မြန်မာနိုင်ငံအတွင်းရှိ ရောင်းရန်နှင့် ငှားရန်ရှိသော အိမ်ခြံမြေများ

Property Titles

ကျူးကျော်နေထိုင်သူများနှင့် တားဆီးသူဝန်ထမ်းများ အချင်းပွား

By နိုနိုအောင်, Shweproperty.com

Updated at 19 February 2013

လှိုင်သာယာမြို့နယ်၌ အိမ်ငှားခများဈေးတက်မည်ဟူသော သတင်းကြောင့်ဟုဆိုကာ ပီမိုးနင်းလမ်းရှိ တန်ဖိုးနည်းအိမ်ရာဆောက်လုပ်မည့် မြေကွက်တွင်ကျူးကျော်နေထိုင်ကြရာမှ အဆိုပါကျူးကျော် နေထိုင်သူများ က လာရောက်တားဆီးသူ ဌာနဆိုင်ရာဝန်ထမ်းများကိုလက်နက်များဖြင့် ခြိမ်းခြောက်မောင်းထုတ်မှု ဖေဖော်ဝါရီလ ၁ ရက်နေ့တွင်ဖြစ်ပွားခဲ့သည်။

ရာနှင့်ချီသော နေထိုင်သူများသည်မြို့ရွာနှင့် အိုးအိမ်ဖွံ့ဖြိုးရေးဦးစီးဌာနနှင့် Star Light ဟုဆိုသော ကုမ္ပဏီတို့ပူးပေါင်းဆောင်ရွက်သည့် ၁၆ ဧကရှိသည့် တန်ဖိုးနည်းအိမ်ရာစီမံကိန်းမြေပေါ်တွင် နေထိုင်ရန် ဇန်နဝါရီလ ၃၁ ရက်နေ့ည ၈ နာရီခန့်က ရောက်ရှိလာကြသည်ဟု ကိုယ်တိုင်မြင်တွေ့သူများကပြောသည်။ ဖေဖော်ဝါရီလ ၁ ရက်နေ့မနက်တွင် ရန်ကုန်မြို့တော်စည်ပင်သာယာရေးကော်မတီမှ တာဝန်ရှိသူများက ၎င်းတို့ဆောက်ထားသော အိမ်များကိုဖျက်စေခဲ့ကြောင်း သိရသည်။

သို့သော် နေ့လယ်အချိန်ခန့်တွင်နေထိုင်သူများက အိမ်များကို ပြန်လည်ဆောက်နေကြပြီး တာဝန်ရှိသူများဒုတိယတစ်ကြိမ် လာရောက်တားဆီးရာတွင် ဝါးရင်းတုတ်များ၊ ဓားမများကိုင်၍ခြောက်လှန့်ခဲ့ကြသည်။ ဖေဖော်ဝါရီလ ၁ ရက်နေ့ ညနေ ၄ နာရီအချိန်ခန့်က ရဲတပ်ဖွဲ့ဝင်များ လာရောက်တားဆီးချိန် တွင်မူ အဆိုပါနေထိုင်သူများက တာဝန်ရှိသူများအား လိုက်လံရိုက်နှက်သည် အထိ အခြေအနေတင်းမာခဲ့သည်။

''မနေ့ညကစပြီး ဒီလူတွေ ရောက်လာကြတယ်။ အိမ်တွေလည်း စဆောက်ကြတယ်။ အစက အဲဒီလောက် မဟုတ်သေးပါဘူး။ ဒါပေမဲ့ တဖြည်းဖြည်း များလာပြီး မိုးလည်းလင်းရော အိမ်တွေ တစ်ကွင်းလုံး အပြည့်ဖြစ်နေတာပဲ။ အနည်းဆုံး လူ၃ဝဝ လောက်တော့ရှိတယ်'' ဟု အမှတ်(၆)ရပ်ကွက်တွင်နေထိုင်သူ ဒေါ်မာဦးက ပြောသည်။

