အဆုံးအစမမြင်နိုင်အောင်ကြမ်းတမ်းခက်ထန်ခဲ့တဲ့ အိမ်ခြံမြေဈေးကွက် ဟာ မှောင်မည်းနေတဲ့ လှိုဏ်ခေါင်းကြီးရဲ့ အဆုံးသတ်မှာတော့ အလင်းရောင်ကိုမြင်တွေ့လာရပြီလို့ Shwe Property ရဲ့ မန်နေးဂျင်းဒါရိုက်တာ Mr Kevin Goos ကပြောပါတယ်။

“ အိမ်ခြံမြေလုပ်ငန်းဟာဆိုရင် ဝယ်လိုအားတတ်နိုင်တဲ့အိမ်ရာဈေးကွက်ကပဲ အဓိကဦးဆောင်တိုးတက်လာတာ ကိုတွေ့ရပါတယ်။ ကောင်းမွန်တဲ့အရစ်ကျငွေပေးချေမှုစနစ်နဲ့အတူ ပြောင်းလဲတိုးတက်လာတာလည်း ဖြစ်ပါတယ်”  

ပြီးခဲ့တဲ့မတ်လတုန်းက ရွှေတောင်ဆောက်လုပ်ရေးက ဧရာဝတီဘဏ်နဲ့ချိတ်ဆက်ပြီး ကွန်ဒိုတန်ဖိုးရဲ့ ၇၀% ကို (၁၅)နှစ် အရစ် ကျငွေပေးချေမှုပုံစံနဲ့ ဝယ်ယူသူတွေအတွက်ဆောင်ရွက်ပေးမယ်လို့ ကြေညာခဲ့ပါတယ်။ လစဉ်ပုံမှန်ဝင်ငွေ (လစာ) ရရှိသူများနဲ့ အလယ် အလတ်လူတန်းစားများစွာရှိပါတယ်။ ဒါနဲ့ဆက်နွယ်ပြီး အိမ်ခြံမြေလုပ်ငန်းရှင်များဟာ ပထမဆုံးအိမ်ဝယ်ယူမယ့်သူများအတွက် ရည်ရွယ်ပြီး သင့်လျော်မယ့်ရောင်းချမှု ပုံစံများကို ပေးအပ်လာကြတာဖြစ်ပါတယ်။

တန်ဖိုးသင့်တင့်အိမ်ရာတွေရဲ့ ဈေးကွက်က ဆက်လက်ပြီး တိုးတက်ဖြစ်ထွန်းနေပါတယ်။ အဆင့်မြင့်အိမ်ရာတွေ ရဲ့ အခြေအနေကတော့ အရစ်ကျငွေပေးချေမှုပုံစံတွေ၊ ပိုကောင်းတဲ့ အရောင်းမြင့်တင်မှုတွေ၊ ဝယ်ယူသူများကို ပိုမိုဆွဲဆောင်နိုင်မယ့် ခိုင်မာတဲ့ Brand တစ်ခု တည်ဆောက်ခြင်း စတဲ့အချက်တွေပေါ်မှာ မူတည်နေပါတယ်။ အဲ့ဒီအချက်တွေဟာ အိမ်ခြံမြေလုပ်ငန်းရှင်တွေအတွက် အကူအညီပေး တာမှန်ပေမယ့် သူတို့တကယ်တမ်း သွားချင်တဲ့ လမ်းကြောင်းတော့မဟုတ်ပါဘူး။ Mr.Kevin Goos ပြောတာကတော့ “ အဆင့်မြင့်အိမ် ရာဈေးကွက် က ကွန်ဒိုမီနီယံဥပဒေထွက်လာတဲ့နောက် အကောင်းဘက်ကိုဦးတည်သွားမှာပါ။ ဒီဥပဒေအရနိုင်ငံခြားသားတွေ ကွန်ဒိုပိုင်ဆိုင်နိုင်ခွင့်လဲ ရလာတဲ့အခါ ပိုကောင်းလာတာပေါ့။  ကမ္ဘောဒီးယား၊ ထိုင်းနဲ့ မလေးရှားမှာလည်း ဒီလို ဖြစ်ဖူးပါတယ်။ အဲ့ဒီနိုင်ငံတွေရဲ့ ကွန်ဒိုမီနီယံရောင်းချမှုနှုန်းက ထိုင်ဝမ်၊ စင်္ကာပူ၊ ဟောင်ကောင်နဲ့ တရုတ်နိုင်ငံကဲ့သို့သော နိုင်ငံခြားသား ရင်းနှီးမြှုပ်နှံသူတွေ အတွက် (၈၀)ရာခိုင်နှုန်းရှိပါတယ်။”

