“Commitment ကိုငွေနဲ့ ဝယ်လို့မရပါဘူး၊ သမိုင်းကြောင်းတစ်လျှောက်လုံး ကိုယ်လုပ်ခဲ့တဲ့ စီးပွားရေးပေါ်မှာ Commitment ရှိရှိ သစ္စာရှိရှိနဲ့ Customer တွေကို ဆက်ဆံပါတယ်”

မေး - အကို့နာမည်နဲ့ တာဝန်ရှိတဲ့အပိုင်းလေး မိတ်ဆက်ပေးပါရှင်❓

ကျွန်တော်ကတော့ ဒေါက်တာအောင်ကျော်ဝင်းဖြစ်ပါတယ်။ 68 Residence ကိုတည်ထောင်တဲ့ United GP Development ရဲ့ Chairman လည်း ဖြစ်သလို၊ CEO လည်းဖြစ်ပါတယ်။ 

မေး - 68 Residence ကို စတင်တည်ဆောက်ဖြစ်ခဲ့တဲ့ ရည်ရွယ်ချက်ကို ပြည့်ပြည့်စုံစုံ ပြောပြပေးပါ❓

၂၀၁၃ ခုနှစ် နှစ်လယ်လောက်က စတယ်လို့ ပြောရမှာပေါ့။ မြန်မာနိုင်ငံမှာ ကွန်ဒိုမီနီယံ ပရောဂျက်တွေ တော်တော်လေးပေါ်လာတဲ့ အချိန်ဖြစ်တယ်။ အဲ့ဒီအချိန်မှာရှိနေတဲ့ အစိုးရကလည်း နိုင်ငံတကာ စံချိန် စံညွှန်းနဲ့အညီ ရန်ကုန်မြို့ကို ခေတ်မှီ ဖွံ့ဖြိုးတိုးတက်ပြီးတော့ နိုင်ငံတကာ လူနေမှုအဆင့်အတန်းနဲ့ ကိုက်ညီတဲ့ မြို့တော်တစ်ခုဖြစ်ဖို့ အားသွန်ခွန်စိုက်ကြိုးစားနေတဲ့အချိန် ဖြစ်တယ်။ ကျွန်တော်တို့ကလည်း ရတနာလုပ်တာ အနှစ်(၂၀)ရှိနေပြီး၊ ရတနာလုပ်ငန်းမှာလည်း Retailer, Wholesaler, Manufacturer အနေနဲ့ ရွှေနန်းတော် စိန်ရွှေရတနာရွှေဆိုင်က ဈေးကွက်ကို (၂၀၀၀)ခုနှစ်ကတည်းက ဦးဆောင်နေတော့ မတူတဲ့စီးပွားရေးလုပ်ငန်း တစ်ခုလုပ်မယ်ဆိုတဲ့ အချိန်မှာ 68 Residence ကို လုပ်ဖြစ်ဖို့ အကြောင်းတရားတွေ ဖန်တီးခဲ့တယ်ပေါ့လေ။ 68 Residence က ကိုယ်ပိုင်မြေလည်းဖြစ်တယ်။ ကမ္ဘာအေးဘုရားလမ်းနဲ့  ဆရာစံလမ်းမပေါ်မှာလည်း တည် ရှိတယ်။ ပြီးတော့ မြေကလည်း (၁)ဧက ရှိတော့ ပရောဂျက်ဆောက်လုပ်ဖို့ အကောင်းဆုံး နေရာဖြစ်တယ်။ ဒီမြေ မရှိနေဘူးဆိုရင် ဒီပရောဂျက်လုပ်ဖို့ကလည်း မဖြစ်နိုင်ပါဘူး။ နံပတ်(၁) ကိုယ်ပိုင်မြေဖြစ်တယ်။ နောက်တစ်ခုက External Environment ကို ကြည့်လိုက်တော့လည်း နိုင်ငံတော်ကလည်း ဒီလိုမျိုး အထပ်မြင့််အဆောက်အဦးတွေ၊ ခေတ်မှီဖွံ့ဖြိုးတိုးတက်ပြီး လူနေမှုအဆင့်အတန်းတွေကို အရမ်းဦးစားပေးနေတဲ့အချိန်ကာလနဲ့လည်း တိုက်ဆိုင်နေသလို စီးပွားရေးအရလည်း ဖွံ့ဖြိုးတိုးတက်နေတဲ့အချိန်ဖြစ်လို့ တည်ဆောက်ဖို့ ဆုံးဖြတ်ဖြစ်ခဲ့ပါတယ်။ကျွန်တော်တို့ရဲ့ Slogan အတိုင်း “We Define Lifestyle” အတိုင်း တကယ့်ကို မြန်မာနိုင်ငံရဲ့ လူနေမှု အဆင့်အတန်းမှာ သူများနဲ့ ကွဲပြားခြားနားပြီး မြန်မာနိုင်ငံမှာရှိပေမယ့် တကယ့်နိုင်ငံတကာရဲ့ ကွန်ဒိုတွေမှာ နေရသကဲ့သို့ အဆင့်အတန်းမျိုးဖြစ်ရမယ်။ အဲ့လိုစိတ်ထားမျိုုးနဲ့ အကိုတို့က  ဈေးကွက်မှာရှိတဲ့ လိုအပ်ချက်ကို ပိုပြီးတော့ ဒီထက်မြင့်မားအောင် ဖြည့်ဆည်းပေးမယ်ဆိုတဲ့ စိတ်နဲ့ ဒီ 68 Residence ကို တည်ဆောက်ရခြင်းဖြစ်တယ်။ 

မေး - အခု 68 Residence ကလည်း တည်ဆောက်မှုပြီးစီးတော့မယ်။ နောက်နှစ်ကုန်မှာ အပြီးသတ် ဆောက်လုပ်မယ်လို့ လျာထားတယ်လို့လည်း သိရပါတယ်။ ဒါကြောင့်မို့ ဝယ်ယူထားတဲ့ Customer တွေကို ဘယ်တော့ လောက် အခန်းအပ်သွားဖို့ ရှိပါသလဲရှင့်❓

