စဉ်းစားဖူးလား? နေ့တိုင်း မနက်မိုးလင်းကနေ ညအထိ အလုပ်လုပ်နေရတာ ပင်ပန်းလာပြီလား? တကယ်လို့များ ကိုယ်က အိပ်နေတဲ့အချိန်၊ ခရီးထွက်နေတဲ့အချိန်၊ ဒါမှမဟုတ် မိသားစုနဲ့ပျော်နေတဲ့အချိန်မျိုးမှာတောင် ပိုက်ဆံက သူ့အလိုလို ကိုယ့်ဆီကို စီးဝင်နေမယ်ဆိုရင် ဘယ်လောက်ကောင်းမလဲ? ဒါဟာ မဖြစ်နိုင်ဘူးလို့ ထင်ရပေမယ့် တကယ်တမ်းတော့ ကိုယ်တိုင် တက်ကြွစွာ အချိန်ပေးစရာမလိုဘဲ တစ်ခါဖန်တီးထားတာကနေ ရေရှည် ဝင်ငွေပြန်ရနေမယ့် "Passive Income" လို့ခေါ်တဲ့ နည်းလမ်းတွေ အသုံးပြုပြီး လုပ်လို့ရပါတယ်။ 

၁။ အိမ်ခြံမြေ ငှားရမ်းခြင်း

ဒါကတော့ လူသိအများဆုံး Passive Income တစ်ခုပေါ့။ ကိုယ့်မှာ အိမ်အပို ဒါမှမဟုတ် တိုက်ခန်းအပိုရှိရင် ဒါကို တစ်ခြားသူကို ငှားရမ်းပြီး လစဉ်ပုံမှန်ငှားရမ်းခ ရယူတာမျိုးပါ။ အစပိုင်းမှာ အိမ်ဝယ်တာ ဒါမှမဟုတ် ဆောက်တာ၊ ပြင်ဆင်တာမျိုး လုပ်ရပေမယ့် တစ်ခါအငှားချပြီးသွားရင်တော့ လစဉ်ပုံမှန်ငွေဝင်နေဖို့က အဓိက ဖြစ်သွားပြီ။ ကိုယ်ကိုယ်တိုင် နေ့တိုင်းသွားပြီး ငှားတဲ့သူနဲ့ စကားပြောနေစရာ မလိုဘူးပေါ့။ အိပ်နေလဲ လရောက်ရင် ငှားခက ၀င်နေမှာပါ။

၂။ အစုရှယ်ယာ (Stocks) ကနေ ရရှိတဲ့ အကျိုးအမြတ် (Dividends)
ကုမ္ပဏီကြီးတွေရဲ့ အစုရှယ်ယာတွေကို ဝယ်ထားတာကလည်း Passive Income တစ်မျိုးပါပဲ။ တချို့ကုမ္ပဏီတွေက သူတို့ရတဲ့အမြတ်ငွေရဲ့ တစ်စိတ်တစ်ပိုင်းကို ရှယ်ယာရှင်တွေကို ပုံမှန် (ဥပမာ - သုံးလတစ်ကြိမ် ဒါမှမဟုတ် တစ်နှစ်တစ်ကြိမ်) ပြန်ပြီး ခွဲဝေပေးပါတယ်။ ဒါကို Dividend လို့ခေါ်ပါတယ်။ ကိုယ်လုပ်ရမှာက ကောင်းမွန်တဲ့၊ အမြတ်အစွန်းများတဲ့ ကုမ္ပဏီတွေကို ရွေးချယ်ပြီး ရင်းနှီးမြှုပ်နှံဖို့ပါပဲ။ ဝယ်ပြီးသွားရင်တော့ အိပ်ပျော်နေလဲ ကုမ္ပဏီအလုပ်ကောင်းရင် ကိုယ့်အဖို့ Dividend က ၀င်နေမှာပါ။

၃။ Online သင်တန်းတွေ ဖန်တီးပြီး ရောင်းချခြင်း

ကိုယ့်မှာ ကျွမ်းကျင်တဲ့ ဘာသာရပ်တစ်ခုခု ဒါမှမဟုတ် တတ်ကျွမ်းတဲ့ ပညာရပ်တစ်ခုရှိလား? ဒါကို ဗီဒီယိုသင်ခန်းစာတွေ၊ စာတွေ၊ လေ့ကျင့်ခန်းတွေအဖြစ် စုစည်းပြီး Online Platform တွေ (ဥပမာ - Udemy, Skillshare စသဖြင့်) ပေါ်မှာ တင်ပြီး ရောင်းချလို့ရပါတယ်။ သင်တန်းတစ်ခု ဖန်တီးဖို့ အချိန်နဲ့အားထုတ်မှုတော့ လိုအပ်ပေမယ့် တစ်ခါရောင်းချပြီးသွားရင် လူများများဝယ်လေလေ ကိုယ့်အဖို့ အိပ်နေရင်းတောင် ပိုက်ဆံဝင်နေလေလေပါပဲ။

