Property Titles
    ထပ်မံရှာဖွေရန်
    Property Titles
      Renovate & Furnish

      Freelance လုပ်ကိုင်သူတွေ အိမ်တွင်းရုံးခန်းတစ်ခု ဘယ်လို ဖန်တီးမလဲ

      Updated 28th May 2020

      Written by

      Ra Wai, Shweproperty

      ဒီလိုကာလမှာ Freelancers အတွက် အိမ်တွင်းမှာပဲ သက်တောင့်သက်သာရှိပြီး ကျန်းမာရေးနဲ့ ညီညွတ်တဲ့ ရုံးခန်းတစ်ခန်းတစ်ခုရှိဖို့ လိုပါတယ်။

       

      ကိုယ့်အိမ်မှာ ကိုယ့်ရဲ့ရုံးခန်းကို ဘယ်လိုဖန်တီးမလဲဆိုတာကို အကြံပြုပေးလိုက်ပါတယ်။

       

      (၁) သဘာဝအလင်းရောင်

      အလင်းရောင် ကောင်းစွာ ရရှိခြင်းက ရုံးခန်းတစ်ခန်းအတွက် အလိုအပ်ဆုံးအရာထဲက တစ်ခုပါ။သင်က ဒီရုံးခန်းနေရာမှာပဲ အချိန်များများဖြုန်းဖို့ ဆုံးဖြတ်ထားတယ် ဆိုရင်တော့ ကောင်းကင်က တိုက်ရိုက်လာတဲ့ သဘာဝအလင်းရောင်ကို ရရှိနိုင်မယ့် နေရာဖြစ်ဖို့ အရေးကြီးပါတယ်။ ဘာကြောင့်လဲဆိုတော့ သဘာဝ အလင်းရောင်က လူ့အရေပြားကို ထိတွေ့တဲ့အခါ Vitamin D3 ဓာတ်ကို ရရှိနိုင်တာကြောင့်ပါ။ဒါ့အပြင် လျှပ်စစ်မီတာခကို ချွေတာရာလည်း ရောက်ပါတဲ့အပြင် သင့်ရဲ့ ဖန်တီးနိုင်စွမ်းကို တိုးတက်စေနိုင်ပါတယ်။

       

      (၂) ပရိဘောဂတွေ

      ဥပမာ- သစ်သားစားပွဲ၊ထိုင်ခုံ၊ Recycled ပစ္စည်းတွေကို အသုံးပြုထားတဲ့ ပရိဘောဂတွေကို အသုံးပြုပေးဖို့ တိုက်တွန်းပါရစေ။ပရိဘောဂတွေကိုလည်း မျက်စိမရှုပ်စေမယ့် ဒီဇိုင်းမျိုးကို အသုံးပြုပါ။စာရွက်စာတမ်းတွေ ထားရှိဖို့ နံရံကပ် cabinets ဒါမှမဟုတ် Home made နံရံကပ်စင်လေးတွေ ပြုလုပ်ပြီးတော့လည်း အသုံးပြုနိုင်ပါတယ်။

       

      (၃) အပင်စိုက်ပါ။

       

      အပြင်လောကရဲ့ လတ်ဆတ် အေးချမ်းမှုကို ခံစားနိုင်ဖို့ဆိုရင် မိမိရုံးခန်းထဲမှာ အပင်လေးတွေ စိုက်ပျိုးပေးဖို့ လိုအပ်ပါတယ်။အကယ်၍ သင့်ရုံးခန်းနေရာက ကျဉ်းပြီး လေဝင်လေထွက် မကောင်းဘူးဆိုရင်တောင် အပင်တွေ စိုက်ပျိုးထားမယ်ဆိုရင် အခန်းတွင်း လေလည်ပတ်မှု ကောင်းမွန်စေမှာပါ။ဒါ့အပြင် စိတ်ဖိစီးမှုတွေကို လျော့ချပေးနိုင်ပြီး ဆိတ်ငြိမ်တဲ့ ရုံးခန်းတစ်ခုကို အိမ်မှာပဲ ဖန်တီးနိုင်မှာပါ။

      အိမ်မှာ ကိုယ်ပိုင် ရုံးခန်း တည်ဆောက်တဲ့အခါ အထက်ဖော်ပြပါ အချက်တွေက သင့်ကို အကူအညီ ပေးနိုင်မှာပါ။အိမ်မှာ အလုပ်လုပ်ခြင်းက စိတ်ဖိစီးမှု လျော့နည်းစေရုံ သာမက  ရုံးသွား၊ရုံးပြန် အချိန်အတွက် အချိန်ကုန် သက်သာစေပြီး အလုပ်ကို အာရုံစိုက်ပြီး လုပ်နိုင်ခြင်း စတဲ့ အကျိုးကျေးဇူးတွေ ရရှိပါတယ်။

       

      Written By: Shwe Kyaw (ShweProperty.com)

      Posted By: Ra Wai (ShweProperty.com)

      Get daily fresh news delivered to your inbox

      By subscibing you agree to our privacy policy


      ဝယ်ရန်

      ငှားရန်

      စီမံကိန်း အသစ်များ