မြန်မာနိုင်ငံအတွင်းရှိ ရောင်းရန်နှင့် ငှားရန်ရှိသော အိမ်ခြံမြေများ

Property Titles

မြန်မာနိုင်ငံတွင် ဟိုတယ်ခန်းများမလုံလောက်မှူ ဆိုးရွားလျက်ရှိ

By mizzima, Shweproperty.com

Updated at 7 March 2013

မြန်မာနိုင်ငံသည် နိုင်ငံခြားသားခရီးသည်များအတွက် သွားရောက်လည်ပတ်ရန် အကောင်းဆုံးစာရင်းတွင် ပါဝင်ကောင်း ပါဝင်မည်ဖြစ်သော်လည်း ဧည့်သည်များအနေဖြင့် တည်းခိုရန်ဟိုတယ်ခန်း များအား ကြိုတင်မှာယူခြင်းမရှိဘဲ ရန်ကုန်မြို့သို့ ခြေမချသင့်ကြောင်း သတိပေးမှုများဖြစ်ပေါ်လျက် ရှိ ကြောင်း စီအန်အန် သတင်းဌာနက ဖော်ပြသည်။

လွန်ခဲ့သည့် နှစ်အနည်းငယ် အတွင်း မြန်မာနိုင်ငံသို့လာရောက် ကြသည့် နိုင်ငံခြားသားခရီးသည် အရေအတွက် မြင့်တက်လာလျက် ရှိရာ အထူးသဖြင့် ခရီးသွားရာသီ တွင် ဟိုတယ်ခန်း အရေအတွက် လုံလောက်မှုမရှိသည့်အတွက် လိုအပ်ချက်ကို ဖြည့်ဆည်းပေးနိုင် ရန် ခရီးသွားကုမ္ပဏီများ ရုန်းကန် နေကြရသည်။ ထိုသို့ ဟိုတယ်ခန်း များ မလုံလောက်မှုသည် နောက် လာမည့် ငါးနှစ်မှ ၁ဝ နှစ်အတွင်း ဆက်လက်ဖြစ်ပေါ်နေဖွယ်ရှိသည်။

နိုင်ငံတကာမှ ဧည့်သည်များ ဝင်ရောက်မှုသည် ၂ဝဝ၉ ခုနှစ်မှ ၂ဝ၁၁ ခုနှစ်ကြားတွင် နှစ်စဉ် ၂၅ ရာခိုင်နှုန်းခန့် မြင့်တက်လာခဲ့သည်။ လွန်ခဲ့သည့်နှစ်အတွင်း မြန်မာနိုင်ငံ တွင် စီးပွားရေးနှင့်လူမှုရေး ပြုပြင် ပြောင်းလဲမှုများ ပြုလုပ်လိုက်သည့်အတွက် နိုင်ငံခြားသားခရီးသည်များ ရောက်ရှိမှုအရေအတွက်မှာ ၅၄ ရာခိုင်နှုန်း မြင့်တက်သွားသည်ကိုတွေ့ကြရသည်။

နိုင်ငံခြားသားခရီးသည်များအတွက် မြန်မာနိုင်ငံသို့ မလာမီကြိုတင် အခန်းယူရန်လိုသည် သာမက အခန်းခများကိုလည်း ဈေးနှုန်းကြီးမားစွာ ပေးနေကြရသည်။ ကြယ်နှစ်ပွင့်နှင့် သုံးပွင့် အဆင့်ရှိ ဟိုတယ်များ၏ပျှမ်းမျှ အခန်းခမှာ တစ်ညလျှင်ဒေါ်လာ ၁ဝဝ ကျော်ပေးနေရသည်။ ၂ဝဝ၇ ခုနှစ်မှ ၂ဝ၁၂ ခုနှစ်အတွင်း ပျှမ်းမျှ ဟိုတယ်ခန်းခ နေ့စဉ်နှုန်းထားမှာ ၃၅ဝ ရာခိုင်နှုန်းမြင့်တက်ခဲ့ကြောင်း Jones Lang LaSalle ဟိုတယ်

များကုမ္ပဏီ၏ အစီရင်ခံစာတွင်ဖော် ပြထားသည်။

ထိုကုမ္ပဏီ၏ ဒုဥက္ကဋ္ဌဖြစ်သူ အင်ဒရူးလန်ဒွန် ကိုယ်တိုင်ကြုံခဲ့ရသည့် အတွေ့အကြုံအရ ၂ဝ၁၁ ခုနှစ်က ၎င်းကိုယ်တိုင် ရန်ကုန် မြို့သို့ သွားရောက်စဉ် ကြယ်လေး ပွင့်အဆင့်ရှိဟိုတယ်တွင် တည်းခို ရာ အခန်းခမှာ တစ်ညလျှင်ဒေါ်လာ ၇ဝ ပေးခဲ့ရသည်။

