မြေကွက်၏ပိုင်ဆိုင်မှုအမျိုးမျိုးအနဲ့ ဂရမ်မြေသည်လည်း ခိုင်မာတဲ့ မြေကွက်ပိုင်ဆိုင်မှု အထောက်အထားတစ်မျိုး​​ဖြစ်ပါတယ် ။ သို့သော်လည်း ဘယ်ဌာဆိုင်ရာက စီမံခန့်ခွဲပေးသလဲ၊ ဘာစည်းမျဥ်းစည်းကမ်းချက်တွေရှိသလဲ၊ ဘာလုပ်ပိုင်ခွင့်တွေရှိသလဲ၊ အ‌ရောင်းအ၀ယ်လုပ်တဲ့ချိန်မှာ ဘာတွေအထူးသတိပြုသင့်သလဲ စသည့်အချက်များကိုတော့ အသိပညာအနေနဲ့ စိတ်၀င်စားမယ်ထင်လို့ ပြန်လည်တင်​ပြ​လိုက်ပါတယ်။

၁။ မြေဌားဂရမ်စာချုပ်

ကျွန်တော်တို့အမြဲပြောနေကြသည့် ဂရမ်မြေသည် အစိုးရ စည်ပင်သာယာရေးကော်မတီမှ တရား၀င် နှစ်(၃၀)၊ နှစ်(၆၀)၊ နှစ်(၉၀)စသည့် အဌားချထားသည့် မြေကွက်များကိုဆိုလိုပါသည်။ ကျွန်တော်တို့ရဲ့ ပိုင်ဆိုင်မှုစာရွက်စာတမ်းအထောက်အထားကို ပြန်ကြည့်တဲ့အခါမှာ အရှေ့မျက်နှာဖုံးမှာ မြေဌားဂရမ်စာချုပ် ရေးသားထားသည်ကိုတွေ့ရပါလိမ့်မည်။

၂။ ဥပ‌ဒေစည်းမျဥ်းစည်းကမ်း

 အစိုးရမှ အဌားချထားသောကြောင့် မြေဌားဂရမ်သည်လည်း စည်ပင်သာယာရေးကော်မတီမှ သတ်မှတ်ထားသည့် စည်းမျဥ်းစည်းကမ်းအတိုင်းလိုက်နာဆောင်ရွက်ရပါသည်။ ဥပမာအနေနဲ့ (၃)လတစ်ကြိမ် မြေခွန်ဆောင်ရတာ၊ အဆောက်အအုံဆောက်လိုလျှင် စည်ပင်ကိုပုံစံတင်ရတာ၊ ခွင့်ပြုတဲ့ပုံစံအတိုင်း ဆောက်ရတာ အဆောက်အအုံပြီးရင်လည်း ဆောက်အအုံခွန်လည်း(၃)လတစ်ကြိမ်ဆောင်ရတာမျိုးရှိပါတယ်။  မြေဌားစာချုပ်အတွင်း စိတ်၀င်စားဖွယ်နောက်အချက်ကတော့ ကျွန်တော်တို့မြေအောက်မှာ ကျောက်မြတ်ရတနာတွေ အရင်းအမြစ်တွေရှိခဲ့ပါက အစိုးရကိုပြန်ပေးရပါတယ် အသေးစိတ်ကိုတော့ မြေဌားဂရမ်စာချုပ် အတွင်းရှိ အချက်အလက်ကို သွားရောက်လေ့လာဖတ်ရှုလို့ရပါတယ်။

၃။ လုပ်ပိုင်ခွင့်များ

 မြေပိုင်ရှင်တစ်ဦးအနေနဲ့လည်း လုပ်ပိုင်ခွင့်အမျိုးရှိပါတယ် မြေကွက်ကိုရောင်းလို့ရတယ်၊ ဌားလို့ရတယ်၊ ပေါင်လို့ရတယ်၊ အလဲအလှယ်လုပ်လို့ရတယ်၊ သားသမီးအမွှေပေးလို့ရတယ်၊ ပေးကမ်းလို့လည်းရပါတယ် ။ တနည်းအားဖြင့် (GP) General Power အထွေထွေကိုယ်စားလှယ်လွှဲစာ၊(သို့)  (SP) Special Power အထူးကိုယ်စားလှယ်လွှဲစာြဖင့် လွှဲပြောင်းပေးလို့လဲရပါတယ်။ (GP) General Power (သို့)  (SP) Special Power ရရှိထားသူသည် ပိုင်ရှင်တစ်ဦးလို လုပ်ပိုင်ခွင့်ရှိပါသည်။ (GP) (သို့)  (SP)သည်လည်း ပိုင်ရှင် သက်ရှိထင်ရှားနေသရွေ့သာ အကျိုး တက်ရောက်မှုရှိပါတယ် ပိုင်ရှင်ကွယ်လွန်သွားရင်တော့ (GP)(သို့)(SP)ပါ အကျိုးပျက်ပြယ်သွားမှာကို အထူးသတိ​ ပြုသင့်ပါတယ်။

၄။ အမည်​ပေါက်ပြောင်း

 မြေကွက်၀ယ်သည့်အခါမှာ နေရာဒေသကောင်းမကောင်းလေ့လာရုံမက ပိုင်ဆိုင်မှု အထောက်အထားလည်း မှန်ကန်မှုရှိမရှိလည်း အထူးသတိပြု လေ့လာစစ်ဆေးသင့်ပါတယ် ဂရမ်မြေဖြစ်ပါက သက်ဆိုင်ရာ မြို့တော်စည်ပင်သာယာရေးကော်မတီ မြေယာဌာနမှာ ရောင်းမည့်သူနှင့်အတူ သွားရောက်စစ်ဆေးသင့်ပါတယ် စာရွက်စာတမ်းမှန်ကန်မှုရှိပါက စာချုပ်စားတမ်းရုံးမှာ မှတ်ပုံတင်စာချုပ် ချုပ်ဆိုပြီး ဂရန်မှုရင်းနဲ့ မှတ်ပုံတင်စာချုပ်မှုရင်းပြပြီး သက်ဆိုင်ရာစည်ပင်သာယာရေးကော်မတီ မြေယာဌာနမှာ အမည်ပေါက် ပြောင်းလျှေက်လိုက်မှ တရားဥပဒနဲ့အညီ တရား၀င်ပိုင်ဆိုင်မှုရရှိမှာဖြစ်ပါတယ်။ တချို့၀ယ်ရောင်းသမားတွေက မြေခွန်မဆောင်ချင်တဲ့အတွက်  (GP) General Power အထွေထွေကိုယ်စားလှယ်လွှဲစာ၊(သို့) (SP) Special Power အထူးကိုယ်စားလှယ်လွှဲစာ ယူးထားသာမျိုးလည်းရှိပါတယ်။

Credit By : SGG Real Estate