သင့်အနေနဲ့သင့်ရဲ့နေအိမ်ထဲမှာမွှေးကြိုင်စေဖို့ဖြစ်ဖြစ်ဆေးဖက်ဝင်တယ်ဆိုလို့ပဲဖြစ်ဖြစ်ဘာသာရေးယုံကြည်ချက်ကြောင့်ပဲဖြစ်ဖြစ်အမြဲလိုလိုအမွှေးတိုင်ထွန်းမိနေတယ်ဆိုရင်တော့ကျန်းမာရေးအတွက်သင့်တော်ရဲ့လားဆိုတာကို ပြန်စဉ်းစားပါ။အမွှေးတိုင်ကြောင့်ခံစားရနိုင်တဲ့ဆိုးကျိုးအချို့ကိုဖော်ပြပေးလိုက်ပါတယ်။
၁။ ဆဲလ်တွေကို အဆိပ်သင့်စေခြင်း
အမွှေးတိုင်ထွန်းတဲ့အခါလေထုညစ်ညမ်းစေတဲ့အရာတွေနဲ့အန္တရာယ်ရှိတဲ့အရာတွေအများကြီးထွက်ပေါ်လာပါတယ်။သည်ဓာတ်တွေကိုနေ့စဉ်ရှူရှိုက်တဲ့အခါဆဲလ်တွေကိုအဆိပ်သင့်တာမျိုးတွေဖြစ်စေနိုင်ပါတယ်။အဆိုပါအဆိပ်သင့်မှုကဒီအင်န်အေလိုမျိုးမျိုးဗီဇဆိုင်ရာပစ္စည်းတွေကိုပြောင်းလဲစေနိုင်ပါတယ်။ သည် လိုပြောင်းလဲမှုက ကင်ဆာအမျိုးမျိုးကို ခံစားရစေနိုင်ပါတယ်။
၂။ အသက်ရှူလမ်းကြောင်း ထိခိုက်စေ
အမွှေးတိုင်ထွန်းတဲ့အခါထွက်လာတဲ့အငွေ့တွေကြောင့်လူတော်တော်များများချောင်းဆိုးတာတွေ၊နှာချေတာတွေဖြစ်လေ့ရှိပါတယ်။အမွှေးတိုင်အချို့ရဲ့အငွေ့တွေကစီးကရက်ငွေ့ထက်အဆုတ်တွေကိုပိုမိုအဆိပ်အတောက်ဖြစ်စေနိုင်ပါတယ်။
၃။ အဆုတ်ကင်ဆာဖြစ်စေနိုင်
အမွှေးတိုင်ကိုထွန်းလိုက်တဲ့အခါကင်ဆာဖြစ်စေနိုင်တဲ့စီနိုဂျန်းနစ်တွေလည်း ထွက်ပေါ်လာ တတ်ပါတယ်။ သည်ညစ်ညမ်းစေတဲ့အရာတွေကအဆုတ်ကို ကသိကအောက်ဖြစ်စေပြီးကျန်းမာရေးထိခိုက်မှုတွေကိုဖြစ်စေပါတယ်။အချိန်ကြာမြင့်စွာညစ်ညမ်းတဲ့အရာတွေနဲ့ထိတွေ့တဲ့အခါအဆုတ်ကင်ဆာဖြစ်နိုင်ခြေ တိုးလာပါတယ်။
၄။ ပန်းနာရင်ကျပ်ဖြစ်နိုင်ခြေကို တိုးစေနိုင်
အမွှေးတိုင်ထွန်းတာကနေထွက်လာတဲ့လေထုညစ်ညမ်းစေတဲ့အရာတွေက ပန်းနာရင်ကျပ်ဖြစ်စေတဲ့အဓိကအကြောင်းရင်းခံတွေ ဖြစ်ပါတယ်။ အဆိုပါ လေထုညစ်ညမ်းစေတဲ့အရာတွေနဲ့အချိန်ကြာမြင့်စွာထိတွေ့တဲ့အခါအဆုတ်ဆဲလ်တွေပွလာတာကြောင့်ဖြစ်ပေါ်ခံစားရတဲ့ပန်းနာရင်ကျပ်ရောဂါလက္ခဏာတွေကို ဖြစ်ပေါ်စေပါတယ်။
၅။ အရေပြားနီမြန်းရောင်းရမ်းခြင်း
