Property Titles
    ထပ်မံရှာဖွေရန်
    Property Titles
      Renovate & Furnish

      ကြက်ဥများကို ရေခဲသေတ္တာထဲမှာ ဘယ်လိုမှန်မှန်ကန်ကန်သိမ်းဆည်းမလဲ

      Updated 26th May 2017

      Written by

      Shwe Mom, Shweproperty

       

      အစားအသောက်ဆိုင်ရာ လေ့လာသူတွေက ကြက်ဥကို ရေခဲသေတ္တာထဲမှာ နည်းစနစ်မှန်မှန်ကန်ကန်နဲ့ သိမ်းဆည်းသင့်ကြောင်းပြော ဆိုခဲ့ပြီး ကြက်ဥများကို ရေခဲသေတ္တာ တံခါးနားမှာ မသိမ်းထားသင့်ဘဲ ရေခဲသေတ္တာအလယ်ထပ်မှာသာ ကြက်ဥကဒ်နဲ့ စနစ်တကျ သိမ်းသင့်ကြောင့်ဆိုခဲ့ပါတယ်။



      ဘာကြောင့်လဲဆိုတော့ ရေခဲသေတ္တာ တံခါးနားမှာ ကြက်ဥကိုသိမ်းထားတဲ့အခါ ရေခဲသေတ္တာကိုဖွင့်လိုက်တိုင်း ကြက်ဥရဲ့ အပူချိန်က ခဏခဏပြောင်းလဲနေတဲ့အတွက် အဆိပ်အတောက်ဖြစ်စေနိုင်လို့ဖြစ်တယ် လို့ဆိုခဲ့ပါတယ်။



      အင်္ဂလန်နိုင်ငံ Good Housekeeping မဂ္ဂဇင်းအရ ကြက်ဥများကို အပူချိန်ပြောင်းလဲခြင်းနဲ့ အဆိပ်အတောက်မဖြစ်စေရန်အတွက် ကြက်ဥ များကို ရေခဲသေတ္တာတံခါးမှာမသိမ်းထားသင့်ကြောင်းပြောဆိုခဲ့ပြီး Good Housekeeping မဂ္ဂဇင်းအယ်ဒီတာ ဖြစ်သူကတော့ ” ရေခဲသေ တ္တာတံခါးမှာပဲ ကြက်ဥများကို သိမ်းထားမယ်ဆိုရင် အပူချိန် ခဏခဏ ပြောင်းလဲမှု ကြောင့် ကြက်ဥကို ရောဂါပိုးမွှားများ ကူးစက်စေနိုင် ပါတယ်။ဒါကြောင့် ကြက်ဥများကို အပူချိန် တသမတ်ထဲမှာပဲရှိတဲ့ ရေခဲသေတ္တာအလယ်ထပ်မှာပဲ သိမ်းဆည်းထားဖို့ တိုက်တွန်းချင် ပါတယ်။ ” လို့ပြောဆိုခဲ့ပါတယ်။



      ဗြိတိန် ကြက်ဥ ဆိုင်ရာသတင်းအချက်အလက်အဖွဲ့ကြီးကတော့ ကြက်ဥများကို အပူချိန်တသမတ်တည်းရှိပြီး အပူချိန် ၂၀ C (၆၈ F )အောက် မှာသာ သိမ်းဆည်းသင့်ပြီး ကြက်ဥဟာ အနံ့များကိုစုပ်ယူနိုင်တဲ့အတွက် အနံ့ပြင်းတဲ့ အရာတွေနား မထားကြဖို့ ပြောဆိုခဲ့ ပါတယ်။ဗြိတိန် ကြက်ဥ ဆိုင်ရာသတင်းအချက်အလက်အဖွဲ့ကတော့ ” ကြက်ဥများကို အရမ်းပူတဲ့နေရာကနေ အရမ်းအေးတဲ့ နေရာကို ရုတ်တရတ် မပြောင်းသင့်ပါဘူး။” လို့ပြောဆိုခဲ့ပါတယ်။



      ဘရစ်စ္စတိုလ်တက္ကသိုလ် မှ  တိရစ္ဆာန်ဆေးကုသရေးဆိုင်ရာဌာနမှ ကျွမ်းကျင်သူနှစ်ယောက်ကတော့  အစာအဆိပ်ဖြစ်ပွားခြင်းကို ကာကွယ်ရန် ကြက်ဥများကိုအပူချိန် တသမတ်တည်းရှိတဲ့ နေရာမှာပဲ ထားရှိသင့်ကြောင်းပြောဆိုခဲ့ပါတယ်။ဒါ့အပြင် ရေခဲသေတ္တာထဲမှာ သိမ်းထားတဲ့ ကြက်ဥကို မချက်ပြုတ်ခင် ၁ နာရီလောက် အကြာမှာ အပြင်ထုတ်ထားသင့်ကြောင်းပြောဆိုခဲ့ပါတယ်။

       

      Ref : Shwe Mom

      Photo Credit : Sia Magazine

      Posted By : Wai Phyoe

      Get daily fresh news delivered to your inbox

      By subscibing you agree to our privacy policy


      ဝယ်ရန်

      ငှားရန်

      စီမံကိန်း အသစ်များ