ဖြေ - ကျွန်တော်တို့ရဲ့ ပရောဂျက်ကြီးက မြန်မာနိုင်ငံမှာ Iconic Building ဖြစ်ရမယ်ဆိုပြီးတော့ ၂၀၁၄ မတ်လ မှာ စတင်ပြီး Launch လုပ်ခဲ့တယ်။ Iconic Building ရဲ့အရည်အသွေးတွေနဲ့ ကိုက်ညီအောင် တော်တော်ကို ကြိုးစားခဲ့ရတယ်။ ဒီနေ့ရန်ကုန်မှာ 68 Residence ဟာ ဆိုရင် မြေအောက် (Basement) , (၄)ထပ်ရှိတယ်။ မြေပေါ်မှာ (၂၆)ထပ်ခွဲ၊ (၂၇)ထပ်မှာရှိတော့ ၊ Basement (၄)ထပ်ရှိတဲ့ ဒီပရောဂျက်က ဒီနေ့ဒီအချိန်ထိ ရန်ကုန်မြို့မှာ အောင်အောင်မြင်မြင်နဲ့ ဆောက်လုပ်ပြီးစီးတယ်။ နိုင်ငံတော်အစိုးရကလည်း ခွင့်ပြုခဲ့တာ ကျွန်တော်တို့ 68 Residence တစ်ခုပဲရှိသေးတယ်။ ဘာပဲဖြစ်ဖြစ် ကျွန်တော်တို့အနေနဲ့ နိုင်ငံတကာပညာရှင် တွေရဲ့ အကြံဉာဏ်ရယူပြီးတော့ အကိုတို့ကိုယ်တိုင် ထဲထဲဝင်ဝင် သေချာလုပ်ပြီး ဆောင်ရွက်ခဲ့တယ်။ ၂၀၁၈ စက်တင်ဘာလ နောက်ပိုင်းလောက်မှာ ဝယ်ယူထားတဲ့ Customer တွေကို စပြီး အခန်းအပ်သွားမယ်။ ၂၀၁၈ နှစ်ကုန်လောက်မှာ အကုန်အပ်မယ်လို့ ရည်ရွယ်ထားပါတယ်။ Step- by – Step အရည်အသွေးတွေ စစ်ဆေး ပြီးတာနဲ့ လိုအပ်တဲ့ စံချိန်စံညွှန်းတွေကိုလည်း ထပ်ပြီးသေချာအောင် Customer တွေကို ပေးထားတဲ့ ကတိအတိုင်း စစ်ဆေးပြီး အပ်သွားပေးပါမယ်။ 

မေး - လက်ရှိဆောက်လုပ်နေတဲ့ ကာလအရဆိုရင် (၃)နှစ်လောက်ရှိပြီဆိုတော့ စတင်ဆောက်လုပ်ချိန်ကနေ အခုအချိန်မှာ ပြောင်းလဲတဲ့ ပရောဂျက် Update တွေများ ရှိဦးမလားရှင့်❓

ဖြေ - ထူးထူးခြားခြား ပြောင်းလဲထားတာမရှိပါဘူး။ သို့သော် ဒီ(၃)နှစ်အတွင်းမှာ Interior ပိုင်းပိုပြီး ခေတ်မှီလာ တာရှိတယ်။ ပိုပြီး ဒီဇိုင်းဆန်းသွားတာမျိုးရှိပါတယ်။ သုံးမယ့်ပစ္စည်းတွေကို သူ့ခေတ်နဲ့သူ Update ဖြစ်တဲ့ Product, Material နဲ့ Service ပိုင်းတွေကို အသေချာရွေးချယ်တယ်။ Infinity Swimming Pool ထက် ပိုတဲ့ Beach ဆန်တဲ့ ကမ်းခြေဒီဇိုင်းမျိုးနဲ့ အသစ်ထည့်လုပ်ထားပေးပါတယ်။ နောက်ထပ် အသစ်ထပ်လုပ်မယ့် Plan အကြီးတစ်ခုလည်း ရှိပါသေးတယ်။ အဲ့ဒါကတော့ ကားဝင်တဲ့ပုံစံကို ပြောင်းထားတယ်။ နဂိုတုန်းကတော့ TMW Complex ဘက်အခြမ်းကနေ ကားဝင်ပြီး ဆရာစံလမ်းထောင့်ကနေ ကားထွက်သွားတယ်။ ကွန်ဒိုမှာနေတဲ့သူ တွေအတွက်လည်း စဉ်းစားသလို၊ လမ်းမမှာနေတဲ့ သူတွေအတွက်လည်း ထည့်သွင်းစဉ်းစားပြီးတော့ ကမ္ဘာအေးဘုရားလမ်းနဲ့အပြိုင် ကွန်ဒိုအတွင်းကနေ လမ်းတစ်လမ်းထပ်ဖောက်လုပ်ပေး လိုက်တယ်။ ဒါဆို ကမ္ဘာအေးဘုရားလမ်းကနေ ဝင်မယ်ဆိုရင် လမ်းက (၄၅)ဒီဂရီ ချိုးပြီးဝင်စရာမလိုတော့ဘူး။ အပြိုင်လမ်းခွဲလေး လုပ်ပေးလိုက်တော့ နိုင်ငံတကာမှာ ဟိုင်းဝေးလမ်းမကြီးကနေ သက်ဆိုင်ရာဇုန်တစ်ခုခုထဲဝင်မယ်ဆိုရင် Parallel လမ်းခွဲလေးတွေရှိတယ်။ အဲ့ဒါဆို ဟိုင်းဝေးလမ်းမကြီးကို အနှောင့်အယှက်မပေးတော့ဘူး။ ဒါကြောင့် ကမ္ဘာအေးစေတီလမ်းနဲ့ အပြိုင်လမ်းတစ်လမ်းကို ကျွန်တော်တို့ Compound ထဲမှာ လုပ်ပေးလိုက်တယ်။ ရန်ကုန်မြို့တော် စည်ပင်သာယာနဲ့ ရန်ကုန်တိုင်းဒေသကြီး အစိုးရအဖွဲ့ကလည်း ခွင့်ပြုချက်ရထားပြီးပါပြီ။ ကားလမ်းပိတ်တာတို့ နောက်ကျတာတို့ အနှောင့်အယှက်မဖြစ်တော့ပါဘူး။ လမ်းမပေါ်မှာရှိတဲ့သူတွေအတွက် ပါ ကျွန်တော်တို့ ထည့်သွင်းစဉ်းစားပြီး လုပ်လိုက်တယ်။ အဲ့ဒါကတော့ နောက်ဆုံး Update Plan ပါ။ 

