တစ်နေ့တစ်ခြား တိုးပွားလာသော လူဦးရေကြောင့် ကမ္ဘာမြို့ပြများတွင် လူနေထူထပ်လာခဲ့သည်။ အထူးသဖြင့် စီးပွားရေး အချက်အချာကျသော မြို့ပြများတွင် လူဦးရေများ သိသာစွာ တိုးပွားလာသလို အဆောက်အအုံသစ်များလည်း အများအပြား ပေါ်ထွက်လာခဲ့သည်။
 

လူဦးရေ အဆမတန် များပြားလာသည့်အခါ ခိုလှုံနေထိုင်စရာ ရှားပါးလာသည့်အတွက် မြေနေရာများလည်း ဈေးနှုန်းအဆမတန် မြင့်တက်လာသည်။ ထိုအခြေအနေသို့ ရောက်ရှိလာသည့်အခါ ရှိသည့်မြေနေရာတွင် မိသားစုများများ နေထိုင်နိုင်အောင် ကြံဆခဲ့ကြသည်။
 

သို့ဖြစ်၍ ယခင်က မိသားစုတစ်စုတည်းသာ နေထိုင်နိုင်ခဲ့ကြသော မြေနေရာတစ်ကွက်သည် ယခုအခါ မိသားစုအများအပြား နေထိုင်နိုင်သော အထပ်မြင့်တိုက်ကြီးများ ဖြစ်လာခဲ့သည်။ အထပ်မြင့်တိုက်များ၏ သဘောသဘာဝအရ တိုက်ခန်းတစ်ခန်းစီတွင် နေထိုင်ကြသူများသည် မိမိပိုင်ဆိုင်သော အခန်းတစ်ခန်းစီ၏ အပေါ်တွင်သာ တာဝန်ရှိကြပြီး အများနှင့် သက်ဆိုင်သော ဧရိယာများပေါ်တွင် တာဝန်ယူမှု့မရှိကြပေ။
 

သမာရိုးကျ အထပ်မြင့် အဆောက်အအုံများရှိ တိုက်ခန်းများတွင် သီးသိးသန့်သန့်ပုံစံမျိုးဖြင့် ရာစုနှစ်တစ်စုကျော်မျှနေထိုင်လာခဲ့ကြပြီးနောက်တွင်လူနေမှု့ ပုံစံအသစ်ဖြင့်နေထိုင်ကြရသောခေတ်မီ အထပ်မြင့်တိုက်ကြီးများမှာ ကမ္ဘာနေရာဒေသအနှံအပြားတွင် ပေါ်ပေါက်လာခဲ့သည်။
 

ထိုခေတ်မီ အထပ်မြင့်အဆောက်အအုံများသည်ကား ကွန်ဒိုမီနီယံ (ခေါ်) Condominium Apartment များပင် ဖြစ်သည်။ ကွန်ဒိုမီနီယံများ မပေါ်ပေါက်မီ လွန်ခဲ့သောနှစ်ပေါင်း ၄၀ ကျော်က ဆောက်လုပ်နေထိုင်ခဲ့ကြသည့် သမာရိုးကျ အထပ်မြင့်အဆောက်အအုံများတွင် လူနေတိုက်ခန်းများ ဖွဲ့စည်းထားပုံကို
ယေဘုယျအားဖြင့် နှစ်မျိုးခွဲခြားနိုင်သည်။
 

ပထမတစ်မျိုးမှာ အိမ်ရှေ့မျက်နှာစာမှ အိမ်နောက်ဘက်မီးဖိုခန်းအထိ ရှေ့နောက်တိုးလျှိုပေါက်ဖြစ်သော တိုက်ခန်းမျိုးဖြစ်ပြီး ယင်းတိုက်ခန်းမျိုးကို Flat ဟုခေါ်သည်။ ယင်းသို့သော Flat တိုက်ခန်းမျိုးသည် မျက်နှာစာအလျားတိုပြီး ရှေ့နောက်အနံက ပို၍ရှည်သည်။
 