အခြားသော မျက်မြင်သက်သေတစ်ဦးကမူ အဆိုပါ ကျူးကျော်နေထိုင်သူ များသည် လှိုင်သာယာမြို့နယ် တွင်အိမ်လခများ ဈေးတက်မည်ဟု သတင်းကြား၍ အိမ်လခမတတ်နိုင်တော့သဖြင့် လာရောက်ကျူးကျော်နေထိုင်ခြင်းဖြစ်သည်ဟု ဆိုသည်။

''လှိုင်သာယာမှာနေတာက အလုပ်သမားတွေများတယ်။ နေ့စားတွေဆိုတော့ အိမ်လခ ထပ်တက်ရင် သူတို့ မပေးနိုင်တော့ဘူး။ အခု အိမ်လခတွေ ထပ်တက်မယ်လို့ သတင်းတွေကြားနေတယ်။ ပြီးတော့ ပုံမှန်ဆို အိမ်လခက လကုန်ပြီး ၅ ရက်နေမှ ပေးရတာလေ။ အဲဒီတော့အိမ်လခမပေးရသေးခင် လာနေကြ

တာ'' ဟု ၎င်းက ပြောသည်။

လှိုင်သာယာမြို့နယ်တွင် အိမ်လခများမှာ အနည်းဆုံး တစ်လကျပ် ၃ဝ,ဝဝဝ ဖြစ်ပြီး ခိုင်ခံ့ကောင်းမွန်သော အိမ် တစ်အိမ်ဆိုပါက တစ်လလျှင် ကျပ် ၄ဝ,ဝဝဝ ပေးရကြောင်း ၎င်းက ပြော သည်။ အိမ်လခတက်မည်ဟူသော သတင်းမှန်ကန်ပါက အနည်းဆုံး ကျပ် ၅,ဝဝဝ ခန့် ထပ်မံဈေးတက်သွားမည်ဖြစ် ကြောင်း အဆိုပါအမျိုးသမီးက ခန့်မှန်း ပြောသည်။

အသက် ၄၂ နှစ်အရွယ်ရှိ ဒေါ်မေထက်ထက်က အိမ်လခများ ဈေးတက်၍နေထိုင်ရေးမှာ ယခင်ကထက်ပို၍ ခက်ခဲ လာသည်ဟု ဆိုသည်။

''ကျွန်မတို့မှာ ရွေးစရာမရှိဘူး။ အိမ်ငှားခတွေက မနှစ်ကထက် ဈေးတက်ကုန်တယ်။ ကျွန်မက ကလေးလေးယောက်ကို တစ်ယောက်တည်းရှာကျွေးနေရတာ။ ကျွန်မမုန့်ရောင်းတာမှတစ်နေ့ကို ကျပ် ၂,ဝဝဝ ကနေ ၃,ဝဝဝကြားပဲရတယ်။ ကလေးတွေကိုတောင် မနည်းကျွေးနေရတာ။ အကြီးဆုံးကို ကျောင်းလည်း ထွက်ခိုင်းထားရတယ်။

အိမ်လခ ဘယ်လိုပေးနိုင်မလဲ'' ဟု ၎င်းက ပြောသည်။

''အိမ်လခက အနည်းဆုံး ၃ဝ,ဝဝဝ ရှိတယ်။ မြေငှားရင် မြေစပေါ်က ၁၅ လစာကို တစ်သိန်းခွဲပေးရတယ်။ ကျွန်မတို့ဝင်ငွေနဲ့ ဘယ်ငှားနိုင်မလဲ။ ကျွန်မကတော့ ရင်ဆိုင်ရမှာပဲ။ ကျွန်မကလေးတွေနေစရာရဖို့ဆို ဓားဆွဲရမလား ဆွဲမယ်'' ဟု ဒေါ်မေထက်ထက်က ဆိုသည်။ စက်ရုံများတွင် နေ့စားအလုပ်သမား အဖြစ် လုပ်ကိုင်သည်ဆိုသူ မခိုင်က သူငယ်ချင်းလေးယောက် ပေါင်းနေရ သော အဆောင်အခန်းခအတွက် မတတ် နိုင်တော့၍ ကျူးကျော်နေထိုင်ရန် လာရခြင်းဖြစ်သည်ဟု ဆိုသည်။