မေး - ရန်ကုန်မြို့မှာ သိပ်မကြာခင် ဒီဇိုင်းဆန်းဆန်းလေးနဲ့ မြင်တွေ့ရမယ့် 68 Residence နဲ့ တခြားသော ကွန်ဒို ပရောဂျက်တွေနဲ့ ကွားခြားမှု၊ ထူးခြားမှုတွေ ဘာတွေများရှိမလဲရှင့်❓

ဖြေ - မြန်မာပြည်ရဲ့ ကွန်ဒိုမီနီယံမားကတ်က နိုင်ငံတကာနဲ့ ယှဉ်ရင် သေးသေးလေးပါ။ အကိုတို့ စပြီး Launch လုပ်တဲ့အချိန်မှာ ဈေးကွက်ထဲမှာ ဆောက်လုပ်နေပြီးဖြစ်တဲ့ တခြား ဆောက်လုပ်ရေး ကုမ္ပဏီတွေက ဘယ်လို ဝန်ဆောင်မှုပေးနေလဲဆိုတာ ကျွန်တော်တို့ ကြည့်ပါတယ်။ ပြီးတော့ Customer တွေရဲ့ လိုအပ်ချက်က ဘာတွေလဲ။ သူတို့လိုအပ်ချက်နဲ့ ဈေးကွက်ထဲမှာရှိနေတဲ့ ကုမ္ပဏီတွေက ပေးနိုင်တဲ့ဟာ ပေါ့နော်။ ကြားထဲမှာကတော့ ကွာဟချက်က ရှိနိုင်တာပဲလေ။ Customer တွေက အမြဲအသစ်အသစ်တွေ ပိုလိုချင်တယ်။  68 Residence က သူများနဲ့ လုံးဝကွဲပြားနေတယ်။ Customer တွေဘက်က 68 Residence က သူများတွေနဲ့ မတူတဲ့အချက်တွေရှိနေတယ်ဆိုတဲ့ အတွေးကို ကြည့်တယ်။ ကွာခြားချက်တွေကတော့ နံပါတ်(၁)က အဲ့ဒီအချိန်က ဘိုးဘွားပိုင်မြေပေါ်မှာ ဆောက်လုပ်တဲ့ ပရောဂျက်က ရှားတယ်လေ။ 68 Residence က ဘိုးဘွားပိုင်မြေပေါ်မှာ ဆောက်လုပ်တာပါ။ နေရာကတော့ ရန်ကုန်မြို့ရဲ့ အထင်ကရနေရာမှာပါ။ နောက်တစ်ချက်ကတော့ ရန်ကုန်မြို့မှာ အထပ်မြင့်ကွန်ဒိုတွေက (၂၆)ထပ် (၂၇)ထပ်၊ (၃၀)အထပ် ထိကို ရှိတယ်။ ဒါပေမယ့် Swimming Pool ကို ဘယ်သူကမှ အမြင့်ဆုံးမှာ မထားပါဘူး။ များသောအားဖြင့် (၄)ထပ် ဒါမှမဟုတ်(၁၁)ထပ်မှာ ထားပါတယ်။ အမြင့်ဆုံးမှာထားရင် ဈေးက နှစ်ဆလောက်ကွာသွားပါတယ်။ ဘာလို့လဲဆိုတော့ ဒီအလေးချိန်ကို ခံနိုင်ဖို့အတွက် အခြေခံအောက်ထပ်မှာ ကွန်ကရစ်ထု(၁၀)ပေ (Concrete Slab) ထားပါတယ်။ ရန်ကုန်တစ်မြို့လုံးမှာရော အာရှတိုက်တစ်ခုလုံးမှာပါ ဒါဟာ အထူဆုံးပါပဲ။ မလေးရှားမှာရှိတဲ့ Twin Tower တောင် (၆)ပေခွဲပဲ အထူရှိပါတယ်။ ကားလမ်းမနဲ့နီးတဲ့အတွက် သက်ဆိုင်ရာဌာနကနေပြီးတော့ (၁၀)ပေအထူလုပ်ခိုင်းပါတယ်။ Customer တွေအတွက် စိတ်ချလုံခြုံရသလို ရေရှည်အတွက်လည်း ကောင်းမယ်ဆိုတော့ ဒေါ်လာ(၄)၊ (၅)သန်းလောက် ပိုပြီးအကုန်ကျခံ တည်ဆောက် ထားပါတယ်။ ဒါကြောင့် 68 Residence အဆောက်အဦးသည် Iconic Building ဖြစ်ရမယ်။ ကွန်ဒိုမှာနေထိုင်တဲ့သူတွေအတွက် “Safety” ဟာ ကျွန်တော်တို့ရဲ့ အဓိက ရည်မှန်းချက်ပါပဲ။ 68 Residence မှာလည်း Swimming Pool က နှစ်ခုရှိပါတယ်။ Summerset အတွက် (၄)ထပ်မှာ တစ်ခုနဲ့ (၂၆)ထပ်ခွဲမှာတော့ ကွန်ဒိုအတွက်ဆိုပြီးတစ်ခု တည်ဆောက်ထားပါတယ်။ ဒီနှစ်ခုလုံးရဲ့ အလေးချိန်ကို ခံနိုင်ဖို့အတွက် (၄)ထပ်မှာ ကွန်ကရစ်ထု(၆)ပေရှိတဲ့ Transfer Slab ဆိုပြီး