ပန်းလှိုင်အိမ်ရာ၊  ကြယ်စင်မြို့ တော်အိမ်ရာနဲ့ Yoma   Central  တွေပါဝင်ပါတယ်။နောက်ပိုင်းမှာလည်း  လူအများစုအတွက်  အဆင်ပြေသင့်လျော်တဲ့  အိမ်ရာတွေကို ကဏ္ဍစုံဈေးကွက်ကို ရောက်ရှိအောင်  ချဲ့ထွင်လုပ်ဆောင်သွားမှာ ဖြစ်တယ်လို့  ရိုးမလန်းဒ်ရဲ့ မန်နေးဂျင်းဒါရိုက်တာ Mr.  Cyrus  Pun   ကပြောပါတယ်။

'ကျွန်တော်တို့ရဲ့  ရည်ရွယ်ချက်မှာ မြန်မာနိုင်ငံရဲ့ အိမ်ခြံမြေ  စီးပွားရေးကိုသာ လုပ်ကိုင်မယ့်ကုမဏီတစ်ခု  ဖွဲ့စည်းသွားခြင်းဖြင့်   ပိုပြီးပြည့်စုံတဲ့  ဝန်ဆောင်မှုတွေ  ပေးသွားမှာဖြစ်ပြီး အဲဒီကနေ တစ်ဆင့်  ဈေးကွက်အတွင်း   အိမ်ခြံမြေကဏ္ဍတိုင်းမှာ   ထိပ်ဆုံးက   ဦးဆောင်နိုင်ရန်ဖြစ်တယ်၊ အဲဒီလို  ပြုလုပ်ရတာက စီးပွားရေးစပြီး  ဖွံ့ဖြိုးလာတာနဲ့အမျှ  ပြည်သူတွေ ဝင်ငွေတိုးတက်လာခြင်း၊ ဘဏ်လုပ်ခြင်းကဏ္ဍရဲ့ ပြုပြင်ပြောင်းလဲမှုတွေကြောင့် အိမ်ဝယ်ယူခြင်းတွေ  ချေးငွေပိုရရှိလာနိုင်တာတွေ စတဲ့အချက်တွေအပေါ် အခြေခံထားခြင်း”လို့လည်း ပြောပါတယ်။

အဆင့်မြင့်စီမံကိန်းတွေအနေနဲ့  ပန်းလှိုင်အိမ်ရာရှိ  အဆင့်မြင့် လုံးချင်းအိမ်ရာတွေကို  မိတ်ဆက်သွားမှာဖြစ်ပြီး  မတ်လက အရောင်းစတဲ့  Penin- sula   Residences  Yangon   စီမံကိန်းတွေနဲ့  ရိုးမလန်းဒ်ဟာ  လူနေမှုအဆင့် အတန်းကို  မြှင့်တင်ပေးသွားမယ့်အပြင် အဆင့်မြင့် အိမ်ခြံမြေဈေးကွက်ကိုလည်း   ဦးဆောင်နေပါတယ်။

ရိုးမလန်းဒ်ရဲ့ လက်ရှိစီမံကိန်းတွေမှာ ပန်းလှိုင်၊  ကြယ်စင်အိမ်ရာ၊ Yoma  Central  နဲ့ The  Peninsula  Yangon ဖြစ်ပါတယ်။

ပန်းလှိုင်အိမ်ရာစီမံကိန်းမှာ၂ဝဝဝ ပြည့်နှစ်မှာစဖွင့်လှစ်ခဲ့ပြီး လှိုင်သာယာ မြို့နယ်၊ လှိုင်မြစ်နဲ့  ပန်းလှိုင်မြစ်ကမ်း ပေါ်တည်ရှိပြီး ဧကပေါင်း ၆ဝဝကျော် ကျယ်ဝန်းပါတယ်။ပန်းလှိုင်အိမ်ရာမှာ  ၁၈ကျင်းပါ  Gary   Player ရဲ့ အထင်ကရ  ဂေါက်ကွင်းတစ်ဝိုက်မှာ အဆင့်မြင့် လုံးချင်းအိမ်တွေနဲ့ တိုက်ခန်းတွေကို ဆောက်လုပ်ထားပြီး အခြားဝန်ဆောင်မှုအနေနဲ့  အားကစားဆိုင်ရာ ဝန်ဆောင်မှုတွေနဲ့  Country   Club   တို့  ပါရှိပါတယ်။

