မြန်မာနိုင်ငံအတွင်းရှိ ရောင်းရန်နှင့် ငှားရန်ရှိသော အိမ်ခြံမြေများ

Property Titles

ရှာဖွေရန်နှိပ်ပါ

Property Titles

ခုံးကျော်တံတား စီမံကိန်းများကြောင့် တံတားအနီးနေရာများရှိ အိမ်၊ ခြံ၊ မြေဈေးနှုန်းများ ပြောင်းလဲမြင့်တက်နိုင်

By နိုနိုအောင်, Shweproperty.com

Updated at 12 July 2012

ခုံးကျော်တံတား စီမံကိန်းများကြောင့် တံတားအနီးနေရာများရှိ အိမ်၊ ခြံ၊ မြေဈေးနှုန်းများ ပြောင်းလဲမြင့်တက်နိုင်

ခုံးကျော်တံတား စီမံကိန်းများကြောင့် တံတားအနီးနေရာများရှိ အိမ်၊ ခြံ၊ မြေဈေးနှုန်းများ ပြောင်းလဲမြင့်တက်နိုင်

By နိုနိုအောင်, Shweproperty.com

Updated at 12 July 2012

ခုံးကျော်တံတားများ ဆောက်လုပ်ပြီးစီး သွားပါက အဆိုပါ တံတားများ ဝန်းကျင် ရှိ အိမ်ဈေးနှုန်းများအပေါ် သက်ရောက် မှုရှိနိုင်မည်ဖြစ်ကာ အိမ်၊ ခြံ၊ မြေဈေး နှုန်းများ ၂၀ ရာခိုင်နှုန်းခန့် မြင့်တက် သွားနိုင်ကြောင်း ဝါရင့်အကျိုးဆောင် များက ဇူလိုင်လ ပထမပတ်အတွင်းက ခန့်မှန်း သုံးသပ်သည်။

"လက်ရှိတည်ဆောက်နေတာက တော့ လှည်းတန်းခုံးကျော်တံတားပေါ့။ လှည်းတန်းနဲ့ ဆက်စပ်နေတဲ့ လှိုင်၊ အင်းစိန်၊ ကမာရွတ်စတဲ့ မြို့နယ် တွေက အိမ် ဈေးတွေအပေါ် သက်ရောက်မှုရှိလာ မယ်ဆိုတာ ဖြစ်နိုင် ပါတယ်။ အဲဒီနေရာ တစ်ဝိုက်က မြေတော့ မရှိတော့ဘူး။ အကုန်လုံးက အဆောက်အအုံတွေနဲ့ ပြည့်နေပြီ။ ကမာရွတ်မှာဆိုရင်တော့ မြေ ရှိသော်လည်းပဲ ကျောင်းလို၊ ကျောင်းဆောင်လို အစိုးရအဆောက် အအုံတွေ ဆိုတော့ ပြောလို့မရဘူး။ အိမ်ခြေများတဲ့ နေရာတွေမှာ ဈေးတက်မယ်ဆိုရင်တော့ ၂၀ ရာခိုင်နှုန်းလောက် တက်နိုင်တဲ့ အနေ အထားမှာရှိတယ်"ဟု ယူနတီ အိမ်၊ ခြံ၊ မြေအကျိုးဆောင် ကုမ္ပဏီမှ ဦးဇော်ဇော်က ဇူလိုင်လ ပထမပတ်အတွင်းက ပြောသည်။

"လမ်းပန်းဆက်သွယ်ရေးကောင်း လာရင် အိမ်၊ ခြံ၊ မြေရဲ့ ဈေးနှုန်းအပေါ် လည်း အနည်းငယ် သက်ရောက်မှု ရှိတတ်ပါတယ်။ အခုဟာက လူတွေ အနေနဲ့ နေရာက အဓိကမဟုတ်ဘူး။လမ်းပန်းဆက်သွယ်ရေးက အဓိက ဆိုတာမျိုး ဖြစ်နေတယ်။ မြို့ထဲနဲ့ဝေးသော်လည်းပဲ ကားမကျပ်ဘူး၊ သွားရ လာရတာ လွယ်ကူတယ်ဆိုရင်နေချင် ကြတာပါပဲ။ လှည်းတန်းခုံးကျော် တံတားသာ ဆောက်ပြီးသွားမယ်ဆိုရင် တော့ ယာဉ်ကြောအခြေအနေကို ကြောက်စရာမလိုတော့လို့ ပိုပြီးစည်ကား လာဦးမှာပေါ့"ဟု ၎င်းက ဆက်လက် ပြောပြသည်။

