မကြာသေးခင်ကာလက စတင်လို့ ရန်ကုန်မြို့မှာ ပြည်သူ့အိမ်ရာတွေအကောင်အထည်ဖော်တာ၊ နှစ်ကာလ ရှည်ကြာပြီဖြစ်တဲ့ ပြည်သူ့အိမ်ရာအဆောက်အအုံတွေကို ဖြိုဖျက်ပြီး ဖွံ့ဖြိုးရေးလုပ်ငန်းတွေ အသစ်ပြန်လည် လုပ်ဆောင်လာတာ တွေ့ရပါတယ်။

အခုလို ပြည်သူ့အိမ်ရာတွေအတွက် ဆောင်ရွက်မယ့် အစီအစဉ်တွေထဲမှာ ပြည်တော်သစ် အိမ်ရာကလည်း တစ်ခုအပါအဝင်ဖြစ်ပါတယ်။ ပြည်တော်သစ်အိမ်ရာက လွတ်လပ်ရေးရပြီးနောက်ပိုင်း ဖဆပလအစိုးရလက်ထက်မှာ အကောင် အထည်ဖော်ခဲ့တာဖြစ်ပြီးတော့ လက်ရှိအချိန်မှာ အိမ်ရာကတိုက်ခန်းတွေက အိုဟောင်းနေပြီဖြစ်ပါတယ်။ 

"အိမ်ရာတွေက သက်တမ်းလွန်နေပြီဆိုတော့ နေတဲ့လူတွေအတွက်လည်း အဆင်မပြေဘူး။ အစိုးရက စိုက်ပြီးပြင်ဖို့ အခက်အခဲရှိတယ်"လို့ ပုဇွန်တောင်မဲဆန္ဒနယ်အမှတ်(၂) တိုင်းဒေသကြီးလွှတ်တော်ကိုယ်စားလှယ် ဦးတင့်လွင်က ပြောပါတယ်။

ပြည်တော်သစ်အိမ်ရာဖွံ့ဖြိုးရေးစီမံကိန်းတစ်ခုလုံးကိုYangon Metropolitan Development  Public Company (YMDP) က အကောင်အထည်ဖော်တာဖြစ်ပါတယ်။ ရန်ကုန်တိုင်းဒေသကြီး အစိုးရက ၅၁ ရာခိုင်နှုန်း၊ မြန်မာနိုင်ငံဆောက်လုပ်ရေးလုပ်ငန်းရှင်များအသင် MCD (Myanmar Construction Development Public Company)က ၄၉ ရာခိုင်နှုန်းနဲ့YMDP ကိုထူထောင်ခဲ့ပါတယ်။

ပြည်တော်သစ်အိမ်ရာဖွံ့ဖြိုးရေးစီမံကိန်းမှာ ပထမဦးဆုံးအနေနဲ့ အိမ်ရာမှာ လက်ရှိနေထိုင်သူတွေကို ပြန်လည် နေရာချထားမယ့်  ၁၂ ထပ်တိုက်ကိုYMDP   က တင်ဒါခေါ်ယူခဲ့ပြီးMKT Construction  ကုမ္ပဏီက တင်ဒါ ရရှိခဲ့လို့ အဆိုပါကုမ္ပဏီက တာဝန်ယူ ဆောက်လုပ်မှာပါ။ 

"ဒီအိမ်ရာက တိုက်တွေက ဟောင်းနွမ်းနေပြီး ခေတ်စနစ်နဲ့ မညီတော့တဲ့အတွက် အရင်စပြီးတော့ အ ကောင်အထည်ဖော်တာဖြစ်ပါတယ်။ ဒီစီမံကိန်းကစဖို့ စီစဉ်နေတာ တစ်နှစ်ကျော်လောက်ရှိပြီ။ လွှတ်တော်ကိုယ်စားလှယ်တွေ၊ နေထိုင်သူနဲ့ မြို့ပြအိုးအိမ်ဖွံ့ဖြိုးရေးဦးစီးဌာနနဲ့ ဆွေးနွေးတယ်။ ဒါကို ပြန်လည်တည်ဆောက်ဖို့အတွက် သဘောတူတဲ့အခါမှာ အကောင်အထည်ဖော်ဖြစ်တာဖြစ်ပါတယ်"လို့  MKT ဆောက်လုပ်ရေးကုမ္ပဏီလီမိတက်က စီအီးအိုနဲ့ ဥက္ကဋ္ဌဖြစ်သူ ဦးမျိုးမြင့်က ပြောပါတယ်။  

တည်ဆောက်ချိန်ကာလ တစ်နှစ်ငါးလနဲ့ အပြီးတည်ဆောက်ပေးရမှာဖြစ်ပြီး၊ ပြည်တော်သစ်အိမ်ရာ ဖွံ့ဖြိုးရေးစီမံကိန်းမှာ စီးပွားရေးလုပ်ကိုင်ဖို့ နေရာတွေ၊ ကားပါကင်အဆောက်အအုံနဲ့ စနစ်တကျအမှိုက်စွန့်ပစ်တဲ့စနစ်တွေလည်း ပါဝင်လာမှာဖြစ်ပါတယ်။ 

