၁. ငလျင်မလှုပ်ခင်မှာ ဘာတွေကြိုတင် ပြင်ဆင်ထားရမလဲ။
၂. ငလျင်လှုပ်နေစဉ်မှာ ဘယ်လို တုံ့ပြန်ပြုမူရမလဲ။
၃. ငလျင်လှုပ်ပြီးနောက် ဘာတွေ ဆောင်ရွက်သင့်သလဲ။

ငလျင်မလှုပ်မီ

အိမ် (သို့) အဆောက်အဦ၏ အခြေအနေကို ကြိုတင်စစ်ဆေးထားပါ။
ဘေးကင်းလုံခြုံသော နေရာများ၊ လမ်းကြောင်းများနှင့် အန္တရာယ်ရှိနိုင်သော နေရာများကို ကြိုတင်ရှာဖွေ မှတ်သားထားပါ။
ငလျင်လှုပ်ပါက လျင်မြန်စွာ တုံ့ပြန်ဆောင်ရွက်နိုင်ရန် ကြိုတင်ပြင်ဆင်လေ့ကျင့်ထားပါ။
အရေးပေါ်အိတ် (Emergency Kit) ကြိုတင်ပြင်ဆင်ထားပြီး အလွယ်တကူ ရယူနိုင်သည့်နေရာတွင် ထားပါ။
မိသားစုဝင်များနှင့် ပြန်လည်တွေ့ဆုံကြမည့် နေရာကို ကြိုတင်သတ်မှတ်ထားပါ။
အရေးပေါ်ဖုန်းနံပါတ်များ မှတ်ထားပါ။ (မိသားစုဝင်များ၏ ဖုန်းနံပါတ်၊ လူနာတင်ယာဉ်၊ စသဖြင့်...)



ငလျင်လှုပ်စဉ်

အဆောက်အအုံအတွင်း ရှိနေပါက
အထပ်မြင့်တွင် ရှိနေပါက ငလျင်လှုပ်နေစဉ် အောက်သို့ ပြေးဆင်းခြင်းက ပို၍အန္တရာယ်များသဖြင့် ငလျင်လှုပ်ခတ်ပြီးသည့်အထိ အကာအကွယ်ယူပြီး နေပါ။
ပြုတ်ကျလာနိုင်သော အပိုင်းအစများမှ ကာကွယ်နိုင်ရန် ဦးခေါင်းနှင့် လည်ပင်းကို ကာကွယ်ထားပါ။
ခိုင်ခံ့သည့် စားပွဲ၊ ကုတင်အောက်သို့ အမြန်ဝင်ပါ။ ကုတင်၊ စားပွဲများ မရှိလျှင် အဆောက်အဦ၏ အတွင်းနံရံတလျှောက် (သို့) ထောင့်တစ်နေရာတွင် အကာအကွယ်ယူပါ။
မှန်၊ ပြတင်းပေါက်၊ ပြုတ်ကျနိုင်သည့် ပစ္စည်းများနှင့် ဝေးရာတွင် နေပါ။
အပြင်ထွက်သည့်အခါ ဓာတ်လှေကား လုံးဝမသုံးဘဲ ရိုးရိုးလှေကားကိုသာ အသုံးပြုပါ။

အဆောက်အဦ ပြင်ပတွင် ရှိနေပါက

ပြိုကျနိုင်သော အဆောက်အအုံ၊ သစ်ပင်၊ မီးတိုင်၊ ဓာတ်ကြိုးများနှင့် ဝေးရာ ကွင်းပြင်သို့ သွားပြီး မြေပြင်တွင် ဝပ်နေပါ။
ငလျင်လှုပ်ခတ်မှု ပြီးသည့်အထိ ထိုနေရာတွင်သာ နေပါ။

ငလျင်လှုပ်ပြီး

မိမိကိုယ်ကို ထိခိုက်ဒဏ်ရာရခြင်း ရှိ မရှိ စစ်ဆေးပါ။
ထိခိုက်ဒဏ်ရာ ရရှိသူများကို ရှေးဦးသူနာပြုစုနည်းဖြင့် ပြုစုပါ။
အဆောက်အဦများ ပျက်စီး ထိခိုက်မှု အခြေအနေကို စစ်ဆေးပါ။
ပြုတ်ကျနေသော ဓာတ်အားလိုင်းများ၊ အပျက်အစီးများ ရှိသည့်နေရာနှင့် ဝေးအောင်နေပါ။
ငလျင်လှုပ်သည့်နေရာပေါ် မူတည်၍ မြေပြိုမှုနှင့် ဆူနာမီ စသည့် နောက်ဆက်တွဲ အန္တရာယ်များအတွက် ကြိုတင် ပြင်ဆင်ပါ။
မီးဘေး အန္တရာယ်ကို သတိပြုပါ။

Credit By : U-Report Myanmar