ကောင်းမွန်တဲ့  ဝန်ဆောင်မှုတွေနဲ့  ပန်းလှိုင်အိမ်ရာမှာ  ရန်ကုန်မြို့ရဲ့   စီမံခန့် ခွဲမှု  အကောင်းဆုံးနဲ့  အဆင့်အမြင့်ဆုံး  အိမ်ရာအဖြစ်  သတ်မှတ်ခံရပါတယ်။အဓိကအင်္ဂါရပ်တွေအနေနဲ့  Dulwich   College   Yangon  အပြည်ပြည်ဆိုင်ရာကျောင်းနဲ့  ပန်းလှိုင် စီလုံဆေးရုံတို့လည်း  ပါဝင်ပါတယ်။ပန်းလှိုင်အိမ်ရာအနေနဲ့  Property  Guru   Myanmar အိမ်ခြံမြေဆုပေးပွဲမှာ   ဆုတံဆိပ်ပေါင်းများစွာ ဆွတ်ခူးရရှိခဲ့တဲ့အနက်  ၂၀၁၇ ခုနှစ်မှာ Best   Landscape   Design   နဲ့  ၂၀၁၆ခုနှစ်မှာ   Lotus   Hill  စီမံကိန်းအတွက်  Best   Housing  Development ဆုရရှိခဲ့ပါတယ်။

သန်လျင်ဘက်မှာ

ပဲခူးမြစ်ကမ်းပါးတစ်လျှောက်နဲ့ သန်လျင်မြို့နယ်မှာ  တည်ရှိတဲ့  ကြယ်စင်အိမ်ရာမှာ ၁၃ရဧက  ကျယ်ဝန်းပြီး သီလဝါအထူးစီးပွားရေးဇုန်အတွင်း  တစ်ခုတည်း   အကြီးဆုံးအိမ်ရာ စီမံကိန်းတစ်ခု ဖြစ်ပါတယ်။  ကြယ်စင်အိမ်ရာကို အဆင့်လိုက် တည်ဆောက်လျက်ရှိပြီး ဆောက်လုပ်ပြီးစီးချိန်မှာ အိမ်ခန်းပေါင်း ၁၀,ဝဝဝ  ခန့်နဲ့   စီးပွားရေးလုပ်ငန်းတွေအတွက် ဧရိယာစတုရန်းပေ  ၁့  ရသန်းအထိ  ရှိလာမယ်လို့  ခန့်မှန်းထားပါတယ်။

ကြယ်စင်အိမ်ရာမှာ  မြန်မာနိုင်ငံရှိ အကြီးဆုံး အပြည်ပြည်ဆိုင်ရာ ကောလိပ်ကျောင်းဖြစ်တဲ့  Star   City   Dulwich   College လည်းရှိပါတယ်။၂၀၁၅ခုနှစ်မှာ Star City  ဟာ Property   Guru   Myanmar  အိမ်ခြံမြေဆု ပေးပွဲမှာ   Best   Landscape  Architecture Design   ဆုကိုဆွတ်ခူးရရှိခဲ့ပါ တယ်။

၂၀၁၈ ခုနှစ်   မတ်လ ၃၁ရက်နေ့မှာ  အချက်အလက်တွေအရ  ကုမဏီအုပ်စုမှာ ကြယ်စင်အိမ်ရာ  ဇုန်  (A)နဲ့  ဇုန် (B) တို့ရှိ လူနေအိမ်ခန်းပေါင်း ၂ဝဝဝကျော် ကို  ရောင်းချခဲ့ပြီး ဖြစ်ပါတယ်။အဆင့်လိုက်  တည်ဆောက်မှုမှာ တတိယအဆင် ့  ဆောက်လုပ်ရေးလုပ်ငန်းတွေကို  ဆောင်ရွက်နေတဲ့  ဂလက်ဇီတာဝါ  (Galaxy   Tower)  မှာ   တာဝါခြောက်ခုရှိပြီး   လူနေအိမ်ခန်းပေါင်း   ၁၀၃၈  ခန်း ပါရှိမှာ  ဖြစ်ပါတယ်။