ဘုရင့်နောင် ခုံးကျော်တံတား ပြီးစီး သွားလျှင်လည်း ဆက်စပ်နေရာများ ဖြစ်သော ဘုရင့်နောင်၊ လှိုင်သာယာ အစရှိသည့် နေရာများတွင် အိမ်ခြံမြေ ဈေးနှုန်းများ အပြောင်းအလဲ ဖြစ်လာနိုင် ကြောင်း ဦးဇော်ဇော်က ပြောသည်။

"အထူးသဖြင့် နဝဒေး၊ ပန်းလှိုင်နဲ့ အက်ဖ်အမ်အိုင်စီးတီးတို့လို အိမ်ရာ တွေမှာ ဈေးတွေ ပြောင်းလဲသွားမှာပေါ့။ အဲဒီဘက်တွေက ခြံနဲ့ ဝင်းနဲ့နေရတယ်၊ နေရာကျယ်တယ်၊ အိမ်တွေက ကောင်း တယ်။ အဓိက လူတွေက ခရီးဝေးတာ၊ လမ်းကျပ်တာကြောက်လို့သာ အဲဒီ ဘက်ကို သိပ်စိတ်မကူးကြတာ။ သွား လာရတာ မြန်ဆန်လွယ်ကူသွားမယ်ဆို ရင်တော့ ပိုစိတ်ဝင်စားလာကြမှာပေါ့" ဟု ၎င်းက ပြောသည်။

ခုံးကျော်တံတားများ (မိုးပျံကားလမ်းများ) သည် အဆင့်မီသော မြို့ပြအင်္ဂါရပ် တစ်ခုအဖြစ် ပေါ်ထွန်းလာမည်ဖြစ်ပြီး အဆိုပါ အင်္ဂါရပ်နှင့် လျော်ညီသော အဆောက်အအုံများသည်လည်း ပိုမို ပေါ်ထွက်လာနိုင်ကြောင်း ၎င်းက ခန့်မှန်းသည်။

လက်ရှိ လှိုင်နှင့် ကမာရွတ်တစ်ဝိုက် ရှိ မြေဈေးများမှာ ခန့်မှန်းခြေမြေနေရာ တစ်ပေပတ်လည်လျှင်ကျပ်ငါးသိန်း ဝန်း ကျင်ရှိကြောင်း သိရသည်။

"အခုအချိန်က အိမ်၊ ခြံ၊ မြေဈေးက လည်း ကြိုက်ရောင်းကြိုက်ဝယ်ဖြစ်နေတယ်ဆိုတော့ ကျွန်တော့အနေနဲ့ ဖြစ်နေတဲ့ ဈေးတွေကို ပြောဖို့က ခက်ခဲပါတယ်။ ခန့်မှန်းခြေလောက်ပဲ ပြောနိုင်မယ်။ အင်း စိန်မှာဆိုရင်တော့ တစ်ပေပတ်လည်ကို ကျပ်တစ်သိန်းဝန်းကျင် အနည်းဆုံး လောက်ရှိတယ်။ နဝဒေး၊ ပန်းလှိုင်၊ အက်ဖ်အမ်အိုင် စတာတွေကလည်း သူ့ ဈေးနဲ့သူပါပဲ။ ကျပ်သိန်း ၂,၀၀၀ ဝန်း ကျင် အနည်းဆုံးပဲ။ ခုံးကျော်တံတားတွေ ဆောက်ပြီးသွားမယ်ဆိုရင်တော့ ၁၀၀ ရာခိုင်နှုန်းမှာ အနည်းဆုံး ၂၀ ရာနှုန်းလောက်တက်မယ်။ ဒီ့ထက်များ ရင်လည်း များမယ်။ အတိအကျ ပြော ဖို့ ခက်တယ်။ အဲဒီအချိန် တိုင်းပြည်ရဲ့ အခြေအနေပေါ်လည်း မူတည်ဦးမှာ ပေါ့။ တက်မယ်ဆိုရင်တော့ ၂၀ ရာခိုင် နှုန်းဝန်းကျင်က သေချာသလောက်ပါပဲ" ဟု ဦးဇော်ဇော်က ခန့်မှန်းသည်။

ကြယ်စင်လင်း အိမ်၊ ခြံ၊ မြေအကျိုး ဆောင်ကုမ်ပဏီမှ အထွေထွေမန်နေ ဂျာတစ်ဦးဖြစ်သူ ဦးစိုးဝဏ်ဏကလည်း ခုံးကျော်တံတားများ ဆောက်လုပ်ပြီး စီးသွားလျှင် အဆိုပါ ခုံးကျော်တံတား နေရာတစ်ဝိုက်သည် ခေတ်မီသော မြို့ပြ အချက်အချာနေရာ ဖြစ်လာသည့် အတွက် စီးပွားရေးလုပ်ငန်းများ ပိုမို ပေါ်ပေါက်လာနိုင်သည်ဟု ဆိုသည်။