“တစ်ထပ်ကို(၈)ခန်းကနေ(၁၆)ခန်းအထိပါဝင်တဲ့ (၈)ထပ်အဆောက်အဦးလိုမျိုးတန်ဖိုးသင့်တင့်အိမ်ရာတွေ အတွက် ဒီဇိုင်းဖန်တီးဖို့ မေးမြန်းစုံစမ်းကြတာ အများအပြားကျွန်တော်တို့တွေ့ခဲ့ရပါတယ်။ အဲ့ဒီအဆောက်အဦး တွေမှာ ပိုမိုကောင်းမွန်တဲ့ခေတ်မှီစနစ်တွေဖြစ်တဲ့ ဓာတ်လှေကား၊ ဗဟိုပြုရေပေးဝေရေးစနစ်ပိုမိုကောင်းမွန်တဲ့ အိပ်ခန်းဒီဇိုင်း၊ ခေတ်မှီမီးဖိုဆောင်ဖွဲ့စည်းတည်ဆောက်မှုစတဲ့ စနစ်တွေလည်း ပါဝင်ပါတယ်” အိမ်ခြံမြေကဏ္ဍ ဖွံ့ဖြိုးမှုဆိုင်ရာအကြံပေးကုမ္ပဏီဖြစ်တဲ့ Green ARC Engineering ရဲ့ မန်းနေးဂျင်း ဒါရိုက်တာ Mark Tanner က ပြောပါတယ်။

 
ကွန်ဒိုဈေးကွက်အသစ်ရဲ့ပုံမှန်အရစ်ကျငွေပေးချေမှုပုံစံတွေ အဆောက်အဦးတည်ဆောက်မှုကာလ အပေါ်မှာမူတည်သလို ဝယ်ယူသူတွေရဲ့ နောက်ဆုံးငွေပေးချေမှုပုံစံတွေအပေါ်မှာလည်းမူတည်ပါတယ်။ သို့သော် ၂၀၁၂ နဲ့ ၂၀၁၅ ခုနှစ်အတွင်းမှာ ဇိမ်ခံကွန်ဒိုအဆောက်အဦးမဆောက်ခင်ကတည်းက ဝယ်သူတွေ ဟာဆိုရင် သတ်မှတ်ထားတဲ့ရာခိုင်နှုန်းအလိုက် ငွေချေပြီး ကြိုတင်ဝယ်ယူတဲ့ ဈေးကွက်တစ်ခုကို ဖန်တီး လာကြပါတယ်။ ဒါဟာဆိုရင် ဆောက်လုပ်ရေးဥပဒေနဲ့ ကြန့််ကြာနေတဲ့ ကွန်ဒိုမီနီယံဥပဒေကို ဥပဒေပြု ချည်နှောင်ထားတာမို့ အိမ်ခြံမြေလုပ်ငန်းရှင်တွေအနေနဲ့ သူတို့ရဲ့စီးပွားရေးဗျူဟာတွေကိုညှိနှိုင်းမှု ပြုလုပ်ရမှာဖြစ်ပြီး၊ နည်းလမ်းအသစ်တွေနဲ့ ဝယ်သူတွေကို ထောက်ပံ့ပေးရပါလိမ့်မယ်။

အွန်လိုင်းအိမ်ခြံမြေဝဘ်ဆိုဒ် နဲ့ ပြပွဲတွေပြုလုပ်နေတဲ့ကုမ္ပဏီတစ်ခုဖြစ်တဲ့ Shwe Property ဟာ မတ်လမှာ ဝင်ရောက်ကြည့်ရှုသူ (၄၅၇၀၀၀)ကျော်ရှိခဲ့ပြီး၊ (၄၂၁၅၇) ယောက်ကတော့ အရောင်းအဝယ်အတွက် စုံစမ်းကြတာဖြစ်ပါတယ်။ ဒါဟာ (၄)နှစ်အတွင်းမှာ အိမ်ရာစီမံကိန်းအသစ်တွေအတွက် စုံစမ်းမှု (၁၇%) တိုးတက်လာတာဖြစ်ပါတယ်။

