မြန်မာနိုင်ငံအတွင်းရှိ ရောင်းရန်နှင့် ငှားရန်ရှိသော အိမ်ခြံမြေများ

Property Titles

ရန်ကုန်မြို့တော် စည်ပင်သာယာရေးကော်မတီက လေလံတင်ရောင်းချမည့် မြေကွက်များတွင် လယ်သမားများ ပိုင်ဆိုင်ခွင့်ရရန် လျှောက်ထားဆဲမြေနှင့် စီမံကိန်းပလပ်မြေများ၊ စက်မှုဇုန်ဖွံ့ဖြိုးရေးလုပ်ဆောင်ရန်မြေများ ပါဝင်နေသည်ဟုဆိုကာ သက်ဆိုင်သူများ ကန့်ကွက်

By Eleven Medai Group, Shweproperty.com

Updated at 30 August 2015

ရန်ကုန်မြို့တော် စည်ပင်သာယာရေးကော်မတီက လေလံတင်ရောင်းချမည့် မြေကွက်များတွင် လယ်သမားများ ပိုင်ဆိုင်ခွင့်ရရန် လျှောက်ထားဆဲမြေနှင့် စီမံကိန်းပလပ်မြေများ၊ စက်မှုဇုန်ဖွံ့ဖြိုးရေးလုပ်ဆောင်ရန်မြေများ ပါဝင်နေသည်ဟုဆိုကာ သက်ဆိုင်သူများ ကန့်ကွက်

ရန်ကုန်မြို့တော် စည်ပင်သာယာရေးကော်မတီက လေလံတင်ရောင်းချမည့် မြေကွက်များတွင် လယ်သမားများ ပိုင်ဆိုင်ခွင့်ရရန် လျှောက်ထားဆဲမြေနှင့် စီမံကိန်းပလပ်မြေများ၊ စက်မှုဇုန်ဖွံ့ဖြိုးရေးလုပ်ဆောင်ရန်မြေများ ပါဝင်နေသည်ဟုဆိုကာ သက်ဆိုင်သူများ ကန့်ကွက်

By Eleven Medai Group, Shweproperty.com

Updated at 30 August 2015

ရန်ကုန်မြို့တော် စည်ပင်သာယာရေးကော်မတီ မြို့ပြစီမံကိန်းနှင့် မြေစီမံခန့်ခွဲမှုဌာနအောက်ရှိ မြေကွက်များအား လေလံတင်ရောင်းချမည်ဟု ကြေညာထားရာ ယင်းမြေကွက်များတွင် လက်ရှိလယ်သမားများ ပိုင်ဆိုင်ခွင်ရရန် လျှောက်ထားဆဲမြေများ၊ လယ်သမားများ ပြန်ရသင့်၍ ပြန်လည်လျှောက်ထားသော စီမံကိန်းပလပ်မြေများ၊ စက်မှုဇုန်ဖွံ့ဖြိုးရေးကိစ္စများ လုပ်ဆောင်ရန်မြေများ ပါဝင်နေသည်ဟုဆိုကာ သက်ဆိုင်သူများက ကန့်ကွက်မှုများ ပြုလုပ်နေကြောင်း သတင်းရရှိသည်။

ရန်ကုန်မြို့တော် စည်ပင်သာယာရေးကော်မတီက မြေကွက်များ လေလံတင်ရောင်းချမည်ဟု နိုင်ငံပိုင်သတင်းစာများမှ တစ်ဆင့် ကြေညာခဲ့ရာတွင် မည်သည့်မြို့နယ်နေရာများမှ မြေကွက်များ ပါဝင်သည်ဆိုသည်ကို ထည့်သွင်းကြေညာခြင်း မရှိခဲ့ကြောင်း၊ သို့သော် အမှတ် (၁) စက်မှုဇုန်စီမံခန့်ခွဲရေးကော်မတီက ၎င်းတို့ စက်မှုဇုန်ဖွံ့ ဖြိုးရေးလုပ်ဆောင်ရန် ရည်ရွယ်ထားသည့် ဒဂုံတောင် ၂၃ (စက်မှုဇုန်ဓာတ်အားလိုင်း နံဘေးအတိုင်းအတာ) ၁၄ ဒသမ ၅၇ ဧက ပါဝင်နေသဖြင့် ယင်းမြေကွက်အား ပုဂ္ဂလိကလုပ်ကိုင်သူများသို့ ဈေးပြိုင်စနစ်ဖြင့် ဝယ်ယူခွင့်အား ကန့်ကွက်ကြောင်း သြဂုတ် ၂၆ ရက်ထုတ် ကြေးမုံသတင်းစာတွင် ထည့်သွင်းကြေညာခဲ့သည်။