ဒုတိယအမျိုးစားမှာ အိမ်ရှေ့မျက်နှာစာနှင့် အိမ်နောက်ဘက်ရှိ မီးဖိုခန်း၏အကြားတွင် ဘုရားခန်း၊ ဧည့်ခန်း၊ အိပ်ခန်း၊ ထမင်းစားခန်း၊ ရေချိုးခန်း စသည်ဖြင့် သူ့နေရာနှင့် သူ့အခန်းများကို အကွက်ချဖွဲ့စည်းထားသော တိုက်ခန်းမျိုးဖြစ်ပြီး ယင်းတိုက်ခန်းမျိုးကို Apartment ဟုခေါ်သည်။
 

Apartment များ၏ဖွဲ့စည်းထားပုံ သဘောသဘာဝအရ အိမ်ရှေ့မျက်နှာစာအလျားနှင့် အိမ်၏ရှေ့နောက်အနံတို့မှာ အတိုင်းအတာပမာဏအားဖြင့် များစွာခြားနားမှု့မရှိဘဲ စတုရန်းပုံစံနီးပါးဖြစ်သော အနေအထားမျိုးရှိသည်။ Apartment တိုက်ခန်း အမျိုးအစားကိုပင် ရိုးရိုး Apartment နှင့် အဆင့်မြင့် Apartment ဟူ၍ ထပ်မံခွဲခြားနိုင်သည်။ အခန်းတိုင်းကို မျက်နှာစာ နှစ်ဖက်ရှိသော အခန်းများအဖြစ် ဖန်တီးတည်ဆောက်ထားပြီး အတက်အဆင်းလွယ်ကူစေရန်အတွက် ဓါတ်လှေကား တပ်ဆင်ပေးထားခြင်း၊ ရေပူရေအေးစနစ် တပ်ဆင်ပေးထားခြင်း၊ လေအေးပေးစက်များ တပ်ဆင်ပေးထားခြင်း၊
အရေးပေါ် မီးငြိမ်းသတ်နိုင်သောစနစ် တပ်ဆင်ပေးထားခြင်း၊ အရန်သင့်သုံးနိုင်သော လျှပ်စစ်ဓါတ်အားပေးစနစ် တပ်ဆင်ပေးထားခြင်း၊အ၀င်အထွက်ပေါက်များနှင့် လှေကားခွင်ဧရိယာများတွင် စောင့်ကြည့်ကင်မရာစနစ် (CCTV) တပ်ဆင်ပေးထားခြင်း၊ လုံခြုံရေးဝန်ထမ်းများကို အချိန်ပြည့်ထားရှိ စောင့်ကြပ်စေခြင်း စသောဝန်ဆောင်မှု့များပါဝင်သည့် Apartment များသည် အဆင့်မြင့် Apartment များဖြစ်ကြသည်။
 

အဆင့်မြင့် Apartment များသည် ကွန်ဒိုမီနီယံ တစ်ခု၏ အစိတ်အပိုင်းတစ်ရပ်မျှသာလျှင် ဖြစ်ပြီး ထိုမျှလောက်သော အဆင့်မြင့် Apartment မျိုးကို ကွန်ဒိုမီနီယံ ဟု ခေါ်ဆိုခြင်းမပြုနိုင်ပေ။ ကွန်ဒိုမီနီယံကို Flat၊ ရိုးရိုး Apartment၊ အဆင့်မြင့် Apartment စသည့် အခြားသော အဆင့်မြင့်တိုက်ခန်းအမျိုးအစားများနှင့် နှိုင်းယှဉ်မည်ဆိုပါက အနှစ်သာရအားဖြင့်ရော၊ အသွင်သဏ္ဍာန်အနေဖြင့်ပါ လုံးဝကွဲပြားခြားနားနေသည်ကို တွေ့ရှိရမည်ဖြစ်သည်။
 