“ပြီးခဲ့တဲ့လတွေကတည်းက ပထမဆုံးအိမ်ဝယ်မယ့်သူတွေအတွက် ကျွန်တော်တို့ရည်ရွယ်ပြီးကြိုးစား လုပ်ဆောင်ခဲ့ပါတယ်၊ အဲ့ဒီနောက်တော့ ဒီလို ခေတ်ဆန်ပြီးတန်ဖိုးတင့်သင့်တဲ့ အိမ်ရာ စိတ်ပါဝင်စားသူနှုန်းထားကို ကျွန်တော်တို့ တွေ့ရှိခဲ့တာဖြစ် ပါတယ်။ တန်ဖိုးသင့်တင့်အိမ်ရာဆိုတာ သိန်းတစ်ထောင်အောက်အိမ်ရာတွေကို ဆိုလိုတာဖြစ်ပါတယ်။” လို့ Shwe Property ရဲ့ Founder ကိုကောင်းသူဝင်းက ပြောကြား ခဲ့ပါတယ်။

“အရစ်ကျစနစ်နဲ့ ရောင်းတာကဝယ်တဲ့သူရော ရောင်းတဲ့သူအတွက်ပါ အားသာချက်တွေရှိတယ်၊ ဥပမာ- အခန်း(၂၀)ရှိတယ်ဆိုရင် လ(၂၀)နဲ့ အရစ်ကျရောင်းလိုက်မယ်။ အဲ့လိုဆိုရင် တစ်လကို တိုက်ခန်း တစ်ခန်းစာ ပိုက်ဆံရမယ်။ ပုံမှန်ရောင်းတာမျိုးဆိုရင် (၆)လနေမှ ရောင်းထွက်ချင်ထွက်မယ်။ ဒါကြောင့် အရစ်ကျနဲ့ ရောင်းတာက ရောင်းတဲ့သူတွေအတွက်လည်းအဆင်ပြေတယ်။ ဝယ်မယ့်သူတွေဖြစ်တဲ့ သဘောၤသားတွေ ပုံမှန်ဝင်ငွေရှိတဲ့သူတွေအတွက်လည်း အပန်းမကြီးဘဲဝယ်နိုင်တယ်။” လို့ Perfect World အိမ်ခြံမြေ အကျိုးဆောင် လုပ်ငန်းရဲ့ အထွေထွေမန်နေဂျာကိုနိုင်ကပြောပါတယ်။

ပြီးခဲ့တဲ့ရက်သတ္တပတ်က ပြုလုပ်ခဲ့တဲ့ Shwe Property ရဲ့ Survey အရ ပါဝင်ဖြေဆိုသူများရဲ့ (၈၃ %)ဟာ အရစ်ကျငွေပေးချေမှုစနစ်နဲ့ အိမ်ရာဝယ်ယူချင်ကြတာဖြစ်ပါတယ်။ နှစ်ရှည်ငွေပေးချေမှုစနစ်ကို ရွေးချယ် လိုက်ခြင်းဟာ ကြီးမားတဲ့ဝယ်လိုအားအုပ်စုကြီးဖြစ်လာဖို့ အခွင့်အလမ်းရှိသလို၊ ဒီနှစ်ရှည်ငွေပေးချေမှုစနစ် ကြောင့် ဈေးကွက်မှာဝယ်လိုအားပိုများလာတာမို့ ဒါဟာ အိမ်ခြံမြေ လုပ်ငန်းရှင်တွေ အတွက် သူတို့ရဲ့ အဆောက်အဦးရောင်းအားမြှင့်တင်ဖို့ကို ဖြည့်ဆည်းပေးမယ့် တစ်ခုတည်းသောအဖြေပဲဖြစ်ပါတယ်။

