မြန်မာနိုင်ငံအတွင်းရှိ ရောင်းရန်နှင့် ငှားရန်ရှိသော အိမ်ခြံမြေများ

Property Titles

တာမွေလမ်းဆုံ Y ပုံသဏ္ဍန် ခုံကျော်တံတား၏ ဦးချစ်မောင် လမ်းဘက်ခြမ်း အပိုင်း(၁) ကို သင်္ကြန်အကျနေ့မှစ၍ ယာဉ်များ ဖြတ်သန်းခွင့်ပြုမည်

By Eleven Media Group, Shweproperty.com

Updated at 12 April 2016

တာမွေလမ်းဆုံ Y ပုံသဏ္ဍန် ခုံကျော်တံတား၏ ဦးချစ်မောင် လမ်းဘက်ခြမ်း အပိုင်း(၁) ကို သင်္ကြန်အကျနေ့မှစ၍ ယာဉ်များ ဖြတ်သန်းခွင့်ပြုမည်

တာမွေလမ်းဆုံ Y ပုံသဏ္ဍန် ခုံကျော်တံတား၏ ဦးချစ်မောင် လမ်းဘက်ခြမ်း အပိုင်း(၁) ကို သင်္ကြန်အကျနေ့မှစ၍ ယာဉ်များ ဖြတ်သန်းခွင့်ပြုမည်

By Eleven Media Group, Shweproperty.com

Updated at 12 April 2016

တာမွေလမ်းဆုံ Y ပုံသဏ္ဌာန် ခုံးကျော်တံတား၏ ပင်မလမ်းကြောင်း ဦးချစ်မောင်လမ်းဘက်ခြမ်း အပိုင်း (၁)ကို ဧပြီ ၁၃ ရက် ( သင်္ကြန်အကျနေ့ ) မှ စ၍ မော်တော်ယာဉ်များ ဖြတ်သန်းခွင့် ပြုမည်ဖြစ်ကြောင်း ပြန်ကြားရေးဝန်ကြီးဌာန၏ Facebook တွင်ဖော်ပြထားသည်။

တံတား၏ ကျန်ရှိနေသေးသည့် အပိုင်း(၂) အရှေ့မြင်းပြိုင်ကွင်းလမ်းကို ဇွန်လပိုင်းအတွင်း ဖြတ်သန်းသွားလာခွင့် ပြုနိုင်ရန် ဆောင်ရွက်နေကြောင်း သိရသည်။

ယင်းကဲ့သို့ တံတား၏ အပိုင်း(၁) အား ဖြတ်သန်းခွင့်ပြုလိုက်ပြီး ဖြစ်ပေမယ့် အချောသပ်လုပ်ငန်းများ ဆက်လက် လုပ်ဆောင်သွားမည်ဖြစ်ကြောင်း ရွေတောင်ဆောက်လုပ်ရေးကုမ္ပဏီမှ ပရောဂျက် ဒါရိုက်တာ ဦးမောင်မောင်မြင့်က ပြောကြားခဲ့ကြောင်း ပြန်ကြားရေးဝန်ကြီးဌာန၏ Facebook မှ သိရသည်။

အဆိုပါ ခုံးကျော်တံတားကို ရွှေတောင်ဆောက်လုပ်ရေးကုမ္ပဏီမှ တင်ဒါအောင်မြင်ခဲ့၍ မြန်မာငွေကျပ် ၂၂ ဒသမ ၅ ဘီလီယံဖြင့် ၂၀၁၅ ခုနှစ်၊ သြဂုတ်လဆန်းပိုင်းမှစပြီး တည်ဆောက်နေခြင်း ဖြစ်ကြောင်း ဆက်လက်သိရှိရသည်။

ရန်ကုန်တိုင်းဒေသကြီး တာမွေမြို့နယ် ဗညားဒလလမ်း၊ ဦးချစ်မောင်လမ်းနှင့် အရှေ့မြင်းပြိုင်ကွင်း လမ်းငါးခွဆုံကို ဗဟိုပြုကာ Y ပုံသဏ္ဌာန် တည်ဆောက်လျက်ရှိပြီး ရန်ကုန်မြို့တွင်း တည်ဆောက်ပြီး ခုံးကျော်တံတားများနှင့် တည်ဆောက်ဆဲ ခုံးကျော်တံတားများထဲတွင် အရှည်ဆုံးဖြစ်လာမည့် ခုံးကျော်တံတားဖြစ်ကြောင်း သိရသည်။

ဗညားဒလလမ်းနှင့် ဦးချစ်မောင်လမ်းဘက်ခြမ်း တံတားသည် အရှည် ၂၈၇၅ ဒသမ ၀၇ ပေ ၊ ၄၂ ပေ ၈ လက်မကျယ်၍ နှစ်လမ်းမောင်း လေးလမ်းသွားဖြစ်ကြောင်း၊ အရှေ့မြင်းပြိုင်ကွင်းလမ်းဘက်သို့ ခွဲထွက်သွားသော ခုံးကျော်တံတားသည် အရှည် ၁၉၇၁ ဒသမ ၅၂ ပေ၊ ၂၃ ပေ ကျယ်၍ နှစ်လမ်းမောင်း တစ်လမ်းသွား ဖြစ်ကြောင်း သိရသည်။

တံတားအမျိုးအစားမှာ သံကူကွန်ကရစ် လွန်တူးဘိုးပိုင် ဖြစ်ကာ တံတားအပေါ်ထည်ကို သံမဏိရက်မနှင့် သံကူကွန်ကရစ်၊ ကြမ်းခင်းလက်ရန်းများ တပ်ဆင်ထားပြီး တံတားအောက် ကင်းလွတ်အမြင့်မှာ ၁၆ ပေရှိပြီး ယာဉ်တစ်စီးချင်း ခွင့်ပြုတန်ချိန်မှာ ၇၅ တန်အထိ ဖြစ်သည်။

Ref : Eleven Media Group

Photo Credit : Eleven Media Group

Posted By : Wai Phyoe

Follow Us On