ထပ်လုပ်ရပါတယ်။ အဲ့ဒါမျိုးက မြန်မာပြည်မှာလုံးဝမရှိသေးဘူးဆိုတာ လေ့လာကြည့်လို့ရပါတယ်။ Architect ကျောင်းသားတွေ လေ့လာတော့မယ်ဆိုရင် Concrete Slab ထုနဲ့ ပတ်သက်ပြီးလေ့လာစရာဆိုလို့ မြန်မာပြည်မှာ ကျွန်တော်တို့ 68 Residence ပဲရှိပါတယ်။ ဒါကြောင့် ကွန်ဒိုကိုလာပြီးတော့ မကြာခဏလေ့လာရေးလာဆင်းတာမျိုး ရှိတယ်။ နောက်ထပ်ထူးခြားချက်တစ်ခုကတော့ မြန်မာပြည်ရဲ့ ရာသီဥတုက ပူအိုက်စွတ်စိုတဲ့ ရာသီဥတုပုံစံမျိုးဆိုတော့ ကွန်ဒိုမှာနေမယ့်သူတွေအတွက် အပူဒဏ်နဲ့ အသံဆူညံမှုတွေအတွက် စဉ်းစားထားပါတယ်။ ပရောဂျက် တည်နေရာကလည်း ကမ္ဘာအေးဘုရားလမ်းကို ပေ(၆၀)နောက်ဆုတ်ပြီး တည်ဆောက်ထားတဲ့ ပရောဂျက် ဖြစ်သလို၊ နေပူဒဏ်ကို စဉ်းစားတဲ့အခါမှာ အသံရဲ့ ဆူညံမှုကိုပါ တွဲပြီးစဉ်းစားလိုက်တယ်။ ဒါကြောင့် Low – E – Double Glass တွေ တပ်တယ်။ Low Energy Consumption Glass တွေလို့ပြောလို့ရပါတယ်။ အဲ့ဒါတွေ သုံးခြင်းအားဖြင့် ဈေးနှုန်းပိုကျတာပေါ့နော်။ ဒါပေမယ့် အသံရဲ့ ဆူညံမှုတွေနဲ့ နေရဲ့ အပူဒဏ်ကို (၇၅)ရာခိုင်နှုန်းထိ လျော့ချပေးနိုင်တဲ့ အားသာချက်ရှိတယ်လေ။ ကျွန်တော်သိသလောက်တော့ တစ်ချို့ Office တွေတော့ Low E Glass သုံးတယ်ပြောပါတယ်။ ဒါပေမယ့် ဘယ်ကွန်ဒိုမှာမှ မသုံးသေးဘူး။ ဈေးနှုန်းအနေနဲ့ မှန်တစ်ချပ်ရဲ့ ဈေးနှုန်းနဲ့ နှစ်ချပ်ရဲ့ ဈေးနှုန်းက ပိုပြီး ပိုသွားသလိုပဲ မှန်နှစ်ချပ်ကြားထဲမှာလည်း အာဗွန်ဓာတ်ငွေ့ထည့်ထားတော့ ပိုပြီး ဈေးကြီးပါတယ်။ ဒါကတော့ 68 ရဲ့ ထူးခြားချက်ပါပဲ။ နောက်ထပ်တစ်ခုကတော့ Safety ပိုင်းပါပဲ။ Fire Safety မီးဘေးလုံခြုံမှုက တော့ အရေးကြီးဆုံးပါပဲ။ 68 Residence ရဲ့ ဘေးကပ်လျက်မှာ Somerset Service Apartment ပါဝင်ပါတယ်။  Ascott Somerset Service Apartment ဟာ စီမံခန့်ခွဲမှုအပိုင်းမှ တစ်ကမ္ဘာလုံးမှာ နံပါတ်(၁) ရထားတာ ငါးနှစ်ဆက်တိုက်ရှိပါပြီ။ ကမ္ဘာ့နံပါတ်(၁)နေရာမှာ အခုချိန်ထိ ရပ်တည်နေတဲ့ Ascott ရဲ့ ဝန်ဆောင်မှု ထဲမှာ  Automatic Fire Alarm နဲ့ Sprinkler System တွေပါဝင်တယ်။ အလိုအလျောက်ရေဖြန်းတဲ့စနစ်တွေ ပါဝင်တော့ Customer တွေအတွက် မီးဘေးအထူးလုံခြုံမှုရှိတဲ့ အဆောက်အဦးလည်း ဖြစ်ပါတယ်။

Sky Garden လည်း ပါတော့ Green Environment ကို ဖော်ဆောင်ထားသလို၊ ပေ(၃၀)ကနေ (၅၀)ကြား ပတ်လည်ရှိတာကြောင့် လေ့ကျင့်ခန်းလုပ်ဖို့ဖြစ်ဖြစ်၊ အပန်းဖြေဖို့ဖြစ်ဖြစ် အထောက်အကူပြုထားပြီးတော့ ကိုယ်ပိုင်လုံးချင်းခြံဝင်းနဲ့ နေထိုင်နေတဲ့ ခံစားချက်မျိုးကိုလည်း ပေးထားပါတယ်။ ဒါတွေအားလုံးက Customer တွေလိုချင်တာနဲ့ ကိုက်ညီမယ့် GAP လေးတစ်ခုကို ဖြည့်ဆည်းပေးတဲ့သဘောပါပဲ။