Yoma Central  နဲ့  The   Peninsula  Yangon   

စုစုပေါင်း  ကြမ်းခင်း ဧရိယာ  ၂ ့  ၄၄  စတုရန်းမီတာရှိတဲ့ Yoma   Central ဟာ  အဘက်ဘက်က  ဖွံ့ဖြိုးတိုးတက်အောင်  လုပ်ဆောင်နေတဲ့  စုပေါင်းအိမ် ရာ ဖွံ့ဖြိုးရေးစီမံကိန်းတစ်ခု ဖြစ်ပါတယ်။နာမည်ကျော်  ဗိသုကာပညာရှင်  Cecil Balmond   OBE က  ဒီဇိုင်း ရေးဆွဲထားပြီး   စီမံကိန်းမှာ  Peninsula   အမှတ်တံဆိပ်  ဇိမ်ခံလူနေအိမ်ခန်း တွေပါဝင်ပြီး  ဖိတ်ကြားခံရတဲ့သူတွေသာ ဝယ်ယူနိုင်မှာဖြစ်ပါတယ်။  ဒါ့အပြင်  Grade   A  ရုံးခန်းတာဝါ နှစ်လုံး၊  စီးပွားရေးဟိုတယ်တစ်ခုနဲ့  ဝန်ဆောင်မှု အပြည့်ပေးတဲ့  လူနေအိမ်ခန်းတွေ  ပါဝင်မှာဖြစ်ပြီးတော့ အဆောက်အအုံရဲ့  အခြေတွေကို  ဈေးဝယ်စင်တာတွေနဲ့  ချိတ်ဆက်ထားမှာ ဖြစ်ပါတယ်။စီမံကိန်းနေရာရှိ  ယခင်မီးရထားရုံးချုပ်ဟောင်းကို The  Peninsula   Yangon   အမည်ရ  ခေတ်မီဇိမ်ခံ ဟိုတယ်အဖြစ်   ပြုပြင်တည်ဆောက်သွားမှာဖြစ်ပြီး   အဲသည်ဟိုတယ်မှာ   ဝန်ဆောင်မှုကဏ္ဍရဲ့အဆင့်ကို မြှင့်တင်ပေးသွားမှာ ဖြစ်ပါ တယ်”

'၂၀၁၈  မကုန်ခင်မှာ   စီမံကိန်းတစ်ခုကို  မိတ်ဆက်ပေးမှာ  ဖြစ်ပါတယ်၊ နောက်ပိုင်းမှာဆိုရင်လဲ  ပိုပြီးဈေးသက်သာတဲ့  စီမံကိန်းတွေထပ်ပြီး   ဖော်ဆောင်မယ်၊  သူ့အနေနဲ့  ပထမမှာ   လူတွေအကုန်လုံး  ဝယ်နိုင်အောင်  လုပ်ပေးနိုင်မှာ  မဟုတ်ပေမဲ့ လုပ်နေတာထက်  တန်ဖိုးသင့်အိမ်ရာတွေနဲ့   Payment စနစ်တွေကို လုပ်ဆောင်ပေးပြီးတော့ တဖြည်းဖြည်းနဲ့  များပြားတဲ့  လူထုတွေ  အိမ်ဝယ်လာနိုင်အောင်   ကြိုးစားမယ်” လို့   ရိုးမလန်းဒ်  မန်နေးဂျင်းဒါရိုက်တာ  Mr.  Cyrus   Pun  က   ပြောပါတယ်။

လေ့လာနေတယ်

ဈေးကွက်ထဲမှာ ဆိုရင်   ဘယ်လိုလူတွေက ဘယ်လိုအရစ်ကျမှ အဆင်ပြေပေးသွင်းနိုင်မလဲဆိုတာ လေ့လာကြည့် နေပါတယ်။  ဘယ်လိုလူမျိုးတွေ အိမ်တွေ လိုအပ်တယ်။ဘယ်လိုပုံစံတွေ ကြိုက်တယ်။  သူတို့လိုအပ်တဲ့အိမ်တွေကိုလည်း လုပ်ဆောင်နေပါတယ်လို့  ပြောပါတယ်။

