ကြမ်းပိုးဟာ အင်းဆက်အမျိုးအစားထဲမှာ ပါဝင်တဲ့ ပိုးကောင်မွှားကောင် တစ်မျိုးဖြစ်ကာ နှိပ်နင်းရခက်ပြီး လူကိုဒုက္ခအပေးဆုံး ပိုးကောင်တစ်မျိုးဖြစ်ပါတယ်။ ကြမ်းပိုးတွေရဲ့ ပင်မအစာကတော့ လူရဲ့ သွေးပဲဖြစ်ပါတယ်။
ဒါကြောင့် လူတွေကို သွေးစုပ်နိုင်ဖို့ လူတွေနဲ့ အနီးဆုံး၊ လူတွေအငြိမ်သက်ဆုံးဖြစ်မယ့် အိပ်ယာ၊ မွေ့ယာ၊ ခြင်ထောင်၊ စောင်နဲ့ အခင်းတွေမှာ တွယ်နေလေ့ရှိပါတယ်။ ကြမ်းပိုးတွေရဲ့ ပျံ့ပွားနှုန်းဟာလည်း အလွန်လျှင်မြန်ပါတယ်။ ကြမ်းပိုးတစ်ကောင်ဟာ တစ်ရက်မှာ ဥ (၅)ဥ ပေါက်နိုင်တာကြောင့် သင့်ရဲ့ အိပ်ယာထဲမှာ ကြမ်းပိုးတစ်ကောင် တွေ့ပြီဆိုတာနဲ့ ဒီထက်မကတဲ့ ကြမ်းပိုးတွေ ရှိနေပြီဆိုတာကို သဘောပေါက်လိုက်ပါ။
များသောအားဖြင့် ကြမ်းပိုးတွေဟာ လူရဲ့သွေးကို ညနေပိုင်း၊ ညပိုင်းအချိန်တွမှာ လာစုပ်ယူလေ့ရှိပါတယ်။ အထူးသဖြင့် ညဖက်မှာ အခန်းမီး မှိတ်လိုက်ပြီ ဆိုတာနဲ့ လူရဲ့ သွေးနံ့ကို ခံပြီး တရွရွနဲ့ ခန္ဓာကိုယ်ပေါ်တက်လာပြီး ကိုက်တော့တာပါပဲ။
ကြမ်းပိုးဟာ ခြင်တွေလို ကူးစက်ရောဂါပိုးကို မသယ်ဆောင် မပြန့်ပွားနိုင်ပေမယ့် ကြမ်းပိုးကိုက်ခံရလို့ ယားသွားတဲ့ ဝေဒနာက ဘာနဲ့မှမတူသလို အိပ်ရေးလည်း အထူးပျက်စေပါတယ်။
ကြမ်းပိုးတွေ အနေများတာကတော့ မွေ့ယာထောင့်ကြား၊ ခေါင်းအုံး၊ ဖက်လုံး၊ အိပ်ယာခင်းစွပ် ထောင့်ကြားလေးတွေမှာ ခိုအောင်းကာ မျိုးပွားနေထိုင်တတ်ကြပါတယ်။ ရံဖန်ရံခါ အိပ်ယာအနီးက အုတ်နံရံ ကွဲကြောင်းတွေမှာ တွေ့တတ်သလို ကုတင်တိုင်ကြားတွေမှာလည်း နေထိုင်ပါတယ်။
ကြမ်ပိုးကို နှိပ်နင်းမယ်ဆိုရင် တစ်နေရာထဲ ကွက်ပြီး နှိမ်နင်းလို့ မရပါဘူး။ တစ်အိမ်လုံး ညီညာဖျဖျ တစ်ပြိုင်တည်း နှိပ်နင်းမှသာ ပပျောက်သွားမှာဖြစ်ပါတယ်။ တစ်နေရာထဲ ကွက်နှိပ်နင်းပါက မကြာမီပြန်ရောက်လာဖို့ သေချာပါတယ်။
ကြမ်းပိုးကို နှိမ်နင်းနိုင်မယ့် နည်းလမ်းများ