"နေရာတစ်နေရာ၊ တစ်စုံတစ်ခု ဖွံ့ဖြိုးတိုး တက်လာရင် မြေဈေး၊ အိမ်ဈေး များလာတတ်တာတော့ ကျွန်တော်တို့ ဆီမှာ သဘာဝပါပဲ။ လှည်းတန်းခုံး ကျော်တံတားကတော့ ဒီမှာ ပထမဆုံး ပေါ့။ အဲဒီ့အတွက် သက်ရောက်မှုတွေ ကတော့ အများကြီးဖြစ်လာမယ်လို့ ထင် ပါတယ်။ ဒါဟာ နိုင်ငံတကာနဲ့ တန်းတူ ခေတ်မီနည်းပညာတွေနဲ့ ဆောက်ထားတဲ့ တံတားဖြစ်မယ့်အတွက် အထင်ကရ လေးတော့ ဖြစ်မယ်။ "လှည်းတန်းက နဂိုစည်ကားတဲ့ နေရာ ဖြစ်တဲ့အပြင် ဒီလို လမ်းပန်းဆက်သွယ် ရေး အရမ်းကောင်းသွားရင် ပိုစည် မယ်။ နိုင်ငံခြားသားအကြိုက်ဖြစ် လာမယ်။ ပြည်လမ်းတောက်လျှောက် မှာ အဆင့်မီ စားသောက်ဆိုင်တွေ ဖြစ်လာမယ်။ ကော်ဖီဆိုင်တွေ ဖွင့်လာ မယ်။ နိုင်ငံခြားသားတွေ ထိုင်ချင် လောက်မယ့် အပြင်အဆင်မျိုးနဲ့ အဆင့် မြင့်ဆိုင်တွေပေါ့။ စီးပွားရေးအကွက် အကွင်းကျတဲ့ နေရာ ပိုဖြစ်လာမှာဖြစ်တဲ့ အတွက် လက်ရှိဈေးတွေထက် ရာခိုင် နှုန်း ၂၀ ကနေ ၃၀ ကြားတက်သွားနိုင် တယ်။ အငှားရော၊ အရောင်း ရောပေါ့။ အဲဒီနေရာတွေက တံတားမရှိဘဲနဲ့ တောင် သူ့ဘာသာသူ ဈေးကောင်းနေ တာ။ ယာဉ်အသွားအလာသာ အဆင် ပြေသွားလို့ ကတော့ ပိုကောင်းလာမယ် လို့ ထင်တယ်"ဟု ဦးစိုးဝဏ္ဏက ပြော သည်။

လှည်းတန်းတစ်ဝိုက် လွယ်ကူစွာ သွားလာနိုင်မည့် နေရာများတွင် ရန် ကုန်တက်ကသိုလ်၊ အင်းလျားကန်၊ အာရှ စိမ်းလန်းစိုပြည်မှု ဖွံ့ဖြိုးရေးဘဏ် (ဗွီ) စသည်တို့ တည်ရှိနေသည့် အတွက် နိုင်ငံခြားသားများ လေ့လာရေး နှင့် နေထိုင်ရေးအတွက် ပိုမိုစိတ်ဝင်စား သော နေရာအကွက်အကွင်းဖြစ်လာ မည်ဖြစ်ကြောင်း ၎င်းကပြောသည်။

"အင်းစိန်ဘက်လည်း တက်နိုင်ပါ တယ်။ ဒါပေမယ့် အဲဒီလောက် မထင် ဘူး။ ကမာရွတ်နဲ့ လှိုင်ကတော့ တော် တော်ကောင်း သွားမယ်"ဟု ၎င်းက ခန့်မှန်းသည်။

သို့သော် လက်ရှိ တည်ရှိပြီးဖြစ်နေ သော နေရာအနေအထားအရ မူလက တည်းက တည်ရှိနေသော စီးပွားရေး လုပ်ငန်းနှင့် ဆိုင်အချို့အပေါ်တွင်မူ သက်ရောက်မှုသည် ပြောင်းပြန်ဖြစ်သွား နိုင်ကြောင်း သိရသည်။

"ခုံးကျော်တံတားအောက်က နေရာ တွေအတွက်ကတော့ ဈေးလျော့သွား နိုင်ပါတယ်။ မြင်ကွင်းပိတ်တဲ့သဘောမျိုး ဖြစ်သွားပြီး ငုပ်သွားနိုင်တာပေါ့။ ခုံး ကျော်တံတားနဲ့ နီးကပ်လွန်းတဲ့နေရာ တွေအတွက်ကတော့ သိပ်ဈေးများလာ မယ်မထင်ဘူး"ဟု ၎င်းကပြောသည်။