၄။ eBook သို့မဟုတ် စာအုပ်ရေးသားခြင်း (Royalties)

စာရေးရတာ ဝါသနာပါသလား? ကိုယ်သိထားတဲ့အကြောင်းအရာ ဒါမှမဟုတ် ဖန်တီးထားတဲ့ ဇာတ်လမ်းတွေကို eBook အဖြစ် ဒါမှမဟုတ် ပုံနှိပ်စာအုပ်အဖြစ် ရေးသားထုတ်ဝေပြီး ရောင်းချလို့ရပါတယ်။ စာအုပ်ရောင်းရတဲ့အပေါ် မူတည်ပြီး Royaltiy လို့ခေါ်တဲ့ ရောင်းအားခအဖြစ် ပုံမှန်ပြန်ရနေပါမယ်။ စာအုပ်တစ်ခါရေးပြီးသွားရင်တော့ နောက်ပိုင်းရောင်းအားကောင်းနေသရွေ့ ငွေက အလိုလိုဝင်နေပါလိမ့်မယ်။

၅။ Affiliate Marketing လုပ်ခြင်း

ဒါကတော့ တစ်ခြားသူတွေရဲ့ ကုန်ပစ္စည်း ဒါမှမဟုတ် ဝန်ဆောင်မှုတွေကို ကိုယ့်ရဲ့ Website, Blog, Social Media စတာတွေကနေ ကြော်ငြာပေးပြီး လူတွေက ကိုယ့်ရဲ့ Referral Link ကနေတစ်ဆင့် ၀ယ်ယူသွားခဲ့ရင် ရောင်းအားရဲ့ တစ်စိတ်တစ်ပိုင်းကို ရရှိတဲ့စနစ်ပါ။ ကနဦးမှာ ကိုယ့်ရဲ့ Audience (ပရိသတ်) တည်ဆောက်ဖို့ အချိန်ယူရပေမယ့် ကိုယ့်ရဲ့ Content တွေက လူစိတ်ဝင်စားမှုရနေသရွေ့ လူတွေဝယ်နေရင် ကိုယ့်အဖို့ Commission က ၀င်နေမှာ ဖြစ်ပါတယ်။

၆။ Website သို့မဟုတ် Blog တစ်ခု တည်ဆောက်ပြီး ကြော်ငြာထည့်ခြင်း

ကိုယ့်ရဲ့ ဝါသနာပါရာ ဒါမှမဟုတ် ကျွမ်းကျင်ရာ အကြောင်းအရာတွေနဲ့ပတ်သက်ပြီး Website ဒါမှမဟုတ် Blog တစ်ခု တည်ဆောက်ပြီး ပုံမှန် စာတွေ၊ ဆောင်းပါးတွေ တင်လို့ရပါတယ်။ လူဖတ်များလာပြီး Traffic များလာပြီဆိုရင် Google AdSense လိုမျိုး ကြော်ငြာဝန်ဆောင်မှုတွေကနေ ကိုယ့် Website/Blog မှာ ကြော်ငြာထည့်သွင်းခွင့်ရပါမယ်။ လူတွေက ကိုယ့် Site ကို လာကြည့်ပြီး ကြော်ငြာတွေကို မြင်တာနဲ့ Click လုပ်တာနဲ့အမျှ ကိုယ့်အဖို့ ၀င်ငွေရနေမှာပါ။ ကိုယ် အိပ်ပျော်နေတဲ့အချိန်မှာတောင် တစ်ကမ္ဘာလုံးက လူတွေ ကိုယ့် Site ကို လာကြည့်နေနိုင်တာပေါ့။



