Unicode Version

မြေပိုင်ဆိုင်မှုခိုင်မာအောင် ဘယ်လိုလုပ်မလဲ သိချင်ရင်တော့ ဒီစာကိုဆုံးအောင်ဖတ်ဖို့လိုမယ်ခင်ဗျ အတိအကျလိုက်နာဖို့တော့ လို တာပေါ့ခင်ဗျာ

မြေအရောင်းအဝယ်စာချုပ်တစ်ခုကိုဥပဒေနဲ့အညီ ဘယ်လိုစာချုပ်ချုပ်ဆိုကြမလဲ ပိုင်ဆိုင်မှုခိုင်မာအောင်စာချုပ်စာတမ်းတွေ ဘယ်လိုမှတ်ပုံတင်ကြမလဲ၊ကိုယ့်အမည်ပေါက်ဖြစ်အောင်လုပ်ကြမလဲ

ကျွန်တော်တို့ပိုင်ဆိုင်တဲ့ ငွေကြေးဓနဥစ္စာတွေနဲ့မြေကွက်တွေဝယ်တော့မယ်ဆိုရင်အရောင်းမှား အဝယ်မှားမဖြစ်အောင်ရယ်ပိုင်ဆိုင်မှုကို ခိုင်မာသထက်ခိုင်မာအောင်ဘယ်လိုလုပ်ကြမလဲဆိုတာ သိပ်အရေးကြီးပါတယ်

နောက်ကျောဓားနဲ့ထိုးခံရတယ်၊ယုံမိလို့ ဆုံးရှုံးကုန်တယ် နှုတ်ကတိပဲပေးမိပြီး ပြဿနာတက်တော့ကတိမပေးဖူးပါဘူးလို့ ဗြောင်လိမ်ဗြောင်စားလုပ်တာခံရဖူးတယ်ဆိုရင်တော့မဖြစ်ခင်က ကြိုတင်ကာကွယ်ထားနိုင်ဖို့အရေးကြီးမှန်းသိလောက်ပါပြီ။

တစ်ခါသေဖူးလို့ ပျဉ်ဖိုးနားလည်တဲ့သူတွေကတော့ဥပဒေအကြံဉာဏ်ယူတာကစလို့၊စာချုပ်ချုပ်တယ်၊ ရောင်းတယ်၊ ဝယ်တယ်ငှားရမ်းတယ်၊ ပေါင်နှံတယ်၊ ချေးငှားတယ်၊လွှဲပြောင်းတယ်ဆိုတဲ့ ကိစ္စရပ်တိုင်းမှာရှေ့နေတစ်ဦးက စနစ်တကျရေးတဲ့စာချုပ်နဲ့အသင့်ဖြည့်စာချုပ်တစ်စောင်ရဲ့တန်ဖိုးဘယ်လောက်တောင်ကွာခြားသလဲဆိုတာသိကြပါတယ်။

နှုတ်တစ်ရာ၊ စာတစ်လုံးဖြစ်တာမို့စာတစ်လုံးချင်းစီတိုင်းမှာ အသက်ဝင်နေဖို့လိုအပ်ပါတယ်ပြဿနာဖြစ်လာလို့ အရာအားလုံးဆုံးရှုံးသွားမယ့်ပမာဏနဲ့ စာချုပ်ချုပ်ဆိုစဉ်မှာ အထောက်အထားစစ်ဆေးခြင်း၊စာချုပ်ရေးသားခြင်းအတွက် ရှေ့နေခသုံးလိုက်ရတဲ့ပမာဏဟာ မိုးနဲ့မြေလိုကွာခြားပါတယ်။

အခုပြောပြမှာကတော့ပိုင်ဆိုင်မှုခိုင်မာအောင်လုပ်နည်းပါ။မြေတစ်ကွက်ကို ရှိစုမဲ့စုနဲ့ဖြစ်စေ၊ငွေပေါနေလို့ဖြစ်စေ ဝယ်ကြပြီဆိုရင်ဘယ်သူမှ ဆုံးရှုံးချင်မှာမဟုတ်ပါဘူး။

ဒါဆိုရင် အောက်ပါအချက်တွေကို အတိအကျလိုက်နာပါခင်ဗျာ

- ပထမဦးဆုံးအနေနဲ့ မိမိဝယ်ယူလိုတဲ့မြေကွက်ကို အမည်ပေါက်ဘယ်သူလဲ၊ မြေပိုင်ဆိုင်မှုအထောက်အထား၊ စာရွက်စာတမ်းတွေစုံ/မစုံ၊

- မူရင်းစစ်မှန်မှုရှိ/မရှိ၊ အရှုပ်အရှင်းကင်းမကင်း၊ မြေပုံ/မြေရာဇဝင် နဲ့ စည်ပင်သာယာ (သို့မဟုတ်) မြေစာရင်းရုံးရဲ့ နောက်ဆုံးမှတ်တမ်းမှာ ဘယ်လိုရေးသွင်းမှတ်သားထားလဲ ဆိုတာတွေကို တိကျရှင်းလင်းစွာ စစ်ဆေးရပါမယ်။

- မြေခွန်၊ အိမ်ခွန် ကြွေးကျန်ရှိ/မရှိ နဲ့ ဂရန်သက်တမ်းကိုလည်း စစ်ဆေးရပါမယ်

- မြေပိုင်ဆိုင်မှုအထောက်အထား စုံ/မစုံဆိုတာမှာ အရင်ဆုံး မြေအမျိုးအစားကို ရှင်းလင်းစွာသိထားရပါမယ် ဘိုးဘပိုင်မြေလား၊ ဂရန်မြေလား၊