''တစ်လကို အခန်းခက ၂၅,ဝဝဝ၊၃ဝ,ဝဝဝ ပေးရတယ်။ အခုတလောအလုပ်က အဆင်မပြေတော့ အဲဒီအခန်းခကို ပုံမှန်မပေးနိုင်တော့ဘူး။ အဲဒါကြောင့် ဒီမှာ အိမ်တစ်နေရာစာလေးရ အောင် လာဆောက်နေတာ။ ကျွန်မတို့လည်း ခဏပဲနေမှာပါ။ ကျွန်မတို့ ဒုက္ခ ရောက်နေတာကို လူအင်အားသုံးပြီး အုပ်စုလိုက် အနိုင်ကျင့်တာ။ ကျွန်မတို့ ရတဲ့ နေ့စားခက အိမ်ကိုပေးတာနဲ့၊ စားသောက်တာနဲ့ဆို မကျန်တော့ဘူး။ အိမ်ခန်းခမပေးနိုင်တော့လို့ ခဏလာနေ မလို့လုပ်တာ'' ဟု ၎င်းက ပြောသည်။

၎င်းတို့၏ နေ့စားလုပ်အားခမှာ တစ်နေ့လျှင် ကျပ် ၂,ဝဝဝ သာရပြီး အသက်၃ဝ ကျော်လျှင် စက်ရုံများတွင် အမြဲတမ်းအလုပ်သမားဖြစ်ဖို့ရန်မှာ ခက်ခဲပြီးနေ့စားလုပ်ခလည်း နည်းပါးသည်ဟု ၎င်းက ဆိုသည်။ ''ကျွန်မတို့လည်း ဒီနေရာမှာ နေလို့ရ တယ်ဆိုပြီး သတင်းကြားလို့လာတာ။ သူများတွေ နေ,နေကြပြီပေါ့။ ဘယ်သူက စမှန်းတော့မသိဘူး။ အဲဒါနဲ့ နေရာတစ် နေရာရလို့ ဝင်နေတာ။ အမြဲတမ်းနေဖို့ တော့ စိတ်ကူးမရှိပါဘူး။ ကျွန်မတို့ အဆင်မပြေခင် ခဏနေဖို့ပါ။ သူများတွေ ဖယ်ပေးရင် ဖယ်ပေးရမှာပဲ။ နေစရာက တော့ တကယ်ကိုမရှိဘူး''ဟု မလဲ့လဲ့က ပြောသည်။

အဆိုပါနေရာသို့ ရောက်ရှိနေသော မြို့ရွာနှင့် အိုးအိမ်ဖွံ့ဖြိုးရေးဦးစီးဌာနမှ ဦးစီးအရာရှိတစ်ဦးက အဆိုပါကျူးကျော် နေထိုင်သူများအား မည်သို့ဆောင်ရွက် ရမည်ဆိုသည်ကို နေပြည်တော်မှ ညွှန် ကြားချက် တောင်းခံထားသည်ဟု ဖေဖော်ဝါရီ ၁ ရက်နေ့က ပြောသည်။

''ဒီလူတွေက မနေ့က (ဇန်နဝါရီလ၃၁ ရက်) ညကတည်းက အိမ်တွေဝင် ဆောက်ပြီးနေနေတာ။ ဒီနေ့မနက်ကိုစည်ပင်က အိမ်တွေဖျက်ပြီး ထွက်သွားဖို့ ပြောထားပေမယ့် မလိုက်နာကြသေး ဘးူ ။ နေပြည် တော်ကို လှမ်း ပြောထားတယ်။ ညွှန်ကြားချက်မကျသေးဘူး'' ဟု ၎င်းက ပြောသည်။

