀၈ မဂ္ဂါဝပ် ထုတ်လုပ်ရရှိရေးအတွက် ဓာတ်အား ထုတ်လုပ်ရေးစက်ရုံသစ်ပေါင်း ၈၇ ခုအထိ တည်ဆောက် သွားရန် စီစဉ်ထားကြောင်း လည်း ပြောသည်။ "ပြီးခဲ့တဲ့ ၂၀၁၃ နဲ့ ၂၀၁၄ ခုနှစ်အတွင်းမှာ ဓာတ်အားပေးစက်ရုံပေါင်း ၁၀ ခုအထိ တည် ဆောက်ပြီးစီးခဲ့တယ်။ နောက်ထပ် လျှပ်စစ်ဓာတ် အားပေးစက်ရုံစီမံကိန်းသစ် ၁၇ ခုက လည်း လာမယ့်နှစ်အတွင်းမှာ ပြီးစီးသွားဖို့ ရှိပါတယ်"ဟု အမျိုးသားစွမ်းအင် စီမံခန့်ခွဲမှု ကော်မတီဥက္ကဋ္ဌတာဝန်ကိုပါ ထမ်းဆောင် လျက်ရှိသည့် ဦးဇေယျာအောင်က ပြောသည်။

လျှပ်စစ်ကဏ္ဍတွင် နိုင်ငံခြားရင်းနှီးမြှုပ်နှံ မှု တိုးမြင့်လာစေရန် အစိုးရက ဆောင်ရွက်ခဲ့ပြီး နိုင်ငံတကာငွေကြေးအဖွဲ့အစည်းများဖြစ် သည့် ကမ္ဘာ့ဘဏ်၊ အာရှဖွံ့ဖြိုးရေးဘဏ်၊ နိုင်ငံ တကာငွေကြေး ကော်ပိုရေးရှင်းများကလည်း လျှပ်စစ်စီမံကိန်းများနှင့် ချေးငွေအစီအစဉ်များ အတွက် ဆောင်ရွက်လျက်ရှိကြောင်း ဦးဇေယျာအောင်က ပြောသည်။ မြန်မာနိုင်ငံ၏ လျှပ်စစ်ကဏ္ဍတွင် စင်ကာပူ၊ ထိုင်း၊ တရုတ်၊ အမေရိကန်၊ ယူကေ၊ ဂျပန်၊ နော်ဝေ၊ ဥရောပနှင့် အခြားအာရှဒေသက ရင်းနှီးမြှုပ်နှံသူများလည်း လက်ရှိဝင်ရောက် ရင်းနှီးမြှုပ်နှံ လုပ်ကိုင်လျက် ရှိကြောင်း ၎င်းက ပြောသည်။

သို့သော် ရေအားလျှပ်စစ်နှင့် ကျောက်မီးသွေးသုံး လျှပ်စစ်စီမံကိန်းများမှာ လူထုနှင့် အစိုးရမဟုတ်သော အဖွဲ့အစည်းများကြောင့် အကောင်အထည်ဖော်နိုင်ခြင်းမရှိဘဲ ရပ်တန့် လျက်ရှိသည်။ လျှပ်စစ်ဓာတ်အားရရှိရေးအတွက် လတ်တလော အမြန်ဆုံး ဖြေရှင်း ပေးနိုင်မည့်နည်းလမ်းမှာ သဘာဝဓာတ်ငွေ့ သုံး ဓာတ်အားပေးစက်ရုံများ တည်ဆောက် ရေးပင် ဖြစ်သည်။ သို့သော် အသစ်တည်ဆောက်မည့် လျှပ်စစ်ဓာတ်အားပေးစက်ရုံများထံ ဖြန့်ဖြူး ပေးရမည့် သဘာဝဓာတ်ငွေ့ အလုံအလောက် မရှိသည့် ပြဿနာကလည်း အရေးတကြီး ထည့်သွင်းစဉ်းစားရမည့်အချက် ဖြစ်နေသည်။

