ကမ္ဘာ့သတင်းမီဒီယာများနှင့် ကျန်းမာရေးအဖွဲ့အစည်းများ၏ ထုတ်ပြန်ချက်များအရ ထိုင်း၊ စင်ကာပူ၊ တရုတ်၊ ဟောင်ကောင်၊ ဥရောပနှင့် မြောက်အမေရိကတို့တွင် COVID ဖြစ်ပွားမှုနှုန်းများ ပြန်လည်တက်လာနေကြောင်း သိရပါတယ်။ COVID-19 မျိုးကွဲသစ်သည် ကူးစက်နှုန်းမြန်တာကြောင့် သတိထားကာကွယ်ဖို့ လိုအပ်ပါတယ်။

မြန်မာနိုင်ငံတွင် ကိုဗစ်-၁၉ ရောဂါအတည်ပြုလူနာသစ်(၁၇) ဦး ထပ်မံတွေ့ရှိခဲ့ကြောင်း ကျန်းမာရေးဝန်ကြီးဌာန၊ ပြည်သူ့ကျန်းမာရေးဦးစီးဌာန၊ မြန်မာနိုင်ငံရောဂါကာကွယ်ထိန်းချုပ်ရေးဗဟိုဌာန (Myanmar CDC) ၏ ဇွန် ၂ ရက်၊ ည ၈ နာရီ ထုတ်ပြန်ထားပါတယ်။

သင်ကိုယ်တိုင်နှင့်အခြားသူများကို COVID-19 ကပ်ရောဂါမှ ကာကွယ်နိုင်ရန်အတွက် World Health Organization Myanmar မှ အောက်ပါအချက်များကို အမြဲလိုက်နာလုပ်ဆောင်ရန် အကြံပြုထားပါတယ်။

ရှောင်ကြဉ်ရမည့် နေရာ ၃ နေရာ

1- လူထူထပ်သောနေရာများ အနီးအနားတွင် လူများစွာရှိသည့် နေရာများ
2- လူအများ နီးကပ်စွာရှိသော အခြေအနေများ အထူးသဖြင့် အနီးကပ် စကားဝိုင်းဖြင့် ပြောဆိုသောနေရာများ
3- လေဝင်လေထွက် မကောင်းသော ကန့်သတ်နေရာများနှင့် အလုံပိတ် ထားသောနေရာများ

လိုက်နာဆောင်ရွက်ရမည့် အချက် ၃ ချက်

1- ပါးစပ်နှင့်နှာခေါင်းစည်းကို အမြဲတပ်ဆင်ပါ။
2- တစ်ဦးနှင့်တစ်ဦး ခပ်ခွာခွာနေပါ။    
3- လက်ကို သေချာစွာ ဆေးကြောပါ။

ကိုဗစ် – ၁၉ နှင့် တုပ်ကွေး ဗိုင်းရပ်စ်နှစ်မျိုးလုံးတွင် တွေ့လေ့ရှိသော တူညီသည့်လက္ခဏာများ

- ဖျားခြင်း
- ချောင်းဆိုးခြင်း
- ပင်ပန်းနွမ်းနယ်ခြင်း
- နှာရည်ယိုခြင်း
- လည်ချောင်းနာခြင်း
- ခေါင်းကိုက်ခြင်း
- အရိုးဆစ်နှင့် ကြွက်သားနာကျင်ခြင်း

အဖြစ်နည်းသော်လည်း ကိုဗစ် - ၁၉ လူနာအချို့တွင် တွေ့ရလေ့ရှိသော အခြားရောဂါလက္ခဏာများ

- ရုတ်တရက် အနံ့ပျောက်ခြင်း၊ အရသာပျောက်ခြင်း
- နှာခေါင်းပိတ်ခြင်း
- မျက်သားအဖြူမှာ နိလာခြင်း
- အရေပြားနီမြန်းခြင်း
- အော့အန်ခြင်း
- ဝမ်းပျက်ခြင်း
- ချမ်းတုန်ခြင်း (သို့မဟုတ်) မူးဝေခြင်း

ပြင်းထန်သော ကိုဗင်- ၁၉ ရောဂါလက္ခဏာများ

- အသက်ရှူရ ခက်ခဲခြင်း
- စိတ်ပိုင်းဆိုင်ရာ ပြောင်းလဲမှု ဖြစ်ခြင်း၊ စိတ်ရှုပ်ထွေးခြင်း
- အဆက်မပြတ် ရင်ဘတ် အောင့်ခြင်း
- အဖျား အလွန်ကြီးခြင်း (၃၈ ဒီဂရီ စင်တီဂရိတ်နှင့် အထက်ရှိခြင်း)

ကိုဗစ်-၁၉ လူနာများတွင် အဖြစ်နည်းသော်လည်း ကြုံတွေ့ရလေ့ရှိသော စိတ်ပိုင်းဆိုင်ရာ၊ ဦးနှောက်နှင့် အာရုံကြောဆိုင်ရာ လက္ခဏာများ

- စိတ်တိုခြင်း
- စိတ်ရှုပ်ထွေးခြင်း
- သတိလစ်ခြင်း၊ တခါတရံတက်ခြင်း
- စိတ်ဓာတ်ကျခြင်း
- အိပ်မပျော်ခြင်း
- စိတ်သောကများခြင်း လေဖြတ်ခြင်း ဦးနှောက်ရောင်ရမ်းခြင်းကဲ့သို့သော ရှားပါး၍ ပိုမိုပြင်းထန်သော အာရုံကြောဆိုင်ရာ နောက်ဆက်တွဲ ဆိုးကျိုးများရှိနိုင်ပါတယ်။

ကိုဗစ် - ၁၉ နှင့် တုပ်ကွေးရောဂါဖြစ်ပွားမှု အခြေအနေများ

ကိုဗစ်-၁၉ နှင့် တုပ်ကွေးနှစ်မျိုးလုံးတွင် မတူညီသော ရောဂါဖြစ်ပွားမှုအဆင့်များ ရှိနိုင်သည်။
အချို့သောသူများတွင် ရောဂါလက္ခဏာမရှိပဲ၊ အချို့မှာ အပျော့စား လက္ခဏာများ (သို့မဟုတ်) ပြင်းထန်သော ရောဂါလက္ခဏာများ ခံစားရနိုင်သည်။
ကိုဗစ်- ၁၉ နှင့် တုပ်ကွေး ရောဂါနှစ်မျိုးစလုံးသည် အသက်သေဆုံးသည်အထိ ဖြစ်နိုင်သည်။

COVID-19 ကူးစက်မှုမှ ကာကွယ်ရန်အတွက် မျက်နှာဖုံးတပ်ဆင်ခြင်း၊ လက်သေချာစွာဆေးခြင်း၊ လူစုလူဝေးများမှ ရှောင်ကြဉ်ခြင်းနှင့် ကာကွယ်ဆေးထိုးခြင်းစတဲ့ အချက်များကို လိုက်နာရန် အရေးကြီးပါသည်။

Ref : World Health Organization Myanmar