ပြည်တော်သစ်အိမ်ရာဖွံ့ဖြိုးရေးစီမံကိန်းက ကျန်ရှိနေတဲ့ နေရာတွေအတွက်ဆောက်လုပ်ရေးလုပ်ငန်းခွဲ   ခေါ်ယူပြီး ဖွံ့ဖြိုးရေးတွေ ဆက်လက်လုပ်ဆောင်သွားမှာဖြစ်ပါတယ်။  တင်ဒါခေါ်ယူခြင်းနဲ့ ရွေးချယ်တဲ့ လုပ်ငန်းစဉ်တွေကိုြီ့ဏ က ဆောင်ရွက်သွားမှာဖြစ်တယ်လို့ သိရပါတယ်။

"စုစုပေါင်းစီမံကိန်းတစ်ခုလုံးက ၄ ဒသမ ၃၈ ဧက ရှိပါတယ်။ နဂိုအိုးအိမ်တိုက်ခန်း ခြောက်လုံးရှိတယ်။ တိုက်အမှတ်(၁)ကိုဖျက်ပြီး မြေအောက်ကားပါကင်ပါတဲ့ ၁၂ ထပ်တိုက်ကို ဆောက်တာပါ။ ပြီးရင် အဲဒီမှာနေတဲ့ နေထိုင်သူတွေကို ပြောင်းရွှေ့ပြီး မေ ၁ ရက်က စပြီးတော့ ကျန်တဲ့ ငါးလုံးကို စဖျက်မယ်။ ပြောင်းရွှေ့ပေးရမယ့် သူတွေအတွက် တခြားမှာ ငှားရမ်းနေထိုင်ခပေးမယ်။ ၂၀၂၀ ပြည့်နှစ်၊ ဇွန်လလောက်မှာ ပြီးအောင်ဆောက်ပြီးတော့ တိုက်မှာ နေရာချထားပေးမယ်"လို့MKT ဆောက်လုပ်ရေးက  ဦးမျိုးမြင့်က ပြောပါတယ်။

အဆိုပါ ပြည်တော်သစ်ဖွံ့ဖြိုးရေးစီမံကိန်းနဲ့ ပတ်သက်ပြီး ရင်းနှီးမြှုပ်နှံမှုပမာဏကတော့  ၁၂ ထပ် အဆောက် အအုံအတွက် ၁၃ဒသမ ၉ ဘီလျံကျပ်ဖြစ်ပြီး ကျန်ရှိတဲ့ပမာဏဟာ စီမံကိန်းဆက်လက် အကောင်အထည်ဖော်တဲ့ ရင်းနှီးမြှုပ်နှံတဲ့ပမာဏအပေါ်မှာ မူတည်ပြီး အတိအကျတော့ မသိရသေးပါဘူး။

"ယိုယွင်းသွားတာတွေ အစားထိုးဆောက်ရမယ်ဆိုတော့ အထပ်မြင့်ဆောက်လို့ရတယ်။ အထပ်မြင့် ဆောက်တော့ အခန်းပိုထွက်လာတဲ့အတွက် အစိုးရအနေနဲ့လည်း ဒီငွေနဲ့ ဖွံ့ဖြိုးရေးအတွက် ပြန်ကြေအောင်လုပ်ဖို့ အခွင့်အရေးရတယ်။တချို့နေရာတွေကိုပလပ်မြေနဲ့ အစိမ်းရောင်ဧရိယာချန်ဖို့ အခွင့်အရေးရတာပေါ့"လို့ တိုင်းဒေသကြီးလွှတ်တော်ကိုယ်စားလှယ် ဦးတင့်လွင်က ပြောပါတယ်။

"ပြည်သူ့အိမ်ရာဆိုတာ မဖြစ်မနေလိုအပ်ချက်ပါ။ စီမံကိန်းတွေကို အကောင်အထည်ဖော်လိုက်ရင် ဝန်ထမ်းတွေအတွက် ထိုက်သင့်တဲ့အရေအတွက်တစ်ခုကို ဖြည့်ဆည်းပေးနိုင်မှာပါ။ လက်ရှိအစိုးရသက်တမ်း ကုန်ခါနီးလောက်အထိ ဝန်ထမ်းအိမ်ရာ ထောင်ဂဏန်းလောက်ထိပဲ ဖြည့်ဆည်းနိုင်မယ်ထင်ပါတယ်။ တော်တော် တွန်းတွန်းတိုက်တိုက် ဆောင်ရွက်နေတာပါ"ဟု ဦးမျိုးမြင့်က ပြောပါတယ်။