- မြေချမိန့်ရထားတဲ့မြေလား၊ လယ်မြေလား၊ ယာမြေလား၊ မီးလောင်မြေချထားမိန့်နဲ့လား၊ ပုံစံ-၇ ရထားတဲ့မြေလား ဆိုတာ သေချာစစ်ဆေးရပါမယ်

မြေအမျိုးအစား စိစစ်ပြီးတာနဲ့

အဆိုပါမြေကို ရောင်းချသူက ဘယ်လိုပိုင်ဆိုင်ထားသလဲ စိစစ်ရပါမယ် ။အနေကြာလို့ပိုင်ဆိုင်တာလား၊ အမွေဆက်ခံပိုင်ဆိုင်ထားသလား ၊ပေးကမ်းရယူပိုင်ဆိုင်တာလား၊ တရားရုံးအမိန့်အရပိုင်ဆိုင်လာတာလား ၊ဝယ်ယူပိုင်ဆိုင်လာတာလား၊ အခြားနည်းလွှဲပြောင်းပိုင်ဆိုင်လာတာလား အစရှိသဖြင့် ဘယ်လိုပိုင်ဆိုင်လာသလဲဆိုတာ မဖြစ်မနေစစ်ဆေးရပါမယ်။

သက်တမ်းနဲ့ချပေးတဲ့မြေတွေမှာ သက်တမ်းကိုပါ စစ်ဆေးရပါမယ် ။ရောင်းချသူဟာ လက်ရောက်ပိုင်ဆိုင်နေခြင်းရှိ/မရှိဟာလည်း အရေးပါတဲ့အချက်ပါ ။ရောင်းချသူ ဘယ်လိုပိုင်လာသလဲ သိရပြီဆို စာရွက်စာတမ်း ပြည့်စုံခြင်းရှိ/မရှိစစ်ဆေးပါ ။ငွေနဲ့ပတ်သက်ရင် ဘယ်သူ့မှမယုံရတာမို့ ။မိတ်ဆွေရင်းကြီးဖြစ်ပါစေ သေချာစွာစစ်ဆေးဖို့လိုပါတယ်။

စာရွက်စာတမ်း စုံ/မစုံ ဘယ်လိုစစ်မလဲဆိုရင်…

ဂရန်မြေဆိုရင် – (က) မြေချထားမိန့်မူရင်း (ခ) ငွေသွင်းပြေစာမူရင်း (ဂ) ဂရန်စာချုပ်မူရင်း၊ မြေပုံ/မြေရာဇဝင် (ဃ)မှတ်ပုံတင်စာချုပ်အဆက်ဆက် (င) အမွေဆက်ခံပိုင်လာရင် အမွေဆက်ခံမှတ်ပုံတင်စာချုပ် (စ) တရားရုံးအမိန့်နဲ့ပိုင်လာတာဆိုရင် စီရင်ချက်၊ ဒီကရီ (တာဝန်ခံမိတ္တူ) (ဆ) ကိုယ်စားချုပ်ဆိုခဲ့ဖူးတာရှိရင် GP, SP ကိုယ်စားလှယ်စာများ (ဇ) အိမ်ခွန်၊ မြေခွန်ပြေစာများ

ဘိုးဘပိုင်မြေဆိုရင် – (က) ဘိုးဘပိုင်မြေမှတ်တမ်းစာချုပ် (ခ) မြေပုံ/မြေရာဇဝင် (ဃ) မှတ်ပုံတင်စာချုပ်အဆက်ဆက် (င) အမွေဆက်ခံပိုင်လာရင် အမွေဆက်ခံမှတ်ပုံတင်စာချုပ် (စ) တရားရုံးအမိန့်နဲ့ပိုင်လာတာဆိုရင် စီရင်ချက်၊ ဒီကရီ (တာဝန်ခံမိတ္တူ) (ဆ) ကိုယ်စားချုပ်ဆိုခဲ့ဖူးတာရှိရင် GP, SP ကိုယ်စားလှယ်စာများ

ပုံစံ-၇ ထုတ်ပေးထားတဲ့မြေဆိုရင်(က) ပုံစံ-၇ မူရင်း (ခ) မြေပုံ၊ မြေရာဇဝင် (ဂ) ရပ်/ကျေးမှတ်တမ်း (ဃ) စာချုပ်အဆက်ဆက် (င) အမွေဆက်ခံပိုင်လာရင် အမွေဆက်ခံမှတ်ပုံတင်စာချုပ် (စ) တရားရုံးအမိန့်နဲ့ပိုင်လာတာဆိုရင် စီရင်ချက်၊ ဒီကရီ (တာဝန်ခံမိတ္တူ) (ဆ) ကိုယ်စားချုပ်ဆိုခဲ့ဖူးတာရှိရင် GP, SP ကိုယ်စားလှယ်စာများ

အစရှိတဲ့အတိုင်း စုံနေအောင် မူးနေအောင် စစ်ဆေးရပါတယ်။ ဒါတွေက အများအားဖြင့်ရှိနေတဲ့ မြေအမျိုးအစားတွေကို ထုတ်နှုတ်ပြတာပါ။

