သင့်အိမ်ထဲက အင်းဆက်တွေကို သုတ်သင်ဖို့အတွက် အကောင်းဆုံးနည်းလမ်း (၁၀) ချက်

Updated 10th Jun 2018

Written by

Lifestyle Myanmar, Shweproperty

ကျန်းမာရေးကို ထိခိုက်စေတဲ့ ဓါတုပစ္စည်းတွေ၊ ပိုးသတ်ဆေးကို မသုံးစွဲချင်ပဲ သဘာဝနည်းလမ်းအတိုင်း အင်းဆက်ပိုးမွှားတွေကို သုတ်သင်နိုင်မယ့် နည်းလမ်းကောင်းလေးတွေ ရှိပါတယ်။ ဓါတုပစ္စည်းတွေဟာ သင်နဲ့ သင့်မိသားစုအတွက် မကောင်းတဲ့အကျိုးဆက်တွေဖြစ်စေနိုင်တာကြောင့် လွယ်လွယ်ကူကူနဲ့ ယခုနည်းလမ်းအတိုင်း ပြုလုပ်ဖို့ အကြံပေးလိုက်ပါတယ်။

၁။ ပိုးဟပ်များ

ပိုးဟပ်တွေဟာ အစာနဲ့ရေအတွက် သင့်အိမ်မှာခိုအောင်းနေပြီး အိမ်ရှင်မတွေကို ကောင်းကောင်းဒုက္ခပေးသူတွေပါ။ ဒါကြောင့် သူတို့ကိုသင်ဘယ်တော့မှမမြင်ရဖို့ သူတို့အတွက်အစာကို မထားခြင်းဖြင့် သင့်အတွက်အခွင့်အရေး ရှိပါတယ်။ တကယ်လို့ ဒီနည်းနဲ့ပြဿနာကို မဖြေရှင်းနိုင်ခဲ့ရင် ထောင်ချောက်ပြုလုပ်ပါ။ ပထမဆုံး ပလပ်စတစ်ရေဘူးအခွံတစ်ခုကို ယူပြီး အပေါ်ပိုင်းကိုဖြတ်ပါ။ ပြီးလျှင် ပုံထဲကအတိုင်း ကတော့ပုံစံဖြစ်အောင် ပြောင်းပြန်အောက်စိုက်ထားပေးပြီး အနားတွေကို လေလုံအောင်တိတ်နဲ့ပတ်ထားပါ။ ပြီးလျှင်အတွင်းဖက်မှရေအနည်းငယ်ထည့်ထားပေးပြီး ပိုးဟပ်အတွေ့အများဆုံးနေရာမှာထားပေးပါ။ သူတို့ရေသောက်ဖို့ဆင်းလာပြီး ပြန်တက်ဖို့မဖြစ်နိုင်တဲ့အတွက် တစ်ကောင်းချင်းသုတ်သင်နိုင်မယ့် သဘာဝနည်းလမ်းဖြစ်ပါတယ်။ သူတို့ရဲ့အသိုက်ကိုတော့ သက်ရောက်မှုမရှိနိုင်ပါဘူး။

၂။ သစ်သီးယင်

အစားအစာတွေနဲ့ သစ်သီးတွေမှာအများဆုံးနားတတ်တဲ့ မှဲ့လိုသေးသေးမွှားမွှား ယင်လေးတွေကြောင့် အရမ်းကိုစိတ်ညစ်ရပါလိမ့်မယ်။ သူတို့တွေကို သုတ်သင်နိုင်ဖို့အတွက် ဖန်ခွက်ခရားတစ်ခုထဲက apple cider vinegar တဝက်လောက် လောင်းထည့်ပြီး သစ်သီးအမှည့်ကိုအနည်းငယ်လှီးဖြတ်ပြီး ကတော့ပုံလိပ်ပြီး ခွက်ထဲထည့်ထားတဲ့စက္ကူပေါ်မှာ ထားပေးပါ။ ပြီးလျှင်တစ်ညလောက်ထားခြင်းဖြင့် မနက်ခင်းမှာ သစ်သီးယင်တွေ ဖန်ခွက်ထဲမှာ အများကြီးသေနေတာကို မြင်ရပါလိမ့်မယ်။

၃။ ခြင်

essential oil ဟာခြင်တွေကို တွန်လှန်နိုင်တဲ့ ပစ္စည်းအဖြစ် လူသိများပါတယ်။ ဒါကြောင့် essential oil ပါဝင်တဲ့ ဖယောင်းတိုင်ကို အသုံးပြုခြင်း သို့မဟုတ် ဖယောင်းတိုင်ကိုယ်တိုင်ပြုလုပ်ပြီး အသုံးပြုနိုင်ပါတယ်။ အခြားနည်းလမ်းတစ်ခုကတော့ အုန်ဆီကို အရည်ပျော်စေပြီး essential oil နည်းနည်းနဲ့ရောစပ်ပြီး အရေပြားပေါ်မှာ သုတ်လိမ်းပါ။ essential oil ကိုမရောစပ်ပဲ သူ့ချည်းသက်သက်အရေပြားပေါ်ကို မသုတ်လိမ်းမိပါစေနဲ့။