မေး - ကွန်ဒိုဝယ်ယူမယ့်သူတွေနဲ့ ဝယ်ယူပြီးသားသူတွေအတွက်ရော ငွေပေးချေမှုပုံစံကို ဘယ်လို သတ်မှတ် ထားပါသလဲရှင်❓

ဖြေ - (၃၀)ရာခိုင်နှုန်းပြည့်ပြီးသား Customer တွေကို ကျန်တဲ့(၇၀)ရာခိုင်နှုန်းအတွက် KBZ Bank နဲ့ (၁၀)နှစ် ၊ (၁၅)နှစ် နှစ်ရှည်အရစ်ကျနဲ့ ချိတ်ဆက် စီစဉ်ပေးပါတယ်။ Hire Purchase ဆိုပေမယ့် အတိုးအားလုံးကို Customer တွေက သွင်းစရာမလိုဘဲနဲ့ ကုမ္ပဏီနဲ့ Customer ကြားမှာ ညှိနှိုင်းပြီး  ပေးသွင်းနိုင်အောင် စီစဉ်ထားပါတယ်။ Cash Down ဝယ်ယူတဲ့သူတွေအတွက်လည်း အဆင်ပြေအောင် စီစဉ်ပေးပါတယ်။ Customer , Bank နဲ့ ကုမ္ပဏီ သုံးဦးလုံးအဆင်ပြေအောင် လုပ်ပေးပါတယ်။ Customer တွေအဆင်ပြေဖို့ကို အမြဲတန်းထည့်စဉ်းစားသလို၊ သူတို့ပေးလိုက်ရတဲ့ငွေနဲ့ ထိုက်တန်တဲ့ Value for Money ဆိုတဲ့ အချက်ကို စဉ်းစားပေးပါတယ်။ 

မေး-  68 Residence ရဲ့တည်နေရာအရ ကမ္ဘာအေးဘုရားလမ်းနဲ့ ဆရာစံလမ်းထောင့်မှာ တည်ရှိနေတာကြောင့် နေရာအားဖြင့် ကောင်းမွန်တဲ့ အနေအထားမှာ တည်ဆောက်ထားတာပေါ့နော်။ ဒါဆို ကွန်ဒိုရဲ့ အနီးတစ်ဝိုက်မှာ တစ်ခြားထင်ရှားတဲ့ အရာတွေ ဘာတွေရှိဦးမလဲဆိုတာလည်း ပြောပြပေးပါဦး❓

ဖြေ - ဘေးပတ်ဝန်းကျင်မှာတော့ ကွန်ဒိုတွေထွက်ပေါ်လာဖို့ရှိပါတယ်။ထူးခြားတာတော့ 68 Residence ကနေ နည်းနည်းဆက်သွားရင် မြန်မာပလာဇာရောက်မယ်။ မြန်မာပလာဇာမှာဆိုရင် ဈေးထွက်ဝယ်လို့ရတယ်။ သူ့ရဲ့ မျက်နှာချင်းဆိုင်မှာလည်း Sedona Hotel ရှိတယ်။ ဒီဆရာစံလမ်းမပေါ်မှာဆိုရင် International Restaurant တွေရှိတယ်။တခြားနာမည်ကြီး စားသောက်ဆိုင်တွေလည်း ရှိပါတယ်။ အခုသိပ်နာမည်ကြီးနေတဲ့ Worldwide Karaoke ဒီအနီးနားတစ်ဝိုက်မှာပဲရှိပါတယ်။ နေရမယ့်သူတွေအတွက် အရမ်းအဆင်ပြေတာမို့ အပြင်ထွက်ပြီးထမင်းစားမလား၊ ဈေးဝယ်ထွက်မလား၊ ဒါတွေအားလုံးကို အချိန်(၅)မိနစ်လောက်နဲ့ လုပ်ဆောင်လို့ရတယ်လေ။ အင်းလျားကန်မှာ အပန်းဖြေမလား။ ကန်တော်ကြီးသွားမလား၊ ခရီးထွက်ဖို့ ရန်ကုန်လေဆိပ်သွားမလား၊ အရမ်းကို အဆင်ပြေပြီး သွားလာရ အချက်အချာကျတဲ့နေရာမှာ တည်ဆောက်ထားတာပါ။ ရန်ကုန်မြို့ရဲ့ ထောင့်စွန်တွေမှာမဟုတ်ဘဲ အလယ်လောက်မှာ တည်ရှိတဲ့ တကယ်ကို နေထိုင်ချင်စရာကောင်းတဲ့ အဆောက်အဦးလေးတစ်ခုအဖြစ် ပေါ်ထွက်လာဖို့ ကျွန်တော်တို့ ရည်ရွယ်ထားပါတယ်။ 

မေး- ကွန်ဒိုမှာနေထိုင်မယ့် သူတွေအတွက် တစ်ခြား ပေးဆောင်ရမယ့် လစဉ်ကြေးတွေကို ဘယ်လို သတ်မှတ်ထားပါသလဲ❓