ဒါမျိုးတွေကို စရံမပေးခင်မှာ မိမိကိုယ်တိုင်ဖြစ်စေ၊ မိမိရဲ့ရှေ့နေရှေ့ရပ် နားလည်တတ်ကျွမ်းသူတွေနဲ့ တိုင်ပင်ပြီး စနစ်တကျစစ်ဆေးမှသာ နောင်မှာ အရှုပ်အရှင်းတွေဖြစ်ပေါ်မလာမှာဖြစ်ပါတယ် ။ မိမိဝယ်ယူတဲ့ အိမ်မြေတွေဟာ သိန်းရာထောင်ချီတန်တဲ့အတွက် အနည်းငယ်သော ကုန်ကျစရိတ်ကို ကြည့်နေလို့မရပါဘူး။

ဆိုခဲ့တဲ့အတိုင်း သက်ဆိုင်ရာရုံးဌာနတွေမှာ စနစ်တကျစုံစမ်းစစ်ဆေးပြီးတာနဲ့ စာရွက်စာတမ်းမှန်ကန်ကြောင်း၊ ပြည့်စုံကြောင်း၊ အရှုပ်အရှင်းကင်းကြောင်း အတည်ပြုလို့ရပြီဆိုတာနဲ့ စာချုပ်ချုပ်လို့ရပါပြီ…

အဆင့်အလိုက်ပြောပြချင်ပါတယ်.. အဆင့် (၁) စရံပေးစာချုပ် (ကတိစာချုပ်) ချုပ်ဆိုရပါမယ်။ စရံပမာဏကို သင့်လျော်တဲ့ပမာဏကိုသာ အရင်ပေးပြီး ခိုင်မာအောင်ချုပ်ဆိုရပါမယ် ။စရံပေးစာချုပ်ဟာ အရောင်းအဝယ်လုပ်ငန်းစဉ် တစ်ခုလုံးရဲ့ အသက်သွေးကြောပါ ။ဖြစ်ပေါ်လာသမျှ ပြဿနာအားလုံးကို အရောင်းအဝယ်အားလုံးမပြီးဆုံးခင်အထိ စရံပေးစာချုပ်ရဲ့ အရည်အသွေးနဲ့ ပြည့်စုံခိုင်မာမှုဖြင့်သာ ဝယ်သူဟာခေါင်းပြားအောင်အိပ်နိုင်ပါမယ်။

အဆင့် (၂) - စရံပေးစာချုပ်ချုပ်ဆိုပြီးတာနဲ့ အရောင်းအဝယ်ပြုလုပ်ခြင်းအား ကန့်ကွက်လိုသူရှိ/မရှိ လာရောက်ကန့်ကွက်နိုင်ပါကြောင်း အများသိစေရန် မိမိရှေ့နေကနေတဆင့် သတင်းစာမှာ ကြော်ငြာထည့်သွင်းရပါမယ်။

အဆင့် (၃) - ကြော်ငြာပါတဲ့နေ့ကစပြီး (၁၄) ရက်အတွင်း နောက်ထပ်စရံမပေးသေးဘဲ ကန့်ကွက်သူရှိ/မရှိ ရက်ပြည့်အောင် စောင့်ကြည့်ရပါမယ်။

ကန့်ကွက်သူပေါ်လာခဲ့ရင် အရောင်းအဝယ်ကို ခေတ္တရပ်ထားပြီး ရောင်းသူဘက်က ပြေလည်အောင်ဖြေရှင်းပေးဖို့နဲ့ ကန့်ကွက်သူမှာ ပိုင်ဆိုင်ခွင့်ရှိနေခဲ့မယ်ဆိုရင် အရောင်းအဝယ်စာချုပ်မှာ ကန့်ကွက်ထားသူတွေပါ လက်မှတ်ရေးထိုးနိုင်ဖို့ ရောင်းသူက ကြိုးစားပေးရပါမယ်။

အဆင့် (၄) - သတင်းစာထည့်ပြီး စောင့်ကြည့်နေစဉ်ကာလအတွင်း အရောင်းအဝယ်စာချုပ် မှတ်ပုံတင်ရန် မြေပုံ/မြေရာဇဝင် ရေးကူးခွင့်ရှိသူမှ မြေပုံ/မြေရာဇဝင် ရေးကူးခြင်း လိုအပ်နေတဲ့စာရွက်စာတမ်းတွေပြင်ဆင်ခြင်းများ ကြိုတင်ပြုလုပ်ထားရပါမယ်။

မြေပုံ/မြေရာဇဝင်ရေးကူးဖို့ မြေစာရင်းဦးစီးဌာန/အိုးအိမ်/စည်ပင်ရုံးများမှာ ရေးကူးခွင့်ရှိသူရဲ့အချက်အလက်၊ ရေးကူးမယ့်မြေရဲ့အချက်အလက်၊ ပိုင်ဆိုင်မှုအထောက်အထား၊ မှတ်ပုံတင်မူရင်းများနဲ့ ရေးကူးမယ့်သူကိုယ်တိုင် ရေးကူးခွင့်လျှောက်ထား/ထုတ်ယူရမှာဖြစ်ပါတယ်။