ကွန်ဒိုမီနီယံ ဟူသော ဝေါဟာရ၏ အဓိကအနှစ်သာရ နှစ်ခုမှာ Ownership ဟုခေါ်သော ပိုင်ဆိုင်ခွင့်နှင့် Operation ဟုခေါ်သော အစီအစဉ်တကျ ခန့်ခွဲလုပ်ဆောင်ခွင့်တို့ပင်ဖြစ်သည်။ ထိုအနှစ်သာရနှစ်ခုအနက် Ownership ဟူသော ပိုင်ဆိုင်ခွင့်ဆိုသည်မှာ အရပ်အခေါ်အားဖြင့် တိုက်ခန်းတစ်ခန်းဟု သုံးနှုန်းနေကြသည့် Condominium Apartment ကြီး၏ ယူနစ်တစ်ခုတည်းကိုသာ ပိုင်ဆိုင်ခြင်းမျိုးမဟုတ်ဘဲ ထိုယူနစ်နှင့်တကွ ကွန်ဒိုမီနီယံ တည်ရှိရာမြေနေရာ ၊ ကွန်ဒိုမီနီယံ၏ ယူနစ်များ၌ နေထိုင်ကြသူ အားလုးံတို့အတွက် ဖန်တီးထားသည့် အများနှင့်သက်ဆိုင်သော နေရာအားလုံးကို အချိုးကျတရားဝင် ပိုင်ဆိုင်ခြင်းကို ဆိုလိုခြင်းဖြစ်သည်။
 

နောက်ထပ်အနှစ်သာရတစ်ခုဖြစ်သော Operation ဟူသော အစီအစဉ်တကျ ခန့်ခွဲလုပ်ဆောင်ခွင့်ဆိုသည်မှာ ကွန်ဒိုမီနီယံ၏ယူနစ်များ အားလုံးနှင့်တကွ ယင်းကွန်ဒိုမီနီယံ တည်ရှိရာ မြေနေရာအပါအ၀င် ကွန်ဒိုမီနီယံ ပရိဝုဏ်တစ်ခုလုံး၏ စီမံခန့်ခွဲရေးရာ ကိစ္စအ၀၀အား ယူနစ်တစ်ခုချင်း (တိုက်ခန်းတစ်ခန်းချင်း)ကို
ဝယ်ယူထားသူ အားလုံး၏ကိုယ်စား အများသဘောတူ ရွေးချယ်တင်မြှောက်ထားသော စီမံခန့်ခွဲရေး ကော်မတီဖြင့် စီစဉ်ခွင့်၊ ဆောင်ရွက်ခွင့်၊ ဆုံးဖြတ်ခွင့် ရှိခြင်းကို ဆိုလိုသည်။ Flat တိုက်ခန်းများ၊ ရိုးရိုး Apartment တိုက်ခန်းများ၊ အဆင့်မြင့် Apartment တိုက်ခန်းများကို ၀ယ်ယူနေထိုင်သူတို့သည် မိမိနေထိုင်ရာအခန်းကို အပျောက်စနစ်ဖြင့် ၀ယ်ယူထားခြင်းသာဖြစ်ပြီး အဆောက်အအုံ တည်ရှိရာမြေနေရာနှင့် ပတ်သက်၍ ပိုင်ဆိုင်ခွင့်၊ အရေးဆိုခွင့် မရှိကြသည့်အတွက် အကယ်၍ သဘာဝဘေးအန္တရာယ်တစ်ခုခုကြောင့်သော်လည်းကောင်း၊ အဆောက်အအုံ၏သက်တမ်းကုန်ဆုံး၍ ဖြိုဖျက်ရသည့်အခါ၌သော်လည်းကောင်း၊ မိမိတို့၏ အခွင့်အရေးများ ဆုံးရှုံးသွားရလေ့ရှိကြသည်။
 

