ရန်ကုန် မြို့တော်စည်ပင်သာယာရေး နယ် နိမိတ်အတွင်းရှိ မြို့တွင်းခြောက်မြို့ နယ်မှလွဲ၍ ဆင်ခြေဖုံးမြို့နယ်များနှင့် မြို့တွင်းဆက်စပ်မြို့နယ်များတွင် အထပ်မြင့်ကိုးထပ်နှင့် အထက်အဆောက် အအုံများ ဆောက်လုပ်မည် ဆို ပါက ဘေးမြေတစ်ဖက်ခြောက်ပေ စီနှင့် စုစုပေါင်း၁၂ပေစီချန်ရန် တိုး မြှင့်သတ်မှတ်ထားပြီး စည်းကမ်းမ လိုက်နာသော အဆောက်အအုံများ ကို စစ်ဆေးတွေ့ရှိပါက ဆောက်လုပ်ခွင့်ကို ရပ်ဆိုင်း သွားမည်ဖြစ်ကြောင်း ရန်ကုန်မြို့တော်စည်ပင်သာယာရေး ကော်မတီ၊ အထပ်မြင့်စိစစ်ရေးကော် မတီ(HIC)မှ သိရသည်။
ယင်းနှင့်ပတ်သက်ပြီး ရန်ကုန် မြို့တော်စည်ပင်သာယာရေးကော် မတီ၊ အထပ်မြင့်စိစစ်ရေးကော်မတီ(HIC)မှ တာဝန်ရှိသူတစ်ဦးက''အ ထပ်မြင့်အဆောက်အအုံတွေက မြေ အောက်ကားပါကင်ပါ တာကြောင့် ဘေးမြေချန်တာမှာနည်းရင် တည် ဆောက်ရေးမှာ အခက်အခဲရှိတဲ့အ တွက် ယခုလို ဘေးမြေကို တစ်ဖက် ခြောက်ပေစီနဲ့ စုစုပေါင်း ၁၂ ပေစီချန် ရန် တိုးမြှင့်သတ်မှတ်လိုက်တာဖြစ်ပါ တယ်။ ဘေးမြေ ကို တစ်ဖက်ခြောက် ပေစီမချန်ဘဲ စည်းကမ်းမလိုက်နာတဲ့ အဆောက် အအုံတွေကို စစ်ဆေး တွေ့ရှိပါက ဆောက်လုပ်ခွင့်ရပ်ဆိုင်း သွားမှာပါ။ ယခင်က အထပ်မြင့်တွေ ဆောက်ရင် ဘေးမြေတစ်ဖက်သုံးပေ စီချန်တာက တည်ဆောက်မှု အခက် အခဲဖြစ်တယ်။ ဘေးပတ်ဝန်းကျင် တွေရဲ့ ခိုင်ခံ့မှုကို ထိခိုက်စေတယ်။ အထပ်မြင့်တည်ဆောက်ရင် ပိုင်ဖောင် ဒေးရှင်းရိုက်ရတယ်။ သုံးပေချန်တာ က ပိုင်ရိုက်တဲ့အခါမှာ တစ်ဖက်အ ဆောက်အအုံကို ထိခိုက်စေပါတယ်'' ဟုပြောသည်။
ကိုးထပ်နှင့်အထက်အထပ်မြင့် အဆောက်အအုံများအား အနည်းဆုံး မျက်နှာဖွင့်အကျယ် ပေ၅ဝရှိမှသာ တည်ဆောက်ခွင့်ပြုမည်ဖြစ်ပြီး အ ဆောက်အအုံနောက်ချန်မြေမှာ အနည်းဆုံးခြောက်ပေချန်ရ မည်ဖြစ်ကြောင်း သိရသည်။
ဝေယံထွန်းလင်းဆောက်လုပ် ရေးကုမ္ပဏီမှ ကန်ထရိုက်တာဖြစ် သူ ကိုထွန်းထွန်းလင်းက''အထပ်မြင့် အဆောက်အအုံတွေအနေနဲ့ ဘေး မြေ တစ်ဖက် ခြောက်ပေစီချန်ရမယ်ဆိုတော့ မြေရှိတဲ့သူတွေ အနေနဲ့တော့ ကောင်းပါတယ်။ မြေနေရာကျဉ်းတဲ့ သူတွေအတွက်ကတော့ အဆောက် အအုံဆောက်ရင် ချိန်ပြီးတော့ဆောက် ရတာပေါ့။ အထပ်မြင့်တွေ အနေနဲ့မြေ ချန်လေ ပိုကောင်းလေပါပဲ။ မြို့တွင်း ခြောက်မြို့နယ် မပါဘူးဆိုတော့ မြို့ပြင် တွေမှာ အထပ်မြင့်ဆောက်ရင်တော့ မြေပိုတွေ ရှိကြပါတယ်။ အရင်ကကပ် ပြီး ဆောက်တဲ့အခါကျတော့ ဒီဘက် ကဆောက်ရင် ဘေးအိမ်ကထိခိုက် တော့ ပြဿနာတွေတက်တာပေါ့။ အခုလိုလုပ်တာက ဘေးပတ်ဝန်းကျင် တွေအတွက်တော့ လုံခြုံမှုပိုရှိသွားပါ တယ်''ဟုပြောသည်။
ရန်ကုန်မြို့တွင် လက်ရှိအထပ် မြင့်ကို ၃၄ထပ်အထိ တည်ဆောက် ခွင့်ပြုထားကြောင်းသိရသည်။ ဘေး မြေ တစ်ဖက်ခြောက်ပေစီမချန်ပါက စည်းကမ်းမလိုက်နာသည့်သူများအား ရန်ကုန်မြို့တော်စည်ပင် သာယာရေး ကော်မတီဥပဒေအရ အရေးယူဆောင်ရွက်သွားမည်ဖြစ်ကြောင်း သိရသည်။
ထို့ပြင် ဆင်ခြေဖုံးမြို့နယ်များ နှင့် မြို့တွင်းဆက်စပ်မြို့နယ်များတွင် စက်တင်ဘာ ၁ရက်နေ့မှစတင်၍ အထပ်မြင့် သုံးထပ်မှ ရှစ်ထပ်ခွဲအထိ အဆောက်အအုံများ ဆောက်လုပ် မည်ဆိုပါက ပေ ၄၀*၆၀ မြေကွက် အကျယ်မှစတင်ကာ ဘေးမြေတစ်ဖက် သုံးပေစီချန်ပေးရမည်ဖြစ်ပြီး ယင်းအစီ အစဉ်တွင် မြို့တွင်း ခြောက်မြို့နယ်မပါ ဝင်ကြောင်း ရန်ကုန်မြို့တော်စည်ပင် သာယာရေးကော်မတီအင်ဂျင်နီယာ ဌာန (အဆောက်အအုံ)မှ သိရသည်။
ရန်ကုန်မြို့တော်စည်ပင်သာယာ ရေးကော်မတီအနေဖြင့် ယခုဘဏ္ဍာ နှစ်အတွင်းတွင် ဧပြီလ၌ ကန်ထ ရိုက်တိုက်တည်ဆောက်ခွင့် ၄၀၀ ကျော်၊ မေလတွင် ကန်ထရိုက်တိုက် တည်ဆောက်ခွင့် ၆၀၀ ကျော်နှင့် ဇွန်လတွင် ကန်ထရိုက်တိုက် တည် ဆောက်ခွင့် ၁၅၀၀ ခန့် ခွင့်ပြုခဲ့ကြောင်း သိရသည်။
Ref : Yangon Media Group
Posted By : Wai Phyoe Aung
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
