ပဲခူးတိုင်းဒေသကြီး အစိုးရအဖွဲ့ ရုံးတော်ဝင် ဟံသာခန်းမတွင် မေလ၂ရက်နေ့ ကကျင်းပခဲ့သည့် ပဲခူးဒေသမြို့ ပြစီမံကိန်း အသစ်ရေးဆွဲ အကောင်အထည်ဖော်ရေး လုပ်ငန်းညှိနှိုင်း အစည်းအဝေး ပြုလုပ်ခဲ့ကြောင်း သိရသည်။
ယင်းအစည်းအဝေးတွင် ဝန်ကြီးချုပ်မှ ဟံသာဝတီ အပြည်ပြည်ဆိုင်ရာ လေဆိပ်စီမံကိန်းကြောင့် ပဲခူးဒေသသည် International Gate-Way တစ်ခုဖြစ်လာမည် ဖြစ်ကြောင်း ပြောကြားထားသည်။
ထို့ပြင်ပဲခူး ဒေသမြို့ပြ စီမံကိန်းအသစ်သည ်ပဲခူးမြို့တစ်ခုတည်း အတွက်မဟုတ်ဘဲ တစ်နိုင်ငံလုံးအတွက် အလွန်အရေး ပါကြောင်းလည်း ပြောကြားထားသည်။
ထို့နောက်မြို့ပြ စီမံကိန်းအသစ် ရေးဆွဲရာတွင် ပါဝင်သင့်သည့် အခြေခံ အချက်အလက်များ (ဥပမာ-လမ်း၊ ဆေးရုံ၊ စာသင်ကျောင်း၊ စက်မှုဇုန်၊ ဟိုတယ်ဇုန်၊ အိမ်ရာ) စသည့်တို့ ပါဝင်ရန်လိုအပ်ကြောင်းလဲပြောကြားထားသည်။
ယင်းအပြင်နောင် အနာဂတ်နှစ ်၃၀ အထိမျှော်မှန်းရေး ဆွဲထားရန်လိုအပ်မည်ဖြစ်ကြောင်း၊ ဘုရားကြီးလမ်းဆုံ ရှိဈေးကိုလည်း အထပ်မြင့်ဈေး တစ်ခုအဖြစ်ကြိုတင် စီမံရေးဆွဲထားရန် လိုအပ်ပါကြောင်းပြော ကြားထားသည်။
ထို့နောက် ဟံသာဝတီ အပြည်ပြည်ဆိုင်ရာ လေဆိပ်သို့လာရောက်အလုပ်လုပ် ကိုင်ကြမည့်အနယ်နယ် အရပ်ရပ်မှ ပြည်သူများအတွက် နေထိုင်ရာအဆောက်အအုံ၊ ဈေးများ၊ ဆေးရုံများ၊ စာသင်ကျောင်းများ စီမံဆောင်ရွက်ပေးရ မည်ဖြစ်ကြောင်းနှင့် ပဲခူးဒေသအတွက် လိုအပ်သည့်မြို့ပြ စီမံကိန်းအသစ် ရေးဆွဲခြင်းသည် အလွန်အရေးပါသည့် စီမံကိန်းတစ်ခုဖြစ် ကြောင်းပြောကြားထားသည်။
ထို့ပြင်မြို့ပြနှင့် အိမ်ရာဖွံ့ဖြိုး တိုးတက်ရေး ဦးစီးဌာန ဒုတိယညွှန်ကြားရေးမှူးမှလည်း ယခုအပတ်အတွင်း ပဲခူးဒေသပတ်ဝန်းကျင်တွင် အချက်အလက်များစု ဆောင်းသွားမည်ဖြစ်ပြီး ရရှိလာမည့်အချက်အလက်များ ပေါ်မူတည်ပြီး စီမံကိန်းနယ်မြေ အလိုက်ပိုင်းခြား သတ်မှတ်ပေးသွား မည်ဖြစ်ကြောင်း သိရသည်။
နယ်မြေပိုင်းခြား သတ်မှတ်ခြင်းအားဖြင့် လုပ်ငန်းတူရင်းနှီးမြုပ်နှံမ ှုလုပ်ငန်းများ တစ်နေရာတည်း စီမံဆောင်ရွက် ပေးနိုင်မည် ဖြစ်ကြောင်းနှင့် မြို့တစ်မြို့အတွက် လိုအပ်သည့် အချက်အလက်များကို ကောင်းမွန်အောင် ရေးဆွဲပေးသွားမည်ဖြစ် ကြောင်းလည်းသိရသည်။
ထို့နောက် အစိုးရအဖွဲ့ အတွင်းရေးမှူးမှမြို့ပြ စီမံကိန်းအသစ်ရေး ဆွဲအတည်ပြုပြီး မှသာ မြေယာနှင့် ပတ်သက်သည့်ကျန်ကိစ္စရပ်များအာ းဥပဒေနှင့်အညီ ဆောင်ရွက်နိုင် မည်ဖြစ်ကြောင်းနှင့် ပဲခူးမြို့သည်လမ်းဆုံမြို့တစ်ခုဖြစ်နေသောကြောင့် ဝင်ထွက်သွားလာမှု များပြားသောကြောင့် လမ်းများထပ်မံ ဖောက်လုပ်ရန ်လိုအပ်ပါက အုပ်ချုပ်ရေးကဏ္ဍ အနေဖြင့် ပူးပေါင်းဆောင်ရွက် ပေးသွားမည်ဖြစ်ကြောင်း သိရသည်။
Ref & Photo Credit : Yangon Builders Guide
Posted By : Moe Thae'
Property Sales Event
နောက်ဆုံးရ သတင်းများ
.png)
For Sale
For Rent
New Homes
other properties