အဆင့် (၅) - သတင်းစာမှာ သတ်မှတ်ထားတဲ့ (၁၄) ရက်အတွင်း ကန့်ကွက်သူပေါ်မလာရင်တော့ နောက်တစ်ရက်မှာ စရံထပ်မံပေးခြင်း (သို့မဟုတ်) ငွေချေခြင်းများပြုလုပ်နိုင်ပါပြီတစ်ပြိုင်တည်းမှာ အရောင်းအဝယ်မြေပုံ/မြေရာဇဝင်ထုတ်ယူပြီးတာနဲ့ အခွန်ဦးစီးဌာနမှာ အဝယ်ခွန်ဆောင်ဖို့ လျှောက်ထားရပါတယ်။

အဆင့် (၆) - အဝယ်ခွန်အတွက် မြေတန်ဖိုးသတ်မှတ်နှုန်းကျတာနဲ့ သတ်မှတ်ထားတဲ့ အခွန်ဆောင်၊ တံဆိပ်ခေါင်းများကပ်ရမှာပါ။

အဆင့် (၇) - ငွေအကျေချေပြီးပြီဆိုတာနဲ့ မြေလက်ရောက်လွှဲပြောင်းရယူခြင်း၊ ဝယ်ယူတဲ့မြေနဲ့ဆိုင်တဲ့ ပိုင်ဆိုင်မှုစာရွက်စာတမ်း (မူရင်း) အားလုံး အခွန်ဆောင်ထားသော မှတ်တမ်းမှတ်ရာများ၊ စာချုပ်စာတမ်းများ ၊ဂရန်မူရင်း (သို့) ဘိုးဘစာအုပ် မူရင်း (သို့) ပုံစံ-၇ မူရင်း အစရှိတဲ့ စာရွက်စာတမ်းတွေ တစ်ခါတည်းအရယူထားရပါမယ်။

အဆင့် (၈) - အဲ့ဒီအဆင့်တွေအားလုံးပြီးတာနဲ့ ရောင်းသူ၊ ဝယ်သူတို့ စာချုပ်စာတမ်းမှတ်ပုံတင်ရုံးမှာ မှတ်ပုံတင်စာချုပ်ချုပ်ဆိုနိုင်ပါပြီ.. (မှတ်ပုံတင်စာချုပ်မှာ ရောင်းချတဲ့မြေရဲ့ ပိုင်ဆိုင်ခွင့်ရှိသူအားလုံးပါရပါမယ်။)

အထက်ပါအဆင့်တွေအားလုံးပြီးရင်တော့ မှတ်ပုံတင်အရောင်းအဝယ်စာချုပ် လက်ထဲရတာနဲ့ ပိုင်ဆိုင်မှုအထောက်အထားတွေ၊ ပိုင်ဆိုင်လာသူရဲ့ကိုယ်ရေးအချက်အလက်တွေနဲ့ မှတ်ပုံတင်၊ အိမ်ထောင်စုမူရင်းများ၊မြေပုံ/မြေရာဇဝင်များနဲ့တကွ သက်ဆိုင်ရာ အိုးအိမ်၊ မြေစာရင်း၊ ထွေအုပ်၊ စည်ပင်အစရှိတဲ့ရုံးတွေမှာ မိမိအမည်ပေါက်ပြောင်းလဲဖို့ လျှောက်ထားကာ ပိုင်ဆိုင်မှုကို ပိုမိုခိုင်မာအောင် ဆက်လက်လုပ်ဆောင်နိုင်ပါပြီ။

ကျနော်ပြောခဲ့တဲ့ အထက်ပါအချက်တွေကို အတိအကျလိုက်နာဆောင်ရွက်မယ် ဆိုရင်တော့ ရောင်းမှား၊ ဝယ်မှားမဖြစ်တဲ့အပြင် သားစဉ်မြေးဆက်အထိ ခိုင်မာတဲ့ပိုင်ဆိုင်မှုတွေနဲ့အတူ ပျော်ရွှင်စွာဘဝကိုဖြတ်သန်းနိုင်မှာပါ။

အသက်ကိုဉာဏ်စောင့်သလို မိမိပိုင်ဆိုင်မှုဥစ္စာတွေကို ကံရော၊ ဉာဏ်ရော၊ ရှေ့နေတွေရောသက်ဆိုင်ရာရုံးဌာနအသီးသီး ကပါ ဝိုင်းစောင့်မှ ခိုင်မာတည်မြဲမှာဖြစ်ပါတယ်။

Credit : Neptimes

Photo Credit : mrx

Posted By : Sint Sint (ShweProperty.com)

Zawgyi Version

ေျမပိုင္ဆိုင္မႈခိုင္မာေအာင္ ဘယ္လိုလုပ္မလဲ သိခ်င္ရင္ေတာ့ ဒီစာကိုဆုံးေအာင္ဖတ္ဖို႔လိုမယ္ခင္ဗ် အတိအက်လိုက္နာဖို႔ေတာ့ လို တာေပါ့ခင္ဗ်ာ

ေျမအေရာင္းအဝယ္စာခ်ဳပ္တစ္ခုကိုဥပေဒနဲ႔အညီ ဘယ္လိုစာခ်ဳပ္ခ်ဳပ္ဆိုၾကမလဲ ပိုင္ဆိုင္မႈခိုင္မာေအာင္စာခ်ဳပ္စာတမ္းေတြ ဘယ္လိုမွတ္ပုံတင္ၾကမလဲ၊ကိုယ့္အမည္ေပါက္ျဖစ္ေအာင္လုပ္ၾကမလဲ