ဖြေ - ဒီကိစ္စနဲ့ ပတ်သတ်ပြီး အစ်ကိုတို့ စဉ်းစားထားတာက Condo Management ဆိုတာ အရမ်းအရေးကြီးတာ ပေါ့နော်။ Serviced Apartment ကလည်း ကမ္ဘာ့နံပါတ်(၁) Brand Management ဖြစ်တဲ့ Somerset က စီမံပြီးလုပ်သွားမှာပါ။ Somerset နဲ့ အတူတူတွဲလုပ်တဲ့ ကမ္ဘာ့အဆင့် နံပါတ်(၁) Condo management ဖြစ်တဲ့ CBRE ကနေ ဝန်ဆောင်မှုပိုင်းတွေမှာ စီမံခန့်ခွဲနေတာဖြစ်ပါတယ်။ သူကိုယ်တိုင်ကလည်း မြန်မာပြည်မှာ Management လုပ်ဖူးတော့ ဈေးကွက်ကိုကောင်းကောင်းသိတယ်။ မြန်မာပြည်ဈေးကွက်မှာရှိတဲ့ Condo တွေရဲ့ ရောင်းဈေးကိုကောင်းကောင်းသိတယ်။ ကမ္ဘာ့နံပါတ်(၁) Management တွေလာပြီး ဈေးတွေ အရမ်းကြီးနေမလားဆိုပြီး တစ်ချို့တွေကလည်း စိတ်ပူကြပါတယ်။ ကျွန်တော်ပြောချင်တာကတော့ အဲ့လိုမဟုတ်ပါဘူး။ ထိုက်သင့်တဲ့ Living Standard နဲ့ ကိုက်ညီတဲ့ Condo Management ပဲဖြစ်စေရမယ်။ ပြီးတော့ Customer တွေပေးလိုက်ရတဲ့ Management Fees နဲ့ ထိုက်တန်တဲ့ ဝန်ဆောင်မှုဖြစ်စေရပါမယ်။

မေး - 68 Residence မှာ သုံးထားတဲ့ Brand တွေက နိုင်ငံတကာအဆင့်မှီ Brand တွေပဲ အသုံးပြုထားတယ် လို့ သိရပါတယ်။ ရှင်းပြပေးပါဦး❓

ဖြေ - ကျွန်တော်တို့က Brand တစ်ခုကို သုံးတော့မယ်ဆိုရင် ပစ္စည်းတွေကအစ Construction မှာ အတူတူလုပ်တဲ့ Strategic Partaner တွေ ပါဝင်ရပါတယ်။ ဆောက်လုပ်ရေးလုပ်ငန်းတစ်ခု လုပ်မယ်ဆိုရင် နံပါတ်(၁) Architecture Team လိုတယ်၊ Consultant တွေလိုတယ်၊ Foundation လုပ်မယ့် Company တွေလိုတယ်။ Main Constructor ဆိုတဲ့ Company တွေလိုပါတယ်။ Main Constructor တွေရဲ့ အောက်မှာမှ Mechanical Electrical တွေလိုတယ်။ Double Glass တွေ Low – E တွေပဲ သုံးထားတာမို့ ်ၤFacade တွေလိုတယ်။ ို နောက်ပြီး Interior ပိုင်းတွေလိုတယ်။ အဲ့ဒီကုမ္မဏီတွေကို  ရွေးချယ်တဲ့အခါမှာ ဲ့ ကုမ္ပဏီတွေအကုန်လုံးက World Class Company တွေပဲဖြစ်တယ်။ အားလုံး နံပါတ်(၁)အဆင့်တွေချည်းပါပဲ။ နောက်ပြီးတော့ International Award အများဆုံးရထားတဲ့ ကုမ္မဏီတွေပဲ သုံးထားတာ ဖြစ်ပြီး ပြည်တွင်းကုမ္ပဏီတွေ တခုမှမပါဝင်ပါဘူး။ ပြည်တွင်းကုမ္ပဏီ တွေကို မယုံကြည်လို့ မဟုတ်ပါဘူး။ ကျွန်တော်တို့ရဲ့ ပရောဂျက်ကိုက နဂိုထဲက Iconic Building တစ်ခုဖြစ်တဲ့ High Technology ဖြစ်တဲ့ ကွန်ကရစ်(၁၀)ပေထု Shear Wall နဲ့ (၄)ထပ်မှာရှိတဲ့ (၆)ပေထု ကွန်ကရစ်စလပ် အဲ့တာတွေအားလုံးက နည်းပညာအမြင့်တွေချည်းပဲဖြစ်ပါတယ်။ အပေါ်ထပ်ကို အထပ်တွေ တစ်ထပ်ပြီးတစ်ထပ်တက်ရင် အချိန်မှီလည်းပြီးရမယ်။ ကောင်းဖို့အတွက် Forward System , နောက်ပြီးတော့ မျက်နှာစာပတ်ပတ်လည်မှာ မှန်တွေနဲ့ တည်ဆောက်ထား တာပါ။ တော်တော်များများ Condo Projectတွေမှာက အုတ်နံရံနဲ့ မှန်တွေညှပ်လိုက်ရင် ကုန်ကျ စရိတ်လည်း သက်သာတယ်၊ နည်းပညာလည်း သိပ်မလိုဘူး ၊ခနလေးနဲ့လည်း တည်ဆောက်မှု ပြီးစီးပါတယ်။ ကျွန်တော်တို့ 68ပတ်ပတ်လည်မှာက မှန်တွေချည်းပဲဖြစ်တယ်။  အဲ့ဒီအတွက် နည်းပညာပိုင်းမြင့်မာပြီး တကယ်ကို အတွေ့အကြုံရှိတဲ့ ကုမ္ပဏီတွေနဲ့ ချိတ်ဆက်ပြီး တည်ဆောက်ရပါတယ်။ ရေချိးခန်းသုံးပစ္စည်းတွေ Interior နဲ့ပတ်သတ်တာတွေရောကြမ်းပြင်တွေ၊ မျက်နှာကျက်၊ Lighting, တွေကအစ နာမည်ကြီး ပစ္စည်းအမျိုးအစားတွေပဲ အသုံးပြုထားတာပါ။ Developer တစ်ယောက်အနေနဲ့ လုပ်တာက ီProject လေးတစ်ခုပဲ အောင်မြင်ဖို့ လုပ်တာမဟုတ်ပါဘူး။အကျိုးအမြတ်ရဖို့လုပ်တာလည်း မဟုတ်ပါဘူး။ မြန်မာပြည်မှာ ရန်ကုန်မြို့ ကြီး ရှိနေသရွေ့ ကာလပတ်လုံး Iconic Building အဖြစ် 68 Residenceလည်း ကျန်ရှိနေရမယ်။ အကျိုးအမြတ်လုံးဝမရှိတဲ့ Project ဖြစ်ချင်လည်းဖြစ်မယ်၊ ရှုံးကောင်းရှုံးနိုင်မယ် ဒါပေမဲ့  အရေးမကြီးပါဘူး။ ဒီProjectက ကျွန်တော် ရွှေနန်းတော်မိသားစုကနေ လုပ်တဲ့ Project ဖြစ်တယ် မိဘနှစ်ပါးကိုကျေးဇူးဆပ်တဲ့ Project ဆိုလဲ မမှားပါဘူး။ အဲ့ဒါကြောင့် ကျွန်တော်တို့ အသေအချာ လေးလုပ်သွားမှာဖြစ်သလို၊ နောင်လုပ်မယ့် Projectတွေမှာလည်း အကောင်းဆုံးဖြစ်အောင် လုပ်သွားမှာပါ၊။