အလားတူ ရွှေပြည်သာမြို့နယ်နှင့် ဒဂုံမြို့သစ်တောင်ပိုင်းမြို့နယ်ရှိ လယ်သမားများ ပိုင်ဆိုင်ခွင့်ရရန် လျှောက်ထားဆဲမြေများ၊ ပိုင်ဆိုင်ခွင့်လျှောက်ထားဆဲ စီမံကိန်း ပလပ်မြေလည်း ပါဝင်နေခြင်းကြောင့် အဆိုပါ လယ်သမားများကလည်း ကန့်ကွက်နေကြသည်။

ရွှေပြည်သာမြို့နယ် ၁၃ ရပ်ကွက်ရှိ လယ်သမားများ ပြန်လည်ရသင့်၍ လျှောက်ထားသော စီမံကိန်းပလပ်မြေများ၊ အလားတူ မြေတိုင်းရပ်ကွက် ၄၁ မှ မြေကွက်များလည်း လေလံတင်ရောင်းချမည့် စာရင်းတွင် ပါဝင်နေ၍ သက်ဆိုင်သူများက အသီးသီးကန့်ကွက်စာများ တင်ရန် စီစဉ်နေကြောင်း ရွှေပြည်သာမြို့နယ် ကျောင်းကုန်းကျေးရွာမှ လယ်သမားခေါင်းဆောင် ဦးတင်ဝင်းက ပြောကြားသည်။

“လွှတ်တော်ကပြောတော့ စီမံကိန်း မဆောင်ရွက်တဲ့ စီမံကိန်းလွတ် ပလပ်ကျန်မြေတွေကို မူလပိုင်ရှင်များ၊ နစ်နာကြေး၊ လျော်ကြေးမရခဲ့လို့ ပေးလိုက်ပါတဲ့။ လယ်သမားတွေကတော့ လျော်ကြေးတွေ၊ နစ်နာကြေးတွေ ရနိုးနဲ့ တင်ပြကြ။ အခုတော့ ရန်ကုန်မြို့တော် စည်ပင်က ငွေလိုနေလို့ လေလံတင်ရောင်းချတဲ့ စည်ပင်ပိုင်မြေဆိုလို စုံစမ်းကြည့်တော့ လယ်သမား ရသင့်ရထိုက်လို့ ပြန်လျှောက်ထားတဲ့ ပလပ်မြေတွေပါ ပါဝင်သွားပြီ။ လယ်သမားတွေ မျှော်လင့်လို့မရတော့ဘူး”ဟု ဦးတင်ဝင်းက ဆက်လက်ပြောကြားသည်။

ယခု လေလံတင်ရောင်းချမည့် မြေကွက်များစာရင်းတွင် ဒဂုံမြို့သစ်တောင်ပိုင်း မြို့နယ်မှ နေရာကိုးခု ပါဝင်နေကြောင်း ဒဂုံမြိုသစ်လေးမြို့နယ်၏ သိမ်းဆည်းခံ လယ်သမားအရေး ဆောင်ရွက်နေသူ လယ်သမား ဦးဝင်းနိုင်က ပြောကြားသည်။