ကြၽန္ေတာ္တို႔ပိုင္ဆိုင္တဲ့ ေငြေၾကးဓနဥစၥာေတြနဲ႔ေျမကြက္ေတြဝယ္ေတာ့မယ္ဆိုရင္အေရာင္းမွား အဝယ္မွားမျဖစ္ေအာင္ရယ္ပိုင္ဆိုင္မႈကို ခိုင္မာသထက္ခိုင္မာေအာင္ဘယ္လိုလုပ္ၾကမလဲဆိုတာ သိပ္အေရးႀကီးပါတယ္

ေနာက္ေက်ာဓားနဲ႔ထိုးခံရတယ္၊ယုံမိလို႔ ဆုံးရႈံးကုန္တယ္ ႏႈတ္ကတိပဲေပးမိၿပီး ျပႆနာတက္ေတာ့ကတိမေပးဖူးပါဘူးလို႔ ေျဗာင္လိမ္ေျဗာင္စားလုပ္တာခံရဖူးတယ္ဆိုရင္ေတာ့မျဖစ္ခင္က ႀကိဳတင္ကာကြယ္ထားႏိုင္ဖို႔အေရးႀကီးမွန္းသိေလာက္ပါၿပီ။

တစ္ခါေသဖူးလို႔ ပ်ဥ္ဖိုးနားလည္တဲ့သူေတြကေတာ့ဥပေဒအႀကံဉာဏ္ယူတာကစလို႔၊စာခ်ဳပ္ခ်ဳပ္တယ္၊ ေရာင္းတယ္၊ ဝယ္တယ္ငွားရမ္းတယ္၊ ေပါင္ႏွံတယ္၊ ေခ်းငွားတယ္၊လႊဲေျပာင္းတယ္ဆိုတဲ့ ကိစၥရပ္တိုင္းမွာေရွ႕ေနတစ္ဦးက စနစ္တက်ေရးတဲ့စာခ်ဳပ္နဲ႔အသင့္ျဖည့္စာခ်ဳပ္တစ္ေစာင္ရဲ႕တန္ဖိုးဘယ္ေလာက္ေတာင္ကြာျခားသလဲဆိုတာသိၾကပါတယ္။

ႏႈတ္တစ္ရာ၊ စာတစ္လုံးျဖစ္တာမို႔စာတစ္လုံးခ်င္းစီတိုင္းမွာ အသက္ဝင္ေနဖို႔လိုအပ္ပါတယ္ျပႆနာျဖစ္လာလို႔ အရာအားလုံးဆုံးရႈံးသြားမယ့္ပမာဏနဲ႔ စာခ်ဳပ္ခ်ဳပ္ဆိုစဥ္မွာ  အေထာက္အထားစစ္ေဆးျခင္း၊စာခ်ဳပ္ေရးသားျခင္းအတြက္ ေရွ႕ေနခသုံးလိုက္ရတဲ့ပမာဏဟာ မိုးနဲ႔ေျမလိုကြာျခားပါတယ္။

အခုေျပာျပမွာကေတာ့ပိုင္ဆိုင္မႈခိုင္မာေအာင္လုပ္နည္းပါ။ေျမတစ္ကြက္ကို ရွိစုမဲ့စုနဲ႔ျဖစ္ေစ၊ေငြေပါေနလို႔ျဖစ္ေစ ဝယ္ၾကၿပီဆိုရင္ဘယ္သူမွ ဆုံးရႈံးခ်င္မွာမဟုတ္ပါဘူး။

ဒါဆိုရင္ ေအာက္ပါအခ်က္ေတြကို အတိအက်လိုက္နာပါခင္ဗ်ာ

- ပထမဦးဆုံးအေနနဲ႔  မိမိဝယ္ယူလိုတဲ့ေျမကြက္ကို အမည္ေပါက္ဘယ္သူလဲ၊ ေျမပိုင္ဆိုင္မႈအေထာက္အထား၊ စာ႐ြက္စာတမ္းေတြစုံ/မစုံ၊

- မူရင္းစစ္မွန္မႈရွိ/မရွိ၊ အရႈပ္အရွင္းကင္းမကင္း၊ ေျမပုံ/ေျမရာဇဝင္ နဲ႔  စည္ပင္သာယာ (သို႔မဟုတ္) ေျမစာရင္း႐ုံးရဲ႕ ေနာက္ဆုံးမွတ္တမ္းမွာ ဘယ္လိုေရးသြင္းမွတ္သားထားလဲ ဆိုတာေတြကို တိက်ရွင္းလင္းစြာ စစ္ေဆးရပါမယ္။

- ေျမခြန္၊ အိမ္ခြန္ ေႂကြးက်န္ရွိ/မရွိ နဲ႔ ဂရန္သက္တမ္းကိုလည္း စစ္ေဆးရပါမယ္

- ေျမပိုင္ဆိုင္မႈအေထာက္အထား စုံ/မစုံဆိုတာမွာ အရင္ဆုံး ေျမအမ်ိဳးအစားကို ရွင္းလင္းစြာသိထားရပါမယ္ ဘိုးဘပိုင္ေျမလား၊ ဂရန္ေျမလား၊

- ေျမခ်မိန႔္ရထားတဲ့ေျမလား၊ လယ္ေျမလား၊ ယာေျမလား၊ မီးေလာင္ေျမခ်ထားမိန႔္နဲ႔လား၊ ပုံစံ-၇ ရထားတဲ့ေျမလား ဆိုတာ ေသခ်ာစစ္ေဆးရပါမယ္