၁။ ဒူးရင်းသြဇာရွက်
ကင်ဆာရောဂါဖြစ်စေတဲ့ ဆဲလ်တွေကို တိုက်ဖျက်ပေးနိုင်တယ်လို့ လူသိများတဲ့ ဒူရင်းသြဇာသီးရဲ့ အရွက်ဟာ သူမတူအောင် ကြမ်းပိုးများ ပြေးအောင် နှိမ်နင်းနိုင်ပါတယ်။
ဒူရင်းသြဇာရွက်(အစို) လေးများကို မိမိအိပ်တဲ့ အိပ်ယာအောက်ကို ဖြန့်ခင်းထားလိုက်ရင် ကြမ်းပိုးတွေ တဖြည်းဖြည်း ပြေးကုန်ပါလိမ့်မယ်။
၂။ ဆူးပန်းရွက်
Pandan လို့ ခါ်တဲ့ ဆူးပန်းရွက်ဟာလည်း ကြမ်းပိုးတွေ ပြေးစေတာမို့ အိပ်ယာအောက်မှာ ဖြန့်ခင်းပြီး အိပ်စက်နိုင်ပါတယ်။
၃။ ဒူးရင်းခွံ
ဒူးရင်းသီးရဲ့ အခွံဟာလည်း ကြမ်းပိုးတွေကို တစ်ဖြည်းဖြည်းလျော့ပါးအောင် လုပ်ပေးနိုင်ပေမယ့် ဒးရင်းသီးနံ့မခံနိုင်သူများနဲ့ ဆူးပါတဲ့ အခွံကို အိပ်ယာအောက် ထားအိပ်ဖို့က အခက်အခဲရှိနိုင်ပါတယ်။
ကြမ်းပိုးများအပြီးတိုင် ရှင်းလင်းနိုင်ရန်
၁။ ကြမ်းပိုးတွယ်ထားသော အိပ်ယာအခင်း၊ အစွပ်၊ စောင်၊ ခြင်ထောင် စသည်တို့ကို ရေနွေးဖြင့် ပြုတ်ပြီး ဆပ်ပြာမှုန့်နှင့် စိပ်လျှော်ပါ။
၂။ ကုတင်တိုင်၊ ကြမ်းခင်းတို့ကို ကြမ်းတိုက်ဆေးရည် ဆပ်ပြာတို့ဖြင့် ဆေးကြောပါ။
၃။ အိပ်ယာပစ္စည်းများကို တစ်ပတ်တစ်ခါ နေပူထုတ်လှန်းပါ။
ကြမ်းပိုးအန္တရာယ် တွန်းလှန်နိုင်ကြပါစေ…။
လေ့လာမှတ်သားစရာ အိမ်ခြံမြေဆောင်းပါးများ
ချက်ပြုတ်ဖို့တင်မဟုတ်ဘဲ သင်မသိသေးတဲ့ ဆားရဲ့ အခြားအသုံးဝင်မှုတွေ
အိမ်တွေမှာ အလှစိုက်နေကြတဲ့ ရွက်လှပင်အကြောင်း ကြောက်စရာ
အဲကွန်းနဲ့အိပ်တဲ့ အတွက်ဘာတွေဖြစ်နိုင်မလဲ အိမ်မှာ အဲကွန်းဖွင့်ထားမှ အိပ်တတ်သူတွေ ဖတ်ကြည့်နော်
ရေခဲသေတ္တာစနစ်တကျ အသုံးပြုနည်း
Ref : Popolay
Photo Credit : Stylebyemilyhenderson
Posted By : Sint Sint (ShweProperty.com)
အိမ်ခြံမြေပြပွဲများ
နောက်ဆုံးရ သတင်းများ
ဝယ်ရန်
ငှားရန်
စီမံကိန်း အသစ်များ
အခြားအိမ်ခြံမြေများ