အိုးအိမ်နှင့် ပူးပေါင်းဆောင်ရွက်မည့်ကုမ္ပဏီမှ ဦးဇော်မင်းထွန်းကမူ ဖြစ်ပွားနေသည့် အခြေအနေအပေါ် မှတ်ချက်ပြုရန် ငြင်းဆိုခဲ့ပြီး အဆိုပါ စီမံကိန်းအား ၂ဝ၁၂ ခုနှစ် အစောပိုင်းမှ အစပြုခဲ့ကြောင်း၊ တန်ဖိုးနည်းအိမ်ရာ စီမံကိန်း ဖြစ်ကြောင်းကိုသာ ပြောကြားသည်။

source : mmtimes

Follow Us On

အိမ်ခြံမြေ လမ်းညွှန်

အိမ်ခြံမြေ ဗဟုသုတ အိမ်ခြံမြေ ရောင်းချနည်း အိမ်ခြံမြေ ဝယ်ယူနည်း အိမ်ခြံမြေ ငှားရမ်းနည်း အကျိုးဆောင် လမ်းညွန်

အိမ်ခြံမြေပြပွဲများ

အိမ်ခြံမြေပြပွဲများ အားလုံးကြည့်ရန်

နောက်ဆုံးရ သတင်းများ

Inverter စက်တွေ မပျက်စီး မလောင်အောင်၊ လျှပ်စစ်အန္တရာယ်ကင်းဝေးအောင် ဘာတွေ သတိထားရမလဲ

မီးလာမီးပျက်များတဲ့ ခုလို ကာလတွေမှာ တန်ဖိုးကြီးလျှပ်စစ်ပစ္စည်းတွေ၊ နာမည်ကြီး နိုင်ငံခြား Inverter brand တံဆိပ်အမျိုးမျိုးတွေ…

မြေရှင်လက်မှတ်မထိုးပဲ တိုက်ခန်းဝယ်ယူရင် ဘာတွေဆိုးကျိုး ရှိနိုင်သလဲ

ဆရာ တိုက်ခန်းဝယ်ယူတဲ့နေရာမှာ မြေရှင် လက်မှတ်ထိုးဖို့လိုတယ်ဆိုတဲ့ ဥပဒေ မရှိဘူးလို့သိရပါတယ်။nbsp;br / br / တကယ်လို့မြေရှင်လက်မှတ်မထိုးပဲ…

ဆန်ကို ကြည်နေအောင် ဆေးတာက ကျန်းမာစေရဲ့လား

ကဲ hellip;. အရင်ဆုံး ဒီကနေ မေးချင်တာ ထမင်းချက်ခါနီးတိုင်း ဆန်ဆေးရည်ကို ကြည်နေအောင်ဆိုပြီး ဆန်ကို ရေနဲ့ အထပ်ထပ်များ ဆေးမိနေသေးလား…

မီတာခသက်သာအောင် လျှပ်စစ်ဓာတ်အားကို ချွေတာနိုင်သည့် နည်းလမ်းများ

မီတာခ သက်သာစေဖို့ ကိုယ်တတ်နိုင်တဲ့ နည်းလမ်းနဲ့ ဘယ်လို ဖြေရှင်းလို့ရလဲဆိုတာ ဒီဆောင်းပါးကနေဖော်ပြပေးလိုက်ပါတယ်။br /…

ရေခဲသေတ္တာအပေါ်မှာ ဒါတွေ လုံးဝမတင်ပါနဲ့

သင့်အိမ်က ရေခဲသေတ္တာအပေါ်က နေရာလွတ်ကို ပစ္စည်းတချို့တင်ထားဖို့ စိတ်ကူးနေရင် အခုပဲရပ်လိုက်ပါ။ ရေခဲသေတ္တာအပေါ်နေရာကို…