"ပြည်ပကို နေ့စဉ် သဘာဝဓာတ်ငွေ့ ကုဗပေ ၁ ဒသမ ၇ ဘီလျံလောက်ပို့ပြီး၊ ပြည်တွင်းသုံး အတွက် ကုဗပေ သန်း ၄၀၀ လောက် ဖြန့်ဖြူးပေးနေတယ်။ လိုအပ်ချက်အရ သဘာဝဓာတ်ငွေ့ဖြန့်ဖြူးပေးနေရသလို သဘာဝဓာတ်ငွေ့အရောင်းစာချုပ်ကိုလည်း လိုက်နာရပါတယ်။ ဒါကတော့ ကျွန်တော်တို့ရဲ့ လက်ရှိအခြေအနေပါ" ဟု မြန်မာ့ရေနံ နှင့် သဘာဝဓာတ်ငွေ့လုပ်ငန်း၊ ဦးဆောင်ညွှန် ကြားရေးမှူး ဦးမျိုးမြင့်ဦးက Global Invest-ment Forum တွင် ပြောသည်။ မြန်မာနိုင်ငံ၏ လက်ရှိ စီးပွားဖြစ်ထုတ်လုပ် နေသည့် ကမ်းလွန် သဘာဝဓာတ်ငွေ့စီမံကိန်း များမှာ ပြည်ပသို့ တင်ပို့ရောင်းချရန် နှစ်ရှည်စာချုပ်ချုပ်ဆိုထားပြီးဖြစ်ရာ မြန်မာနိုင်ငံ၏ လတ်တလောလိုအပ်ချက်အတွက် သဘာ၀ ဓာတ်ငွေ့ကို ပြည်ပက ပြန်လည်တင်သွင်းရ မည့် အနေအထား ဖြစ်နေသည်။ အသစ်တွေ့ရှိထားသည့် ကမ်းလွန်သဘာ၀ ဓာတ်ငွေ့သိုက်များမှာလည်း ရှာဖွေရေးတွင်း များ ထပ်မံတူးဖော်၍ အသေးစိတ် လေ့လာ သုံးသပ်ရမည်ဖြစ်ခြင်းကြောင့် ၂၀၂၀ ပြည့် နှစ်ထက်စော၍ စီးပွားဖြစ်ထုတ်လုပ်နိုင်မည့် အနေအထား မရှိသေးပေ။ "အသစ်တွေ့ရှိထားတဲ့ M-3 လုပ်ကွက်က အကဲဖြတ်ကာလမှာပဲ ရှိသေးတယ်။ နောက် ထပ် အကဲဖြတ်တွင်းတွေ အများကြီး တူးရဦးမယ်။ ဒီနှစ်ကုန်ပိုင်းမှာဆိုရင်တော့ M-3 ရဲ့ ခိုအောင်းသဘာဝဓာတ်ငွေ့ပမာဏကို သ နိုင်မယ်လို့ မျှော်မှန်းထားပါတယ်"ဟု ဦးမျိုးမြင့် ဦးက ပြောသည်။ လျှပ်စစ်ဓာတ်အားပေး စက်ရုံသစ်များ အတွက် သဘာဝဓာတ်ငွေ့ လိုအပ်ချက်ရှိနေ သည့်နည်းတူ လက်ရှိလည်ပတ်နေသော ဓာတ် အားပေးစက်ရုံများတွင်လည်း သဘာဝဓာတ် ငွေ့ကို ပိုမိုထိရောက်သည့် နည်းလမ်း အသုံး ပြု၍ ဓာတ်အားထုတ်လုပ်သင့်သည်ဟုလည်း Lion Energy General Services ကုမ္ပဏီ၏ အုပ်ချုပ်မှုဒါရိုက်တာ ဒေါ်နှင်းဖြူဖြူအောင်က ပြောသည်။