လုပ်ငန်းလည်ပတ်မှု  ရှုထောင့်အရ Yoma Land  ဟာ    လက်ရှိအားသာချက်တွေ၊  စီမံကိန်းအရင်းအမြစ်တွေနဲ့  ဆောက်လုပ်ရေးဆိုင်ရာ  စီမံခန့်ခွဲမှုတွေကို  အခြေခံပြီး ဆက်ပြီး လုပ်ဆောင်သွားမှာ   ဖြစ်ပါတယ်။  ဆောက်လုပ်ရေးဆိုင်ရာ  လုပ်ငန်းအစိတ်အပိုင်းရဲ့  အများစုကို  ကိုယ်တိုင်လုပ်ဆောင်သွားနိုုင်မှာ  ဖြစ်တဲ့အတွက် ပြင်ပက   ငှားရမ်းလုပ်ဆောင်မှုတွေကို  လျှော့ချလာနိုင်မယ်။ရလဒ်အနေနဲ့လည်း  ကုန်ကျစရိတ်တွေ သက်သာလာမယ့်အပြင် ကိုယ်ပိုင်စွမ်း ဆောင်ရည်လည်း တိုးတက်လာမှာဖြစ်တယ်။ Modular Construction နဲ့    Pre fabrication  စတဲ့  နည်းပညာတွေကို  အသုံးပြုခြင်းနဲ့  စက်မှုစွမ်းအင်တွေနဲ့  ထုတ်လုပ်မှုအပိုင်း အချို့ကို  လုပ်ဆောင်သွားမှာ  ဖြစ်တာကြောင့်  စွမ်းဆောင်ရည် ထပ်မံပြီး  မြင့်တက်လာမှာ  ဖြစ်ပါတယ်။

ရိုးမ  မဟာဗျူဟာ  ဦးပိုင်လီမိတက်  Yoma Strategic   သို့မဟုတ် သူ့ရဲ့  ကုမဏီကိုစုပေါင်းပြီး  ကုမဏီအုပ်စုနဲ့   First  Myanmar   Investment  Co.,  Ltd  (FMI)    တို့က  ရိုးမလန်းဒ်ဖွဲ့စည်း လိုက်ခြင်းအတွက်  ကျင်းပခဲ့ပါတယ်။ရိုုးမလန်းဒ်  အမည်ရတဲ့  အမှတ်တံဆိပ် အောက်မှာ    စိတ်လှုပ်ရှားဖွယ်  အိမ်ခြံ မြေစီမံကိန်း  ပန်းလှိုင်အိမ်ရာ၊  ကြယ်စင် မြို့တော်အိမ်ရာနဲ့  Yoma   Central   တို့ပါ ဝင်ပြီး     မြန်မာနိုင်ငံရဲ့  အိမ်ခြံမြေကဏ္ဍ ခေတ်မီဖွံ့ဖြိုးလာအောင် လုပ်ဆောင်သွားမှာ  ဖြစ်ပါတယ်။

အိမ်ခြံမြေစီးပွားရေးလုပ်ငန်း တွေကို   ရိုးမလန်းဒ်မှာ  ထားရှိမှာဖြစ်ပြီး  ဖောက်သည်တွေအနေနဲ့  အိမ်ခြံမြေ စီးပွားရေးကိုသာ   ဦးစိုက်  လုပ်ဆောင် မယ့်သူအဖြစ်လည်းကောင်း၊  ဝန် ဆောင်မှုအပိုင်းကို  အထူးပြုပြီး   လူ့အ သိုင်းအဝိုင်း  တည်ဆောက်သူအဖြစ်  သတ်မှတ်လာနိုင်မှာ  ဖြစ်ပါတယ်။  ဒါ့အပြင်  စီမံကိန်းအကြောင်းကို  ပိုပြီး သိရှိလာနိုင်မှာ  ဖြစ်တဲ့အတွက်   မြန်မာနိုင်ငံရဲ့  ပြည်သူတွေအတွက် ပိုပြီး အကျိုးရှိစေမှာဖြစ်တယ်လို့ သိရပါတယ်။     

Ref & Photo Credit : Kumudra

Posted By : Sint Sint (ShweProperty.com)