ငလျင်အပြီး အစားအစာ စိတ်ချရအောင် ဘယ်လိုလုပ်မလဲ

ငလျင်အပြီး အစားအစာနှင့်ရေ ညစ်ညမ်းမှုကြောင့် ရောဂါဖြစ်နိုင်ခြေမြင့်ပါသည်။ မသန့်ရှင်းသောအစားအစာနှင့်ရေသည် ဝမ်းပျက်ဝမ်းလျှော၊…

အိမ်ရာတိုက်ခန်းတွေ သဘာဝဘေးအန္တရာယ်ကြောင့် ပြိုကျပျက်စီးခဲ့ရင် အခန်းရှင်အတွက်…

ကိုယ်က အထပ်မြင့်တိုက်ခန်းလေးတစ်ခန်း ဝယ်ထားတယ်။nbsp;br / ရေကြီးလို့၊ မီးလောင်လို့၊ ငလျှင်လှုပ်လို့၊ မြေပြိုလို့ စတဲ့ သဘာဝဘေးအန္တရာယ်တွေကြောင့်…

သောက်သုံးရုံတင်မဟုတ်ဘဲ အိမ်မှာအသုံးဝင်မယ့် ဘီယာရဲ့ ကောင်းကျိုး

ဘီယာကို သောက်သုံးရုံတင်မဟုတ်ဘဲ အိမ်မှာ အသုံးဝင်တဲ့နည်းလမ်းတွေ ရှိတယ်ဆိုတာကို သင်သိပါသလား။br / br / အများစုအတွက် အပန်းဖြေဖို့…

ဘေးအန္တရာယ် တစ်ခုခုနဲ့ ကြုံခဲ့ရင်

ရာသီဥတုတွေက ဖောက်ပြန်မှုတွေ များနေတာကြောင့် လူသားတွေမှာ ခံစားရနိုင်တဲ့ ဘေးအန္တရာယ်တွေကလည်း ဒုနဲ့ဒေးပါ။ ဘေးအန္တရာယ်…

Earthquake Drunk Syndrome (PEDS): ငလျင်အပြီး ခေါင်းမူးဝေဒနာ

ပြင်းထန်သော ငလျင်လှုပ်ပြီးနောက် အချို့လူများတွင် quot;Earthquake Drunkquot; syndrome (သို့မဟုတ် Post-Earthquake Dizziness Syndrome - PEDS) ဟုခေါ်သည့် ထူးဆန်းသော လက္ခဏာများ…

ငလျင်အပြီး နံရံကွဲအက်မှုတွေကို ကြည့်ပြီး မိမိအိမ်ရဲ့ အန္တရာယ်ရှိမှုအခြေအနေ

အန္တရာယ်ရှိသောအခြေအနေ (Severe Damage - Immediate Danger)br / br / Diagonal Cracks (ထောင့်ဖြတ်အက်ကွဲခြင်း)br / br / img alt="" src="https://www.shweproperty.com/assets/landing_page/images/landing_img/static/_1045_1338_41_488221958_692290256483154_7451444570718593008_n.jpg"…

ပန်းကန်ဆေးဆပ်ပြာနဲ့ဆေးကြောမိရင် ပျက်စီးစေနိုင်သော အိမ်သုံးပစ္စည်းများ

ပန်းကန်ဆေးဆပ်ပြာနဲ့ အိမ်မှာရှိတဲ့ တခြားပစ္စည်းတွေ ဆေးကြောဖို့ စဉ်းစားနေရင် လုံးဝ မလုပ်မိပါစေနဲ့။br / br / ပန်းကန်ဆေးဆပ်ပြာကို…

အကျိုးဆောင်များအတွက်

သင့်လုပ်ငန်းတွေ ဖွံ့ဖြိုး အောင်မြင်ဖို့ Shweproperty.com မှာ member လုပ်စို့

အသင်းဝင်လုပ်ရန်

ဝယ်ရန်

ငှားရန်

စီမံကိန်း အသစ်များ

အခြားအိမ်ခြံမြေများ