"သဘာဝဓာတ်ငွေ့ကို ဘယ်လို ထိရောက် တဲ့နည်းနဲ့ အသုံးပြုလည်ပတ်နိုင်မလဲဆိုတာလည်း စဉ်းစားသင့်ပါတယ်။ ဥပမာဈကျွန်မတို့ ရဲ့ အိမ်နီးနားချင်းနိုင်ငံတွေဖြစ်တဲ့ ထိုင်းနဲ့ ဖိလစ်ပိုင်နိုင်ငံတွေက ကျွန်မတို့လက်ရှိသုံး နေတဲ့ သဘာဝဓာတ်ငွေ့ပမာဏအတိုင်းပဲ သုံးပြီး လျှပ်စစ်ဓာတ်အား ပိုမိုထုတ်လုပ်နေကြပါတယ်"ဟု ၎င်းက ပြောသည်။ လျှပ်စစ် ဓာတ်အား တိုးမြှင့်ထုတ်လုပ်ရရှိ ရေးအတွက် ပြည်ပက သဘာဝဓာတ်ငွေ့ ပြန် လည် တင်သွင်းရန် နည်းလမ်းသာ ရှိတော့ သည့်နည်းတူ မြန်မာနိုင်ငံ၏ သဘာဝဓာတ် ငွေ့ရည် တင်သွင်းရေးလုပ်ငန်းများ၌ ဝင်ရောက် ရင်းနှီးမြှုပ်နှံလုပ်ကိုင်ရန် နိုင်ငံတကာကုမ္ပဏီများ ကလည်း ပြင်ဆင်လာကြသည်။

ကမ္ဘာ့ထိပ်သီး ရေနံကုမ္ပဏီကြီးတစ်ခုဖြစ်သည့် နယ်သာလန်အခြေစိုက် Royal Dutch Shell က မြန်မာနိုင်ငံ တောင်ပိုင်း၊ ထားဝယ်အထူးစီးပွားရေးဇုန်စီမံကိန်းအနီး သဘာဝဓာတ်ငွေ့ရည် သိုလှောင်စခန်း တည် ဆောက်ရန် ထိုင်းနိုင်ငံက အီတာလျံထိုင်း(Italian-Thai Development Pcl ) နှင့် LNG Plus International ကုမ္ပဏီတို့နှင့် စီမံကိန်းပူးပေါင်း ဆောင်ရွက်ရေးဆိုင်ရာ သဘောတူညီမှုတစ်ခုကို ပြီးခဲ့သည့်လက လက်မှတ်ရေးထိုးခဲ့သည်။

မြန်မာနိုင်ငံတွင် ပထမဆုံးပေါ်ထွက်လာခဲ့သည့် သဘာဝဓာတ်ငွေ့ရည်လုပ်ငန်းဆိုင်ရာ သဘောတူညီမှုဖြစ်သည့် အဆိုပါစီမံကိန်း ကို မြန်မာနိုင်ငံအစိုးရကလည်း သဘောတူခဲ့ပြီး ဖြစ်သည်။ "ပြုပြင်ပြောင်းလဲရေးစတင်ခဲ့တဲ့ လွန်ခဲ့ တဲ့ ငါးနှစ်လောက်တုန်းက လျှပ်စစ်မီးဘယ်မှာ လဲဆိုပြီး ကျွန်မတို့ အမေးခံခဲ့ရပါတယ်။ အခု ပြုပြင်ပြောင်းလဲရေးလုပ်ငန်းစဉ်ရဲ့ ဒုတိယ အဆင့်မှာလည်း ကျွန်မတို့ ဒီမေးခွန်း အမေးခံ နေရတုန်းပါပဲ။ ၂၀၂၀ ပြည့်နှစ်လောက်အထိ သဘာဝဓာတ်ငွေ့ မရနိုင်ဘူးဆိုတော့ ဒီကိစ္စ ကို ကျွန်မတို့ ရှေ့ဆက်ဘယ်လိုဖြေရှင်းသွား ကြမလဲ။ လျှပ်စစ်မီး အလုံအလောက်ရှိရင်တော့ ဖွံ့ဖြိုးတိုးတက်မှုက အရှိန်နဲ့သွားနိုင် မှာပဲ"ဟု Barons & Fujikura EPC ကုမ္ပဏီ အုပ်ချုပ်မှုဒါရိုက်တာ ဒေါ်အိဖြူစင်ဌေးက ပြောသည်။

Ref : Myanmar Times

Follow Us On