ေျမအမ်ိဳးအစား စိစစ္ၿပီးတာနဲ႔

အဆိုပါေျမကို ေရာင္းခ်သူက ဘယ္လိုပိုင္ဆိုင္ထားသလဲ စိစစ္ရပါမယ္ ။အေနၾကာလို႔ပိုင္ဆိုင္တာလား၊ အေမြဆက္ခံပိုင္ဆိုင္ထားသလား ၊ေပးကမ္းရယူပိုင္ဆိုင္တာလား၊ တရား႐ုံးအမိန႔္အရပိုင္ဆိုင္လာတာလား ၊ဝယ္ယူပိုင္ဆိုင္လာတာလား၊ အျခားနည္းလႊဲေျပာင္းပိုင္ဆိုင္လာတာလား အစရွိသျဖင့္ ဘယ္လိုပိုင္ဆိုင္လာသလဲဆိုတာ မျဖစ္မေနစစ္ေဆးရပါမယ္။

သက္တမ္းနဲ႔ခ်ေပးတဲ့ေျမေတြမွာ သက္တမ္းကိုပါ စစ္ေဆးရပါမယ္ ။ေရာင္းခ်သူဟာ လက္ေရာက္ပိုင္ဆိုင္ေနျခင္းရွိ/မရွိဟာလည္း အေရးပါတဲ့အခ်က္ပါ ။ေရာင္းခ်သူ ဘယ္လိုပိုင္လာသလဲ သိရၿပီဆို စာ႐ြက္စာတမ္း ျပည့္စုံျခင္းရွိ/မရွိစစ္ေဆးပါ ။ေငြနဲ႔ပတ္သက္ရင္ ဘယ္သူ႔မွမယုံရတာမို႔ ။မိတ္ေဆြရင္းႀကီးျဖစ္ပါေစ ေသခ်ာစြာစစ္ေဆးဖို႔လိုပါတယ္။

စာ႐ြက္စာတမ္း စုံ/မစုံ ဘယ္လိုစစ္မလဲဆိုရင္…

ဂရန္ေျမဆိုရင္ – (က) ေျမခ်ထားမိန႔္မူရင္း (ခ) ေငြသြင္းေျပစာမူရင္း (ဂ) ဂရန္စာခ်ဳပ္မူရင္း၊ ေျမပုံ/ေျမရာဇဝင္ (ဃ)မွတ္ပုံတင္စာခ်ဳပ္အဆက္ဆက္ (င) အေမြဆက္ခံပိုင္လာရင္ အေမြဆက္ခံမွတ္ပုံတင္စာခ်ဳပ္ (စ) တရား႐ုံးအမိန႔္နဲ႔ပိုင္လာတာဆိုရင္ စီရင္ခ်က္၊ ဒီကရီ (တာဝန္ခံမိတၱဴ) (ဆ) ကိုယ္စားခ်ဳပ္ဆိုခဲ့ဖူးတာရွိရင္ GP, SP ကိုယ္စားလွယ္စာမ်ား (ဇ) အိမ္ခြန္၊ ေျမခြန္ေျပစာမ်ား

ဘိုးဘပိုင္ေျမဆိုရင္ – (က) ဘိုးဘပိုင္ေျမမွတ္တမ္းစာခ်ဳပ္ (ခ) ေျမပုံ/ေျမရာဇဝင္ (ဃ) မွတ္ပုံတင္စာခ်ဳပ္အဆက္ဆက္ (င) အေမြဆက္ခံပိုင္လာရင္ အေမြဆက္ခံမွတ္ပုံတင္စာခ်ဳပ္ (စ) တရား႐ုံးအမိန႔္နဲ႔ပိုင္လာတာဆိုရင္ စီရင္ခ်က္၊ ဒီကရီ (တာဝန္ခံမိတၱဴ) (ဆ) ကိုယ္စားခ်ဳပ္ဆိုခဲ့ဖူးတာရွိရင္ GP, SP ကိုယ္စားလွယ္စာမ်ား

ပုံစံ-၇ ထုတ္ေပးထားတဲ့ေျမဆိုရင္(က) ပုံစံ-၇ မူရင္း (ခ) ေျမပုံ၊ ေျမရာဇဝင္ (ဂ) ရပ္/ေက်းမွတ္တမ္း (ဃ) စာခ်ဳပ္အဆက္ဆက္ (င) အေမြဆက္ခံပိုင္လာရင္ အေမြဆက္ခံမွတ္ပုံတင္စာခ်ဳပ္ (စ) တရား႐ုံးအမိန႔္နဲ႔ပိုင္လာတာဆိုရင္ စီရင္ခ်က္၊ ဒီကရီ (တာဝန္ခံမိတၱဴ) (ဆ) ကိုယ္စားခ်ဳပ္ဆိုခဲ့ဖူးတာရွိရင္ GP, SP ကိုယ္စားလွယ္စာမ်ား

အစရွိတဲ့အတိုင္း စုံေနေအာင္ မူးေနေအာင္ စစ္ေဆးရပါတယ္။ ဒါေတြက အမ်ားအားျဖင့္ရွိေနတဲ့ ေျမအမ်ိဳးအစားေတြကို ထုတ္ႏႈတ္ျပတာပါ။