မေး - နောက်ထပ် ဘယ်လိုအိမ်ရာပရောဂျက်အမျိုးအစားတွေ တည်ဆောက်သွားဖို့ရှိပါသလဲရှင့်။❓

ဖြေ - မဟာဗန္ဓုလလမ်းနဲ့ စဉ့်အိုးတန်းလမ်းထိပ်မှာ ပေ(၆၀)ပတ်လည် ရှိတဲ့ အိမ်ရာတစ်ခု ဆောက်ဖို့ ရှိပါတယ်။ အဲ့Projectကတော့ အရမ်းမကြီးပါဘူး၊ Somerset ရဲ့ Brand တစ်ခုဖြစ်တဲ့ Citadines နဲ့ ပြောထားပါတယ်။ သူတို့လည်း လုပ်ဖြစ်ဖို့ရှိတယ်။ မြို့လယ်ခေါင်မှာ Commercial Life ဆန်ဆန် စီးပွားရေးသမားတွေ အနားယူတာမျိုးမဟုတ်ဘဲ လုပ်စရာရှိတာလုပ်တယ် တည်းစရာရှိတာတည်းတယ်။ အဲ့လိုမျိုး Commercial Life ပေါ့နော်။ စဉ်းအိုးတန်းလမ်းထိပ်မှာ ဆောက်ဖို့ Citadines Service Apartment ရဲ့ Design ကိုလည်း 68လိုပဲ ပတ်ပတ်လည်မှာ မှန်တွေနဲ့ တကယ့်ကို World Class ဖြစ်အောင်လုပ်ထားပါတယ်။ အဆောက်အဦးတစ်ခုကို ကုန်ကျတာချင်းအတူတူ အချိန်ကုန်တာချင်းအတူတူ ရေရှည်ကိုပဲကြည့်ပြီးတည်ဆောက်ဖို့ ဆုံဖြတ်ထားပါတယ်။ ကျွန်တော်တို့က နံပါတ် (၁) Ever Lasting Design ကို ကြည့်တယ်။ နံပါတ်(၂) ဆောက်လိုက်တဲ့ Ever Lasting တိုင်းကလည်း Excellent ဖြစ်ရမယ်။ နံပါတ်(၃)ကတော့ Elegant ဖြစ်ရမယ်။ ဒီ “E” သုံးချက်ကို စဉ်းစားပြီး အမြဲတမ်းအဲ့လိုမျိုးဖြစ်အောင် တည်ဆောက်ပါတယ်။

မေး - 68 Residence တည်ထောင်သူတစ်ယောက်အနေနဲ့ Customer တွေကို မေတ္တာစကားလေး ပြောပေးပါဦး❓