ဒါ့အပြင် (၉၂)ရာခိုင်နှုန်းအထက်က အိပ်ခန်း (၂)ခန်း၊ (၃)ခန်းပါဝင်တဲ့ အခန်းတွေကိုဝယ်ယူချင်ကြပြီး (၃)ရာခိုင်နှုန်းက စတူဒီယို (ဒါမှမဟုတ်)အိပ်ခန်း(၄)ခန်းပါဝင်တဲ့ ကွန်ဒိုတွေကိုဝယ်ယူချင်ကြပါတယ်။ ဒါဟာရန်ကုန်အိမ်ခြံမြေဈေးကွက်ရဲ့ ကွဲပြားတဲ့ဝိသေသ ကိုရောင်ပြန်ဟပ်တာဖြစ်ပြီး ဒေသတွင်းက တခြားတိုင်းပြည်တွေနဲ့လည်းခြားနားပါတယ်။ အဲ့ဒီတိုင်းပြည်တွေမှာတော့ အိမ်ရာစီမံကိန်း အသစ်တွေက များသောအားဖြင့် အိပ်ခန်း (၁)ခန်းပဲပါဝင်ပါတယ်။ အိပ်ခန်း (၂)ခန်း၊ (၃)ခန်းပါဝင်စေချင်တဲ့ဆန္ဒကတော့ ရင်းနှီးမြှုပ်နှံ မှုထက် နေထိုင်ဖို့ရည်ရွယ်ချက်ကြောင့်ပဲဖြစ်ပါတယ်။

Survey ရဲ့ (၉၁ %) က မိသားစုဝင်ငွေ (၁၁)သိန်းကနေ သိန်း(၂၀)ကြားရှိကြသူတွေဖြစ်ပြီး သူတို့ထဲက (၁၁%)ကပဲ အိမ်ပိုင်ဆိုင်ကြ တာဖြစ်ပါတယ်။ ဒါဟာအိမ်ခြံမြေလုပ်ငန်းရှင်တွေအနေနဲ့ အလယ်အလတ် တန်းစားတွေပေါ်ထွက်လာပြီဆိုတာ စတင်မြင်တွေ့လာနိုင်တဲ့ အချက်ပဲဖြစ်ပါတယ်။

လာမယ့်နှစ်မှာ မင်္ဂလာဆောင်ဖို့ကြိုးစားနေတဲ့ ကိုအောင်ဖြိုးတစ်ယောက် တိုက်ခန်းအရစ်ကျဝယ်ယူဖို့ စီစဉ်နေပါတယ်။ “ အရစ်ကျစနစ်နဲ့ ဝယ်လို့ရတယ်ဆိုတာ သိလိုက်ရတော့ စိတ်အေးသွားတယ်။ ကွန်ဒို ကောင်းကောင်းမှာလည်းနေချင်တယ်။ ဒါပေမယ့် ဈေးနှုန်းတွေက သိန်း(၈၀၀)ကျော်လောက်ရှိတယ်။

ပိုက်ဆံကလည်း တစ်ခါတည်းရှင်းရမှာမျိုးဆိုရင် ကျွန်တော့်အတွက် အဆင်မပြေဘူးလေ။ ကိုယ်တတ်နိုင်တဲ့ ဈေးနှုန်းနဲ့ ဝယ်ယူနိုင်ဖို့ကိုပဲ စိတ်ဝင်စားတယ်။ အခုလို အရစ်ကျစနစ်နဲ့ ရောင်းချနေတာမျိုးကတော့ ပိုအဆင်ပြေစေပါတယ်။” လို့ တာမွေမြို့နယ်နေ၊ ကိုအောင်ဖြိုးက ပြောပြပါတယ်။

ဒါ့အပြင် စစ်တမ်းအရ လူဦးရေ( ၆၆%)ဟာ သိန်း (၁၀၀၀) အောက်တိုက်ခန်းတွေကို ဝယ်ယူချင်ကြသူတွေ ဖြစ်ပါတယ်။ (၃၄%)ဟာ သိန်း (၁၀၀၀) နဲ့ (၂၅၀၀) ကြားတိုက်ခန်းတွေကို ဝယ်ယူချင်ကြပါတယ်။ ကျန်တဲ့ (၁%)ကပဲ သိန်း (၂၅၀၀)အထက် တိုက်ခန်းတွေကို ဝယ်ချင်ကြ တယ်လို့ စစ်တမ်းမှာ ဖော်ပြထားပါတယ်။ ဒီအချက်အလက်တွေဟာ မြန်မာ့အိမ်ခြံမြေဈေးကွက်ဘယ်ရောက်နေလဲ၊ ဘယ်လိုဆောက် လုပ်ရေး လုပ်ငန်းရှင်မျိုးတွေက ရှေ့ဆက်ဖို့ရှိနေတယ်ဆိုတာ ပုံရိပ်တစ်ခုအနေနဲ့ဖော်ပြနေပါတယ်။ ဆောက်လုပ်ရေး လုပ်ငန်းရှင် အသစ်တွေဟာ စဦးအလယ်အလတ်လူတန်းစားတွေဆီကို ပြင်ပချေးငွေ အစီအစဉ်များ၊ ဒါမှမဟုတ် ဆွဲဆောင်အားကောင်းတဲ့ ငွေပေးချေမှု ပုံစံတွေနဲ့ချီတက်နေတယ်ဆိုတာ သိပ်ကိုရှင်းလင်းလွန်းပါတယ်။