ဒါမ်ိဳးေတြကို စရံမေပးခင္မွာ မိမိကိုယ္တိုင္ျဖစ္ေစ၊  မိမိရဲ႕ေရွ႕ေနေရွ႕ရပ္ နားလည္တတ္ကြၽမ္းသူေတြနဲ႔ တိုင္ပင္ၿပီး စနစ္တက်စစ္ေဆးမွသာ ေနာင္မွာ အရႈပ္အရွင္းေတြျဖစ္ေပၚမလာမွာျဖစ္ပါတယ္ ။ မိမိဝယ္ယူတဲ့ အိမ္ေျမေတြဟာ သိန္းရာေထာင္ခ်ီတန္တဲ့အတြက္ အနည္းငယ္ေသာ ကုန္က်စရိတ္ကို ၾကည့္ေနလို႔မရပါဘူး။

ဆိုခဲ့တဲ့အတိုင္း သက္ဆိုင္ရာ႐ုံးဌာနေတြမွာ စနစ္တက်စုံစမ္းစစ္ေဆးၿပီးတာနဲ႔  စာ႐ြက္စာတမ္းမွန္ကန္ေၾကာင္း၊  ျပည့္စုံေၾကာင္း၊ အရႈပ္အရွင္းကင္းေၾကာင္း အတည္ျပဳလို႔ရၿပီဆိုတာနဲ႔ စာခ်ဳပ္ခ်ဳပ္လို႔ရပါၿပီ…

အဆင့္အလိုက္ေျပာျပခ်င္ပါတယ္.. အဆင့္ (၁) စရံေပးစာခ်ဳပ္ (ကတိစာခ်ဳပ္) ခ်ဳပ္ဆိုရပါမယ္။ စရံပမာဏကို သင့္ေလ်ာ္တဲ့ပမာဏကိုသာ အရင္ေပးၿပီး ခိုင္မာေအာင္ခ်ဳပ္ဆိုရပါမယ္ ။စရံေပးစာခ်ဳပ္ဟာ အေရာင္းအဝယ္လုပ္ငန္းစဥ္ တစ္ခုလုံးရဲ႕ အသက္ေသြးေၾကာပါ ။ျဖစ္ေပၚလာသမွ် ျပႆနာအားလုံးကို အေရာင္းအဝယ္အားလုံးမၿပီးဆုံးခင္အထိ စရံေပးစာခ်ဳပ္ရဲ႕ အရည္အေသြးနဲ႔ ျပည့္စုံခိုင္မာမႈျဖင့္သာ ဝယ္သူဟာေခါင္းျပားေအာင္အိပ္ႏိုင္ပါမယ္။

အဆင့္ (၂)  - စရံေပးစာခ်ဳပ္ခ်ဳပ္ဆိုၿပီးတာနဲ႔ အေရာင္းအဝယ္ျပဳလုပ္ျခင္းအား ကန႔္ကြက္လိုသူရွိ/မရွိ လာေရာက္ကန႔္ကြက္ႏိုင္ပါေၾကာင္း အမ်ားသိေစရန္ မိမိေရွ႕ေနကေနတဆင့္ သတင္းစာမွာ ေၾကာ္ျငာထည့္သြင္းရပါမယ္။

အဆင့္ (၃) - ေၾကာ္ျငာပါတဲ့ေန႔ကစၿပီး (၁၄) ရက္အတြင္း ေနာက္ထပ္စရံမေပးေသးဘဲ ကန႔္ကြက္သူရွိ/မရွိ ရက္ျပည့္ေအာင္ ေစာင့္ၾကည့္ရပါမယ္။

ကန႔္ကြက္သူေပၚလာခဲ့ရင္ အေရာင္းအဝယ္ကို ေခတၱရပ္ထားၿပီး ေရာင္းသူဘက္က ေျပလည္ေအာင္ေျဖရွင္းေပးဖို႔နဲ႔ ကန႔္ကြက္သူမွာ ပိုင္ဆိုင္ခြင့္ရွိေနခဲ့မယ္ဆိုရင္ အေရာင္းအဝယ္စာခ်ဳပ္မွာ ကန႔္ကြက္ထားသူေတြပါ လက္မွတ္ေရးထိုးႏိုင္ဖို႔ ေရာင္းသူက ႀကိဳးစားေပးရပါမယ္။

အဆင့္ (၄) - သတင္းစာထည့္ၿပီး ေစာင့္ၾကည့္ေနစဥ္ကာလအတြင္း အေရာင္းအဝယ္စာခ်ဳပ္ မွတ္ပုံတင္ရန္ ေျမပုံ/ေျမရာဇဝင္ ေရးကူးခြင့္ရွိသူမွ ေျမပုံ/ေျမရာဇဝင္ ေရးကူးျခင္း လိုအပ္ေနတဲ့စာ႐ြက္စာတမ္းေတြျပင္ဆင္ျခင္းမ်ား ႀကိဳတင္ျပဳလုပ္ထားရပါမယ္။

ေျမပုံ/ေျမရာဇဝင္ေရးကူးဖို႔ ေျမစာရင္းဦးစီးဌာန/အိုးအိမ္/စည္ပင္႐ုံးမ်ားမွာ ေရးကူးခြင့္ရွိသူရဲ႕အခ်က္အလက္၊ ေရးကူးမယ့္ေျမရဲ႕အခ်က္အလက္၊ ပိုင္ဆိုင္မႈအေထာက္အထား၊ မွတ္ပုံတင္မူရင္းမ်ားနဲ႔ ေရးကူးမယ့္သူကိုယ္တိုင္ ေရးကူးခြင့္ေလွ်ာက္ထား/ထုတ္ယူရမွာျဖစ္ပါတယ္။