၄။ ယင်ကောင်

ယင်ကောင်တွေဟာ လာဗင်ဒါအနံ့ကို မုန်းတီးကြပါတယ်။ ဒါကြောင့် လာဗင်ဒါပင်စိုက်ခြင်း lavender essential oil ကို အသုံးပြုခြင်းဖြင့် ယင်ကောင်တွေကိုမောင်းထုတ်နိုင်ပါတယ်။ လာဗင်ဒါ essential oil ကိုအိမ်ရဲ့နေရာအနှံ့မှာထားခြင်း သို့မဟုတ် စပရေးပုလင်းထဲမှာ ရေထည့်ပြီး အစက်သုံးဆယ်လောက် ရောစပ်ပြီးလည်း အသုံးပြုနိုင်ပါတယ်။

၅။ ပုရွက်ဆိတ်များ

ဆပ်ပြာရည်၊ အရက်ပျံတစ်ဇွန်းကို ရေတစ်ခွက်နဲ့ရောစပ်ပြီး စပရေးပုလင်းထဲမှာ ထည့်ပါ။ အသုံးပြုခါနီး လှုပ်ခါပြီး ပုရွက်ဆိတ်ရှိတဲ့နေရာတွေမှာ ဖြန်းပေးပါ။ ပုရွက်ဆိတ်ရန်က ကင်းဝေးပါလိမ့်မယ်။

၆။ နကျယ်ကောင်

နကျယ်ကောင်တွေဟာ သင့်အိမ်ရဲ့သစ်သားတွေနဲ့ နေရာတော်တော်များများမှာ အသိုက်ဆောက်နေတတ်ကြပြီး မကြာခဏမြင်ရလေ့ရှိတဲ့ ပိုးကောင်တွေဖြစ်ပါတယ်။ သူတို့ကိုမောင်းထုတ်ဖို့အတွက် သိပ်မခက်ပါဘူး။ စပရေးပုလင်းထဲမှာ ဆပ်ပြာရည်ကိုရေနဲ့ရောစပ်ပြီး သူတို့ရဲ့အိမ်တွေကို ဖြန်းပေးပါ။ ယခုလိုနည်းလမ်းဟာ နကျယ်ကောင်တွေကို ချက်ချင်းသေစေကြောင်း ကျွမ်းကျင်သူတွေက ပြောကြပါတယ်။

၇။ ပင့်ကူ

ပင့်ကူတွေဟာ လ္ဘက်ဆီရဲ့အနံ့ကိုကြောက်ကြတာကြောင့် ရေနဲ့ ရှာလကာရည်ကို တဝက်စီရောပြီး လက်ဖက်ဆီ essential oil ကို အနည်းငယ်ရောစပ်ပါ။ ပြီးလျှင်စပရေးပုလင်းနဲ့ သင့်အိမ်ရဲ့ ၈ိုဒေါင်တွေ မျက်နှာကျက်တွေနဲ့ အဝတ်ဗီဒိုထဲမှာပါ ဖြန်းထားပေးပါ။ ပင့်ကူတွေရန်က ကင်းဝေးပါလိမ့်မယ်။

၈။ ဂျပိုး

ဂျပိုးဟာလည်း လူသားတွေနဲ့ရန်ဖက်ဖြစ်တဲ့ သတ္တဝါတွေတည်းက တမျိုးပါ။ သူတို့ကိုနှိမ်နင်းဖို့အတွက် ယူကလစ် essential oil ကို ရေထဲ၁၀ စက်လောက်ရောစပ်ပြီး စပရေးထဲထည့်ထားပါ။ပြီးလျှင် အိပ်ရာအပေါ်အောက် ပက်ဖြန်းထားပေးပါ။ တကယ်လို့ သင်ခရီးထွက်တဲ့အခါ ယူသွားလျှင်လည်း တည်းခိုခန်းအိပ်ရာမှာ ဖြန်းခြင်းဖြင့် ဂျပိုးကူးစက်ခြင်း အန္တရာယ်ကိုပါ ကာကွယ်နိုင်ပါတယ်။

၉။ ပိုးနံကောင်

အရမ်းကို အနံ့ဆိုးတဲ့ ပိုးကောင်တွေကို မောင်းထုတ်ဖို့အတွက် ရေနှစ်ခွက်ထဲကို ကြက်သွန်ဖြူအမှုန့် လေးဇွန်းရောစပ်ပြီး သင့်အိမ်ရဲ့ပြတင်းပေါက်တွေနဲ့ နေရာအနှံမှာဖြန်းထားပေးပါ။ အဆိုပါနည်းလမ်းကထိရောက်စေပါတယ်။

Ref & Photo Credit : Lifestyle Myanmar

Posted By : Ra Wai (ShweProperty.com)

Recommended

Get daily fresh news delivered to your inbox

By subscibing you agree to our privacy policy