သို့ရာတွင် ကွန်ဒိုမီနီယံများ၌မူ မြေပိုင်ရှင်ဟူ၍ သီးသန့်မရှိစေရဘဲ Apartment Unit များကို ၀ယ်ယူထားသူများက မိမိတို့အခန်းတစ်ခန်းချင်းစီသာမက ကွန်ဒိုမီနီယံ တစ်ခုလုံးရှိ အများနှင့်သက်ဆိုင်သော Common Area များ၊ Car Parking များ အပါအ၀င် အဆောက်အအုံ တည်ရှိရာ မြေနေရာကိုပါ အချိုးကျပိုင်ဆိုင်ကြသည့်အတွက် Condominium Apartment တိုက်ခန်းများကို ၀ယ်ယူနေထိုင်ကြသူများသည် အဆောက်အအုံ ပြင်ဆင်ခွင့်၊ မွမ်းမံခွင့်၊ တုိးချဲ့ခွင့် စသည်တို့အပါအ၀င် သဘာဝဘေးအန္တရာယ်ကဲ့သို့သော အကြောင်းတစ်စုံတစ်ရာကြောင့် ကွန်ဒိုမီနီယံကို ပြန်လည်တည်ဆောက်ရမည့်အခါမျိုးနှင် ကြုံကြိုက်ခဲ့ရလျှင်လည်း မိမိတို့၏ပိုင်ရေးဆိုင်ခွင့်နှင့် ပတ်သက်ခွင့်များကို လက်လွှတ်ဆုံးရှုံးရန် အကြောင်းမရှိနိုင်ပေ။


ကွန်ဒိုမီနီယံများသည် စုပေါင်းပိုင်ဆိုင်ကာ စုပေါင်းနေထိုင်ကြပြီး စုပေါင်းတာဝန်ယူရသော ခေတ်သစ်လူနေမှု့ဟန် ဖြစ်သည့်အတွက်Condominium Unit (တိုက်ခန်း) များကို ရောင်းချခွင့်၊ ၀ယ်ယူခွင့်၊ ပိုင်ရှင်အမည်ပြောင်းလဲခွင့်၊ ဘဏ်ချေးငွေ လျှောက်ထားရယူခွင့်၊ အဆောက်အအုံ မွမ်းမံပြင်ဆင်ခွင့်၊ အဆောက်အအုံသစ် ဆောက်လုပ်ခွင့် စသော စီမံခန့်ခွဲရေးရာ ကိစ္စရပ်များကို တိုက်ခန်းဝယ်ယူနေထိုင်ကြသူ အားလုံးတို့၏ ကိုယ်စားအများသဘောတူ ရွေးချယ်တင်မြှောက်ထားသော စီမံခန့်ခွဲရေးကော်မတီက မိမိတို့ကို အပ်နှင်းထားသည့် တာဝန်နှင့် လုပ်ပိုင်ခွင့်များအရ အချိန်နှင့်တပြေးညီ စီစဉ်ဆောင်ရွက်ပေးကြရမည်ဖြစ်သည်။
 

ကွန်ဒိုမီနီယံ၏ အသွင်သဏ္ဍာန်မှာလည်း Flat၊ ရိုးရိုး Apartment ၊ အဆင့်မြင့် Apartment တို့နှင့် လုံးဝကွဲပြားခြားနားလျှက်ရှိသည်။ ကွန်ဒိုမီနီယံ Apartment အဆောက်အအုံများတွင် Unit၊(တိုက်ခန်း) တစ်ခုချင်းစီကို ၀ယ်ယူထားကြသူအားလုံးနှင့် သက်ဆိုင်သော အများပိုင်နေရာအများအပြားကို ထည့်သွင်းဖန်တီး တည်ဆောက်ပေးထားရသည်။ ကွန်ဒိုမီနီယံတစ်ခု၏ ပရိဝုဏ်အတွင်း၌ လူနေတိုက်ခန်းများအပြင် ဧည့်ကြိုရုံးခန်း (Reception)၊ ဧည့်သည်လက်ခံတွေ့ဆုံသည့်နေရာ(Lobby) ၊ အပန်းဖြေနားနေနိုင်သောနေရာ ( Recreation Centre)၊ ရေကူးကန် (Swimming Pool ) ၊ လွယ်လင့်တကူ ၀ယ်ယူနိုင်သော အရောင်းဆိုင် ( Convenient Store ) စသည်တို့ကို တည်ဆောက်ထားရှိပေးရပြီး ယင်းတို့အားလုံးသည် ကွန်ဒိုမီနီယံယူနစ်တစ်ခုချင်းကို ၀ယ်ယူထားကြသည့် အခန်းပိုင်ရှင်အားလုံးတို့နှင့် သက်ဆိုင်သောနေရာများ ဖြစ်ကြသည်။
 