YMDP    ကုမ္ပဏီက ရန်ကုန်မြို့ပြဖွံ့ဖြိုးတိုးတက်ဖို့အတွက် လက်ရှိလုပ်ဆောင်ရမယ့်ကိစ္စတွေ၊ တန်ဖိုးနည်းအိမ်ရာ ဆောက်လုပ်မယ့် ကိစ္စတွေနဲ့ ဝန်ထမ်း အိမ်ရာ ဆောက်လုပ်ရေးတွေအတွက် ဆောင်ရွက်နေပါတယ်။ 

 အစိုးရအနေနဲ့ ရန်ကုန်မြို့မှာ ပြည်သူ့အိမ်ရာတွေ စတင်အကောင်အထည်ဖော်ရာမှာ ပြည်တော်သစ်အိမ်ရာ အကောင်အထည်ဖော်မှုသာမက ဒဂုံဆိပ်ကမ်းမြို့နယ်မှာရှိတဲ့ ၁၈၃ ဧက ပြည်သူ့အိမ်ရာ အကောင်အထည်ဖော်မှုဟာလည်း စတင်လုပ်ဆောင်လာတာ သုံးလခန့် ရှိပြီဖြစ်ပါတယ်။ ဒါပေမဲ့ နိုင်ငံတော်ရဲ့ ဘတ်ဂျက် မရရှိတဲ့အတွက် ကြန့်ကြာမှု တွေရှိခဲ့တယ်လို့YMDP က သိရပါတယ်။ 

အခုချိန်ကစပြီး အဆိုပါ ဝန်ထမ်းအိမ်ရာစီမံကိန်းမှာ အဆောက်အအုံ ရှစ်လုံး ဆောက်ဖို့ ပြင်ဆင်နေပြီးတော့  အဆောက်အအုံ လေးလုံးကတော့ စတင်ဆောင်ရွက်နေပြီဖြစ်ပါတယ်။ ကျန်ရှိတဲ့အဆောက်အအုံတွေကိုလည်း မြေယာ ကိစ္စရှိနေတဲ့အတွက်ကြောင့် ဆောက်လုပ်ဖို့ ကြန့်ကြာပေမဲ့လည်း မကြာခင် ဆက်လက်ဆောင်ရွက် မှာဖြစ်ပါတယ်။ 

နောက်ထပ်ပြည်သူ့အိမ်ရာတစ်ခုကတော့ အင်းစိန်မြို့နယ်၊ ကြို့ကုန်းအိမ်ရာစခန်းမှာဖြစ်ပါတယ်။ ဒါ့ပြင် ကျောက်ရေတွင်းမှာလည်း ပြည်သူ့အိမ်ရာဖော်ဆောင်ဖို့ ဆောင်ရွက်လျက်ရှိပါတယ်။ မြောက်ဒဂုံမြို့နယ် ဗိုလ်မှူးဗထူးလမ်းနားမှာလည်း အစိုးရဝန်ထမ်းသာမက ကုမ္ပဏီဝန်ထမ်းတွေအပြင် အများပြည်သူအတွက် ပြည်သူ့အိမ်ရာ စီမံကိန်းတစ်ခု အကောင်အထည်ဖော်ဖို့ရှိနေပါတယ်။ 

"ပြည်သူ့အိမ်ရာတွေကို သွားလို့လာလို့ လွယ်မယ့် နေရာတွေမှာ ရှိစေချင်တယ်။ အရင်တုန်းကတော့ ဝန်ထမ်းအိမ်ရာတွေ မြို့ထဲမှာ ရှိတယ်။ တကယ်လိုအပ်တဲ့ သူတွေကိုလည်း ရစေချင်ပါတယ်။ ပြီးတော့အနာဂတ်အတွက် စိတ်အေးနိုင်မယ့် နေရာထိုင်ခင်းတွေ စီစဉ်ပေးစေချင်ပါတယ်"လို့ အစိုးရဝန်ထမ်းတစ်ဦးက ပြောပါတယ်။

"ဝန်ထမ်းထဲမှာ ငွေကြေးတတ်နိုင်တဲ့သူရှိသလို ငွေကြေးခက်ခဲ့တဲ့သူလည်း ရှိတယ်။ မြို့ပြင်တွေပဲမဟုတ်ဘဲ  မြို့တွင်းတွေပါ ထည့်သွင်းစဉ်းစားလာတာက ဝန်ထမ်းတွေအတွက်ကောင်းတဲ့အချက်တစ်ချက်ပါ။ တည်နေရာ အပေါ်မူတည်ပြီးတော့ ဈေးနှုန်းတွေပြောင်းလဲသွားမှာရှိပါတယ်။ ဝန်ထမ်းဆိုတာကလည်း သူတို့ဘဝမှာ အငြိမ်း စားယူပြီးသွားရင် မပူမပင်မကြောင့်မကြနေရာတစ်ခုတောတစ်ခုတော့ လိုပါတယ်"လို့ ဦးမျိုးမြင့်က ပြောပါတယ်။  

Ref & Photo Credit : Myanmar Times

Posted By : Sint Sint (ShweProperty.com)