အဆင့္ (၅) - သတင္းစာမွာ သတ္မွတ္ထားတဲ့ (၁၄) ရက္အတြင္း ကန႔္ကြက္သူေပၚမလာရင္ေတာ့ ေနာက္တစ္ရက္မွာ စရံထပ္မံေပးျခင္း (သို႔မဟုတ္) ေငြေခ်ျခင္းမ်ားျပဳလုပ္ႏိုင္ပါၿပီတစ္ၿပိဳင္တည္းမွာ အေရာင္းအဝယ္ေျမပုံ/ေျမရာဇဝင္ထုတ္ယူၿပီးတာနဲ႔ အခြန္ဦးစီးဌာနမွာ အဝယ္ခြန္ေဆာင္ဖို႔ ေလွ်ာက္ထားရပါတယ္။

အဆင့္ (၆) - အဝယ္ခြန္အတြက္ ေျမတန္ဖိုးသတ္မွတ္ႏႈန္းက်တာနဲ႔ သတ္မွတ္ထားတဲ့ အခြန္ေဆာင္၊ တံဆိပ္ေခါင္းမ်ားကပ္ရမွာပါ။

အဆင့္ (၇) - ေငြအေက်ေခ်ၿပီးၿပီဆိုတာနဲ႔ ေျမလက္ေရာက္လႊဲေျပာင္းရယူျခင္း၊ ဝယ္ယူတဲ့ေျမနဲ႔ဆိုင္တဲ့ ပိုင္ဆိုင္မႈစာ႐ြက္စာတမ္း (မူရင္း) အားလုံး အခြန္ေဆာင္ထားေသာ မွတ္တမ္းမွတ္ရာမ်ား၊ စာခ်ဳပ္စာတမ္းမ်ား ၊ဂရန္မူရင္း (သို႔) ဘိုးဘစာအုပ္ မူရင္း (သို႔) ပုံစံ-၇ မူရင္း အစရွိတဲ့ စာ႐ြက္စာတမ္းေတြ တစ္ခါတည္းအရယူထားရပါမယ္။

အဆင့္ (၈) - အဲ့ဒီအဆင့္ေတြအားလုံးၿပီးတာနဲ႔ ေရာင္းသူ၊ ဝယ္သူတို႔ စာခ်ဳပ္စာတမ္းမွတ္ပုံတင္႐ုံးမွာ မွတ္ပုံတင္စာခ်ဳပ္ခ်ဳပ္ဆိုႏိုင္ပါၿပီ.. (မွတ္ပုံတင္စာခ်ဳပ္မွာ ေရာင္းခ်တဲ့ေျမရဲ႕ ပိုင္ဆိုင္ခြင့္ရွိသူအားလုံးပါရပါမယ္။)

အထက္ပါအဆင့္ေတြအားလုံးၿပီးရင္ေတာ့ မွတ္ပုံတင္အေရာင္းအဝယ္စာခ်ဳပ္ လက္ထဲရတာနဲ႔ ပိုင္ဆိုင္မႈအေထာက္အထားေတြ၊ ပိုင္ဆိုင္လာသူရဲ႕ကိုယ္ေရးအခ်က္အလက္ေတြနဲ႔ မွတ္ပုံတင္၊ အိမ္ေထာင္စုမူရင္းမ်ား၊ေျမပုံ/ေျမရာဇဝင္မ်ားနဲ႔တကြ သက္ဆိုင္ရာ အိုးအိမ္၊ ေျမစာရင္း၊ ေထြအုပ္၊ စည္ပင္အစရွိတဲ့႐ုံးေတြမွာ မိမိအမည္ေပါက္ေျပာင္းလဲဖို႔ ေလွ်ာက္ထားကာ ပိုင္ဆိုင္မႈကို ပိုမိုခိုင္မာေအာင္ ဆက္လက္လုပ္ေဆာင္ႏိုင္ပါၿပီ။

က်ေနာ္ေျပာခဲ့တဲ့ အထက္ပါအခ်က္ေတြကို အတိအက်လိုက္နာေဆာင္႐ြက္မယ္ ဆိုရင္ေတာ့ ေရာင္းမွား၊ ဝယ္မွားမျဖစ္တဲ့အျပင္ သားစဥ္ေျမးဆက္အထိ ခိုင္မာတဲ့ပိုင္ဆိုင္မႈေတြနဲ႔အတူ ေပ်ာ္႐ႊင္စြာဘဝကိုျဖတ္သန္းႏိုင္မွာပါ။

အသက္ကိုဉာဏ္ေစာင့္သလို မိမိပိုင္ဆိုင္မႈဥစၥာေတြကို ကံေရာ၊ ဉာဏ္ေရာ၊ ေရွ႕ေနေတြေရာသက္ဆိုင္ရာ႐ုံးဌာနအသီးသီး ကပါ ဝိုင္းေစာင့္မွ ခိုင္မာတည္ၿမဲမွာျဖစ္ပါတယ္။

Credit : Neptimes

Photo Credit : mrx

Posted By : Sint Sint (ShweProperty.com)