“ပထမဆုံးအိမ်ဝယ်ယူမယ့် အိပ်ခြံမြေလုပ်ငန်းရှင်တွေဟာ ကြီးမားတဲ့အကျိုးရလဒ်တွေကို မြင်တွေ့လာ ကြပါတယ်။ ဒါဟာဘာကြောင့် လဲဆိုရင် အားလုံးသော ဂရုပြုမှုတွေဟာ အဲ့ဒီလူဦးရေအချိုးအစားတွေဆီကို ဦးတည်နေလို့ပဲဖြစ်ပါတယ်” လို့ Mr Kevin Goos ကပြောပါတယ်။

Shwe Property ကကျင်းပမယ့် မြန်မာ့အကြီးဆုံး အိမ်ခြံမြေအရောင်းပြပွဲကြီးကို Myanmar Property Awards နဲ့ပူးပေါင်းပြီး လာမယ့် ဇွန်လ (၃၀)ရက်၊ ဇူလိုင် (၁)ရက်နဲ့ (၂)ရက်နေ့တွေမှာ ကျင်းပပြုလုပ်သွားမှာဖြစ်ပါတယ်။ ဒီနှစ်အတွက် အိမ်ခြံမြေကဏ္ဍရဲ့ အကြီးမားဆုံးသောလှုပ်ရှားမှုတစ်ခုပဲဖြစ်ပါတယ်။

ဒီအရောင်းပြပွဲကြီးဟာ ပထမဆုံးအိမ်ဝယ်ယူမယ့်သူတွေကိုရည်ရွယ်ပါတယ်။ အောင်မြင်တဲ့စီးပွားရေး လုပ်ငန်းရှင်များ၊ ကြင်စဦးဇနီး မောင်နှံများနဲ့ လစာမြင့်ဝန်ထမ်းများအတွက်ရည်ရွယ်တာဖြစ်ပါတယ်။ အိမ်ခြံမြေလုပ်ငန်းရှင် ဒါမှမဟုတ် ဘဏ်က ဝယ်ယူသူတွေအတွက် ထောက်ပံ့ပေးဖို့လိုအပ်ပါတယ်။ ပြီးတဲ့အခါ သူတို့ရဲ့ အကောင်းဆုံး အရောင်းမြှင့်တင်ခြင်းနဲ့ အကောင်းဆုံးဈေးနှုန်းတွေကို Shwe Property အိမ်ခြံမြေအရောင်းပြပွဲတစ်ခုတည်း မှာပဲ ပေးအပ်နိုင်မှာဖြစ်ပါတယ်။

Myanmar Property Awards မှ Terry Blackburn က “ကျွန်တော်တို့ Shwe Property.com နဲ့ အလုပ်လုပ်ရတာ အင်မတန်ပျော်ရွှင် မိပါတယ်။ သူတို့ဟာ အိမ်ခြံမြေလောကအတွက် အကောင်းဆုံး ဆောင်ရွက်နိုင်ခဲ့ပါတယ်။ သူတို့ဟာ ပထမဆုံးအိမ်ဝယ်မယ့် သူတွေအတွက် ဘယ်လိုကူညီဆောင်ရွက်ပေး ရမလဲဆိုတာ အိမ်ခြံမြေလုပ်ငန်းရှင်တွေကို လမ်းညွှန်မှုတွေပေးခဲ့တယ်။ ဝယ်သူတွေ ကလည်း သူတို့တတ်နိုင်တဲ့နှုန်းထားနဲ့ ဝယ်ယူနိုင်ခဲ့ကြလို့ ပျော်ရွှင်သွားကြပါတယ်” လို့ပြောကြားခဲ့ပါတယ်။

Written By : စည်သူလင်းလက် (Shweproperty.com)

Posted By : Wai Phyoe (Shweproperty.com)

Photo Credit : MSFB