ကွန်ဒိုမီနီယံများ၏ နေထိုင်မှု့ပုံစံသည် တစ်ဦးချင်းစီက ၀ယ်ယူထားသော အခန်းတစ်ခန်းချင်းစီ၏ အပေါ်တွင် သက်ဆိုင်ပတ်သက်မှု့ရှိရုံမျှမက အထက်ဖော်ပြပါအများနှင့်ဆိုင်သော နေရာများအားလုံး၏အပေါ်တွင်ပါ သက်ဆိုင်ပတ်သက်နေကြသလို တာဝန်အသီးသီးလည်း ရှိကြသည်။ ထို့ပြင် ကွန်ဒိုမီနီယံများနှင့် သမာရိုးကျ အဆင့်မြင့် Apartment များ၏ မတူညီသော အချက်တစ်ခုမှာ အဆင့်မြင့် Apartment များတွင် ယာဉ်ရပ်နားရန်နေရာ ( Car Parking Area ) ကို တိုက်ခန်းဝယ်ယူထားကြသူတို့အတွက်သာ စီစဉ်ပေးထားသော်လည်း ကွန်ဒိုမီနီယံများ၌မူ Apartment Unit ကို ၀ယ်ယူထားသူတို့အတွက် သာမက အကြောင်းအမျိုးမျိုးဖြင့် လာရောက်ကြမည့်ဧည့်သည်များအတွက်ပါ လုံလောက်သော ယာဉ်ရပ်နားရန် နေရာများကို စီစဉ်ထားရှိပေးထားကြသည်။
 

သို့ဖြစ်၍ မြို့နယ် (သို့မဟုတ်) ရပ်ကွက်တစ်ခုတည်းအတွင်း၌ ဆောက်လုပ်ထားကြသော ကွန်ဒိုမီနီယံ Apartment နှင့် သမားရိုးကျ အဆင့်မြင့် Apartmentအဆောက်အအုံနှစ်ခုတို့သည် ဆောက်လုပ်ထားသော အရည်အသွေးချင်းလည်းတူညီပြီး အခန်း၏အကျယ်အ၀န်းချင်းလည်း တူညီကြသည်ဟု ဆိုခဲ့လျှင်သော်မှ ကွန်ဒိုမီနီယံနှင့် အဆင့်မြင့် Apartment တို့၏ တိုက်ခန်းဈေးနှုန်ူးမှာ အဆများစွာ ကွာခြားသည်ကို သတိပြုကြရမည်ဖြစ်သည်။ အကြောင်းမူကား ကွန်ဒိုမီနီယံ အခန်းပိုင်ရှင်တစ်ဦးအနေဖြင့် ခံစားခွင့်ရှိသော ပိုင်ရေးဆိုင်ခွင့်နှင့် စီမံခန့်ခွဲပိုင်ခွင့်မျိုးကို ကျန်မည်သည့်အမျိုးအစား Apartm ent တို့ တွင်မျှ မရရှိ နိုင်သောကြောင့်ပင်ဖြစ်သည်။
 

ထို့ကြောင့်ပင် အခန်းတစ်ခန်းချင်းကိုသာမက မြေကိုပါ အချိုးကျပိုင်ဆိုင်ခွင့်ရှိပြီး အခန်းပိုင်ရှင်တို့ ၏ အရေးကိစ္စအ၀၀ကိုလည်း ကိုယ်တိုင်ကိုယ်ကျ ဆန္ဒပြုခွင့်၊ တင်ပြခွင့်၊ ဆွေးနွေးခွင့် ၊ စီမံခန့်ခွဲခွင့်၊ ဆုးံဖြတ်ခွင့်၊ ဆောင်ရွက်ခွင့် အပြည့်အ၀ရှိသော တိုက်ခန်းမျိုးကသည်သာလျှင် အနာဂတ်အတွက် အာမခံချက်ခိုင်လုံပြီး အခန်းပိုင်ရှင်တို့၏ ဘ၀လုံခြုံမှု့ကို ပေးစွမ်းနိုင်သော ကွန်ဒိုမီနီယံ ယူနစ်အစစ်အမှန် ဖြစ်သည်ကို သိရှိထားသင့်ကြသည်။
 