ထို့နောက် ၂ဝ၁၂ ခုနှစ် ဒီဇင် ဘာလတွင် နောက်တစ်ခေါက် ပြန် လာသည့်အခါ ထိုဟိုတယ်ရှိအလားတူအခန်းကိုပင် တစ်ည ဒေါ်လာ ၂၆ဝ ပေးခဲ့ရသည်ဟု ဆိုသည်။

''တစ်နှစ်ဆိုတဲ့ အချိန်အပိုင်း အခြားအတွင်းမှာပဲ နှုန်းထားတွေက ၄ဝဝ ရာခိုင်နှုန်းနီးပါး တက်သွား တယ်။ ပြီးတော့ဒီထက်ပိုတက်ဖို့ရှိ နေပါတယ်”''ဟု ၎င်းက ပြောသည်။

၂ဝ၁၂ ခုနှစ်က ဟိုတယ်များ သည် ပျှမ်းမျှ ၇ဝ ရာခိုင်နှုန်းခန့် လူဝင်ပြီး ယခုနှစ်တွင် ၈ဝ ရာခိုင် နှုန်းခန့်လူဝင်မည်ဟု ခန့်မှန်းထား သည်။ ဤအတောအတွင်း လွန် ခဲ့သည့်နှစ်က အခန်းခများသည် ၂ဝ၁၁ ခုနှစ်က နှုန်းထက် ၅ဝ ရာ ခိုင်နှုန်းမြင့်တက်သွားပြီး ယခုနှစ် တွင်နောက်ထပ် ၂ဝ မှ ၂၅ ရာခိုင် နှုန်း ထပ်တက်မည့် အလားအလာရှိ နေသည်။

မြန်မာ့ခရီးသွားလုပ်ငန်း ဝန် ကြီးဌာန၏တွက်ချက်မှုအရ ရန်ကုန် မြို့တွင် ဟိုတယ်ခန်းပေါင်း ၈,ဝဝဝ ရှိပြီး ယင်းတို့အနက် အခန်းပေါင်း ၁၅ဝဝ မှ ၂၅ဝဝ သည် နိုင်ငံတကာ စံနှုန်းမီအခန်းများဖြစ်သည်။

မြန်မာနိုင်ငံတွင် ယခုလက်ရှိ ရှိနေသည့် နာမည်ကြီးဟိုတယ် အုပ်စုဝင် အနည်းငယ်မှာ ယခင်က အာရှတိုက်သားများအတွက် သီး သန့်နီးပါးကဲ့သို့ ဖြစ်နေပြီး၊ အမေရိ ကန်နှင့် ဥရောပဟိုတယ် အုပ်စု ကြီးများမှာ တင်းကြပ်သည့်စီးပွား ရေး အရေးယူပိတ်ဆို့မှုများကြောင့် မြန်မာနိုင်ငံနှင့် ကင်းကင်းရှင်းရှင်း နေခဲ့ကြသည်။

လတ်တလော မြန်မာနိုင်ငံတွင်ရှိနေသည့် နာမည်ကြီးဟိုတယ် ကြီးများတွင် စင်ကာပူမှ ပတ်ခ်ရွိုင်ယယ်၊ ထိုင်းမှ ချက်ထရီယမ်နှင့် မလေးရှားမှ ဆီဒိုးနားဟိုတယ်ကြီး များပါဝင်သည်။ မြန်မာနိုင်ငံတွင် ဟိုတယ်လုပ်ငန်းသို့ ဦးစွာဝင်ရောက် လာသည့်ကုမ္ပဏီမှာ ဟောင်ကောင် အခြေစိုက် ရှန်ဂရီလာဟိုတယ်အုပ်စု ဖြစ်သည်။ ထိုဟိုတယ်အုပ်စုကြီး သည် ၁၉၉၆ ခုနှစ်တွင် ရန်ကုန်မြို့ လယ်တွင် အထပ် ၂၂ ထပ်ပါ ကုန် သည်ကြီးများ ဟိုတယ်ရန်ကုန်ကို ဖွင့်လှစ်ခဲ့သည်။

နောက်တစ်နှစ် အကြာတွင် ထိုအုပ်စုသည် ကန်တော်ကြီးအနီး တွင်အထပ် ၂၁ ထပ်ပါ ဝန်ဆောင် မှုများ ပါရှိမည့် တိုက်ခန်းများ ဆောက် လုပ်ရန် ပြင်ဆင်ခဲ့သည်။ သို့သော် အာရှစီးပွားရေး အကျပ် အတည်းကြောင့် ထိုစီမံကိန်းကို ရပ်ဆိုင်းထားခဲ့ရပြီး လွန်ခဲ့သည့် နှစ်က ထိုစီမံကိန်းလုပ်ငန်းများ ပြန်လည် စတင် လုပ်ဆောင်ခဲ့သည်။

Source : Mizzima

Follow Us On