၎င်းက “ဒဂုံတောင်က ကိုးနေရာ ပါဝင်ပါတယ်။ ဒီမြေတွေက လက်ငုတ်လက်ရင်း လယ်သမားတွေ ပိုင်ဆိုင်ခွင့် လျှောက်ထားဆဲမြေတွေ ဖြစ်ပါတယ်။ ကာယကံရှင် လယ်သမားတွေက ပိုင်ဆိုင်ခွင့်ရဖို့ အစိုးရရဲ့ ဖြေရှင်းမှုမပြီးခင်အချိန်မှာ စည်ပင်က ရောင်းမယ်လို့ ကြေညာလိုက်တာပါ။ ဒါဥပဒေကို ဆန့်ကျင်ပြီးလုပ်တာပါ။ ဒါကြောင့် ကာယကံရှင်တွေက ကန့်ကွက်စာတွေကို ဒုတိယသမ္မတ ဦးဉာဏ်ထွန်း ဦးဆောင်တဲ့ ဗဟိုမြေအသုံးချမှု စီမံခန့်ခွဲရေးကော်မတီ၊ ရန်ကုန်မြို့တော်စည်ပင်သာရေးကော်မတီနဲ့ ရန်ကုန်တိုင်းဒေသကြီးအစိုးရအဖွဲ့တွေထံကို တင်သွားမှာပါ။ အချို့လည်း တင်ပြီးကြပါပြီ” ဟု ဦးဝင်းနိုင်က ပြောကြားသည်။

လေလံတင်ရောင်းမည့် မြေကွက်များတွင် ဒဂုံမြို့သစ်တောင်ပိုင်းမှ ပါဝင်သည့် ကိုးနေရာမှာ ဒဂုံတောင် ၁၀၆ ရပ်ကွက် စစ်တောင်းလမ်းနှင့် မြို့အဝင် ၁၄ လမ်းထောင့် နေရာ၊ ဒဂုံတောင် ၂၆ ရပ်ကွက်ရှိ ၁ ဒသမ ၆၁၉ ဧက၊ ဒဂုံတောင် ၇၁ ရပ်ကွက်ရှိ ၂ ဒသမ ၇၅ ဧက၊ ဒဂုံတောင် ၁၀၄ ရပ်ကွက်ရှိ ၁ ဒသမ ၃၉ ဧကတစ်ကွက်၊ ၁ ဒသမ ၉၈ ဧက တစ်ကွက်နှင့် ၀ ဒသမ ၉၆ ဧက တစ်ကွက်၊ ဒဂုံတောင် ၁၀၇ ရပ်ကွက်ရှိ ၁ ဒသမ ၁၅ ဧက၊ ဒဂုံတောင် ၁၄၇ ရပ်ကွက်ရှိ ၂ ဧက နှင့် ဒဂုံတောင် ၂၃ ရပ်ကွက် စက်မှုဇုန် ဓာတ်အားလိုင်းဘေး ၁၄ ဒသမ ၅၇ ဧကတို့ဖြစ်ကြောင်း စုံစမ်းသိရသည်။

“အခု လေလံစာရင်းမှာ ကျွန်တော့်မိန်းမဘက်က အမျိုးတွေပိုင်တဲ့ မြေကွက်ပါ ပါတယ်။ ကျွန်တော်လည်း ကန့်ကွက်စာတင်မှာပါ။ ပြီးတော့ နိုင်ငံတော်က ဥပဒေအရ လယ်သမားတွေ မနစ်နာအောင် ထုတ်ပြန်မယ့် ဥပဒေကို မျှော်လင့်ပါတယ်”ဟု ဒဂုံတောင် မြို့နယ်ရှိ လယ်သမားတစ်ဦးဖြစ်သူ ဦးဆန်းဦး က ပြောကြားသည်။

ယင်းမြေကွက်များ လေလံတင်ရောင်းချခြင်းကို ယခင်က သြဂုတ် ၂၇ ရက်နှင့် ၂၈ ရက်တို့တွင် ပြုလုပ်မည်ဟု ကြေညာထားခဲ့ရာမှ စက်တင်ဘာ ၃ ရက်နှင့် ၄ ရက်များသို့ ရွှေ့ဆိုင်းလိုက်ကြောင်း ရန်ကုန်မြို့တော် စည်ပင်သာယာရေးကော်မတီက ပြန်လည်ကြေညာခဲ့သည်။

“အခု လေလံတင်ရောင်းမယ့်ကိစ္စကို ကန့်ကွက်တဲ့သူတွေ ရှိနေတဲ့အတွက် နောက်ဆုတ်လိုက်တယ်လို့ ထင်တယ်”ဟု ဒဂုံမြိုသစ် လေးမြို့နယ်၏ သိမ်းဆည်းခံလယ်သမားအရေး ဆောင်ရွက်နေသူ လယ်သမားဦးဝင်းနိုင် က ဆက်လက်ပြောကြားသည်။

Ref : Eleven Media Group

Posted By : Wai Phyoe Aung

Follow Us On