ကမ္ဘာ့နိုင်ငံများသည် မိမိတို့နိုင်ငံအသီးသီးတွင် ကျင့်သုံးနေကြသော မြို့ပြအိမ်ရာဆောက်လုပ်ရေးနှင့် စီမံခန့်ခွဲရေးဆိုင်ရာ မူဝါဒများနှင့်အညီ ကွန်ဒိုမီနီယံ ဥပဒေများကိုရေးဆွဲပြဌာန်းထားသော ကွန်ဒိုမီနီယံ ဥပဒေများသည် တစ်နိုင်ငံနှင့်တစ်နိုင်ငံ ကွဲပြားနေကြသော်လည်း ကွန်ဒိုမီနီယံ တိုက်ခန်းဝယ်ယူနေထိုင်သူများ၏ အခွင့်အရေးကို အပြည့်အ၀ကာကွယ်ပေးထားသည့် အခြေခံအချက်များကမူ တူညီလေ့ရှိကြသည်။
 

အလားတူပင် ကွန်ဒိုမီနီယံ တိုက်ခန်းများကို သက်ဆိုင်ရာနိုင်ငံများ၏ နိုင်ငံသားများကတင်မကဘဲ၊ ပင်လယ်ရပ်ခြားနိုင်ငံများရှိ နိုင်ငံခြားသားများကပါ ၀ယ်ယူနေထိုင်နိုင်အောင် ၊ ပိုင်ရေးဆိုင်ခွင့်ရှိအောင် ဥပဒေများတွင် တစ်ပါတည်း ပြဌာန်းပေးထားတတ်ကြသည်။ အာရှတိုက်တွင် ဂျပန်နိုင်ငံတွင် ကွန်ဒိုမီနီယံများကို ပထမဦးဆုံး စတင်အကောင်အထည်ဖော် တည်ဆောက်နေထိုင်နိုင်ခဲ့နိုင်ငံဖြစ်သည်။မြေနေရာဈေးနှုန်း အလွန်ကြီးမြင့်သော ဂျပန်နိုင်ငံ၏ မြို့ကြီးများတွင် လွန်ခဲ့သော နှစ်ပေါင်း ၄၀ ခန့် ကွန်ဒိုမီနီယံများ ဆောက်လုပ်နေထိုင်မှု့ပုံစံ စတင်ခေတ်စားလာခဲ့သည်။
 

ဟောင်ကောင်ကျွန်းသည် အာရှတိုက်တွင် ကွန်ဒိုမီနီယံများ ဆောက်လုပ်နေထိုင်မှု့ပုံစံကို ဒုတိယမြောက် အကောင်အထည်ဖော်ခဲ့သော အာရှတိုက်၏ အလှပဆုံး ကျွန်းတစ်ကျွန်းဖြစ်သည်။ ဖွံ့ဖြိုးဆဲနိုင်ငံများ၌ သမားရိုးကျ အထပ်မြင့်တိုက်ခန်းများနေရာတွင် ကွန်ဒိုမီနီယံများကို အပြိုင်အဆိုင် ဆောက်လုပ်နေကြသလို သီးသီးသန့်သန့်ဖြင့် အဆင့်အတန်းမြင့်မားစွာ နေထိုင်နိုင်သော ကွန်ဒိုမီနီယံများသည် ခေတ်သစ်လူနေမှု့ဟန်အဖြစ် အလွန်ရေပန်းစားလျှက် ရှိနေပေသည်။

Ref : Myanmar Allinn
Posted By : Wai Phyoe Aung