ကစားသမားဘဝမှအနားယူချိန်တွင်နေထိုင်ရန်ရည်ရွယ်တည်ဆောက်နေတဲ့ခရစ္စတီယာနိုရော်နယ်ဒိုရဲ့နေအိမ်တည်ဆောက်စရိတ်မှာအစောပိုင်းတုန်းကခန့်မှန်းထားသည်ထက်နှစ်ဆနီးပါးပိုများလာကာပေါင်၁၇သန်းနီးပါးကုန်ကျထားပြီဖြစ်ကြောင်းသိရပါတယ်။

အသက်၃၇နှစ်ရှိမန်ချက်စတာယူနိုက်တက်စူပါစတားဟာ Quinta da Marinha တွင်ကစားသမားဘဝမှအနားယူပြီးပါကနေထိုင်ရန်ရည်ရွယ်ချက်ဖြင့်ပေါင်၁၀သန်းတန်အိမ်တည်ဆောက်နေခဲ့ပါတယ်။

ဒါပေမဲ့ခရစ္စတီယာနိုရော်နယ်ဒိုရဲ့အိမ်ဒီဇိုင်းအပြောင်းအလဲပြုလုပ်မှု၊ပစ္စည်းကုန်ကျစရိတ်မြင့်တက်လာမှုတို့ကြောင့်ပေါင် ၁၇ သန်းအထိ ကုန်ကျထားပါတယ်။

ခရစ္စတီယာနိုရော်နယ်ဒိုနဲ့နီးစပ်သူတစ်ဦးက “ကစားသမားဘဝကအနားယူပြီးချိန်မှာအပြီးပြည့်စုံဆုံးဖြစ်ချင်တယ်။သူ့အတွက်ရောမိသားစုအတွက်ပါအားလုံးပြီးပြည့်စုံချင်တယ်။ကစားသမားဘဝကအနားယူပြီးရင်အဲဒီမှာရာနှုန်းပြည့်ပျော်ရွှင်စွာနေထိုင်ချင်တယ်”လို့ပြောကြားသွားပါတယ်။



ဒါ့အပြင်အခြားအတွင်းလူတစ်ဦးကလည်း “အစတုန်းကပေါင်၁၀သန်းဝန်းကျင်ပဲသုံးဖို့ရည်ရွယ်ထားတာ။ဒါပေမဲ့အခုပေါင်၁၇သန်းကုန်နေပြီ။သူကလည်းသူချစ်တဲ့သူတွေပျော်ရွှင်ပြီးသက်တောင့်သက်သာနေရဖို့ဘာမှလုပ်သွားမှာပါ။အရင်ပရော့ဂျက်ကိုပြောင်းလိုက်တာလည်းပါတယ်။ဒါပေမဲ့အဓိကကတော့ပစ္စည်းစရိတ်ကြီးလို့ကုန်ကျစရိတ်များသွားတာ။ဒါကလူတိုင်းသိပြီးသားပါ။ပေါ်တူဂီတင်မကနေရာတိုင်းမှာပစ္စည်းဈေးကြီးနေတာ”လို့ပြောကြားသွားပါတယ်။

ခရစ္စတီယာနိုရော်နယ်ဒိုရဲ့နေအိမ်တည်ဆောက်မှုမှာလာမယ့်နှစ်နှောင်းပိုင်းတွင်ပြီးဆုံးပါမယ်။ ယင်းနေအိမ်တွင် Outdoor ရေကူးကန်အပြင် Indoor ရေကူးကန်လည်းပါဝင်မှာဖြစ်ပြီး ကား ၂၀စီးစာအတွက် ကားဂိုဒေါင်လည်းပါဝင်ပါမယ်။ အဆောင်နှစ်ခုပါဝင်မှာဖြစ်ပြီးခရစ္စတီယာနိုရော်နယ်ဒိုရဲ့မိခင်လည်းနေထိုင်နိုင်ပါမယ်။

Credit By : playmakersports
Posted By : Ra Wai (ShweProperty.com)