သင့်မှာလေထုညစ်ညမ်းစေတဲ့ပစ္စည်းတွေနဲ့ဓာတ်မတည့်တဲ့အခံရှိတယ်ဆိုရင်တော့ အမွှေးတိုင်ထွန်းတဲ့အခါထွက်ပေါ်လာတဲ့အငွေ့တွေကအရေပြားကို ထိတွေ့တဲ့အခါအရေပြားမှာနီမြန်းရောင်ရမ်းတာတွေကိုဖြစ်ပေါ်စေနိုင်ပါတယ်။
(၆)မွေးကင်းစတွေနဲ့ကလေးတွေအပေါ်မှာဆိုးကျိုးသက်ရောက်မှုဖြစ်စေခြင်း
အမွှေးတိုင်ငွေ့နဲ့အမြဲထိတွေ့နေတာကကောင်းကျိုးမရှိပါဘူး။ကိုယ်ဝန်ဆောင်မိခင်တွေဆိုရင်တော့အမွှေးတိုင်ငွေ့နဲ့မထိဘဲနေတာကအကောင်းဆုံးပါပဲ။
(၇ ) အာရုံကြောထိခိုက်မှုတွေ
လေ့လာမှုတွေအရအိမ်တွင်းမှအမွှေးတိုင်ထွန်းတာကြောင့်ကာဘွန်မိုနောက်ဆိုက် ပမာဏတွေ တိုးလာစေပါ တယ်။ ရေရှည်ထိတွေ့တဲ့အခါ အာရုံ ကြောထိခိုက်မှုတွေကိုဖြစ်ပေါ်စေပါတယ်။မှတ်ဉာဏ်ချို့ယွင်းတာနဲ့သင်ယူမှုအပိုင်းမှာ အားနည်းတာမျိုးတွေကို ဖြစ်ပေါ်စေနိုင်ပါတယ်။
(၈) ခေါင်းကိုက်စေခြင်း
ကာဘွန်မိုနောက်ဆိုက်ပါဝင်မှုကျ ဆင်းနေတယ်ဆိုရင်တောင်မှ ကာဘွန်မို နောက်ဆိုက်နဲ့ထိတွေ့မိတာကခေါင်းကိုက်တာ၊ညီးစီစီဖြစ်တာ၊ခေါင်းမူးတာနဲ့ မအီမသာ ဖြစ်တာမျိုးတွေ ဖြစ်ပေါ်စေနိုင်ပါတယ်။
(၉) COPD ဖြစ်စေနိုင်ခြင်း
အမွှေးတိုင်ငွေ့နဲ့ နေ့စဉ်ထိတွေ့မိနေတဲ့အမျိုးသမီးတွေမှာCOPD(Chronic ObstructivePulmonaryDisease)ဖြစ်နိုင်ပါတယ်။သည်ရောဂါကဆေးလိပ်သောက်သုံးသူတွေမှာတွေ့ရလေ့ရှိတဲ့ နှလုံးရောဂါတစ်မျိုးဖြစ်ပါတယ်။ အခြားလေ့ လာမှုတွေမှာလည်း အမွှေးတိုင်ငွေ့တွေက ဆေးလိပ်ငွေ့လိုပဲ ကျန်းမာရေးကို ထိခိုက်စေပါတယ်။
(၁၀) နှလုံးထိခိုက်စေနိုင်ခြင်း
အိမ်မှာ နေ့စဉ် အမွှေးတိုင်ငွေ့နဲ့ ထိတွေ့မိတာက နှလုံးရောဂါကြောင့် သေ ဆုံးနိုင်ခြေကို ပုံမှန်ထက်၁၂ရာခိုင်နှုန်းကျော်တိုးစေသလိုလေဖြတ်နိုင်ခြေကို ၁၉ရာခိုင်နှုန်း၊နှလုံးသွေးကြောဆိုင်ရာ ရောဂါကို ၁၀ ရာခိုင်နှုန်းကျော်အထိ တိုးစေ နိုင်ပါတယ်လို့ သုတေသီတွေက အတည် ပြုပေးထားပါတယ်။
လေ့လာမှတ်သားစရာ အိမ်ခြံမြေဆောင်းပါးများ
Ref : Myannews
Photo Credit : Thewowstyle
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