ဖြေ -  (၂၀၁၄)ခုနှစ် မတ်လ (၁၆)၊ (၁၇) မှာ 68 Residence စတင်ဆောက်လုပ်ဖို့ကြေညာတဲ့အချိန်မှာ ကျွန်တော်တို့ ဒီလုပ်ငန်းကို တခါမှ မလုပ်ခဲ့ဖူးပါဘူး၊ ဒါပေမဲ့ ရှေ့မှာ အကိုတို့ရဲ့ မိခင်ကုမ္မဏီဖြစ်တဲ့ ရွှေနန်းတော်စိန်ရွှေရတနာဆိုင်က  အနှစ်(၂၀)ကျော်ခဲ့တယ်၊ ဈေးကွက်မှာ Market Leader အဖြစ်နဲ့ ရပ်တည်ခဲ့တယ်။ အဲ့ဒါကို ယုံကြည်ပြီး ဒီလုပ်ငန်းကြီးလုပ်ဖြစ်ဖို့အတွက် ဝိုင်းဝန်းပြီးအားပေးတဲ့ မိတ်ဟောင်း Customerကြီးတွေကိုလဲ ကျေးဇူးတင်ပါတယ်၊ ပြီးတဲ့အခါ တစ်လျှောက်လုံးမှာလည်း ကောလဟလတွေအများကြီးထွက်တယ်၊ ဒါကိုအားလုံးလည်းသိပါတယ်။ ဘာလို့လဲဆိုတော့ (၈)ထပ်ကျော်တဲ့ Project တွေအားလုံး အကုန်စစ်ဆေးမှု လုပ်ခဲ့တာဖြစ်ပါတယ်။ သို့သော် ဒီလိုအခက်အခဲ ကောလဟလတွေ ကြားထဲမှာတောင်မှ ကျွန်တော်တို့ကို ယုံယုံကြည်ကြည်နဲ့ အခုထက်တိုင် လက်တွဲပြီးတော့ အကိုတို့နဲ့ အတူတူ အားပေးခဲ့တဲ့ မိတ်ဟောင်း Customer တွေအပြင် ထပ်မံအားပေးတဲ့ မိတ်အသစ် Customer တွေအားလုံးကို ကျေးဇူးတင်ပါတယ်၊ ဒီကောလဟလတွေကို ကျွန်တော်တို့် Impactဖြစ်ရင် Customerတွေလည်း Impact ဖြစ်မှာပေါ့၊ ဒီလိုကောလဟလဖြစ်ရင် ဘယ်သူ့ကိုမှမမေးပဲနဲ့ ကျွန်တော့်ကိုပဲ Straight Forward မေးပါ၊ အရှိကို အရှိအတိုင်း အမှန်ကိုအမှန်တိုင်းချပြမှာဖြစ်တယ်၊ ဘာလို့လဲဆိုတော့ Customer တွေရဲ့ Commitment ကိုငွေနဲ့ ဝယ်လို့မရပါဘူး၊ သမိုင်းကြောင်းတစ်လျှောက်လုံး ကိုယ်လုပ်ခဲ့တဲ့ စီးပွားရေးရဲ့ Customer တွေအပေါ်မှာ Commitment ရှိရှိ သစ္စာရှိရှိနဲ့ Customer တွေကို ဆက်ဆံပါတယ်။ကျွန်တော်တို့က ကတိတစ်လုံးကို တန်ဖိုးထားပါတယ်။ ဒါကြောင့်ယုံယုံကြည်ကြည်နဲ့ အားပေးကြ တယ်၊ အဲ့တာကြောင့် ယုံကြည်စွာနဲ့ဆက်လက်အားပေးပါ။ ကျွန်တော်တို့ဘက်ကလည်း Customer တွေ ယုံကြည်တဲ့အတိုင်း Customer တွေကို စိတ်မပျက်စေရပါဘူး။ ပိုပြီးတော့ ကောင်းမွန်တဲ့ဝန်ဆောင်မှုတွေနဲ့ သက်မှတ်ထားတဲ့အချိန်မှာ အမြန်ဆုံးပြီးစီးနိုင်ဖို့အတွက် နေ့ရောညပါတွန်းပြီးတော့ ဒီဆောက်လုပ်ရေးအဖွဲ့တွေ Consultantအဖွဲ့တွေနဲ့ အမြဲတမ်းတောက်လျှောက် Deal လုပ်ပြီးတော့ ပါဝင်နေပါတယ်။ မကြာခင်မှာ နှစ်သစ်ရောက်တော့မှာဖြစ်လို့ နှစ်သစ်မှာလည်း Customerတွေအနေနဲ့ စိတ်၏ချမ်းသာခြင်း ကိုယ်၏ကျန်းမာခြင်းနဲ့ ပြည့်စုံကြပါစေ၊ ဘဝနဲ့ဆန္ဒတစ်ထပ်တည်းကျပြီးတော့ ဘေးဥပါဒ်ကင်းရှင်းပါစေလို့ အကိုက ဆုတောင်းတယ်။  နှစ်သစ်ကိုဂုဏ်ပြုတဲ့အနေနဲ့  ဒီ(၂၀၁၈) ဇန်နဝါရီလ(၁၉)ရက်၊(၂၀)ရက်၊(၂၁)ရက် သုံးရက်တိုင်တိုင် 68 Residence Sales Gallery ရှိတဲ့ (၄၄)A ဆရာစံလမ်းမကြီးပေါ်မှာ မိတ်ဟောင်းမိတ်သစ် Customer တွေအတွက် ပွဲတစ်ပွဲ လုပ်ပေးမယ် 68 Residence ရဲ့ နှစ်သစ်ကူး အရောင်းပြပွဲကြီးပေါ့နော်။ လာရောက်ဝယ်ယူအားပေးတဲ့သူတွေကို Cash Down ဝယ်ရင် ဈေးနှုန်းတစ်မျိုးနဲ့ ရောင်းပေးမယ်၊ (၅၀)ရာခိုင်နှုန်းနဲ့ ဝယ်ရင် ဈေးနှုန်းတစ်မျိုးနဲ့ ရောင်းပေးမယ် ပုံမှန်ဝယ်တဲ့ Customerတွေအတွက် တစ်မျိုးရောင်းပေးဖို့ စီစဉ်ထားပါတယ်။ နှစ်သစ်ဖြစ်တဲ့အတွက်ကြောင့် Fully Furnished စနစ်နဲ့ ပရိဘောဂအပြည့်အစုံနဲ့ Luggageလေးဆွဲပြီး လာနေရုံပါပဲ။ ဒါတွေ အကုန်စီစဉ်ပေးထားပါတယ်။ ၊ Cash Down ဝယ်တဲ့ Customerတွေဆိုရင် (၁)စတုရန်းပေကို (၃၁၅) ဒေါ်လာ နဲ့ရောင်းပေးနေပါတယ်၊ တစ်ထပ်မြင့်တိုင်းမြင့်တိုင်းမှာ (ဝ.၅)ရာခိုင်နှုန်းစီ ဈေးမြင့်သွားပါတယ်၊ (၅ဝ) ရာခိုင်နှုန်း Down payment ပေးပြီး ဝယ်ယူသူတွေအတွက်ကျတော့ (၁)စတုရန်းပေကို (၃၃၅)ဒေါ်လာနဲ့ ဈေးထပ်လျော့ပြီး ရောင်းချပေးပါမယ်။ နောက်တစ်ခုက ပုံမှန်ဝယ်တဲ့ Customerတွေကိုကျတော့ (၁)စတုရန်းပေကို  (၃၅ဝ)ဒေါ်လာနဲ့ ရောင်းချပေးဖို့လည်း သေချာစီစဉ်ထားပါတယ်။Fully Furnishedနဲ့ အသင့်နေထိုင်ရုံပါပဲ၊ နှစ်သစ်မှာ ဒီလိုအစီအစဉ်တွေနဲ့ ရောင်းပေးသွားပါမယ်၊ အားလုံးကို ကျေဇူးတင်ပါတယ်။

Posted By : Ra Wai (ShweProperty.com)