၇။ Peer-to-Peer (P2P) Lending ပြုလုပ်ခြင်း

ဒါကတော့ Online Platform တွေကနေတစ်ဆင့် တစ်ခြားလူပုဂ္ဂိုလ်တွေ ဒါမှမဟုတ် လုပ်ငန်းငယ်တွေကို ကိုယ်က ငွေချေးပေးပြီး အတိုးရယူတာမျိုးပါ။ ဘဏ်တွေကနေ ငွေချေးတာထက် နှစ်ဦးနှစ်ဖက် အတိုးနှုန်းပိုကောင်းနိုင်ပါတယ်။ ဒါပေမယ့် ငွေမပြန်ရနိုင်တဲ့ Risk (အန္တရာယ်) လည်း ရှိနိုင်ပါတယ်။ စနစ်တကျလေ့လာပြီး နည်းနည်းချင်းစီ ရင်းနှီးမြှုပ်နှံမယ်ဆိုရင် Passive Income ကောင်းကောင်းတစ်ခု ဖြစ်နိုင်ပါတယ်။

၈။ Digital Products များ ဖန်တီး ရောင်းချခြင်း

Software Program သေးသေးလေးတွေ၊ Mobile App တွေ၊ Graphic Design Template တွေ၊ Stock Photos, Music, Video Footage တွေလိုမျိုး Digital Product တွေကို တစ်ခါဖန်တီးပြီး Online Store တွေ (ဥပမာ - Etsy, Creative Market, App Stores) ပေါ်မှာ တင်ပြီး အကြိမ်ကြိမ် ရောင်းချလို့ရပါတယ်။ တစ်ခါလုပ်ထားရုံနဲ့ လူဝယ်သူရှိနေသရွေ့ ၀င်ငွေရနေမယ့် Passive Income နည်းလမ်းကောင်းတစ်ခုပါ။

၉။ Mobile App တစ်ခု တည်ဆောက်ခြင်း

လူသုံးများမယ့် Mobile App တစ်ခုကို ဖန်တီးပြီး App Store (Apple App Store, Google Play Store) တွေမှာ တင်ထားလို့ရပါတယ်။ App ထဲမှာ ကြော်ငြာထည့်တာ ဒါမှမဟုတ် App ရဲ့ Premium Feature တွေကို ငွေနဲ့ရောင်းတာမျိုး လုပ်နိုင်ပါတယ်။ App တစ်ခါရေးဖို့နဲ့ [removed] လုပ်ဖို့ အချိန်ယူရပေမယ့် လူသုံးများလာရင် Passive Income အကြီးကြီး ဖြစ်လာနိုင်ပါတယ်။

၁၀။ ကိုယ်ပိုင် ပိုင်ဆိုင်မှု (Assets) ကို လိုင်စင်ဖြင့် ငှားရမ်းခြင်း

ဒါကတော့ ကိုယ်ပိုင်ဖန်တီးထားတဲ့ ဓာတ်ပုံတွေ၊ သီချင်းတွေ၊ ဗီဒီယိုတွေလိုမျိုး Creative Assets တွေကို လိုအပ်တဲ့သူတွေကို အသုံးပြုခွင့် (License) ပြန်ရောင်းချတာမျိုးပါ။ ဥပမာ ကိုယ်ရိုက်ထားတဲ့ ဓာတ်ပုံလှလှလေးတွေကို Stock Photo Site တွေမှာ တင်ထားပြီး တစ်ခြားလူတွေက သူ့တို့အလုပ်အတွက် အသုံးပြုဖို့ ဝယ်ယူရင် ကိုယ့်အဖို့ ၀င်ငွေရတာမျိုးပေါ့။ တစ်ခါဖန်တီးထားရုံနဲ့ အခါများစွာ ပြန်ရောင်းပြီး ၀င်ငွေရှာနိုင်ပါတယ်။

ကဲ... ဒီတော့ အိပ်နေရင်းတောင် ငွေဝင်စေမယ့် နည်းလမ်း ၁၀ ခုကို သိသွားပြီနော်။ ဒီနည်းလမ်းတွေက အစပိုင်းမှာ အချိန်၊ ငွေကြေး၊ ဒါမှမဟုတ် ကိုယ်အားထုတ်မှုတစ်ခုခုတော့ စိုက်ထုတ်ဖို့လိုပါတယ်။ ဒါပေမယ့် တစ်ခါအခြေခိုင်သွားပြီဆိုရင်တော့ ရေရှည်အတွက် တကယ့်ကို အိပ်နေလဲ ငွေဝင်နေမယ့် Passive Income တွေ ဖြစ်လာမှာ သေချာပါတယ်။ 

Credit By : MTZ Company Registration Consultancy