ဘုရင့်နောင်တံတားစီမံကိန်းနှင့် ဆက် စပ်နေရာများကိုမူ ဈေးတက် လိမ့်မည်ဟု သေချာပြောနိုင်ကြောင်း သိရသည်။

"တံတားဆောက်ပြီးလို့ သွားရလာရ တာရှင်းလင်းအဆင်ပြေသွားတယ်ဆို သေချာပေါက်ကြိုက်ကြမှာပါပဲ။ ပန်းလှိုင်မှာ တက်လာမယ်၊ FMI လည်း ကောင်းမယ်။ ၂၀ ရာခိုင်နှုန်းလောက် တက်လာမယ်ထင်တယ်။ ဘုရင့်နောင် တံတားအဆင်းက ကားကျပ်တယ်။ အဲဒါ တောင်မှ အဲဒီဘက်မှာ အိမ်ဈေး တွေ မြောက်နေတာ။ နောက် နိုင်ငံခြား ရင်းနှီးမြှုပ်နှံသူတွေ ဝင်လာရင် အဲဒီဘက် မှာ စက်မှုဇုန်တွေ ချည်းပဲ။ FMI မှာ မြေကွက်အလွတ်တွေကျန်သေးတယ်။ ဝယ်လိုအားတက်ရင် ဈေးလည်း နည်း နည်းတော့ တက်မှာပေါ့" ဟု ဦးစိုးဝဏ္ဏက ဆိုသည်။

လက်ရှိ လှိုင်၊ ကမာရွတ်မြို့နယ် တို့တွင် ကြိုက်ရောင်းကြိုက်ဝယ်ဖြင့်သာ အလုပ် ဖြစ်နေပြီး အင်းစိန်လမ်းမနှင့် ပြည်လမ်းမတို့တွင် တစ်စတုရန်းပေကို ခန့်မှန်းခြေ ကျပ်ရှစ်သိန်း ဝန်းကျင်ထိ ပေါက်ဈေးရှိကြောင်း သိရသည်။

"ကျွန်တော်ခန့်မှန်းခြေပဲ ပြောလို့ရပါ မယ်။ အပြင်မှာ ဖြစ်နေတဲ့ ကြိုက်ဈေး တွေအတိုင်းဆိုရင် မလိုအပ်ဘဲ ဖောင်းပွမှုဖြစ်သွား နိုင်တယ်။ ခန့်မှန်းခြေ ပြည်လမ်းမနဲ့ အင်းစိန်လမ်းမတို့မှာ တစ်စတုရန်းပေကို ကျပ်ရှစ်သိန်းဝန်း ကျင် ရှိတယ်။ ပန်းလှိုင်မှာတော့ တစ်ပေပတ်လည်ကို ကျပ်တစ်သိန်းခွဲ လောက်ပေါက်တယ်။ FMI မှာတော့ မြေ ပေ ၈၀ ပတ်လည်ကို ကျပ်သိန်း ၃,၀၀၀ ဝန်းကျင်ရှိပြီး မွမ်းမံပြီးသား အိမ်ပါရင် ကျပ်သိန်း ၅,၀၀၀ လောက် ထိ ဖြစ်တတ်ပါတယ်"ဟု ၎င်းက ပြောသည်။

ကမာရွတ်မြို့နယ်၊ လှည်းတန်း လမ်း ဆုံအနီးတွင် တည်ဆောက်မည့် လှည်း တန်းခုံးကျော်တံတားကို ရွှေတောင် ဖွံ့ဖြိုးမှုကုမ်ပဏီမှ တာဝန်ယူ ဆောက် လုပ်မည်ဖြစ်ပြီး အရှည် ၂,၄၆၆ ပေရှိ မည့် တံတားသည် ပြည်လမ်း ဒိုင်းမွန်း ကွန်ဒိုရှေ့မှ စတင်၍ ပြည်လမ်း အတိုင်း ကမ္ဘေဇဘဏ်ရှေ့ထိ တစ်ဆက်တည်း တည်ရှိသွားမည်ဖြစ်သည်။

ဘုရင့်နောင်လမ်းနှင့် သမိုင်းဘူတာရုံ လမ်းဆုံတို့တွင် ဆောက်လုပ်မည့် နှစ်ထပ်ခုံးကျော်တံတားကိုမူ First Myanmar Investment (FMI) မှ တာဝန်ယူတည်ဆောက်မည်ဖြစ်ပြီး နှစ်နှစ်အတွင်း အပြီးအစီး ဆောက်လုပ် မည်ဖြစ်ကြောင်း သိရသည်။

အဆိုပါ တံတားသည် ဘုရင့်နောင် မြစ်ကူး တံတား၊ လှိုင်သာယာမြို့နယ်၊ သမိုင်း၊ အင်းစိန်မြို့နယ်တို့ကို ဆက်သွယ်ပေးထားသည်။

Source : mm times

Follow Us On